56
Leţkal di lweqt n cedda.
1 I umeqran n terbaɛt n icennayenn, i cennun s talɣa n ”tetbirt tagugamt ger ibeṛṛaniyen”. Asefru n
Dawed. Asmi i t-ṭṭfen wat Filisṭin di Gat. 2 Ay Illu ḥunn fell-i, axaṭer imdanen ttqehhiṛen-iyi. Ass
kamel ţnaɣen yid-i ḥeṛsen-iyi. 3 Ass kamel ţqehhiṛen-iyi yeɛdawen-iw, yerna ţnaɣen yid-i deg
waṭas yid-sen ḥeqren-iyi. 4 Ass i deg ara aggadeɣ, ad ttekleɣ fell-ak. 5 Ad ḥemdeɣ Illu ɣef
wawal-is, ɣef Yillu i ttekleɣ, ur ttaggadeɣ acemma ; d acu i gezmer a yi-t-ixdem wemdan ? 6
Mkul ass qellben-iyi lehduṛ, ţxemmimen a yi-xedmen anagar cceṛ. 7 Ţemcawaṛen fell-i ttxatalen-iyi,
anda ddiɣ ttɛassan-iyi axaṭer bɣan a yi-nɣen. 8 Eɛni ad menɛen si lbaṭel i xedmen ? deg
urrif-ik ay Illu, sers-ed igduden. 9 Twalaḍ-ed ayen akk reggleɣ sya ɣer da. Jemɛ-ed imeṭṭawen-iw
deg uyeddid-ik, mebla ccekk turiḍ-ten deg wedlis-ik. 10 Ass i deg ara k-en-ssiwleɣ, ad uɣalen
ɣer deffir yeɛdawen-iw, imiren ad ḥṣuɣ belli Illu yella yid-i. 11 Ad ḥemdeɣ Illu ɣef wawal-is, ih !
ad ḥemdeɣ Ameɣlal ɣef wawal-is. 12 Ttekleɣ ɣef Illu, ur ţţaggaddeɣ acemma, d acu i gezmer a
yi-t-ixdem wemdan ? 13 Ay Illu ilaq-iyi ad xedmeɣ ayen i k-weɛdeɣ, a k-n-qeddmeɣ iseflawen n
leḥmadi. 14 Axaṭer tessukseḍ-ed tarwiḥt-iw si lmut yerna ur teǧǧiḍ ara ad yecceḍ uḍar-iw,
iwakken ad dduɣ zdat Yillu di tafat n wid yeddren !
57
Ad ɛenniɣ ɣer Yillu ɛlayen.
1 I umeqran n terbeɛt icennayen, s talɣa ittusemman ”ur ssengar ara” ! Asefru n Dawed, asmi
yerwel ɣer yefri iwakken ad yeffer ɣef Caɛul. 2 Ḥunn fell-i ay Illu, ḥunn fell-i ! Axaṭer ɣur-ek i
tedduri teṛwiḥt-iw ; seddaw tili n wafriwen-ik i ttdariɣ alamma tɛedda twaɣit. 3 Ɛennaɣ ɣer
Yillu ɛlayen, ɣer Yillu ara yi-ssufɣen kullec ɣer lxiṛ. 4 A yi-d-iceggeɛ leslak seg igenni, ad iḥccem
wid i yi-ţqehhiṛen, a yi-d-ibeggen Yillu ṛṛeḥma-as d tidett-is. 5 Taṛwiḥt-iw attan ger yizmawen,
gganeɣ ger wid iteţţen imdanen. Tuɣmas-nsen qeḍɛent am tḥeṛbunt d umezrag ; iles-nsen
yemsed am ujenwi. 6 Iɛliy ay Illu nnig igenwan ! Ad tili tmanegt-ik ɣef ddunit meṛṛa. 7 Ndin-iyi
acebbak deg ubrid-iw, tekna teṛwiḥt-iw, ɣzan-iyi tasraft ɣlin deg-s. 8 Ul-iw yethedden ay Illu,
yethedden wul-iw ; ad cnuɣ ad cewwqeɣ. 9 Aki-d a taṛwiḥt-iw, akit-ed ay agambar-iw d lɛud-iw,
a d-ssakiɣ tafrara ! 10 A k-sfugleɣ a Sidi Ṛebbi ger yegduden, a k-ḥemdeɣ ger leǧnas. 11 Axaṭer
ṛṛeḥma-inek tewweḍ armi d igenwan, tideţ-ik tekka-d nnig usigna. 12 Iɛliy ay Illu nnig igenwan !
Ad tili tmanegt-ik ɣef ddunit meṛṛa.
58
Illu iḥekkem s lḥeqq.
1 I umeqran n terbeɛt n icennayen, s talɣa n ”ur ssengar ara”. Asefru n Dawed. 2 Eɛni d tideţ, s
tsusmi ara tḥekmem s lḥeqq ? Tɣilem akkagi itḥekkmem s ṣṣwab ay imdanen ? 3 Xaṭi !
Teţɛemmidem m'ara txeddmem lbaṭel ! d ccwal n ifassen-nwen i tettektilim di ddunit. 4
Imcumen ččuṛen d lbaṭel si tɛebbuṭ n yemma-tsen. Ikeddaben ţeffɣen i webrid akken kan ara d-lalen.
5 Sɛan ssem am win n wezrem, am llafɛa taɛeẓẓugt is ɛuẓẓugen iman-is, 6 ur neţḥessis ara i
lɣiḍa n iseḥḥaren, ɣas ad yili d win iẓewṛen akk gar-asen. 7 Ay Illu eṛz-asen tuɣmas deg
imawen-nsen, sdegdeg uglan n yizmawen ay Ameɣlal. 8 Adɛeddin am aman ad ṛuḥen ! A d-iwwet
s tḥeṛbunin-is, a ten-iḥucc. (mettre une note, autre option possible "erẓ tiḥeṛbubin-nsen
m'ara tent-id-wwten" ). 9 A sen-teḍru am umillus i geţkawen m'ara yeţţeḥnunuf, am llufan i
gemmuten di tɛebbuṭ n yemma-s, ur ţwalin ara tafukt. 10 Uqbel ad yaɣ userɣu ddaw teccuyin, d
azegzaw neɣ yerɣa, a ten-iddem s tbuciḍant. 11 Aḥeqqi ad yili di lfeṛḥ imi s-ed-yuɣal ttaṛ , yerna
ad yessired idaṛṛen-is deg idammen n yemcumen. 12 Imiren ad inin yemdanen : S tideţ aḥeqqi ad
iɣellet; S tideţ yella Yillu iḥekmen ɣef ddunit.
Leţkal di lweqt n cedda.
1 I umeqran n terbaɛt n icennayenn, i cennun s talɣa n ”tetbirt tagugamt ger ibeṛṛaniyen”. Asefru n
Dawed. Asmi i t-ṭṭfen wat Filisṭin di Gat. 2 Ay Illu ḥunn fell-i, axaṭer imdanen ttqehhiṛen-iyi. Ass
kamel ţnaɣen yid-i ḥeṛsen-iyi. 3 Ass kamel ţqehhiṛen-iyi yeɛdawen-iw, yerna ţnaɣen yid-i deg
waṭas yid-sen ḥeqren-iyi. 4 Ass i deg ara aggadeɣ, ad ttekleɣ fell-ak. 5 Ad ḥemdeɣ Illu ɣef
wawal-is, ɣef Yillu i ttekleɣ, ur ttaggadeɣ acemma ; d acu i gezmer a yi-t-ixdem wemdan ? 6
Mkul ass qellben-iyi lehduṛ, ţxemmimen a yi-xedmen anagar cceṛ. 7 Ţemcawaṛen fell-i ttxatalen-iyi,
anda ddiɣ ttɛassan-iyi axaṭer bɣan a yi-nɣen. 8 Eɛni ad menɛen si lbaṭel i xedmen ? deg
urrif-ik ay Illu, sers-ed igduden. 9 Twalaḍ-ed ayen akk reggleɣ sya ɣer da. Jemɛ-ed imeṭṭawen-iw
deg uyeddid-ik, mebla ccekk turiḍ-ten deg wedlis-ik. 10 Ass i deg ara k-en-ssiwleɣ, ad uɣalen
ɣer deffir yeɛdawen-iw, imiren ad ḥṣuɣ belli Illu yella yid-i. 11 Ad ḥemdeɣ Illu ɣef wawal-is, ih !
ad ḥemdeɣ Ameɣlal ɣef wawal-is. 12 Ttekleɣ ɣef Illu, ur ţţaggaddeɣ acemma, d acu i gezmer a
yi-t-ixdem wemdan ? 13 Ay Illu ilaq-iyi ad xedmeɣ ayen i k-weɛdeɣ, a k-n-qeddmeɣ iseflawen n
leḥmadi. 14 Axaṭer tessukseḍ-ed tarwiḥt-iw si lmut yerna ur teǧǧiḍ ara ad yecceḍ uḍar-iw,
iwakken ad dduɣ zdat Yillu di tafat n wid yeddren !
57
Ad ɛenniɣ ɣer Yillu ɛlayen.
1 I umeqran n terbeɛt icennayen, s talɣa ittusemman ”ur ssengar ara” ! Asefru n Dawed, asmi
yerwel ɣer yefri iwakken ad yeffer ɣef Caɛul. 2 Ḥunn fell-i ay Illu, ḥunn fell-i ! Axaṭer ɣur-ek i
tedduri teṛwiḥt-iw ; seddaw tili n wafriwen-ik i ttdariɣ alamma tɛedda twaɣit. 3 Ɛennaɣ ɣer
Yillu ɛlayen, ɣer Yillu ara yi-ssufɣen kullec ɣer lxiṛ. 4 A yi-d-iceggeɛ leslak seg igenni, ad iḥccem
wid i yi-ţqehhiṛen, a yi-d-ibeggen Yillu ṛṛeḥma-as d tidett-is. 5 Taṛwiḥt-iw attan ger yizmawen,
gganeɣ ger wid iteţţen imdanen. Tuɣmas-nsen qeḍɛent am tḥeṛbunt d umezrag ; iles-nsen
yemsed am ujenwi. 6 Iɛliy ay Illu nnig igenwan ! Ad tili tmanegt-ik ɣef ddunit meṛṛa. 7 Ndin-iyi
acebbak deg ubrid-iw, tekna teṛwiḥt-iw, ɣzan-iyi tasraft ɣlin deg-s. 8 Ul-iw yethedden ay Illu,
yethedden wul-iw ; ad cnuɣ ad cewwqeɣ. 9 Aki-d a taṛwiḥt-iw, akit-ed ay agambar-iw d lɛud-iw,
a d-ssakiɣ tafrara ! 10 A k-sfugleɣ a Sidi Ṛebbi ger yegduden, a k-ḥemdeɣ ger leǧnas. 11 Axaṭer
ṛṛeḥma-inek tewweḍ armi d igenwan, tideţ-ik tekka-d nnig usigna. 12 Iɛliy ay Illu nnig igenwan !
Ad tili tmanegt-ik ɣef ddunit meṛṛa.
58
Illu iḥekkem s lḥeqq.
1 I umeqran n terbeɛt n icennayen, s talɣa n ”ur ssengar ara”. Asefru n Dawed. 2 Eɛni d tideţ, s
tsusmi ara tḥekmem s lḥeqq ? Tɣilem akkagi itḥekkmem s ṣṣwab ay imdanen ? 3 Xaṭi !
Teţɛemmidem m'ara txeddmem lbaṭel ! d ccwal n ifassen-nwen i tettektilim di ddunit. 4
Imcumen ččuṛen d lbaṭel si tɛebbuṭ n yemma-tsen. Ikeddaben ţeffɣen i webrid akken kan ara d-lalen.
5 Sɛan ssem am win n wezrem, am llafɛa taɛeẓẓugt is ɛuẓẓugen iman-is, 6 ur neţḥessis ara i
lɣiḍa n iseḥḥaren, ɣas ad yili d win iẓewṛen akk gar-asen. 7 Ay Illu eṛz-asen tuɣmas deg
imawen-nsen, sdegdeg uglan n yizmawen ay Ameɣlal. 8 Adɛeddin am aman ad ṛuḥen ! A d-iwwet
s tḥeṛbunin-is, a ten-iḥucc. (mettre une note, autre option possible "erẓ tiḥeṛbubin-nsen
m'ara tent-id-wwten" ). 9 A sen-teḍru am umillus i geţkawen m'ara yeţţeḥnunuf, am llufan i
gemmuten di tɛebbuṭ n yemma-s, ur ţwalin ara tafukt. 10 Uqbel ad yaɣ userɣu ddaw teccuyin, d
azegzaw neɣ yerɣa, a ten-iddem s tbuciḍant. 11 Aḥeqqi ad yili di lfeṛḥ imi s-ed-yuɣal ttaṛ , yerna
ad yessired idaṛṛen-is deg idammen n yemcumen. 12 Imiren ad inin yemdanen : S tideţ aḥeqqi ad
iɣellet; S tideţ yella Yillu iḥekmen ɣef ddunit.
