109
Ay Illu, ur ttsusum ara! 1 I umeqran n tallilt. Ahellil n Dawed. Ay Illu n uḥmad-iw ur ttsusum ara ! 2 Axaṭer ldin-d mgal-iw imi uqbiḥ, imi axeddaɛ, heddren-iyi-d s yiles akeddab. 3 S imeslayen n lkerh zzin-iyi-d, melba sebba ttnaɣen-iyi. 4 Nekk ḥemelɣ-ten nutni seḍlamen-iyi, meɛna nekk ttẓallaɣ. 5 Rran-iyi-d ccer deg umkan n lxir, lkerh deg umkan n leḥmala-w. 6 Wekkel fell-as amesbaṭli, sbedd amseḍlem ɣer uyeffus-is ! 7 Di ccreɛ ad d-iban d ṭṭalem, taẓallit-is ad tettwaḥseb d ddnub! 8 Ad neqsen wussan-is, ad yeṭṭef wayeḍ amkan-is ! 9 Ad ggujlen warraw-is, ad teǧǧel tmeṭṭut-is! 10 Ad menṭren warraw-is, ad ttren, ad ruḥen ad ssuturen akkin I yexxamen-nsen idermen! 11 Amṭalbu ad yeḥwes akk ayla-s, iberraniyen ad ddmen ayen akk ɣef yeɛteb. 12 Awer yesɛu ḥed rreḥma ɣur-es, awer iḥun ḥed ɣef igujilen-is, 13 Ad tenger ccetla-s, ad yemḥu yisem-nsen di tsuta I d-iteddun ! 14 Azgal n lejdud-is ad d-yeqqim d ccfawa I Umeɣlal, awer yettwamḥu ddnub n yemma-s ! 15 Ad ttilin dayem zdat Umeɣlal, yerna ad yemḥu later-nsen si ddunit, 16 Axaṭer ur ixemmem ara ad iddu s rreḥma, iqehher ameɣbun d ugellil, Issaweḍ ɣer lmut amdan iumi
yejreḥ wul. 17 A netta i gḥemlen daɛwessu, ad teɣli fell-as ! A netta ur neḥmmel ara lbaraka, ad tebɛed fell-as ! 18 Ad yesbur daɛwessu am ubernus, ad tekcem deg ẓuran-is am waman, am zzit deg iɣsan-is! 19 Ad as-tuɣal am llebsa yettlusu, am waggus i gettbeggis daymen! 20 Akka ar ad yili, sɣur Umeɣlal, lexlaṣ n imsḍelmen-iw d wid iheddren ccer fell-i ! 21 Ma d kečč ay Ameɣlal, Sidi Rebbi! Ger-d leɛnaya-k ɣur-i ɣef ddemma n yisem-ik, sellek-iyi, axaṭer rreḥma-k meqqret. 22 Aql-iyi d igellil d ameɣbun, yernu ul-iw ɣer daxel yettwajraḥ. 23 Ttɣabeɣ am tili yettruḥun, ttqecciɛen-iyi am wejrad. 24 Tigecrar-iw ttergigint seg ẓumu, tafekka-w tekfa si ṭṭaɛfan. 25 Uɣaleɣ-asen d lɛar, mi yi-d walan ad tthuccun iqerray-nsen. 26 Ɛiwen-iyi ay Ameɣlal, Illu-yiw! Sellek-iyi s rreḥma-inek. 27 Ilaq ad ẓren belli d afus-ik, d kečč, ay Ameɣlal, i gxedmen ayagi. 28 Nutni neɛɛlen, ma d kečč ad tbarkeḍ; ma kren-d, ad nneḥcimen, ma d aqeddac-ik ad yefreḥ. 29 Ad sburren imsḍelmen-iw ttbehdila, ad lsen lḥecma am ubernus. 30 Ad sfugleɣ i Umeɣlal s ṣṣut ɛlayen, ad t-ḥemdeɣ ger lɣaci; 31 Axaṭer ibedd ɣer uyeffus ugellil, iwakken ad t-isellek seg wid i t-ittbaṣin.
110
D agellid d lmuqeddem I dayem. 1 Ahellil n Dawed. (PS Royal) control@ Inin n Umeɣlal I Ssid-iw: Qim- ɣer yeffus-iw alama rriɣ iɛdawen-ik d takeddart ddaw n iḍarren-ik. 2 Ad d-isbedd Umeɣlal si Siyun aɛekkaz n tezmert-ik, ḥkem di tlemmast n yeɛdawen-ik ! 3 Agdud-ik d afeḥli ass I deg d-tesnejmaɛeḍ tazmalt-ik. S ccbaḥa iqedsen, seg irebbi n tefrara, ad d-tass ɣur-k nnda n temẓi-k. 4 Ameɣlal yeggul ur yeḥnit : Kečč d lmuqeddem i dayem, akken i t-yella Malkisadeq. 5 Sidi Rebbi atan ɣer uyeffus-ik, ass n wurrif-is ad yemḥeq igelliden. 6 Yessizrif leǧnas, ugten lmeggtin, yemḥeq iqerray di ddunit merra. 7 Deg webrid ad isew seg iɣẓer, daymi ara ad d-yerfed aqerruy.
111
Lecɣal n Umeɣlal. 1 Ḥemdet Ameɣlal ! Ad sfugleɣ I umeɣlal seg wul-iw, di tseqqamut n iḥeqqiyen ak-d di tejmaɛt. 2 Lecɣal n Umeɣlal meqqrit, wid akk i ten-iḥemlen ttnadin fell-asen. 3 CCɣel-is yettfeǧǧiǧ yesteɛǧib, taɣdemt-is treṣṣa I lebda. 4 Yeǧǧa-d asmekti n leɛǧayeb-is; Ameɣlal d aḥnin d urḥim. 5 Ittɛeggic wid i t-yettagaden, ittmektay-d I dayem tamsisit-is. 6 Ibeggen-d I wegdud-is tazmert n lecɣal-is, mi sen-yefka ayla n leǧnas. 7 Lecɣal n ifassen-is d tidett d lḥeqq, lewṣṣayat-is merra uklalent laman. 8 Reṣṣant i dayem I lebda, ttwaxedment s tidett d ṣṣwab. 9 Iceggeɛ-d leslak i wegdud-is, isbedd I dayem tamsisit-is. isem-is d imqeddes yesɛa lhiba. 10 Beddu n tmusni d tugdi n Umeɣlal; Wid akk iteddun yis sɛan lefhama. Aḥmad-ines yettdum I lebda.
112
Lehna n iḥeqqiyen. 1 Ḥemdet Ameɣlal! Am rrezg n wemdan i gettagaden Ameɣlal, i gettafen lferḥ meqqren di lewṣayat-is. 2 Ccetla-s ad teǧhed di tmurt, tasuta n wid iteddun s ṣṣwab ad tettubarek. 3 Lxirat d lerbah deg wexxam-is, taɣdemt-is treṣṣa I lebda. 4 Tafat tettfeǧǧiǧ di ṭlam I wid iteddun s ṣṣwab. D aḥnin, d iurḥim d uɣdim. 5 Am rrezg n wemdan i gesɛan rreḥma I greṭṭlen, I gferrun timsal-ines s lḥeqq. 6 Axaṭer werǧin ad yeɣli; Asmekti n uḥeqqi yettdum I lebda. 7 Ur yetaggad ara lexbar n diri, ul-is yethedden yesɛa laman deg Umeɣlal. 8 Ul-is ireṣṣa ur yesɛi tugdi, ɣer taggara ad iferreǧ deg iɛdawen-is. 9 Yettak melba ccehha, yettṣeddiq I yigellilen, taɣdemt-is treṣṣa I lebda, tazmert-is tettnerni s tmanegt. 10 Amcum ad iwali ad yerfu, Ad iqerrec tuɣmas ad idub, ccehwat n yemcumen ad fnunt.
Ay Illu, ur ttsusum ara! 1 I umeqran n tallilt. Ahellil n Dawed. Ay Illu n uḥmad-iw ur ttsusum ara ! 2 Axaṭer ldin-d mgal-iw imi uqbiḥ, imi axeddaɛ, heddren-iyi-d s yiles akeddab. 3 S imeslayen n lkerh zzin-iyi-d, melba sebba ttnaɣen-iyi. 4 Nekk ḥemelɣ-ten nutni seḍlamen-iyi, meɛna nekk ttẓallaɣ. 5 Rran-iyi-d ccer deg umkan n lxir, lkerh deg umkan n leḥmala-w. 6 Wekkel fell-as amesbaṭli, sbedd amseḍlem ɣer uyeffus-is ! 7 Di ccreɛ ad d-iban d ṭṭalem, taẓallit-is ad tettwaḥseb d ddnub! 8 Ad neqsen wussan-is, ad yeṭṭef wayeḍ amkan-is ! 9 Ad ggujlen warraw-is, ad teǧǧel tmeṭṭut-is! 10 Ad menṭren warraw-is, ad ttren, ad ruḥen ad ssuturen akkin I yexxamen-nsen idermen! 11 Amṭalbu ad yeḥwes akk ayla-s, iberraniyen ad ddmen ayen akk ɣef yeɛteb. 12 Awer yesɛu ḥed rreḥma ɣur-es, awer iḥun ḥed ɣef igujilen-is, 13 Ad tenger ccetla-s, ad yemḥu yisem-nsen di tsuta I d-iteddun ! 14 Azgal n lejdud-is ad d-yeqqim d ccfawa I Umeɣlal, awer yettwamḥu ddnub n yemma-s ! 15 Ad ttilin dayem zdat Umeɣlal, yerna ad yemḥu later-nsen si ddunit, 16 Axaṭer ur ixemmem ara ad iddu s rreḥma, iqehher ameɣbun d ugellil, Issaweḍ ɣer lmut amdan iumi
yejreḥ wul. 17 A netta i gḥemlen daɛwessu, ad teɣli fell-as ! A netta ur neḥmmel ara lbaraka, ad tebɛed fell-as ! 18 Ad yesbur daɛwessu am ubernus, ad tekcem deg ẓuran-is am waman, am zzit deg iɣsan-is! 19 Ad as-tuɣal am llebsa yettlusu, am waggus i gettbeggis daymen! 20 Akka ar ad yili, sɣur Umeɣlal, lexlaṣ n imsḍelmen-iw d wid iheddren ccer fell-i ! 21 Ma d kečč ay Ameɣlal, Sidi Rebbi! Ger-d leɛnaya-k ɣur-i ɣef ddemma n yisem-ik, sellek-iyi, axaṭer rreḥma-k meqqret. 22 Aql-iyi d igellil d ameɣbun, yernu ul-iw ɣer daxel yettwajraḥ. 23 Ttɣabeɣ am tili yettruḥun, ttqecciɛen-iyi am wejrad. 24 Tigecrar-iw ttergigint seg ẓumu, tafekka-w tekfa si ṭṭaɛfan. 25 Uɣaleɣ-asen d lɛar, mi yi-d walan ad tthuccun iqerray-nsen. 26 Ɛiwen-iyi ay Ameɣlal, Illu-yiw! Sellek-iyi s rreḥma-inek. 27 Ilaq ad ẓren belli d afus-ik, d kečč, ay Ameɣlal, i gxedmen ayagi. 28 Nutni neɛɛlen, ma d kečč ad tbarkeḍ; ma kren-d, ad nneḥcimen, ma d aqeddac-ik ad yefreḥ. 29 Ad sburren imsḍelmen-iw ttbehdila, ad lsen lḥecma am ubernus. 30 Ad sfugleɣ i Umeɣlal s ṣṣut ɛlayen, ad t-ḥemdeɣ ger lɣaci; 31 Axaṭer ibedd ɣer uyeffus ugellil, iwakken ad t-isellek seg wid i t-ittbaṣin.
110
D agellid d lmuqeddem I dayem. 1 Ahellil n Dawed. (PS Royal) control@ Inin n Umeɣlal I Ssid-iw: Qim- ɣer yeffus-iw alama rriɣ iɛdawen-ik d takeddart ddaw n iḍarren-ik. 2 Ad d-isbedd Umeɣlal si Siyun aɛekkaz n tezmert-ik, ḥkem di tlemmast n yeɛdawen-ik ! 3 Agdud-ik d afeḥli ass I deg d-tesnejmaɛeḍ tazmalt-ik. S ccbaḥa iqedsen, seg irebbi n tefrara, ad d-tass ɣur-k nnda n temẓi-k. 4 Ameɣlal yeggul ur yeḥnit : Kečč d lmuqeddem i dayem, akken i t-yella Malkisadeq. 5 Sidi Rebbi atan ɣer uyeffus-ik, ass n wurrif-is ad yemḥeq igelliden. 6 Yessizrif leǧnas, ugten lmeggtin, yemḥeq iqerray di ddunit merra. 7 Deg webrid ad isew seg iɣẓer, daymi ara ad d-yerfed aqerruy.
111
Lecɣal n Umeɣlal. 1 Ḥemdet Ameɣlal ! Ad sfugleɣ I umeɣlal seg wul-iw, di tseqqamut n iḥeqqiyen ak-d di tejmaɛt. 2 Lecɣal n Umeɣlal meqqrit, wid akk i ten-iḥemlen ttnadin fell-asen. 3 CCɣel-is yettfeǧǧiǧ yesteɛǧib, taɣdemt-is treṣṣa I lebda. 4 Yeǧǧa-d asmekti n leɛǧayeb-is; Ameɣlal d aḥnin d urḥim. 5 Ittɛeggic wid i t-yettagaden, ittmektay-d I dayem tamsisit-is. 6 Ibeggen-d I wegdud-is tazmert n lecɣal-is, mi sen-yefka ayla n leǧnas. 7 Lecɣal n ifassen-is d tidett d lḥeqq, lewṣṣayat-is merra uklalent laman. 8 Reṣṣant i dayem I lebda, ttwaxedment s tidett d ṣṣwab. 9 Iceggeɛ-d leslak i wegdud-is, isbedd I dayem tamsisit-is. isem-is d imqeddes yesɛa lhiba. 10 Beddu n tmusni d tugdi n Umeɣlal; Wid akk iteddun yis sɛan lefhama. Aḥmad-ines yettdum I lebda.
112
Lehna n iḥeqqiyen. 1 Ḥemdet Ameɣlal! Am rrezg n wemdan i gettagaden Ameɣlal, i gettafen lferḥ meqqren di lewṣayat-is. 2 Ccetla-s ad teǧhed di tmurt, tasuta n wid iteddun s ṣṣwab ad tettubarek. 3 Lxirat d lerbah deg wexxam-is, taɣdemt-is treṣṣa I lebda. 4 Tafat tettfeǧǧiǧ di ṭlam I wid iteddun s ṣṣwab. D aḥnin, d iurḥim d uɣdim. 5 Am rrezg n wemdan i gesɛan rreḥma I greṭṭlen, I gferrun timsal-ines s lḥeqq. 6 Axaṭer werǧin ad yeɣli; Asmekti n uḥeqqi yettdum I lebda. 7 Ur yetaggad ara lexbar n diri, ul-is yethedden yesɛa laman deg Umeɣlal. 8 Ul-is ireṣṣa ur yesɛi tugdi, ɣer taggara ad iferreǧ deg iɛdawen-is. 9 Yettak melba ccehha, yettṣeddiq I yigellilen, taɣdemt-is treṣṣa I lebda, tazmert-is tettnerni s tmanegt. 10 Amcum ad iwali ad yerfu, Ad iqerrec tuɣmas ad idub, ccehwat n yemcumen ad fnunt.
