20
Ɣer Rebbi i yella leslak.
1 I umeqran n talilt. Ahellil n Dawed. 2 Ad k-id-iqbel Umeɣlal deg wass n ccedda, Ad
isseḥbiber fellak yisem n Yillu n Yeɛqub ! 3 Ad k-d-iceggeɛ leslak seg umkan iqedsen, ad k-id-
isalel si Siyun. 4 Ad d-immekti akk lewɛadi-inek, ad iqbel iseflawen-ik irɣan ! 5 Ad k-d-yefk
ayen yebɣa wul-ik, ad isnekmil akk lmeqsud-ik. 6 Ad nɛeggeḍ s lferḥ ɣef ddemma n
leslak-ik, ad nerfed takbabt s yisem n Yillu-nneɣ, Ad d-iqbel Umeɣlal ayen akk i
tessutureḍ. 7 Tura ẓriɣ belli Ameɣlal ittsellik lmasiḥ-ines*, ad t-id-iqbel seg umkan-is
iqedsen deg igenwan, s tezmert n leslak n uyeffus-is. 8 Kra tteklen ɣef ikerrusen-nsen,
wiyaḍ ɣef iɛewdiwen-nsen, ma d nekni nettɛenni ɣer isem n Umeɣlal Illu-nneɣ. 9 Netni
kennun ɣellin ; ma d nekni nbedd, neṭṭef. 10 Ay Ameɣlal, sellek agellid ! ad ɣ-d-yerr awal
mi ara ad nɛenni ɣures !
21
Lettkal deg Umeɣlal.
1 I umeqran n talilt. Ahellil n Dawed. 2 Ay Ameɣlal! yefreḥ ugellid s tezmert-ik. acḥal i t-yessefra
ḥ leslak-ik. 3 Tefkiḍ-as ayen yebɣa wul-is, ur s-tugiḍ ara ayen yessarem yimi-s. 4
Axaṭer tettmagareḍ-t s lbarakat ifazen, tsserseḍ ɣef uqerru-yis taɛeṣṣabt n wureɣ yeṣfan. 5
Yessuter-ak tudert, tefkiḍ-as-tt-id, teɣzi n leɛmer i dayem, i lebda. 6 Tamanegt-is meqqret
ɣef ddemma n leslak-ik; tesserseḍ fellas afeǧǧeǧ d tmanegt. 7 Terriḍ-t d lbaṛaka, i dayem,
t ččureḍ-t d lferḥ zdatek. 8 Agellid yettkal ɣef Umeɣlal; s leɛnaya n Win-Ɛlayen ur
ittemderkil ara. 9 Afus-ik ad yeṭṭef akk iɛdawen-ik, ayeffus-ik ad yeṭṭef wid i k-ikerhen. 10
ad ten-terreḍ am tergin ireqqen, Ass i deg ara d-tbeggneḍ iman-ik; Ad ten-yessebleɛ
Umeɣlal deg wurrif-is, Dɣa ad ten-tečč tmes. 11 Ad tesnegreḍ ccetla-nsen si lqaɛa, aked
dderya-nsen si ger yemdanen. 12 Qesden ad k-xedmen ccer, xemmemen ɣef txazabit,
maɛna ur ttizmiren ara, 13 Axaṭer ad rewlen zdatek, Ad tjebdeḍ fell-asen s wekmir-ik. 14
Kker ay Ameɣlal, s lǧehd-ik! Ad necnu ad nhellel ilmend n tezmert-ik.
22
A Yillu, acuɣer i yi-teǧǧiḍ ?
1 I umeqran n talilt. S lḥen n "teɣzalt n tefrara". Ahellil n Dawed. 2 Ay Illu-yiw! ay Illu-yiw!
acuɣer i yi-teǧǧiḍ? Ay akken ccetkaɣ ɣurek, leslak-iw yebɛed felli. 3 Ay Yillu-iw, deg wass
ssawaleɣ-ak-n ur i yi-d-tettarraḍ; ula degiḍ ur ttsusumeɣ ara. 4 Kečč yellan d imqeddes,
tettiliḍ ger leḥmadi n Israil. 5 Fellak i tteklen lejdud-nneɣ ; tteklen, dɣa tsellkeḍ-ten. 6
Ɛeggḍen ɣurek dɣa menɛen; tteklen fellak dɣa ur ttwaḥecmen ara. 7 Ma d nekk, d ijirmeḍ
mačči d amdan, D lɛaṛ ɣer yemdanen, d ameḥqur ɣer wegdud. 8 Wid merra i yi-ttwalin
ttmesxiren felli, leddin imawen-nsen, tthuzzun iqerray-nsen qqaren: 9 I yettkel ihi ɣef
Umeɣlal! ad t-id issemneɛ, ad t-id-issukkes, inaɣ iḥemmel-it! 10 D kečč i yi-d-issufɣen si
tɛebbuṭ n yemma, twekkleḍ-iyi ɣer yedmaren-is. 11 Seg mi i d-luleɣ , ttuwekleɣ ɣer irebbi-ik,
si tɛebbuṭ n yemma kečč d Illu-yiw. 12 Ur beɛɛed ara felli axaṭer teḥder-d ccedda,
yernu ulac amɛiwen. 13 Zzin-iyi-d waṭas n yezgaren, Nnḍen-iyi-d yezgaren n Bacan. 14
Leddin-d imawen-nsen mgal-iw, am yizem igezzren isreɛriɛen. 15 U aleɣ am waman
yettruḥun, ddegdgen merra yeɣsan-iw; ul-iw am ccmeɛ , ifetti deg uɛebbuḍ-iw. 16 Ifadden-iw
ttkawen am talext, iles-iw yenṭeḍ ɣer waneɣ-iw; tessadreḍ-iyi ɣer wakal n lmut. 17
Axaṭer zzin-iyi-d yiḍan, tarbeɛt n yemcumen tenneḍ-iyi-d, flan ifassen-iw d i ḍarren-iw. 18
Zemreɣ ad ḥesbeɣ akk iɣsan-iw, netni, ttmuqulen, ttferriǧen dgi. 19 Ferqen ger-asen
iceṭṭiḍen-iw, gren tasɣart ɣef ubernus-iw. 20 Kečč ay Ameɣlal, ur beɛɛed ara! kečč yellan d
tazmert-iw, ɣiwel-d ad yi-tesmenɛeḍ! 21 Ssukkes-d tarwiḥt-iw seg ujenwi, d tudert-iw seg
ifassen n yiḍan! 22 Sellek-iyi-d seg imi n yizem, d wacciwen n wezger! Tqebleḍ-iyi-d ! 23 Ad
berrḥeɣ s yisem-ik ger watmaten-iw, ad k-ḥemdeɣ di tlemmast n wegraw. 24 kenwi
yettagaden Ameɣlal, ḥemdet-tt! Kenwi merra a ccetla n Yaqub, fket-as tamanegt! Rgigit
zdates, kenwi akk a ccetla n Israil! 25 Axaṭer ur idul ur iḥqir cedda n umeɣbun, ur iteffer
ara udem-is fellas; lameɛna ittḥessis-as mi ara iɛeggeḍ ɣures. 26 Ad tiliḍ d sebba n
leḥmadi-inu deg wegraw meqqren; ad xedmeɣ ayen i k-weɛdeɣ, zdat wid i k-yettaggaden.
27 Ad ččen iẓawaliyen ad rwun, ad ḥemden Ameɣlal, wid ittnadin fellas. Ad idiren
wulawen-nwen i dayem! 28 Ixfawen akk n ddunit ad mmektin Ameɣlal yerna ad zzin
ɣures; Iderman akk n leǧnas ad seǧden zdates! 29 Axaṭer tageldit, n Umeɣlal, yeḥkem ɣef
leǧnas. 30 Imeqqranen akk n ddunit ad ččen yerna ad seǧden; ad knun zdates wid akk ara
yadren ɣer wakal, Wid ur nezmir ad ḥerzen tudert-nsen. 31 Dderya i d-iteddun ad t-teɛbed;
ad hedren ɣef Sidi Rebbi i tsuta i d-iteddun. 32 Ad asen ad berḥen ɣef teɣdemt-is, ɣef
wayen yexdem, i wegdud ara d ilalen.
Ɣer Rebbi i yella leslak.
1 I umeqran n talilt. Ahellil n Dawed. 2 Ad k-id-iqbel Umeɣlal deg wass n ccedda, Ad
isseḥbiber fellak yisem n Yillu n Yeɛqub ! 3 Ad k-d-iceggeɛ leslak seg umkan iqedsen, ad k-id-
isalel si Siyun. 4 Ad d-immekti akk lewɛadi-inek, ad iqbel iseflawen-ik irɣan ! 5 Ad k-d-yefk
ayen yebɣa wul-ik, ad isnekmil akk lmeqsud-ik. 6 Ad nɛeggeḍ s lferḥ ɣef ddemma n
leslak-ik, ad nerfed takbabt s yisem n Yillu-nneɣ, Ad d-iqbel Umeɣlal ayen akk i
tessutureḍ. 7 Tura ẓriɣ belli Ameɣlal ittsellik lmasiḥ-ines*, ad t-id-iqbel seg umkan-is
iqedsen deg igenwan, s tezmert n leslak n uyeffus-is. 8 Kra tteklen ɣef ikerrusen-nsen,
wiyaḍ ɣef iɛewdiwen-nsen, ma d nekni nettɛenni ɣer isem n Umeɣlal Illu-nneɣ. 9 Netni
kennun ɣellin ; ma d nekni nbedd, neṭṭef. 10 Ay Ameɣlal, sellek agellid ! ad ɣ-d-yerr awal
mi ara ad nɛenni ɣures !
21
Lettkal deg Umeɣlal.
1 I umeqran n talilt. Ahellil n Dawed. 2 Ay Ameɣlal! yefreḥ ugellid s tezmert-ik. acḥal i t-yessefra
ḥ leslak-ik. 3 Tefkiḍ-as ayen yebɣa wul-is, ur s-tugiḍ ara ayen yessarem yimi-s. 4
Axaṭer tettmagareḍ-t s lbarakat ifazen, tsserseḍ ɣef uqerru-yis taɛeṣṣabt n wureɣ yeṣfan. 5
Yessuter-ak tudert, tefkiḍ-as-tt-id, teɣzi n leɛmer i dayem, i lebda. 6 Tamanegt-is meqqret
ɣef ddemma n leslak-ik; tesserseḍ fellas afeǧǧeǧ d tmanegt. 7 Terriḍ-t d lbaṛaka, i dayem,
t ččureḍ-t d lferḥ zdatek. 8 Agellid yettkal ɣef Umeɣlal; s leɛnaya n Win-Ɛlayen ur
ittemderkil ara. 9 Afus-ik ad yeṭṭef akk iɛdawen-ik, ayeffus-ik ad yeṭṭef wid i k-ikerhen. 10
ad ten-terreḍ am tergin ireqqen, Ass i deg ara d-tbeggneḍ iman-ik; Ad ten-yessebleɛ
Umeɣlal deg wurrif-is, Dɣa ad ten-tečč tmes. 11 Ad tesnegreḍ ccetla-nsen si lqaɛa, aked
dderya-nsen si ger yemdanen. 12 Qesden ad k-xedmen ccer, xemmemen ɣef txazabit,
maɛna ur ttizmiren ara, 13 Axaṭer ad rewlen zdatek, Ad tjebdeḍ fell-asen s wekmir-ik. 14
Kker ay Ameɣlal, s lǧehd-ik! Ad necnu ad nhellel ilmend n tezmert-ik.
22
A Yillu, acuɣer i yi-teǧǧiḍ ?
1 I umeqran n talilt. S lḥen n "teɣzalt n tefrara". Ahellil n Dawed. 2 Ay Illu-yiw! ay Illu-yiw!
acuɣer i yi-teǧǧiḍ? Ay akken ccetkaɣ ɣurek, leslak-iw yebɛed felli. 3 Ay Yillu-iw, deg wass
ssawaleɣ-ak-n ur i yi-d-tettarraḍ; ula degiḍ ur ttsusumeɣ ara. 4 Kečč yellan d imqeddes,
tettiliḍ ger leḥmadi n Israil. 5 Fellak i tteklen lejdud-nneɣ ; tteklen, dɣa tsellkeḍ-ten. 6
Ɛeggḍen ɣurek dɣa menɛen; tteklen fellak dɣa ur ttwaḥecmen ara. 7 Ma d nekk, d ijirmeḍ
mačči d amdan, D lɛaṛ ɣer yemdanen, d ameḥqur ɣer wegdud. 8 Wid merra i yi-ttwalin
ttmesxiren felli, leddin imawen-nsen, tthuzzun iqerray-nsen qqaren: 9 I yettkel ihi ɣef
Umeɣlal! ad t-id issemneɛ, ad t-id-issukkes, inaɣ iḥemmel-it! 10 D kečč i yi-d-issufɣen si
tɛebbuṭ n yemma, twekkleḍ-iyi ɣer yedmaren-is. 11 Seg mi i d-luleɣ , ttuwekleɣ ɣer irebbi-ik,
si tɛebbuṭ n yemma kečč d Illu-yiw. 12 Ur beɛɛed ara felli axaṭer teḥder-d ccedda,
yernu ulac amɛiwen. 13 Zzin-iyi-d waṭas n yezgaren, Nnḍen-iyi-d yezgaren n Bacan. 14
Leddin-d imawen-nsen mgal-iw, am yizem igezzren isreɛriɛen. 15 U aleɣ am waman
yettruḥun, ddegdgen merra yeɣsan-iw; ul-iw am ccmeɛ , ifetti deg uɛebbuḍ-iw. 16 Ifadden-iw
ttkawen am talext, iles-iw yenṭeḍ ɣer waneɣ-iw; tessadreḍ-iyi ɣer wakal n lmut. 17
Axaṭer zzin-iyi-d yiḍan, tarbeɛt n yemcumen tenneḍ-iyi-d, flan ifassen-iw d i ḍarren-iw. 18
Zemreɣ ad ḥesbeɣ akk iɣsan-iw, netni, ttmuqulen, ttferriǧen dgi. 19 Ferqen ger-asen
iceṭṭiḍen-iw, gren tasɣart ɣef ubernus-iw. 20 Kečč ay Ameɣlal, ur beɛɛed ara! kečč yellan d
tazmert-iw, ɣiwel-d ad yi-tesmenɛeḍ! 21 Ssukkes-d tarwiḥt-iw seg ujenwi, d tudert-iw seg
ifassen n yiḍan! 22 Sellek-iyi-d seg imi n yizem, d wacciwen n wezger! Tqebleḍ-iyi-d ! 23 Ad
berrḥeɣ s yisem-ik ger watmaten-iw, ad k-ḥemdeɣ di tlemmast n wegraw. 24 kenwi
yettagaden Ameɣlal, ḥemdet-tt! Kenwi merra a ccetla n Yaqub, fket-as tamanegt! Rgigit
zdates, kenwi akk a ccetla n Israil! 25 Axaṭer ur idul ur iḥqir cedda n umeɣbun, ur iteffer
ara udem-is fellas; lameɛna ittḥessis-as mi ara iɛeggeḍ ɣures. 26 Ad tiliḍ d sebba n
leḥmadi-inu deg wegraw meqqren; ad xedmeɣ ayen i k-weɛdeɣ, zdat wid i k-yettaggaden.
27 Ad ččen iẓawaliyen ad rwun, ad ḥemden Ameɣlal, wid ittnadin fellas. Ad idiren
wulawen-nwen i dayem! 28 Ixfawen akk n ddunit ad mmektin Ameɣlal yerna ad zzin
ɣures; Iderman akk n leǧnas ad seǧden zdates! 29 Axaṭer tageldit, n Umeɣlal, yeḥkem ɣef
leǧnas. 30 Imeqqranen akk n ddunit ad ččen yerna ad seǧden; ad knun zdates wid akk ara
yadren ɣer wakal, Wid ur nezmir ad ḥerzen tudert-nsen. 31 Dderya i d-iteddun ad t-teɛbed;
ad hedren ɣef Sidi Rebbi i tsuta i d-iteddun. 32 Ad asen ad berḥen ɣef teɣdemt-is, ɣef
wayen yexdem, i wegdud ara d ilalen.
