8
Tamanegt n Yillu.
1 I umeqran n talilt. S ugambar n Gat. (note : yezmer ad yili d allal i ssexdamen imezdaɣ n
Gat ( Ifilistiyen ); yezmer daɣen ad yili d lḥenn n ccna n tmegra). Ahellil n Dawed. 2 Ay
Ameɣlal, a Rebbi nneɣ ! Ay d amannag yisem-ik di ddunit merra! Tesbeddeḍ tageldit-ik
nnig n igenwan. 3 Seg imi n warrac d wid itettḍen, treṣṣaḍ tazmert-ik ɣef ddemma n
yexṣimen-ik, iwakken ad tesgugmed aɛdaw d bu ttar. 4 Mi ara mmuqleɣ ɣer igenwan-ik,
ccɣel n ifassen-ik, aggur d yetran i treṣṣad: 5 D acu-t wemdan iwakken ad t-id-temmekti ḍ ?
neɣ mmi-s n wemdan iwakken ad terreḍ ddehn-ik ɣur-s, 6 Terriṭ drus kan ddaw n Yillu,
tesserseḍ-as taɛsabt n tmanegt d ufeǧǧeǧ . 7 Tefkiḍ-as leḥkem ɣef wayen xedmen ifassen-ik,
terriḍ kullec ddaw iḍarren-is, 8 Am wulli am yezgaren akken ma llan, ula d iɣersiwen n
teẓgi. 9 leḍyuṛ n igenni, iselman n lebḥer, d wayen akk iţeddun di lqaɛ n lebḥuṛ. 10 Ay
Ameɣlal, a Rebbi nneɣ ! Ay d amannag yisem-ik di ddunit merra!
9
Ameɣlal d uɣdim.
1 I umeqran n talilt. S wallalen. Ahellil n Dawed. 2 Ad sfugleɣ i Umeɣlal seg ul-iw akk, ad
ḥekkuɣ ɣef leɛǧayeb-ik merra. 3 Ad ferḥaɣ yissek, ad neggzeɣ si lfeṛḥ, ad helleleɣ ɣef
ddemma n yisem-ik, a Win-Ɛlayen! 4 Mi ara ttwexxiren yeɛdawen-iw, ttemderkilen
ttmettaten zdat-ek. 5 Axaṭer tḥurbeḍ ɣef lḥeqq-iw d tamsalt-iw, teqqimeḍ ɣef ukersi n
tgeldit-ik d anezzarfu uɣdim. 6 Tettgallaḍ di leǧnas, tessengaṛeḍ amcum, tmeḥḥuḍ
ismawen-nsen i dayem i lebda. 7 Ur degrin yeɛdawen! d ixriben i dayem! Timdinin i
tesdermeḍ ur d-yeqqim lateṛ-nsent. 8 Ameɣlal iḥkem i lebda, yesbedd akersi n tgeldit-is i
ussizref; 9 D netta i y ḥekkmen ddunit s teɣdemt, i yessizrifen igduden s ṣṣwab. 10 Ad yili
Umeɣlal d leḥṣin i win yettuqehren, D leḥṣin di teswiɛin n ccedda. 11 Wid yessnen isem-ik
sɛan deg-k laman. Axaṭer ur tettaǧǧad ara wid iţnadin fell-ak, ay Ameɣlal! 12 Hellelet i
lmend n Umeɣlal, izedɣen di Siyun, Berrḥet ger yegduden s lecɣal-is meqqren! 13 Axaṭer
yettarra ttaṛ n idammen yuzzlen; yecfa fellasen, Ur itettu ara tiɣri n imeɣban. 14 Ḥun felli
ay Ameɣlal, Wali-d leɣben-iw, i d yekkan s ɣur wid i yi-kerhen, Kečč i yi-d-irefden si
tewwura n lmut, 15 iwakken ad berrḥeɣ s leḥmadi-inek merra, Ɣer tewwura n yellis n
Siyun, ad ččareɣ d lfeṛḥ ɣef ddemma n leslak-ik. 16 Leǧnas ɣellin di tesraft iɣazen, Aḍar-nsen
yettwaṭṭef di tcerkett i ffren. 17 Ameɣlal ibeggen-d iman-is, isbedd lḥeqq; amcum
ittwaṭṭef di tefxett i yendi s ifassen-is. 18 Imcumen ad ruḥen ɣer laxert, d leǧnas akk
itettun Illu. 19 Axaṭer igellil ur yettwattu ara i lebda, Asirem n imeɣban ur ifennu ara i
dayem. 20 Kker ay Ameɣlal! Awer yeɣleb wemdan! Ad ttuḥasben leǧnas zdatek! 21 Ssers-d
fellasen rrehba, ay Ameɣlal! Ad ḥṣun yegduden belli d imdanen kan i llan!
Tamanegt n Yillu.
1 I umeqran n talilt. S ugambar n Gat. (note : yezmer ad yili d allal i ssexdamen imezdaɣ n
Gat ( Ifilistiyen ); yezmer daɣen ad yili d lḥenn n ccna n tmegra). Ahellil n Dawed. 2 Ay
Ameɣlal, a Rebbi nneɣ ! Ay d amannag yisem-ik di ddunit merra! Tesbeddeḍ tageldit-ik
nnig n igenwan. 3 Seg imi n warrac d wid itettḍen, treṣṣaḍ tazmert-ik ɣef ddemma n
yexṣimen-ik, iwakken ad tesgugmed aɛdaw d bu ttar. 4 Mi ara mmuqleɣ ɣer igenwan-ik,
ccɣel n ifassen-ik, aggur d yetran i treṣṣad: 5 D acu-t wemdan iwakken ad t-id-temmekti ḍ ?
neɣ mmi-s n wemdan iwakken ad terreḍ ddehn-ik ɣur-s, 6 Terriṭ drus kan ddaw n Yillu,
tesserseḍ-as taɛsabt n tmanegt d ufeǧǧeǧ . 7 Tefkiḍ-as leḥkem ɣef wayen xedmen ifassen-ik,
terriḍ kullec ddaw iḍarren-is, 8 Am wulli am yezgaren akken ma llan, ula d iɣersiwen n
teẓgi. 9 leḍyuṛ n igenni, iselman n lebḥer, d wayen akk iţeddun di lqaɛ n lebḥuṛ. 10 Ay
Ameɣlal, a Rebbi nneɣ ! Ay d amannag yisem-ik di ddunit merra!
9
Ameɣlal d uɣdim.
1 I umeqran n talilt. S wallalen. Ahellil n Dawed. 2 Ad sfugleɣ i Umeɣlal seg ul-iw akk, ad
ḥekkuɣ ɣef leɛǧayeb-ik merra. 3 Ad ferḥaɣ yissek, ad neggzeɣ si lfeṛḥ, ad helleleɣ ɣef
ddemma n yisem-ik, a Win-Ɛlayen! 4 Mi ara ttwexxiren yeɛdawen-iw, ttemderkilen
ttmettaten zdat-ek. 5 Axaṭer tḥurbeḍ ɣef lḥeqq-iw d tamsalt-iw, teqqimeḍ ɣef ukersi n
tgeldit-ik d anezzarfu uɣdim. 6 Tettgallaḍ di leǧnas, tessengaṛeḍ amcum, tmeḥḥuḍ
ismawen-nsen i dayem i lebda. 7 Ur degrin yeɛdawen! d ixriben i dayem! Timdinin i
tesdermeḍ ur d-yeqqim lateṛ-nsent. 8 Ameɣlal iḥkem i lebda, yesbedd akersi n tgeldit-is i
ussizref; 9 D netta i y ḥekkmen ddunit s teɣdemt, i yessizrifen igduden s ṣṣwab. 10 Ad yili
Umeɣlal d leḥṣin i win yettuqehren, D leḥṣin di teswiɛin n ccedda. 11 Wid yessnen isem-ik
sɛan deg-k laman. Axaṭer ur tettaǧǧad ara wid iţnadin fell-ak, ay Ameɣlal! 12 Hellelet i
lmend n Umeɣlal, izedɣen di Siyun, Berrḥet ger yegduden s lecɣal-is meqqren! 13 Axaṭer
yettarra ttaṛ n idammen yuzzlen; yecfa fellasen, Ur itettu ara tiɣri n imeɣban. 14 Ḥun felli
ay Ameɣlal, Wali-d leɣben-iw, i d yekkan s ɣur wid i yi-kerhen, Kečč i yi-d-irefden si
tewwura n lmut, 15 iwakken ad berrḥeɣ s leḥmadi-inek merra, Ɣer tewwura n yellis n
Siyun, ad ččareɣ d lfeṛḥ ɣef ddemma n leslak-ik. 16 Leǧnas ɣellin di tesraft iɣazen, Aḍar-nsen
yettwaṭṭef di tcerkett i ffren. 17 Ameɣlal ibeggen-d iman-is, isbedd lḥeqq; amcum
ittwaṭṭef di tefxett i yendi s ifassen-is. 18 Imcumen ad ruḥen ɣer laxert, d leǧnas akk
itettun Illu. 19 Axaṭer igellil ur yettwattu ara i lebda, Asirem n imeɣban ur ifennu ara i
dayem. 20 Kker ay Ameɣlal! Awer yeɣleb wemdan! Ad ttuḥasben leǧnas zdatek! 21 Ssers-d
fellasen rrehba, ay Ameɣlal! Ad ḥṣun yegduden belli d imdanen kan i llan!
