75
D Illu i gḥekkmen.
1 Ahellil n Asaf. I wumeqqran n terbaɛt n icennayen s lḥenn "ur ssengar ara". Ccna. 2 A k-neḥmed
ay Illu a k-neḥmed, isem-ik iqeṛb-ed ; lecɣal-ik issewhamen ttwabecṛen. 3 Di lawan ara ɛeggneɣ ,
nekk ad ḥekmeɣ s lḥeqq. 4 Lqaɛa s imezdaɣ-is ad nguglen, nekk ṛeṣṣaɣ tigejda-yis. 5 Ad iniɣ i
wid yessimɣuren iman-nsen, " ur ssimɣuret ara iman-nwen" i yemcumen "ur d-ssuffuɣet ara
acciwen ". 6 Ur ssaɛlayet ara acciwen-nwen deg igenni, ur ttmeslayet ara s uɛenqeq d zzux. 7
Axaṭer mačči seg umalu neɣ seg usamar neɣ seg uneẓruf i d-tettas teɛli ; 8 imi Illu d neţţa i
gḥekkmen, wa a t-iṣubb, wa a t-yessali. 9 Ameɣlal iṭṭef deg ufus-is taqbuct n ccṛab semmumen,
ccṛab n wurrif-is, ad yesmir seg-s, imcumen akk n lqaɛa a t-swen a t-sekfen alamma d nnkel. 10
Ma d nekk ad berrḥeɣ s wayagi i lebda, ad cnuɣ i Yillu n Yeɛqub. 11 "Ad rẓeɣ acciwen n
yemcumen, ad sbeddeɣ aqeṛṛu n uḥeqqi." note: ( Illu ad yeṛṛez. . . . )
76
Lhiba n Yillu.
1 Ahellil n Asaf, i wumeqqran n terbaɛt n icennayen, s wallalen n yenzizen. Ccna. 2 Illu yettwassen
di Yahuda, isem-is d ameqqran di Isṛail. 3 Ahin-ines di Yirucalim, tanezduɣt-is di Siyun. 4 Dinna
i gerẓa lebṛaq n wekmir, taseddarit, ajenwi akk-d ṭṭrad. 5 Kečč tettfeǧǧiǧeḍ, tamanegt-ik tugar
idurar n lebda. 6 Ifeḥliyen at tissas ttwaɛerran, iɣdeṛ-iten yiḍes, at iɣallen-agi iǧehden ur zmiren
ara ad rren tiyita. 7 Mi ten-tessugdeḍ ay Illu n Yeɛqub, akeṛṛus d uɛewdiw qurrmen. 8 Kečč
tesɛiḍ lhiba, anwa ara ibedden zdat-ek m'ara terfuḍ! ? 9 Seg igenwan tberḥeḍ-ed s leḥkum,
lqaɛa tuggad tessusem, 10 mi d-ikker Yillu i wussizref * akken ad isellek akk imeɣban n lqaɛa. 11
Ula d urrif n wemdan ittḥemmid-ik, wid ur iḥuza wurrif tbeggseḍ yis-sen. note : wid mazal zgan
deg urrif tbeggseḍ yis-sen. 12 Weɛdet i Wumeɣlal Illu-nwen txedmem ayen swayes i tweɛdem,
kunwi akk i s-d-yezzin awit-ed tirezzaf i Yillu bab n lhiba. 13 Iqḍeɛ nnefs i yimeqqranen,
isserhab igelliden n lqaɛa.
77
Ttmektayeɣ-ed lecɣal-ik meqqren.
1 Ahellil n Asaf i wumeqqran n terbaɛt* n icennayen. Yecna-t Yedutun*. 2 Taɣect-iw tɛella ɣer
Yillu, ad ɛeggḍeɣ, taɣect-iw tɛella ɣer Yillu, a yi-d-isel . 3 Di tegnitt n ccedda-w ttɛenniɣ ɣer Sidi
Ṛebbi, deg i ḍafus-iw itteẓẓel mebla facal; taṛwiḥt-iw tugi a ṣebbeṛ. 4 Ttmektayeɣ-ed Illu
ttnazeɛeɣ, mi ttxemmimeɣ ṛṛuḥ -iw yerdem. 5 Ur teǧǧiḍ ara ad yeres ccfeṛ-iw, tqelqeɣ ur zmireɣ
a d-neṭqeɣ. 6 Ţxemmimeɣ ɣef ussan n zik, ɣef iseggasen n zzman iɛeddan. 7 Deg yiḍ smektayeɣ-d
leḥmadi-yiw, sseḥsabeɣ deg ul-iw, steqsayeɣ deg iman-iw. 8 Eɛni aɣ-iḍeggeṛ Sidi Ṛebbi i lebda?
Ur yettuɣal ara a d-yiḥnin fell-aneɣ? 9 Eɛni tekfa ṛṛeḥma-ines i lebda, inneqḍaɛ wawal-is si lǧil
ɣer lǧil? 10 Eɛni yettu Yillu ṛṛeḥma-s fell-aneɣ ? Deg urrif-is iqḍeɛ fell-aɣ aḥunnu ? 11 Nniɣ : "
ayen i yi-qeṛḥen, d akken ayeffus n win ɛlayen ibeddel fell-aneɣ". 12 Ttmektayeɣ-ed lecɣal
Umeɣlal, d tidett ttmektayeɣ-ed lmuɛǧizat-ik n zik. 13 Ttmeyyizeɣ deg wayen akk i txedmeḍ ,
ttxemmimeɣ ɣef lecɣal-ik meqqṛen. 14 Ay Illu abrid-ik d leqdasa, yella yillu meqqren am Yillu?
15 D kečč i d Illu i gxeddmen lbeṛhanat, tbeggenḍ-ed tazmert-ik ger yegduden. 16 S yiɣil-ik
tefdiḍ-ed agdud-ik, tarwa n Yeɛqub d Yusef. 17 Walan-k-id waman ay Illu, walan-k-id waman
rgagin, ula d lqiɛan n lebḥuṛ nhewwalen. 18 Asigna ibra-d i yiḥemmalen n waman, ṛṛɛud i ṣṣeɛṣeɛ
deg igenni, tiḥeṛbunin-ik wwḍent ɣer yal tama. 19 Ṛṛɛud-ik i ṣṣeqṣeq di tbuciḍant, lebṛaq
feǧǧeǧen ddunit, lqaɛa tuggad tergagi. 20 Teldiḍ abrid-ik di lebḥer, tɛeddaḍ deg waman lqayen,
yiwen ur yufi laṭeṛ-ik. 21 Tewwiḍ agdud-ik am tqeḍɛit s ufus n Musa d Haṛun.
D Illu i gḥekkmen.
1 Ahellil n Asaf. I wumeqqran n terbaɛt n icennayen s lḥenn "ur ssengar ara". Ccna. 2 A k-neḥmed
ay Illu a k-neḥmed, isem-ik iqeṛb-ed ; lecɣal-ik issewhamen ttwabecṛen. 3 Di lawan ara ɛeggneɣ ,
nekk ad ḥekmeɣ s lḥeqq. 4 Lqaɛa s imezdaɣ-is ad nguglen, nekk ṛeṣṣaɣ tigejda-yis. 5 Ad iniɣ i
wid yessimɣuren iman-nsen, " ur ssimɣuret ara iman-nwen" i yemcumen "ur d-ssuffuɣet ara
acciwen ". 6 Ur ssaɛlayet ara acciwen-nwen deg igenni, ur ttmeslayet ara s uɛenqeq d zzux. 7
Axaṭer mačči seg umalu neɣ seg usamar neɣ seg uneẓruf i d-tettas teɛli ; 8 imi Illu d neţţa i
gḥekkmen, wa a t-iṣubb, wa a t-yessali. 9 Ameɣlal iṭṭef deg ufus-is taqbuct n ccṛab semmumen,
ccṛab n wurrif-is, ad yesmir seg-s, imcumen akk n lqaɛa a t-swen a t-sekfen alamma d nnkel. 10
Ma d nekk ad berrḥeɣ s wayagi i lebda, ad cnuɣ i Yillu n Yeɛqub. 11 "Ad rẓeɣ acciwen n
yemcumen, ad sbeddeɣ aqeṛṛu n uḥeqqi." note: ( Illu ad yeṛṛez. . . . )
76
Lhiba n Yillu.
1 Ahellil n Asaf, i wumeqqran n terbaɛt n icennayen, s wallalen n yenzizen. Ccna. 2 Illu yettwassen
di Yahuda, isem-is d ameqqran di Isṛail. 3 Ahin-ines di Yirucalim, tanezduɣt-is di Siyun. 4 Dinna
i gerẓa lebṛaq n wekmir, taseddarit, ajenwi akk-d ṭṭrad. 5 Kečč tettfeǧǧiǧeḍ, tamanegt-ik tugar
idurar n lebda. 6 Ifeḥliyen at tissas ttwaɛerran, iɣdeṛ-iten yiḍes, at iɣallen-agi iǧehden ur zmiren
ara ad rren tiyita. 7 Mi ten-tessugdeḍ ay Illu n Yeɛqub, akeṛṛus d uɛewdiw qurrmen. 8 Kečč
tesɛiḍ lhiba, anwa ara ibedden zdat-ek m'ara terfuḍ! ? 9 Seg igenwan tberḥeḍ-ed s leḥkum,
lqaɛa tuggad tessusem, 10 mi d-ikker Yillu i wussizref * akken ad isellek akk imeɣban n lqaɛa. 11
Ula d urrif n wemdan ittḥemmid-ik, wid ur iḥuza wurrif tbeggseḍ yis-sen. note : wid mazal zgan
deg urrif tbeggseḍ yis-sen. 12 Weɛdet i Wumeɣlal Illu-nwen txedmem ayen swayes i tweɛdem,
kunwi akk i s-d-yezzin awit-ed tirezzaf i Yillu bab n lhiba. 13 Iqḍeɛ nnefs i yimeqqranen,
isserhab igelliden n lqaɛa.
77
Ttmektayeɣ-ed lecɣal-ik meqqren.
1 Ahellil n Asaf i wumeqqran n terbaɛt* n icennayen. Yecna-t Yedutun*. 2 Taɣect-iw tɛella ɣer
Yillu, ad ɛeggḍeɣ, taɣect-iw tɛella ɣer Yillu, a yi-d-isel . 3 Di tegnitt n ccedda-w ttɛenniɣ ɣer Sidi
Ṛebbi, deg i ḍafus-iw itteẓẓel mebla facal; taṛwiḥt-iw tugi a ṣebbeṛ. 4 Ttmektayeɣ-ed Illu
ttnazeɛeɣ, mi ttxemmimeɣ ṛṛuḥ -iw yerdem. 5 Ur teǧǧiḍ ara ad yeres ccfeṛ-iw, tqelqeɣ ur zmireɣ
a d-neṭqeɣ. 6 Ţxemmimeɣ ɣef ussan n zik, ɣef iseggasen n zzman iɛeddan. 7 Deg yiḍ smektayeɣ-d
leḥmadi-yiw, sseḥsabeɣ deg ul-iw, steqsayeɣ deg iman-iw. 8 Eɛni aɣ-iḍeggeṛ Sidi Ṛebbi i lebda?
Ur yettuɣal ara a d-yiḥnin fell-aneɣ? 9 Eɛni tekfa ṛṛeḥma-ines i lebda, inneqḍaɛ wawal-is si lǧil
ɣer lǧil? 10 Eɛni yettu Yillu ṛṛeḥma-s fell-aneɣ ? Deg urrif-is iqḍeɛ fell-aɣ aḥunnu ? 11 Nniɣ : "
ayen i yi-qeṛḥen, d akken ayeffus n win ɛlayen ibeddel fell-aneɣ". 12 Ttmektayeɣ-ed lecɣal
Umeɣlal, d tidett ttmektayeɣ-ed lmuɛǧizat-ik n zik. 13 Ttmeyyizeɣ deg wayen akk i txedmeḍ ,
ttxemmimeɣ ɣef lecɣal-ik meqqṛen. 14 Ay Illu abrid-ik d leqdasa, yella yillu meqqren am Yillu?
15 D kečč i d Illu i gxeddmen lbeṛhanat, tbeggenḍ-ed tazmert-ik ger yegduden. 16 S yiɣil-ik
tefdiḍ-ed agdud-ik, tarwa n Yeɛqub d Yusef. 17 Walan-k-id waman ay Illu, walan-k-id waman
rgagin, ula d lqiɛan n lebḥuṛ nhewwalen. 18 Asigna ibra-d i yiḥemmalen n waman, ṛṛɛud i ṣṣeɛṣeɛ
deg igenni, tiḥeṛbunin-ik wwḍent ɣer yal tama. 19 Ṛṛɛud-ik i ṣṣeqṣeq di tbuciḍant, lebṛaq
feǧǧeǧen ddunit, lqaɛa tuggad tergagi. 20 Teldiḍ abrid-ik di lebḥer, tɛeddaḍ deg waman lqayen,
yiwen ur yufi laṭeṛ-ik. 21 Tewwiḍ agdud-ik am tqeḍɛit s ufus n Musa d Haṛun.
