59
Illu-yiw d amḥami-yinu.
1 I umeqran n terbeɛt n icennayen, s talɣa n ”ur ssengar ara”. Asefru n Dawed, asmi iceggeɛ Caɛul
wid ara d-zzin i wexxam-is iwakken a t-nɣen. 2 Ay Illu-yiw, sukkes-iyi-d seg yeɛdawen-iw, sikk-iyi
nnig wid i d-ikkren mgal-iw ! 3 Sukkes-iyi-d seg wid ixeddmen lbaṭel, Sellek-iyi-d seg wat
tmegraḍ. 4 Axaṭer atnan sɣamen-d iteṛwiḥt-iw, mcawaṛen fell-i iɛeddamen, ɣas akken ur
ḍlimeɣ ur dnibeɣ, ay Ameɣlal. 5 ur xdimeɣ kra n diri ; lameɛna nutni ţţazalen ţheggin iman-nsen.
Aki-d, as-ed ɣur-i twaliḍ. 6 Kečč, ay Ameɣlal, ay Illu n tzemmal, ay Illu n Isṛail, ekker-ed
tɛaqbeḍ akk leǧnas ; ur reḥḥem ula d yiwen seg ixeddaɛen-agi imesbaṭliyen. 7 Ţţuɣalen-d deg iḍ ,
sseglafen am yiḍan, ţezzin i temdint. 8 Imi-nsen yettkuffut, imeslayen-nsen d ijenwiyen, qqaṛen :
anwa ara ɣ-d-yeslen ? 9 Lameɛna kečč ay Ameɣlal teţţaḍsaḍ deg-sen, tettihiḍ di leǧnas. 10 ɣur-ek
i n-ţmuquleɣ kečč yellan d tazmert-iw ( note nezmer a nefhem daɣen "ad ddariɣ ɣur-ek si
tesmert-is" ), d kečč ay Illu i d leḥṣin-iw ! 11 Illu-yiw izeggir zdat-i s ṛṛeḥma-s, a yi-sfeṛṛeǧ deg
iɛdawen-iw. 12 Ur ten-neqq ara mulac ad yettu wegdud-iw, smenṭer-iten, teɣḍelḍ-ten s tezmert-ik
a Sidi Ṛebbi kečč yellan d amsegdel-nneɣ* ! 13 Mkul m'ara d-neṭqen d ddnub i d-iţeffɣen seg
imawen-nsen, sseɣli-ten di tceṛkett n zzux-nsen axaṭer ssnen anagar rregmat d lekdeb. 14
Ssenger-iten s wurrif, ssenger-iten ur d-igerri ara lateṛ-sen ; imiren ad setɛeṛfen di ddunit meṛṛa
belli Illu yeḥkem ɣef Isṛail armi d ixfawen n ddunit. 15 Ţţuɣalen-d deg iḍ, sseglafen am yiḍan,
ţezzin i temdint, 16 ad ţcalin sya ɣer da ad ttnadin ayen ara ččen, m'ur ṛwin ara, ad ttinẓin iḍ
kamel. 17 Ma d nekk ad cnuɣ ɣef tezmert-ik, akken ara yali wass, ad ţberriḥeɣ s leḥnana-inek ;
axaṭer kečč d leḥṣin-iw, d taseddarit-iw di lweqt n cedda. 18 Kečč yellan ţ-ţazmert-iw, ad cnuɣ
fell-ak, axaṭer Illu d leḥṣin-iw, Illu-yiw a ḥnin.
60
Tḍeggreḍ-aɣ .
1 I umeqran n terbeɛt icennayen, s talɣa n "sisan n tagwa". Asefru n Dawed i uselmed. 2 Ɣef asmi
1yennuɣ Dawed akk-d wat Aṛam n Mizubuṭamya* d wid n Ttuba, mi d-yuɣal Yuwab yeɣleb
12000n lɛeskeṛ n wat Idum di teɣza n lmelḥ. 3 Ay Illu, tḍeggṛeḍ-aɣ, teṛziḍ-aɣ; terfiḍ meɛna err-aɣ
ɣur-ek. 4 Tezzelzleḍ lqaɛa, tcergeḍ-eţ ; jbeṛ iɣisan-is axaṭer teţţenququl. 5 Tesɛeddaḍ-ed agdud-
ik si ceddat qessiḥen, tessewḍ-aɣ ccṛab iɣ-isdebdben. 6 Tefkiḍ asen ǧaq i wid i k-i ţţaggaden
iwakken ad rewlen zdat n tyita wekmir. (Note kra qqaren " Tefkiḍ asen ǧaq i wid i k-i ţţaggaden
i lmend n lḥeqq" ). 7 Iwakken ad ttuselken wid ɛzizen fell-ak, sellek s uyeffus-ik, jaweb-aɣ-ed. 8
Inṭeq-ed Yillu di leqdasa-yines : d nekk i d lɣaleb ! Ad bḍuɣ Sicem, ad ktileɣ azaɣar n Sukut. 9
Gelɛad inu, Manasi daɣen inu ; Ifṛayim ţ-ţacacit ɣef uqeṛṛuy-iw, ma d Yahuda d aɛekkaz-iw n
leḥkum. 10 Muhab d asarij anda ssirideɣ, Idum ad ḍeqreɣ fell-as arkas-iw. Note( "ad ḍeqreɣ
fell-as arkas-iw": win ara y ḍeqren arkas ɣef ayla yettbeggin-ed belli ayla-nni yin-es) Ad
neddheɣ s ttraḍ mgal Falisṭin. Note ( @ revoir) 11 Anwa ara yi-yawin ɣer temdint umi zzin
leswaṛ, anwa ara yi-ssiwḍen ɣer Idum? 12 Eɛni mačči d kečč ini a Yillu iɣ-iḍeggṛen? kečč ay Illu
ur ntteffeɣ ara akk-d tzemmal-nneɣ? 13 Ger-ed leɛnaya-k di lweqt n cedda, axaṭer leslak i d-tekken
seg umdan ur iţdum ara. 14 S leɛnaya n Yillu a neɣleb, d neţţa ara imeḥqen ixṣimen-nneɣ .
61
Ad idireɣ deg wahin-ik !
1 I umeqran n terbeɛ t n icennayen, s walal bu lexyuḍ. S ɣur Dawed. 2 Ay Illu sel-ed i tiɣri-w, ḥess-ed
i tẓallit-iw. 3 M'ara yefcel wul-iw, ssawaleɣ-ak-ed seg ixef n ddunit, awi-iyi ɣer wezṛu ɛlayen fell-i.
4 D kečč i d taseddarit-iw, d leḥṣin iqublen aɛdaw. 5 Bɣiɣ ad ţţiliɣ daymen deg ahin-ik, ad
ddariɣ seddaw n wafriwen-ik. 6 Axaṭer kečč ay Illu teţḥessiseḍ-ed i wayen uɣur ssarmeɣ ,
tettakeḍ-ed lweṛt n wid yeţţaggaden isem-ik ! Note ( neɣ: Lwert i wid yettagaden isem-ik) 7 Ernu
ussan i tudert ugellid, ssiɣzef leɛmeṛ-is si lǧil ɣer lǧil. 8 Ad ibedd leḥkem-is i lebda zdat Yillu,
tideţ-ik d leḥnana-k adɛassent fell-as. 9 S wakka ad cnuɣ daymen ɣef ddemma n yisem-ik yernu
seg wass ɣer wayeḍ ad xeddmeɣ ayen i k-weɛdeɣ .
62
Zdat Yillu i tethedden teṛwiḥt-iw.
1 I umeqran n terbeɛt n icennayen, s ɣur Yadutun ; Ahellil n Dawed. 2 D tidett, zdat Yillu i
tethedden teṛwiḥt-iw, s ɣur-es i d-itekk leslak-iw. 3 D tidett, d neţţa i d azṛu-inu, i d leslak-iw ; d
leḥṣin-iw : werǧin ad ccḍeɣ. 4 Ar melmi ara themlem ɣef wemdan, tettnadim akk a t-tenɣem, am
lḥiḍ imalen neɣ am ẓẓerb yeɣlin. 5 D tidett, ttemcawaṛen a t-id-ɣeḍlen seg umkan-is ɛlayen,
ḥemmlen ad skiddben, ţbaraken s yimawen-nsen meɛna neɛɛlen deg ulawen-nsen. 6 D tidett, a
taṛwiḥt-iw thedden ɣer Yillu ! axaṭer s ɣur-es i d-tekk usirem-iw. 7 D tidett, d neţţa i d azṛu-inu,
i d leslak-iw ; d leḥṣ in-iw : werǧin ad ccḍeɣ. 8 Deg Illu i yella leslak-iw d ccan-iw, azṛu n
tazmert-iw d tseddarit-iw deg Illu i llan ! 9 Ţkalayet daymen fell-as ay igduden, erret ayen akk
iceɣben ulawen-nwen ger ifassen-is, Illu d taseddarit-nneɣ. 10 D tidett, dderya n Adem d aḍu
kan, tarwa n wemdanţ-ţikellax ; ɣas ad rsen meṛṛa di lmizan ur ţţaznen acemma ! 11 Ur ttkalet
ara ɣef lbaṭel, ur ṭṭamaɛet deg wayen i d-yusan s weḥwaṣ; ma yennerna rrbeḥ-nwen, ur ilaq ara
ad yawi ul-nwen. 12 Tazwara, d Illu i t-id-yennan ; tis snat, sliɣ i waya : d Illu i d bab n tezmert !
13 I kečč daɣen leḥnana a Sidi Ṛebbi axaṭer teţţarraḍ i yal yiwen ɣef leḥsab n lecɣal-is.
Illu-yiw d amḥami-yinu.
1 I umeqran n terbeɛt n icennayen, s talɣa n ”ur ssengar ara”. Asefru n Dawed, asmi iceggeɛ Caɛul
wid ara d-zzin i wexxam-is iwakken a t-nɣen. 2 Ay Illu-yiw, sukkes-iyi-d seg yeɛdawen-iw, sikk-iyi
nnig wid i d-ikkren mgal-iw ! 3 Sukkes-iyi-d seg wid ixeddmen lbaṭel, Sellek-iyi-d seg wat
tmegraḍ. 4 Axaṭer atnan sɣamen-d iteṛwiḥt-iw, mcawaṛen fell-i iɛeddamen, ɣas akken ur
ḍlimeɣ ur dnibeɣ, ay Ameɣlal. 5 ur xdimeɣ kra n diri ; lameɛna nutni ţţazalen ţheggin iman-nsen.
Aki-d, as-ed ɣur-i twaliḍ. 6 Kečč, ay Ameɣlal, ay Illu n tzemmal, ay Illu n Isṛail, ekker-ed
tɛaqbeḍ akk leǧnas ; ur reḥḥem ula d yiwen seg ixeddaɛen-agi imesbaṭliyen. 7 Ţţuɣalen-d deg iḍ ,
sseglafen am yiḍan, ţezzin i temdint. 8 Imi-nsen yettkuffut, imeslayen-nsen d ijenwiyen, qqaṛen :
anwa ara ɣ-d-yeslen ? 9 Lameɛna kečč ay Ameɣlal teţţaḍsaḍ deg-sen, tettihiḍ di leǧnas. 10 ɣur-ek
i n-ţmuquleɣ kečč yellan d tazmert-iw ( note nezmer a nefhem daɣen "ad ddariɣ ɣur-ek si
tesmert-is" ), d kečč ay Illu i d leḥṣin-iw ! 11 Illu-yiw izeggir zdat-i s ṛṛeḥma-s, a yi-sfeṛṛeǧ deg
iɛdawen-iw. 12 Ur ten-neqq ara mulac ad yettu wegdud-iw, smenṭer-iten, teɣḍelḍ-ten s tezmert-ik
a Sidi Ṛebbi kečč yellan d amsegdel-nneɣ* ! 13 Mkul m'ara d-neṭqen d ddnub i d-iţeffɣen seg
imawen-nsen, sseɣli-ten di tceṛkett n zzux-nsen axaṭer ssnen anagar rregmat d lekdeb. 14
Ssenger-iten s wurrif, ssenger-iten ur d-igerri ara lateṛ-sen ; imiren ad setɛeṛfen di ddunit meṛṛa
belli Illu yeḥkem ɣef Isṛail armi d ixfawen n ddunit. 15 Ţţuɣalen-d deg iḍ, sseglafen am yiḍan,
ţezzin i temdint, 16 ad ţcalin sya ɣer da ad ttnadin ayen ara ččen, m'ur ṛwin ara, ad ttinẓin iḍ
kamel. 17 Ma d nekk ad cnuɣ ɣef tezmert-ik, akken ara yali wass, ad ţberriḥeɣ s leḥnana-inek ;
axaṭer kečč d leḥṣin-iw, d taseddarit-iw di lweqt n cedda. 18 Kečč yellan ţ-ţazmert-iw, ad cnuɣ
fell-ak, axaṭer Illu d leḥṣin-iw, Illu-yiw a ḥnin.
60
Tḍeggreḍ-aɣ .
1 I umeqran n terbeɛt icennayen, s talɣa n "sisan n tagwa". Asefru n Dawed i uselmed. 2 Ɣef asmi
1yennuɣ Dawed akk-d wat Aṛam n Mizubuṭamya* d wid n Ttuba, mi d-yuɣal Yuwab yeɣleb
12000n lɛeskeṛ n wat Idum di teɣza n lmelḥ. 3 Ay Illu, tḍeggṛeḍ-aɣ, teṛziḍ-aɣ; terfiḍ meɛna err-aɣ
ɣur-ek. 4 Tezzelzleḍ lqaɛa, tcergeḍ-eţ ; jbeṛ iɣisan-is axaṭer teţţenququl. 5 Tesɛeddaḍ-ed agdud-
ik si ceddat qessiḥen, tessewḍ-aɣ ccṛab iɣ-isdebdben. 6 Tefkiḍ asen ǧaq i wid i k-i ţţaggaden
iwakken ad rewlen zdat n tyita wekmir. (Note kra qqaren " Tefkiḍ asen ǧaq i wid i k-i ţţaggaden
i lmend n lḥeqq" ). 7 Iwakken ad ttuselken wid ɛzizen fell-ak, sellek s uyeffus-ik, jaweb-aɣ-ed. 8
Inṭeq-ed Yillu di leqdasa-yines : d nekk i d lɣaleb ! Ad bḍuɣ Sicem, ad ktileɣ azaɣar n Sukut. 9
Gelɛad inu, Manasi daɣen inu ; Ifṛayim ţ-ţacacit ɣef uqeṛṛuy-iw, ma d Yahuda d aɛekkaz-iw n
leḥkum. 10 Muhab d asarij anda ssirideɣ, Idum ad ḍeqreɣ fell-as arkas-iw. Note( "ad ḍeqreɣ
fell-as arkas-iw": win ara y ḍeqren arkas ɣef ayla yettbeggin-ed belli ayla-nni yin-es) Ad
neddheɣ s ttraḍ mgal Falisṭin. Note ( @ revoir) 11 Anwa ara yi-yawin ɣer temdint umi zzin
leswaṛ, anwa ara yi-ssiwḍen ɣer Idum? 12 Eɛni mačči d kečč ini a Yillu iɣ-iḍeggṛen? kečč ay Illu
ur ntteffeɣ ara akk-d tzemmal-nneɣ? 13 Ger-ed leɛnaya-k di lweqt n cedda, axaṭer leslak i d-tekken
seg umdan ur iţdum ara. 14 S leɛnaya n Yillu a neɣleb, d neţţa ara imeḥqen ixṣimen-nneɣ .
61
Ad idireɣ deg wahin-ik !
1 I umeqran n terbeɛ t n icennayen, s walal bu lexyuḍ. S ɣur Dawed. 2 Ay Illu sel-ed i tiɣri-w, ḥess-ed
i tẓallit-iw. 3 M'ara yefcel wul-iw, ssawaleɣ-ak-ed seg ixef n ddunit, awi-iyi ɣer wezṛu ɛlayen fell-i.
4 D kečč i d taseddarit-iw, d leḥṣin iqublen aɛdaw. 5 Bɣiɣ ad ţţiliɣ daymen deg ahin-ik, ad
ddariɣ seddaw n wafriwen-ik. 6 Axaṭer kečč ay Illu teţḥessiseḍ-ed i wayen uɣur ssarmeɣ ,
tettakeḍ-ed lweṛt n wid yeţţaggaden isem-ik ! Note ( neɣ: Lwert i wid yettagaden isem-ik) 7 Ernu
ussan i tudert ugellid, ssiɣzef leɛmeṛ-is si lǧil ɣer lǧil. 8 Ad ibedd leḥkem-is i lebda zdat Yillu,
tideţ-ik d leḥnana-k adɛassent fell-as. 9 S wakka ad cnuɣ daymen ɣef ddemma n yisem-ik yernu
seg wass ɣer wayeḍ ad xeddmeɣ ayen i k-weɛdeɣ .
62
Zdat Yillu i tethedden teṛwiḥt-iw.
1 I umeqran n terbeɛt n icennayen, s ɣur Yadutun ; Ahellil n Dawed. 2 D tidett, zdat Yillu i
tethedden teṛwiḥt-iw, s ɣur-es i d-itekk leslak-iw. 3 D tidett, d neţţa i d azṛu-inu, i d leslak-iw ; d
leḥṣin-iw : werǧin ad ccḍeɣ. 4 Ar melmi ara themlem ɣef wemdan, tettnadim akk a t-tenɣem, am
lḥiḍ imalen neɣ am ẓẓerb yeɣlin. 5 D tidett, ttemcawaṛen a t-id-ɣeḍlen seg umkan-is ɛlayen,
ḥemmlen ad skiddben, ţbaraken s yimawen-nsen meɛna neɛɛlen deg ulawen-nsen. 6 D tidett, a
taṛwiḥt-iw thedden ɣer Yillu ! axaṭer s ɣur-es i d-tekk usirem-iw. 7 D tidett, d neţţa i d azṛu-inu,
i d leslak-iw ; d leḥṣ in-iw : werǧin ad ccḍeɣ. 8 Deg Illu i yella leslak-iw d ccan-iw, azṛu n
tazmert-iw d tseddarit-iw deg Illu i llan ! 9 Ţkalayet daymen fell-as ay igduden, erret ayen akk
iceɣben ulawen-nwen ger ifassen-is, Illu d taseddarit-nneɣ. 10 D tidett, dderya n Adem d aḍu
kan, tarwa n wemdanţ-ţikellax ; ɣas ad rsen meṛṛa di lmizan ur ţţaznen acemma ! 11 Ur ttkalet
ara ɣef lbaṭel, ur ṭṭamaɛet deg wayen i d-yusan s weḥwaṣ; ma yennerna rrbeḥ-nwen, ur ilaq ara
ad yawi ul-nwen. 12 Tazwara, d Illu i t-id-yennan ; tis snat, sliɣ i waya : d Illu i d bab n tezmert !
13 I kečč daɣen leḥnana a Sidi Ṛebbi axaṭer teţţarraḍ i yal yiwen ɣef leḥsab n lecɣal-is.
