130
Ttraǧuɣ deg Umeɣal. 1 Ccna n walluy ɣer ufakan. Si lqaɛ n tesraft ssawleɣ-ak-n, ay Ameɣlal! 2 A Sidi Rebbi, sel-d i ṣṣut-iw! efk-ed tameẓẓuɣt i ṣṣut n uḥellel-iw! 3 Lemmer tettqaraɛeḍ izgalen, ay Ameɣlal, anwa ara ibedden a Sidi Rebbi? 4 Lameɛna ɣurek i gella usuref, iwakken ad tettwagadeḍ. 5 Ssarameɣ deg Umeɣlal, tarwiḥt-iw tessaram, ttraǧuɣ deg awal-is. 6 Tarwiḥt-iw tettraǧu di Sidi Rebbi, ugar n wakken ttraǧun iɛessasen tafrara, ugar n wakken ttraǧun iɛessasen tafrara. 7 Ay Israil, raǧu deg Umeɣlal! Axaṭer rreḥma ɣer Umeɣlal i tella, feddu yegget ɣures. 8 D netta ara d-ifdun Israil seg izgalen-is merra.
131
Am weqcic amecṭuḥ. 1 Ccna n walluy ɣer ufakan. Sɣur Dawed. Ay Ameɣlal! ur sɛiɣ zzux deg ul-iw, ur ttmuquleɣ s ttnefxa; ur ggareɣ ara iman-iw di temsal meqqren yesteɛǧiben, iwumi ur zmireɣ. 2 Lamena heddneɣ tarwiḥt-iw ssusmeɣ-tt, am llufan ger ifassen n yemma-s, tawiḥt-iw am llufan ger ifassen n yemma-s. 3 Ay Israil, sirem deg Umeɣlal, si tura i lebda!
132
Tiɣremt n Ugellid. 1 Ccna n walluy ɣer ufakan. Ay Ameɣlal, mmekti-d Dawed d tilufa akk i gesɛedda! 2 Iggul i Umeɣlal, yefka lweɛd i Unezmar, Illu n Yeɛqub: 3 " Ur keččmeɣ ɣer texxamt-iw, ur tteẓleɣ ɣef wussu i deg gganeɣ, 4 Ur ttakeɣ la taguni i wallen-iw, la naddam i ccefr-iw, 5 Alamma ufiɣ amkan i Umeɣlal, tanezduɣt i Unezmar, Illu n Yeɛqub. 6 Nesla yis di Ifrata*, nufa-t deg igran n Yaɛari*. . . 7 Yyaw ɣer wemkan anda yettili, ad neknu zdat n tkaddart-is! 8 Ekker, ay Ameɣlal, as-d ɣer westeɛfu-inek, kečč d wefniq n tezmert-ik! 9 Imqeddmen-ik ad lsen taɣdemt, imekdiyen-ik ad ɛeggḍen si lferḥ! 10 Ɣef demma n Dawed, aqeddac-ik, ur ttarra ara win i tehneḍ ! 11 Ameɣlal yeggul i Dawed, s tidett ur yettuɣal ara deg wawal-is: d yiwen si dderya-k ara sbeddeɣ ɣef ukersi n tgeldit-ik. 12 Ma ḥerzen warraw-ik tamasisit-iw, d lumurat-iw i sen-sselmadeɣ, ula d arraw-nsen ad ṭṭfen akersi n tgeldit-ik, i lebda. 13 Axaṭer, Ameɣlal yextar Siyun, yebɣa-tt d tanezduɣt-is: 14 D amkan-iw n usteɛfu i lebda; deg-s ara zedɣeɣ, axaṭer bɣiɣ-tt. 15 Ad barkeɣ lɣellat-is s tuget, ad sserwuɣ igellilen-is s weɣrum. 16 Ad sselseɣ leslak i yemqedmen-is, imekdiyen-is ad ɛeggḍen s lferḥ. 17 Imiren ad sbeddeɣ tazmert i Dawed, ad heggit taftilt i win dehneɣ, 18 Ad sselseɣ lḥecma i yeɛdawen-is, ma d netta ad tecceɛceɛ fellas tɛeṣṣabt-is.
133
Acḥal yelha mi ara dduklen watmaten. 1 Ccna n walluy ɣer ufakan. Sɣur Dawed. Acḥal yelha, acḥal yecbeḥ mi ara dduklen watmaten! 2 Am zzit ifazen, immaren ɣef uqerru, yettadren ɣef tamart, ɣef tamart n Ḥarun, yettadren ɣef yiri n llebsa-yines. 3 Am nnda n Hirmun, yettadren ɣef idurar n Siyun, imi dinna i d-yettak Umeɣlal lbaraka, tudert, i lebda.
134
Barket Ameɣlal! 1 Ccna n walluy. Atah : Barket Ameɣlal, kenwi akk ay iqeddacen Umeɣlal, kenwi ibedden deg wexxam n Umeɣlal deg uḍan! 2 Refdet ifassen-nwen ɣer wemkan iqedssen tbarkem Ameɣlal! 3 Ad k-id-iberek Umeɣlal si Siyun, netta i yxelqen igenwan d lqaɛa!
135
Ameɣlal meqqer! 1 Ḥemdet Ameɣlal! Ḥemdet isem n Umeɣlal, ḥemdet, ay iqeddacen n Umeɣlal, 2 Kenwi ibedden deg wexxam n Umeɣlal, deg ifergan n wexxam n Yillu nneɣ! 3 Ḥemdet Ameɣlal! axaṭer Ameɣlal yelha. Hellelet ilmend n yisem-is! Axaṭer ayagi yelha! 4 Axaṭer Ameɣlal yextar Yaɛqub i yiman-is, Israil, iwakken ad yili d ayla-yines. 5 S tidett ḥṣiɣ belli Ameɣlal meqqer, yerna Rebbi nneɣ nnig n irebbiten akk i gella. 6 Ayen akk yebɣa Umeɣlal, ixeddem-it, deg igenwan aked lqaɛa, di lebḥur aked iderbuzen merra. 7 Issalay-d tagut seg ixfawen n ddunit, ittceggiɛ-d lebraq iwakken ad d-iwwet ugeffur, issufuɣ-d aḍu si lemxazen-is. 8 Iwwet-d imenza n Maṣer, ama n yemdanen ama n lmal. 9 Iceggeɛ-d licarat d lmuɛǧizat di tlemmast-inem a Maṣer! Mgal Ferɛun d iqeddacen-is merra. 10 Iwwet-d aṭas n leǧnas, yessenger igelliden inezmaren. 11 Siḥun, agellid n Iɛamuriyen, Ɛug, agellid n Bacan, d igelliden akk n Kenɛan; 12 Yerna yefka timura-nsen d lwert, d lwert i Israil, agdud-is. 13 Ay Ameɣlal! isem-ik yettdum i lebda! Ay Ameɣlal! asmekti-yinek si tsuta ɣer tsuta. 14 Axaṭer Ameylal ad yessizref agdud-is, yerna ad iḥunn ɣef iqeddacen-is. 15 Isebdaden n leǧnas, d ureɣ aked lfeṭṭa, d ayen d-yexdem ufus n wemdan. 16 Sɛan imi ur heddren, sɛan allen ur ttwalin, 17 Sɛan imeẓẓaɣ ur sellen, ur d-itteffeɣ nnefs seg imawen-nsen. 18 Cuban ɣursen wid i ten-ixeddmen, wid merra itteklen fellasen. 19 Ay axxam n Israil, barket Ameɣlal! Ay axxam n Harun, barket Ameɣlal! 20 Ay axxam n lewwi, barket
Ameɣlal! kenwi yettaggaden Ameɣlal, barket Ameɣlal ! 21 Ad yettubarek Umeɣlal si Siyun, netta i gettilin di Yirucalim! Ḥemdet Ameɣlal!
Ttraǧuɣ deg Umeɣal. 1 Ccna n walluy ɣer ufakan. Si lqaɛ n tesraft ssawleɣ-ak-n, ay Ameɣlal! 2 A Sidi Rebbi, sel-d i ṣṣut-iw! efk-ed tameẓẓuɣt i ṣṣut n uḥellel-iw! 3 Lemmer tettqaraɛeḍ izgalen, ay Ameɣlal, anwa ara ibedden a Sidi Rebbi? 4 Lameɛna ɣurek i gella usuref, iwakken ad tettwagadeḍ. 5 Ssarameɣ deg Umeɣlal, tarwiḥt-iw tessaram, ttraǧuɣ deg awal-is. 6 Tarwiḥt-iw tettraǧu di Sidi Rebbi, ugar n wakken ttraǧun iɛessasen tafrara, ugar n wakken ttraǧun iɛessasen tafrara. 7 Ay Israil, raǧu deg Umeɣlal! Axaṭer rreḥma ɣer Umeɣlal i tella, feddu yegget ɣures. 8 D netta ara d-ifdun Israil seg izgalen-is merra.
131
Am weqcic amecṭuḥ. 1 Ccna n walluy ɣer ufakan. Sɣur Dawed. Ay Ameɣlal! ur sɛiɣ zzux deg ul-iw, ur ttmuquleɣ s ttnefxa; ur ggareɣ ara iman-iw di temsal meqqren yesteɛǧiben, iwumi ur zmireɣ. 2 Lamena heddneɣ tarwiḥt-iw ssusmeɣ-tt, am llufan ger ifassen n yemma-s, tawiḥt-iw am llufan ger ifassen n yemma-s. 3 Ay Israil, sirem deg Umeɣlal, si tura i lebda!
132
Tiɣremt n Ugellid. 1 Ccna n walluy ɣer ufakan. Ay Ameɣlal, mmekti-d Dawed d tilufa akk i gesɛedda! 2 Iggul i Umeɣlal, yefka lweɛd i Unezmar, Illu n Yeɛqub: 3 " Ur keččmeɣ ɣer texxamt-iw, ur tteẓleɣ ɣef wussu i deg gganeɣ, 4 Ur ttakeɣ la taguni i wallen-iw, la naddam i ccefr-iw, 5 Alamma ufiɣ amkan i Umeɣlal, tanezduɣt i Unezmar, Illu n Yeɛqub. 6 Nesla yis di Ifrata*, nufa-t deg igran n Yaɛari*. . . 7 Yyaw ɣer wemkan anda yettili, ad neknu zdat n tkaddart-is! 8 Ekker, ay Ameɣlal, as-d ɣer westeɛfu-inek, kečč d wefniq n tezmert-ik! 9 Imqeddmen-ik ad lsen taɣdemt, imekdiyen-ik ad ɛeggḍen si lferḥ! 10 Ɣef demma n Dawed, aqeddac-ik, ur ttarra ara win i tehneḍ ! 11 Ameɣlal yeggul i Dawed, s tidett ur yettuɣal ara deg wawal-is: d yiwen si dderya-k ara sbeddeɣ ɣef ukersi n tgeldit-ik. 12 Ma ḥerzen warraw-ik tamasisit-iw, d lumurat-iw i sen-sselmadeɣ, ula d arraw-nsen ad ṭṭfen akersi n tgeldit-ik, i lebda. 13 Axaṭer, Ameɣlal yextar Siyun, yebɣa-tt d tanezduɣt-is: 14 D amkan-iw n usteɛfu i lebda; deg-s ara zedɣeɣ, axaṭer bɣiɣ-tt. 15 Ad barkeɣ lɣellat-is s tuget, ad sserwuɣ igellilen-is s weɣrum. 16 Ad sselseɣ leslak i yemqedmen-is, imekdiyen-is ad ɛeggḍen s lferḥ. 17 Imiren ad sbeddeɣ tazmert i Dawed, ad heggit taftilt i win dehneɣ, 18 Ad sselseɣ lḥecma i yeɛdawen-is, ma d netta ad tecceɛceɛ fellas tɛeṣṣabt-is.
133
Acḥal yelha mi ara dduklen watmaten. 1 Ccna n walluy ɣer ufakan. Sɣur Dawed. Acḥal yelha, acḥal yecbeḥ mi ara dduklen watmaten! 2 Am zzit ifazen, immaren ɣef uqerru, yettadren ɣef tamart, ɣef tamart n Ḥarun, yettadren ɣef yiri n llebsa-yines. 3 Am nnda n Hirmun, yettadren ɣef idurar n Siyun, imi dinna i d-yettak Umeɣlal lbaraka, tudert, i lebda.
134
Barket Ameɣlal! 1 Ccna n walluy. Atah : Barket Ameɣlal, kenwi akk ay iqeddacen Umeɣlal, kenwi ibedden deg wexxam n Umeɣlal deg uḍan! 2 Refdet ifassen-nwen ɣer wemkan iqedssen tbarkem Ameɣlal! 3 Ad k-id-iberek Umeɣlal si Siyun, netta i yxelqen igenwan d lqaɛa!
135
Ameɣlal meqqer! 1 Ḥemdet Ameɣlal! Ḥemdet isem n Umeɣlal, ḥemdet, ay iqeddacen n Umeɣlal, 2 Kenwi ibedden deg wexxam n Umeɣlal, deg ifergan n wexxam n Yillu nneɣ! 3 Ḥemdet Ameɣlal! axaṭer Ameɣlal yelha. Hellelet ilmend n yisem-is! Axaṭer ayagi yelha! 4 Axaṭer Ameɣlal yextar Yaɛqub i yiman-is, Israil, iwakken ad yili d ayla-yines. 5 S tidett ḥṣiɣ belli Ameɣlal meqqer, yerna Rebbi nneɣ nnig n irebbiten akk i gella. 6 Ayen akk yebɣa Umeɣlal, ixeddem-it, deg igenwan aked lqaɛa, di lebḥur aked iderbuzen merra. 7 Issalay-d tagut seg ixfawen n ddunit, ittceggiɛ-d lebraq iwakken ad d-iwwet ugeffur, issufuɣ-d aḍu si lemxazen-is. 8 Iwwet-d imenza n Maṣer, ama n yemdanen ama n lmal. 9 Iceggeɛ-d licarat d lmuɛǧizat di tlemmast-inem a Maṣer! Mgal Ferɛun d iqeddacen-is merra. 10 Iwwet-d aṭas n leǧnas, yessenger igelliden inezmaren. 11 Siḥun, agellid n Iɛamuriyen, Ɛug, agellid n Bacan, d igelliden akk n Kenɛan; 12 Yerna yefka timura-nsen d lwert, d lwert i Israil, agdud-is. 13 Ay Ameɣlal! isem-ik yettdum i lebda! Ay Ameɣlal! asmekti-yinek si tsuta ɣer tsuta. 14 Axaṭer Ameylal ad yessizref agdud-is, yerna ad iḥunn ɣef iqeddacen-is. 15 Isebdaden n leǧnas, d ureɣ aked lfeṭṭa, d ayen d-yexdem ufus n wemdan. 16 Sɛan imi ur heddren, sɛan allen ur ttwalin, 17 Sɛan imeẓẓaɣ ur sellen, ur d-itteffeɣ nnefs seg imawen-nsen. 18 Cuban ɣursen wid i ten-ixeddmen, wid merra itteklen fellasen. 19 Ay axxam n Israil, barket Ameɣlal! Ay axxam n Harun, barket Ameɣlal! 20 Ay axxam n lewwi, barket
Ameɣlal! kenwi yettaggaden Ameɣlal, barket Ameɣlal ! 21 Ad yettubarek Umeɣlal si Siyun, netta i gettilin di Yirucalim! Ḥemdet Ameɣlal!
