1
Amcum d uḥeqqi.
1 Amarezg n wemdan ur nteddu ara s uweṣṣi n yemcumen, ur nḥebbes ara deg webrid n imednuben, ur nettɣimi ara d wid itmeṣxiren, 2 Lameɛna yettaf lferḥ-is deg uselmed n Umeɣlal, iḍ d wass ittmeyyiz ṭawrat-is. 3 Icuba ttejra yeẓẓan ɣef yiri n terga, i d-yettaken lfakya di lweqt-is, iferrawen-is ur ttɣaren ara: Ayen akk ixeddem yerbeḥ. 4 Mačči akka i yella lḥal d imcumen: cuban alim yettawi waḍu. 5 Daymi imcumen ur teṭṭfen ara ass n usizref, la imednuben di tejmaɛt n wuɣdimen. 6 Axaṭer Ameɣlal yessen* abrid n iḥeqqiyen, ma d abrid n yemcumen yessufuɣ ɣer nnger.
2
Agellid yextar Yillu.
1 Acuɣer i nhewwalen leǧnas ? i sgermuden yegduden baṭel? 2 I d-kkren igelliden n ddunit, I msefhamen s tdukli igeldunen, mgal Ameɣlal d lmasiḥ-ines*, 3 Qqaren: " Yya-w ad nerreẓ leqyud-nsen, ad nḍegger akkin fellaɣ snasel-nsen! " 4 Ittaḍsa, Win yellan deg igenwan, Sidi Rebbi yesmeɛlik fellasen. 5 Ihedder-asen-d s zzɛef, deg urrif-is yesserhab-iten: 6 D nekk i yesbedden agellid-iw ɣef Siyun*, adrar-iw iqedsen. 7 Ad berrḥeɣ s usaḍuf n Umeɣlal; Yenna-yi-d: kečč d mmi ! D nekk i k-id-ifkan ass-agi. 8 Suter-iyi-d, ad k-fkeɣ leǧnas d lwert, d yixfawen n ddunit d ayla-k. 9 Ad ten-tesdegdgeḍ (nte: Di kra n yeḍrisen iqdimen ad naf: "Ad ten-tekseḍ...") s uɛekkaz n wuzzal, a ten-tesneɣdeḍ am ubuqal n talaxt. 10 Tura, ay igelliden, sɛut ameyyez! lemdet, ay inezzurfa n ddunit! 11 Ɛebdet Ameɣlal s tugdi, ilit di lferḥ, s wergagi. 12 Sellmet ɣef mmi-s, neɣ mulac ad yerfu, dɣa ad tnegrem deg webrid-nwen, axaṭer deg yiwet n teswiɛt yezmer ad d-yekker wurrif-is. Amarezg n wid akk yeddurin ɣer ɣures.
3
Leslak yettas-ed sɣur Rebbi.
1Ahellil i gura Dawed asmi yerwel ɣef tnekkra n mmi-s Absalum mgal-is. 2 Ay ameɣlal, acḥal gten yeɛdawen-iw ! D izumal i d-yekkren mgal-iw ! 3 Acḥal n wid iheddṛen fell-i qqaren : ur s-d-igri leslak ɣer Yillu ! 4 Lameɛna kečč ay Ameɣlal ţ-ţaseddarit-iw, d ccan-iw, d kečč i greffden aqerru-yiw. 5 ɣer Umeɣlal greɣ tiɣri-w, seg udrar-is iqedsen yerra-d i ṣṣut-iw. 6 Gganeɣ di talwit, ţţakiɣ-ed di lehna imi d Ameɣlal i geţɛassan fell-i. 7 D igimen n yemdanen i d-yekkren mgal-iw, tuggdi ur tekcim ul-iw. 8 Rfed afus-ik ay Ameɣlal, sellek-iyi ay Illu-yiw ! Ewwet iɛdawen-iw s ibeqqayen, rreẓ uglan n yemcumen. 9 Ɣur-ek kan ay Ameɣlal i gella leslak, sers-ed ɣef wegdud-ik lbaṛaka-k !
4
Lettkal di Sidi Rebbi.
1Ahellil n Dawed, icennun s walalen n lexyuḍ, sɣur aselmad n icennayen. 2 M'ara nedheɣ s yisem-ik ay Illu-yiw, a bab n lḥeq err-ed i tiɣri-w. si ddiq sellek-iyi, ɣer liser sufeɣ-iyi, ḥun-ed fell-i tḥesseḍ-ed i tẓallit-iw. 3 Ar melmi a tarwa n yemdanen di ccan-iw aţ-ţesseɣlayem, d wayen ur nesɛi azal teţḥemmilem, di lekdubat aţ-ţeṭṭafaṛem. 4 Ḥṣut dakken Ameɣlal iḥrez win i-t-iḍuɛen, isell-ed m'ara s-greɣ tiɣri. 5 Aggadet Ṛebbi ɣurwat aţ-ţdenbem, deg usu susmet tmeyyzem uqbel a kun-yawi naddam. 6 Qeddmet iseflawen n lḥeq, teţţeklem ɣef Umeɣlal. 7 Gten wid iqqaren : anw'ara ɣ-d-yawin ṛṛeḥma ? feǧǧeǧ-ed fell-aɣ tafat n wudem-ik ay Ameɣlal. 8 Teččureḍ ul-iw d lfeṛḥ, kteṛ n wakken ččuṛen ikufan-nsen lawan n tmegra, akk-d wakken ččuṛent tsebbalin-nsen d aman n tẓurin. 9Akken kan ara ḍelqeɣ, yeţţawi-yi yiḍes di talwit, axaṭer ɣur-ek kan i ţţaffeɣ leţkal ay Ameɣlal.
5
Seddu-yi deg ubrid-ik.
1Ahellil n Sidna Dawed, i cennun s ijewwaqen, sɣur aselmad n icennayen. 2 Ay Ameɣlal, ḥess-ed i yimeslayen-iw; sel-ed i unazeɛ-inu. 3 Ay agellid-iw, ɣur-ek i n-deɛɛuɣ, ay Illu-yiw, egr-ed tamawt i isuɣa-yiw. 4 Ay Ameɣlal ! akken kan ara yali wass ţheggiɣ-ed iman-iw, tselleḍ-ed i taɣect-iw, zdat-ek ţṛajuɣ. 5 Axaṭer ur telliḍ ara d Illu iḥemmlen cceṛ ; Amcum ur yesɛi ara amkan ɣur-ek. 6 Uqbiḥen ur ţţizmiren ara ad bedden zdat-ek ; tkeṛheḍ meṛṛa wid ixeddmen lbaṭel. 7 Ay Ameɣlal, teţţawiḍ ikeddaben ɣer nnger ; tkeṛheḍ at tmegṛaḍ d ixeddaɛen. 8 Ma d nekk, s ṛṛeḥma-inek tameqqrant ad kecmeɣ ɣer wexxam-ik ; s ṭṭaɛa d wannuz ad seǧdeɣ zdat-ek di lǧameɛ-ik iqedsen. 9 Ay Ameɣlal, kečč yellan d aḥeqqi, di lebɣi-k seddu-yi, semsawi abrid-ik zdat-i, i lmend n yeɛdawen-iw. 10 Axaṭer ul-nsen yeččuṛ ţ-ţiḥeṛci, lekdeb d usqizzeb deg imi, yecban aẓekka yezgan yeldi. 11 Ay Illu, ɛaqeb-iten ; sseɣli-iten di tesrafin i ɣazen, nfu-ten ɣef demma n ddnubat i xedmen, axaṭer ffɣen-ak-ed d ixṣimen. 12 Ma d wid i k-iţdarin, di lfeṛḥ ad ilin, i lmend n yisem-ik i ḥemmlen, daymen ulawen-nsen ad ţnecṛiḥen, leɛnaya-k a d-ters fell-asen. 13 Imi d kečč ay Ameɣlal i geţbaraken aḥeqqi, d ṛṛeḥma-inek i ţ-ţaseddarit-is.
Amcum d uḥeqqi.
1 Amarezg n wemdan ur nteddu ara s uweṣṣi n yemcumen, ur nḥebbes ara deg webrid n imednuben, ur nettɣimi ara d wid itmeṣxiren, 2 Lameɛna yettaf lferḥ-is deg uselmed n Umeɣlal, iḍ d wass ittmeyyiz ṭawrat-is. 3 Icuba ttejra yeẓẓan ɣef yiri n terga, i d-yettaken lfakya di lweqt-is, iferrawen-is ur ttɣaren ara: Ayen akk ixeddem yerbeḥ. 4 Mačči akka i yella lḥal d imcumen: cuban alim yettawi waḍu. 5 Daymi imcumen ur teṭṭfen ara ass n usizref, la imednuben di tejmaɛt n wuɣdimen. 6 Axaṭer Ameɣlal yessen* abrid n iḥeqqiyen, ma d abrid n yemcumen yessufuɣ ɣer nnger.
2
Agellid yextar Yillu.
1 Acuɣer i nhewwalen leǧnas ? i sgermuden yegduden baṭel? 2 I d-kkren igelliden n ddunit, I msefhamen s tdukli igeldunen, mgal Ameɣlal d lmasiḥ-ines*, 3 Qqaren: " Yya-w ad nerreẓ leqyud-nsen, ad nḍegger akkin fellaɣ snasel-nsen! " 4 Ittaḍsa, Win yellan deg igenwan, Sidi Rebbi yesmeɛlik fellasen. 5 Ihedder-asen-d s zzɛef, deg urrif-is yesserhab-iten: 6 D nekk i yesbedden agellid-iw ɣef Siyun*, adrar-iw iqedsen. 7 Ad berrḥeɣ s usaḍuf n Umeɣlal; Yenna-yi-d: kečč d mmi ! D nekk i k-id-ifkan ass-agi. 8 Suter-iyi-d, ad k-fkeɣ leǧnas d lwert, d yixfawen n ddunit d ayla-k. 9 Ad ten-tesdegdgeḍ (nte: Di kra n yeḍrisen iqdimen ad naf: "Ad ten-tekseḍ...") s uɛekkaz n wuzzal, a ten-tesneɣdeḍ am ubuqal n talaxt. 10 Tura, ay igelliden, sɛut ameyyez! lemdet, ay inezzurfa n ddunit! 11 Ɛebdet Ameɣlal s tugdi, ilit di lferḥ, s wergagi. 12 Sellmet ɣef mmi-s, neɣ mulac ad yerfu, dɣa ad tnegrem deg webrid-nwen, axaṭer deg yiwet n teswiɛt yezmer ad d-yekker wurrif-is. Amarezg n wid akk yeddurin ɣer ɣures.
3
Leslak yettas-ed sɣur Rebbi.
1Ahellil i gura Dawed asmi yerwel ɣef tnekkra n mmi-s Absalum mgal-is. 2 Ay ameɣlal, acḥal gten yeɛdawen-iw ! D izumal i d-yekkren mgal-iw ! 3 Acḥal n wid iheddṛen fell-i qqaren : ur s-d-igri leslak ɣer Yillu ! 4 Lameɛna kečč ay Ameɣlal ţ-ţaseddarit-iw, d ccan-iw, d kečč i greffden aqerru-yiw. 5 ɣer Umeɣlal greɣ tiɣri-w, seg udrar-is iqedsen yerra-d i ṣṣut-iw. 6 Gganeɣ di talwit, ţţakiɣ-ed di lehna imi d Ameɣlal i geţɛassan fell-i. 7 D igimen n yemdanen i d-yekkren mgal-iw, tuggdi ur tekcim ul-iw. 8 Rfed afus-ik ay Ameɣlal, sellek-iyi ay Illu-yiw ! Ewwet iɛdawen-iw s ibeqqayen, rreẓ uglan n yemcumen. 9 Ɣur-ek kan ay Ameɣlal i gella leslak, sers-ed ɣef wegdud-ik lbaṛaka-k !
4
Lettkal di Sidi Rebbi.
1Ahellil n Dawed, icennun s walalen n lexyuḍ, sɣur aselmad n icennayen. 2 M'ara nedheɣ s yisem-ik ay Illu-yiw, a bab n lḥeq err-ed i tiɣri-w. si ddiq sellek-iyi, ɣer liser sufeɣ-iyi, ḥun-ed fell-i tḥesseḍ-ed i tẓallit-iw. 3 Ar melmi a tarwa n yemdanen di ccan-iw aţ-ţesseɣlayem, d wayen ur nesɛi azal teţḥemmilem, di lekdubat aţ-ţeṭṭafaṛem. 4 Ḥṣut dakken Ameɣlal iḥrez win i-t-iḍuɛen, isell-ed m'ara s-greɣ tiɣri. 5 Aggadet Ṛebbi ɣurwat aţ-ţdenbem, deg usu susmet tmeyyzem uqbel a kun-yawi naddam. 6 Qeddmet iseflawen n lḥeq, teţţeklem ɣef Umeɣlal. 7 Gten wid iqqaren : anw'ara ɣ-d-yawin ṛṛeḥma ? feǧǧeǧ-ed fell-aɣ tafat n wudem-ik ay Ameɣlal. 8 Teččureḍ ul-iw d lfeṛḥ, kteṛ n wakken ččuṛen ikufan-nsen lawan n tmegra, akk-d wakken ččuṛent tsebbalin-nsen d aman n tẓurin. 9Akken kan ara ḍelqeɣ, yeţţawi-yi yiḍes di talwit, axaṭer ɣur-ek kan i ţţaffeɣ leţkal ay Ameɣlal.
5
Seddu-yi deg ubrid-ik.
1Ahellil n Sidna Dawed, i cennun s ijewwaqen, sɣur aselmad n icennayen. 2 Ay Ameɣlal, ḥess-ed i yimeslayen-iw; sel-ed i unazeɛ-inu. 3 Ay agellid-iw, ɣur-ek i n-deɛɛuɣ, ay Illu-yiw, egr-ed tamawt i isuɣa-yiw. 4 Ay Ameɣlal ! akken kan ara yali wass ţheggiɣ-ed iman-iw, tselleḍ-ed i taɣect-iw, zdat-ek ţṛajuɣ. 5 Axaṭer ur telliḍ ara d Illu iḥemmlen cceṛ ; Amcum ur yesɛi ara amkan ɣur-ek. 6 Uqbiḥen ur ţţizmiren ara ad bedden zdat-ek ; tkeṛheḍ meṛṛa wid ixeddmen lbaṭel. 7 Ay Ameɣlal, teţţawiḍ ikeddaben ɣer nnger ; tkeṛheḍ at tmegṛaḍ d ixeddaɛen. 8 Ma d nekk, s ṛṛeḥma-inek tameqqrant ad kecmeɣ ɣer wexxam-ik ; s ṭṭaɛa d wannuz ad seǧdeɣ zdat-ek di lǧameɛ-ik iqedsen. 9 Ay Ameɣlal, kečč yellan d aḥeqqi, di lebɣi-k seddu-yi, semsawi abrid-ik zdat-i, i lmend n yeɛdawen-iw. 10 Axaṭer ul-nsen yeččuṛ ţ-ţiḥeṛci, lekdeb d usqizzeb deg imi, yecban aẓekka yezgan yeldi. 11 Ay Illu, ɛaqeb-iten ; sseɣli-iten di tesrafin i ɣazen, nfu-ten ɣef demma n ddnubat i xedmen, axaṭer ffɣen-ak-ed d ixṣimen. 12 Ma d wid i k-iţdarin, di lfeṛḥ ad ilin, i lmend n yisem-ik i ḥemmlen, daymen ulawen-nsen ad ţnecṛiḥen, leɛnaya-k a d-ters fell-asen. 13 Imi d kečč ay Ameɣlal i geţbaraken aḥeqqi, d ṛṛeḥma-inek i ţ-ţaseddarit-is.
