84
Ɛzizit tnezduɣin-ik.
I wmeqqran n talilt, s ugambar n Gat*, nte (Gat: gret tamawt ɣer uhellil "81:1") ahellil n warraw
n Quraḥ. 2 Acḥal ɛzizit tnezduɣin-ik ay Ameɣlal n tzemmal ! 3 Tarwiḥt-iw teggar-d nnhati, tḥar
melmi ara tekcem ɣer ifergan n Yillu, ul-iw d tfekka-w ttɛeggiḍen s lfeṛḥ i Yillu yeddren. 4 Ula d
iẓiwec yufa asgen, tifilellest tufa lɛecc anda ara tessers arraw-is, tama n idekkanen-inek ay
Ameɣlal bab n tzemmal, agellid-iw Illu-yiw. 5 Amarezg n wid i yzedɣen deg wexxam-ik, ad k-
ḥemmden i lebda. 6 D iseɛdiyen yemdanen yufan tazmert-nsen deg-ek, deg ulawen-nsen abrid
yenǧer. 7 Mi ara ɛeddin si teɣza n Baka* ttarran-tt d amda, ageffur yettaččar-itt d lbarakat.
8 Tazmert-nsen simmal tettnerni, ad bedden zdat n Yillu di Siyun*. 9 Ay Ameɣlal Illu n tzemmal,
sel-d i tẓallit-iw, ḥess-d ay Illu n Yeɛqub ! 10 Wali ay Illu, kečč yellan d tazibba-nneɣ , muqel ɣer
wudem n Win textareḍ . 11 Axaṭer menyif yiwen n wass deg ifergan-ik wala alef anda nniḍen,
axir-iyi ad beddeɣ ɣef wemnar n wexxam n Yillu-yiw wala ad zedɣaɣ ger n yemcumen. 12 Imi
Illu Ameɣlal d iṭij, d tazibba ; Ameɣlal yettak-d rreḥma d tmanegt, ur ittḥeggif ara si rrezg wid
i yteddun s ṣṣfa. 13 Ay Ameɣlal n tzemmal, amarezg n wemdan i ytteklen fell-ak.
85
Err-aɣ ɣur-ek !
I wmeqqran n talilt. Ahellil n warraw n Quraḥ. 2 Tbeggneḍ-d lemziya-k i tmurt-ik ay Ameɣlal,
tcufɛeḍ-d si lḥebs tarwa n Yeɛqub. 3 Temḥiḍ azgal n wegdud-ik, tsemḥeḍ akk ddnubat-is.
4 Tekkseḍ akk zzɛaf-ik, tebriḍ i tmes n wurrif-ik. 5 Err-aɣ ɣur-ek ay Illu n leslak-nneɣ ! Kkes
urrif-ik fell-aɣ. 6 Akka ara terfuḍ fell-aɣ i dayem? Ɛni ad tesdumeḍ urrif-k si lǧil ɣer lǧil ? 7 Ɛni
mačči d kečč ara d-yuɣalen ad ɣ-tesseḥyuḍ iwakken ad yefreḥ wegdud-ik yis-k ? 8 Ay ameɣlal,
sken-aɣ-d rreḥma-inek tefkeḍ-aɣ-d leslak-ik ! 9 Ad semḥesseɣ i wayen i d-yeqqar Yillu Ameɣlal,
axaṭer ihedder i wegdud-is d imekdiyen-is ɣef lehna iwakken ur ttuɣalen ara ɣer timmuhbelt-nsen.
10 D tidett leslak-is iqeṛb-d i wid i t-yettaggaden, iwakken ad tdum tmanegt di tmurt-nneɣ .
11 Rreḥma d tidett mlalent, taɣdemt d lehna msalament. 12 Tidett tegma-d seg wakal, taɣdemt
tḍall-d seg igenwan. 13 Ameɣlal daɣen ad d-yefk rrezg, tamurt-nneɣ ad d-tefk lɣellat-is.
14 Taɣdemt ad teddu zdat-es, isurrifen-is ad neǧren abrid.
86
Ɣur-k i n-ɛennaɣ di ccedda-w.
Taẓallit n Dawed. 1 Ay Ameɣlal efk-d tameẓẓuɣt, err-iyi-d awal ! axaṭer nekk d igellil d
ameɣbun. 2 Ḥrez tarwiḥt-iw, axaṭer d amekdi i lliɣ ; kečč ay Illu-yiw, sellek aqeddac-ik itteklen
fell-ak. 3 Ḥun fell-i a Sidi Rebbi, axaṭer ssawaleɣ-aken ass kamel. 4 Ssefreḥ tarwiḥt n uqeddac-ik,
imi ɣur-ek i tettɛenni terwiḥt-iw a Sidi Rebbi. 5 Axaṭer kečč a Sidi Ṛebbi, telhiḍ d bab n leɛfu,
teččureḍ d rreḥma ɣer wid akk i n-ittɛennin ɣur-ek. 6 Ay Ameɣlal, efk-d tameẓẓuɣt i tẓallit-iw,
err-d ddehn-ik ɣur-i mi ara k-ttḥellileɣ. 7 Deg wass n ccedda-w, ssawaleɣ-ak-n, axaṭer tettaraḍ-iyi-
d awal. 8 Ulac win k-icban ger irebbiten a Sidi Rebbi, ulac ayen yecban lecɣal-ik. 9 Leǧnas akk
i txelqeḍ, a d-asen ad seǧden zdat-ek a Sidi Ṛebbi, ad fken tamanegt i yisem-ik. 10 Axaṭer kečč d
ameqqran, txeddmeḍ leɛǧayeb, d kečč kan i d Illu. 11 Selmed-iyi iberdan-ik, ay Ameɣlal ! ad lḥuɣ
di tidett-ik, efk-iyi-d yiwen n wul akken ad aggadeɣ isem-ik. 12 Ad k-ḥemdeɣ seg wul-iw akk a
Sidi Ṛebbi, Illu-yiw, ad fkeɣ tamanegt i yisem-ik i lebda. 13 Axaṭer rreḥma-k meqqret ɣur-i,
yerna tessukseḍ-d tarwiḥ-iw si laxert lqayen. 14 Ay Illu ! kkren-d ɣur-i yemzuxxiyen, tarbeɛt n
yemcumen bɣan ad yi-nɣen, ur k-fkin ara amkan deg wul-nsen (nte walit ahellil 54,5).
15 Lameɛna kečč a Sidi Ṛebbi, d Illu aḥnin, d urḥim, ẓẓayeḍ i reffu, teččureḍ d rreḥma d laman.
16 Zzi-d tamuɣli-k ɣur-i tḥuneḍ fell-i, efk-d tazmert-ik i wqeddac-ik, rnu sellek mmi-s n
tqeddact-ik. 17 Xdem-d licara n rrezg i lmend-iw, wid i yi-kerhen ad walin ayagi ad nneḥcimen !
axaṭer d kečč , ay Ameɣlal, i yi-ttselliken i yi-ttṣebiren.
87
Tamdint n Yillu.
Ahellil n warraw n Quraḥ, ccna. 1 Tebna ɣef idurar iqedsen. 2 Ameɣlal iḥemmel tiwwura n Siyun*
kteṛ akk n tnezduɣin n Yaɛqub. 3 Hedren fell-am ayen yeččuren d tamanegt a tamdint n Yillu.
4 Ad d-bedreɣ Maṣer d Babilun ger wid i yi-ssnen, attah tmurt n Filisṭin d Tir ak d Ityubya :
dagi i ylul leflani. 5 Meɛna ɣef Siyun nnan : deg-s akk i lulen, ladɣa d win ɛlayen s yiman-is i tt-
ireṣṣan. 6 Ameɣlal iḥetteb mi ara yettjerrid igduden : dagi i ylul leflani. 7 Am wid icennun am wid
iceṭṭḥen qqaren : deg-m i llan leɛwanṣer-nneɣ .
Ɛzizit tnezduɣin-ik.
I wmeqqran n talilt, s ugambar n Gat*, nte (Gat: gret tamawt ɣer uhellil "81:1") ahellil n warraw
n Quraḥ. 2 Acḥal ɛzizit tnezduɣin-ik ay Ameɣlal n tzemmal ! 3 Tarwiḥt-iw teggar-d nnhati, tḥar
melmi ara tekcem ɣer ifergan n Yillu, ul-iw d tfekka-w ttɛeggiḍen s lfeṛḥ i Yillu yeddren. 4 Ula d
iẓiwec yufa asgen, tifilellest tufa lɛecc anda ara tessers arraw-is, tama n idekkanen-inek ay
Ameɣlal bab n tzemmal, agellid-iw Illu-yiw. 5 Amarezg n wid i yzedɣen deg wexxam-ik, ad k-
ḥemmden i lebda. 6 D iseɛdiyen yemdanen yufan tazmert-nsen deg-ek, deg ulawen-nsen abrid
yenǧer. 7 Mi ara ɛeddin si teɣza n Baka* ttarran-tt d amda, ageffur yettaččar-itt d lbarakat.
8 Tazmert-nsen simmal tettnerni, ad bedden zdat n Yillu di Siyun*. 9 Ay Ameɣlal Illu n tzemmal,
sel-d i tẓallit-iw, ḥess-d ay Illu n Yeɛqub ! 10 Wali ay Illu, kečč yellan d tazibba-nneɣ , muqel ɣer
wudem n Win textareḍ . 11 Axaṭer menyif yiwen n wass deg ifergan-ik wala alef anda nniḍen,
axir-iyi ad beddeɣ ɣef wemnar n wexxam n Yillu-yiw wala ad zedɣaɣ ger n yemcumen. 12 Imi
Illu Ameɣlal d iṭij, d tazibba ; Ameɣlal yettak-d rreḥma d tmanegt, ur ittḥeggif ara si rrezg wid
i yteddun s ṣṣfa. 13 Ay Ameɣlal n tzemmal, amarezg n wemdan i ytteklen fell-ak.
85
Err-aɣ ɣur-ek !
I wmeqqran n talilt. Ahellil n warraw n Quraḥ. 2 Tbeggneḍ-d lemziya-k i tmurt-ik ay Ameɣlal,
tcufɛeḍ-d si lḥebs tarwa n Yeɛqub. 3 Temḥiḍ azgal n wegdud-ik, tsemḥeḍ akk ddnubat-is.
4 Tekkseḍ akk zzɛaf-ik, tebriḍ i tmes n wurrif-ik. 5 Err-aɣ ɣur-ek ay Illu n leslak-nneɣ ! Kkes
urrif-ik fell-aɣ. 6 Akka ara terfuḍ fell-aɣ i dayem? Ɛni ad tesdumeḍ urrif-k si lǧil ɣer lǧil ? 7 Ɛni
mačči d kečč ara d-yuɣalen ad ɣ-tesseḥyuḍ iwakken ad yefreḥ wegdud-ik yis-k ? 8 Ay ameɣlal,
sken-aɣ-d rreḥma-inek tefkeḍ-aɣ-d leslak-ik ! 9 Ad semḥesseɣ i wayen i d-yeqqar Yillu Ameɣlal,
axaṭer ihedder i wegdud-is d imekdiyen-is ɣef lehna iwakken ur ttuɣalen ara ɣer timmuhbelt-nsen.
10 D tidett leslak-is iqeṛb-d i wid i t-yettaggaden, iwakken ad tdum tmanegt di tmurt-nneɣ .
11 Rreḥma d tidett mlalent, taɣdemt d lehna msalament. 12 Tidett tegma-d seg wakal, taɣdemt
tḍall-d seg igenwan. 13 Ameɣlal daɣen ad d-yefk rrezg, tamurt-nneɣ ad d-tefk lɣellat-is.
14 Taɣdemt ad teddu zdat-es, isurrifen-is ad neǧren abrid.
86
Ɣur-k i n-ɛennaɣ di ccedda-w.
Taẓallit n Dawed. 1 Ay Ameɣlal efk-d tameẓẓuɣt, err-iyi-d awal ! axaṭer nekk d igellil d
ameɣbun. 2 Ḥrez tarwiḥt-iw, axaṭer d amekdi i lliɣ ; kečč ay Illu-yiw, sellek aqeddac-ik itteklen
fell-ak. 3 Ḥun fell-i a Sidi Rebbi, axaṭer ssawaleɣ-aken ass kamel. 4 Ssefreḥ tarwiḥt n uqeddac-ik,
imi ɣur-ek i tettɛenni terwiḥt-iw a Sidi Rebbi. 5 Axaṭer kečč a Sidi Ṛebbi, telhiḍ d bab n leɛfu,
teččureḍ d rreḥma ɣer wid akk i n-ittɛennin ɣur-ek. 6 Ay Ameɣlal, efk-d tameẓẓuɣt i tẓallit-iw,
err-d ddehn-ik ɣur-i mi ara k-ttḥellileɣ. 7 Deg wass n ccedda-w, ssawaleɣ-ak-n, axaṭer tettaraḍ-iyi-
d awal. 8 Ulac win k-icban ger irebbiten a Sidi Rebbi, ulac ayen yecban lecɣal-ik. 9 Leǧnas akk
i txelqeḍ, a d-asen ad seǧden zdat-ek a Sidi Ṛebbi, ad fken tamanegt i yisem-ik. 10 Axaṭer kečč d
ameqqran, txeddmeḍ leɛǧayeb, d kečč kan i d Illu. 11 Selmed-iyi iberdan-ik, ay Ameɣlal ! ad lḥuɣ
di tidett-ik, efk-iyi-d yiwen n wul akken ad aggadeɣ isem-ik. 12 Ad k-ḥemdeɣ seg wul-iw akk a
Sidi Ṛebbi, Illu-yiw, ad fkeɣ tamanegt i yisem-ik i lebda. 13 Axaṭer rreḥma-k meqqret ɣur-i,
yerna tessukseḍ-d tarwiḥ-iw si laxert lqayen. 14 Ay Illu ! kkren-d ɣur-i yemzuxxiyen, tarbeɛt n
yemcumen bɣan ad yi-nɣen, ur k-fkin ara amkan deg wul-nsen (nte walit ahellil 54,5).
15 Lameɛna kečč a Sidi Ṛebbi, d Illu aḥnin, d urḥim, ẓẓayeḍ i reffu, teččureḍ d rreḥma d laman.
16 Zzi-d tamuɣli-k ɣur-i tḥuneḍ fell-i, efk-d tazmert-ik i wqeddac-ik, rnu sellek mmi-s n
tqeddact-ik. 17 Xdem-d licara n rrezg i lmend-iw, wid i yi-kerhen ad walin ayagi ad nneḥcimen !
axaṭer d kečč , ay Ameɣlal, i yi-ttselliken i yi-ttṣebiren.
87
Tamdint n Yillu.
Ahellil n warraw n Quraḥ, ccna. 1 Tebna ɣef idurar iqedsen. 2 Ameɣlal iḥemmel tiwwura n Siyun*
kteṛ akk n tnezduɣin n Yaɛqub. 3 Hedren fell-am ayen yeččuren d tamanegt a tamdint n Yillu.
4 Ad d-bedreɣ Maṣer d Babilun ger wid i yi-ssnen, attah tmurt n Filisṭin d Tir ak d Ityubya :
dagi i ylul leflani. 5 Meɛna ɣef Siyun nnan : deg-s akk i lulen, ladɣa d win ɛlayen s yiman-is i tt-
ireṣṣan. 6 Ameɣlal iḥetteb mi ara yettjerrid igduden : dagi i ylul leflani. 7 Am wid icennun am wid
iceṭṭḥen qqaren : deg-m i llan leɛwanṣer-nneɣ .
