18
Ttuselkeɣ seg iɛdawen-iw.
1 I umeqran n talilt. S ɣur Dawed aqeddac n Umeɣlal, i yennan i Umeɣlal imeslayen n ccna
yagi, ass mi i t-id-issukes Umeɣlal seg ufus n yeɛdawen-is merra, d ufus n Caɛul. 2 Yenna :
Ḥemleɣ-k, ay Ameɣlal, tazmert-iw! 3 Ameɣlal, d aslaḍ-iw, d leḥṣin-iw, d ameslelli-inu! Illu-yiw,
aẓru-iw anda i ttdariɣ ! tazibba-w, tazmert i yi-ttselliken, tadarit-iw ɛlayen! 4 Akken
ara nedheɣ: Yettubarek Umeɣlal! ttwaselkeɣ seg iɛdawen-iw. 5 Leqyud n lmut nnḍen-iyi,
iḥemmalen issengaren srehben-iyi; 6 Rrbug n Laxert zzin-yi, icebbaken n lmut mmugren-iyi-
d, 7 Di cedda-w ssawleɣ i Umeɣlal, suɣeɣ ɣer Yillu-yiw; seg ufakan-is yesla-d iṣṣut-iw,
tiɣri i greɣ ɣures, tewweḍ ɣer imeẓẓaɣ-is. 8 Lqaɛa tembawel tergagi, Lsisan n idurar
frawsen, ngugin, axaṭer yendeḥ wurrif-is. 9 Yettali-d ddexxan seg anzaren-is, tetteffeɣ-d
seg imi-s times itetten ttfeggiḍent-d segs tergin ireqqen. 10 Yessekna-d igenwan yuder-d,
asigna berriken ddaw iḍarren-is. 11 Yerkeb ɣef lmelk uqrib, yettferfir, Iteddu ɣef wafriwen
n waḍu. 12 Yerra tillas d aɣummu-ines, d ahin i s-d-izzin; d igefran n ṭlam aked usigna
berriken. 13 Seg ufeǧǧeǧ yellan zdates, itekk-d usigna, abruri aked tirgin n tmes. 14
Ameɣlal irɛed deg igenwan, Win-Ɛlayen iserḥ-d s ṣṣut-is, s webruri d tirgin n tmes. 15
Yewwet-d s tḥerbunin-is isfrezwaɛ-iten, yesseqwa-d lebraq iqecceɛ-iten. 16 Banen-d lqiɛan
n lebḥur ḍehren-d lsisan n ddunit, s rrehba-k, ay Ameɣlal! s waḍu n wurrif-ik. (nte: Neɣ : s
nnefs n waḍu n wanzaren-ik) 17 Yeẓẓel-d afus-is seg igenni, iṭṭef-iyi-d, ijbed-iyi-d seg aman
lqayen; 18 Isukkes-iyi-d seg weɛdaw-iw anezmar, seg wid i yi-keṛhen, yerna ugaren-iyi di
lǧehd. 19 Kkren-d ɣuri ass n twaɣit-iw, Meɛna Ameɣlal d asalel-iw. 20 Issufeɣ-iyi ɣer littaɛ ,
Issukkes-iyi-d, axaṭer iḥemmel-iyi. 21 Yefka-yi-d Umeɣlal ɣef leḥsab n teɣdemt-iw, yerra-yi-
d ɣef leḥsab n tezdeg n ifassen-iw. 22 Axaṭer ṭṭfeɣ deg iberdan n Umeɣlal, ur ɛuṣaɣ ara
Illu-yiw. 23 Lewṣayat-is atentah akk zdati, ur ssebɛadeɣ ara felli iṣuḍaf-is. 24 Ddiɣ s ṣṣfa
zdates, ḥerzeɣ iman-iw ɣef uzgal-iw. 25 Yerra-yi-d Umeɣlal ɣef leḥsab n teɣdemt-iw, ɣef
leḥsab n tezdeg n ifassen-iw zdat-es. 26 Aked win yellan d amekdi tettiliḍ d amekdi, aked
win iteddun s ṣṣwab tettiliḍ d Bab ṣṣwab, 27 aked win iteddun s ṣṣfa tettiliḍ teṣfiḍ, aked
wid ijaḥen tettiliḍ d win ifaqen. 28 Axaṭer d kečč i yettselliken imeɣban, i yesrusun allen n
izewwaxen. 29 D kečč i yesfeǧǧiǧen tafat-iw; Ay Ameɣlal, Illu-iw, siɣ tafat i tillas-iw. 30
Yessek ẓedmeɣ ɣef terbeɛ t ittwasellḥen, S Yillu-iw zegreɣ i ssur ɛlayen. 31 Iberdan n Yillu
weqmen, Awal n Umeɣlal yeṣfa; D aɣer i wid akk yettdarin ɣures. 32 Axaṭer anwa i d Illu,
ma mačči d Ameɣlal, anwa i d aẓru, ma mačči d Illu-nneɣ? 33 D Illu i yi-ittbeggisen s
tezmert, i yettṣeggimen abrid-iw. 34 Issifsus iḍarren-iw am wid n teɣzalt, issebdad-iyi deg
imukan ɛlayen. 35 Ittheggi ifassen-iw i yimenɣi, Iyallen-iw jebbden akmir n nnḥas. 36
Tettakeḍ-iyi-d aɣer n leslak-ik, ayeffus-ik ireffed-iyi, leḥnana-inek tettak-iyi afud. 37
Tessiɣzifeḍ isurrifen-iw, Tiwerza-inu ur ttenququlent ara. 38 Ṭṭafareɣ iɛdawen-iw, ttḥazeɣ-ten,
ur d-ttuɣaleɣ ara alamma snegreɣ-ten. 39 Meḥqeɣ-ten, ur zmiren ad kkren, ɣellin
ddaw iḍarren-iw. 40 Tettbeggiseḍ-iyi s tezmert i yimenɣi, tesseknayeḍ ixṣimen-iw zdati. 41
Tmekkneḍ-iyi-d aɛrur n yeɛdawen-iw, Ad snegreɣ wid i yi-kerhen. 42 Ttɛeggiḍen, meɛna
ulac amsellek, ttɛeggiḍen ɣer Umeɣlal, ur sen-d-yerri awal. 43 Neɣɣdeɣ-ten am uɣebbar
yettawi waḍu; berzeɣ-ten am waluḍ deg ubrid. 44 Tettḥadareḍ-iyi seg imennuɣen n
wegdud, terriḍ-iyi d aqerru ɣef leǧnas; Agdud ur ssineɣ iqeddec felli. 45 Akken ara d
neṭqeɣ ad yi-aɣen awal, iberraniyen ttcekkiren-iyi; 46 Iberraniyen feččlen, tteffɣen-d si
lebṛuj-nsen s tergigit. 47 Ameɣlal yedder, yettubarek uslaḍ-iw! Ad yiɛli ccan n Yillu n
leslak-iw, 48 Illu i yi-d-ittarran ttar, i gettarran igduden ddaw leḥkem-iw, 49 I yi-isserwalen
ɣef yeɛdawen-iw! treffedeḍ-iyi nnig yexṣimen-iw, tessukkuseḍ-iyi-d seg amdan ijehlen. 50
Daymi ara k-sfugleg ger leǧnas, ay Ameɣlal! Ad helleleɣ ɣef ddemma n yisem-ik. 51 Yettak-d
leslak d ameqran i ugellid-is, ittbeggin-d rreḥma i lmasiḥ-ines*, i Dawed d dderya-s, i
dayem.
19
Tamanegt n Yillu.
1 I umeqran n talilt. Ahellil n Dawed. 2 Igenwan ḥekkun-d tamanegt n Yillu, tagnawt
tettberriḥ ɣef lecɣal n ifassen-is. 3 Ass yemmal-it i wass, iḍ yesselmad-it i yiḍ . 4 Mačči d
ameslay, mačči d lehḍuṛ, Yiwen ur isell i ṣṣut-nsen. 5 lateṛ-nsen iban-d di lqaɛa merra,
imeslayen-nsen wwḍen ɣer yixfawen n ddunit, anda yesbedd ahin i i yiṭij. (nte: Anda
yesbedd Yillu ahin i yiṭij) 6 Iṭij-agi, Icuba ɣer yesli i d-yefɣen si texxamt-is, yefreḥ, am
welɣuɣ, yeṭfen abrid-is. 7 Yetteflali-d seg ixef igenni, iɣelli ɣer yixef nniḍen, ulac ayen
iffren ɣef lḥamu-yines . 8 Ṭawrat n Umeɣlal d taneblalt, tettarra-d ifadden i terwiḥt,
Tanaga n Umeɣlal t ṣeḥḥa, tettarra ungif d ukyis. 9 Lewṣayat n Umeɣlal ṣewben, ssefṛaḥen
ul; Lamer n Umeɣlal yeṣfa, yettak tafat i wallen. 10 Tugdi n Umeɣlal zeddiget, tettdum i
dayem; lewṣayat n Umeɣlal ṣeḥḥan, bnan akk ɣef teɣdemt. 11 Azal-nsen yugar uraɣ, ugar
n waṭas n uraɣ yeṣfan; ẓidit kter n tament, akter n tament d-yettmirin si teɣrasin. 12
Daymi aqeddac-ik yeḥṣa s wayagi, Nnfeɛ-nsen d ameqṛan i win i ten-iḥerzen. 13 Anwa i-gettfiqin
s yezgalen-is ɣef ur yebni? suref-iyi ddnub ur ẓriɣ. 14 Ḥrez daɣen aqeddac-ik seg
izewwaxen; ur yi-ḥekkmen ara, s wakka ad dduɣ s ṣṣwab, ad xḍuɣ i ubekkaḍ * meqqren. 15
Qbel imeslayen n yimi-w, d ixemmimen n wul-iw zdatek, ay Ameɣlal, aslaḍ-iw win i yi-d-ifdan!
Ttuselkeɣ seg iɛdawen-iw.
1 I umeqran n talilt. S ɣur Dawed aqeddac n Umeɣlal, i yennan i Umeɣlal imeslayen n ccna
yagi, ass mi i t-id-issukes Umeɣlal seg ufus n yeɛdawen-is merra, d ufus n Caɛul. 2 Yenna :
Ḥemleɣ-k, ay Ameɣlal, tazmert-iw! 3 Ameɣlal, d aslaḍ-iw, d leḥṣin-iw, d ameslelli-inu! Illu-yiw,
aẓru-iw anda i ttdariɣ ! tazibba-w, tazmert i yi-ttselliken, tadarit-iw ɛlayen! 4 Akken
ara nedheɣ: Yettubarek Umeɣlal! ttwaselkeɣ seg iɛdawen-iw. 5 Leqyud n lmut nnḍen-iyi,
iḥemmalen issengaren srehben-iyi; 6 Rrbug n Laxert zzin-yi, icebbaken n lmut mmugren-iyi-
d, 7 Di cedda-w ssawleɣ i Umeɣlal, suɣeɣ ɣer Yillu-yiw; seg ufakan-is yesla-d iṣṣut-iw,
tiɣri i greɣ ɣures, tewweḍ ɣer imeẓẓaɣ-is. 8 Lqaɛa tembawel tergagi, Lsisan n idurar
frawsen, ngugin, axaṭer yendeḥ wurrif-is. 9 Yettali-d ddexxan seg anzaren-is, tetteffeɣ-d
seg imi-s times itetten ttfeggiḍent-d segs tergin ireqqen. 10 Yessekna-d igenwan yuder-d,
asigna berriken ddaw iḍarren-is. 11 Yerkeb ɣef lmelk uqrib, yettferfir, Iteddu ɣef wafriwen
n waḍu. 12 Yerra tillas d aɣummu-ines, d ahin i s-d-izzin; d igefran n ṭlam aked usigna
berriken. 13 Seg ufeǧǧeǧ yellan zdates, itekk-d usigna, abruri aked tirgin n tmes. 14
Ameɣlal irɛed deg igenwan, Win-Ɛlayen iserḥ-d s ṣṣut-is, s webruri d tirgin n tmes. 15
Yewwet-d s tḥerbunin-is isfrezwaɛ-iten, yesseqwa-d lebraq iqecceɛ-iten. 16 Banen-d lqiɛan
n lebḥur ḍehren-d lsisan n ddunit, s rrehba-k, ay Ameɣlal! s waḍu n wurrif-ik. (nte: Neɣ : s
nnefs n waḍu n wanzaren-ik) 17 Yeẓẓel-d afus-is seg igenni, iṭṭef-iyi-d, ijbed-iyi-d seg aman
lqayen; 18 Isukkes-iyi-d seg weɛdaw-iw anezmar, seg wid i yi-keṛhen, yerna ugaren-iyi di
lǧehd. 19 Kkren-d ɣuri ass n twaɣit-iw, Meɛna Ameɣlal d asalel-iw. 20 Issufeɣ-iyi ɣer littaɛ ,
Issukkes-iyi-d, axaṭer iḥemmel-iyi. 21 Yefka-yi-d Umeɣlal ɣef leḥsab n teɣdemt-iw, yerra-yi-
d ɣef leḥsab n tezdeg n ifassen-iw. 22 Axaṭer ṭṭfeɣ deg iberdan n Umeɣlal, ur ɛuṣaɣ ara
Illu-yiw. 23 Lewṣayat-is atentah akk zdati, ur ssebɛadeɣ ara felli iṣuḍaf-is. 24 Ddiɣ s ṣṣfa
zdates, ḥerzeɣ iman-iw ɣef uzgal-iw. 25 Yerra-yi-d Umeɣlal ɣef leḥsab n teɣdemt-iw, ɣef
leḥsab n tezdeg n ifassen-iw zdat-es. 26 Aked win yellan d amekdi tettiliḍ d amekdi, aked
win iteddun s ṣṣwab tettiliḍ d Bab ṣṣwab, 27 aked win iteddun s ṣṣfa tettiliḍ teṣfiḍ, aked
wid ijaḥen tettiliḍ d win ifaqen. 28 Axaṭer d kečč i yettselliken imeɣban, i yesrusun allen n
izewwaxen. 29 D kečč i yesfeǧǧiǧen tafat-iw; Ay Ameɣlal, Illu-iw, siɣ tafat i tillas-iw. 30
Yessek ẓedmeɣ ɣef terbeɛ t ittwasellḥen, S Yillu-iw zegreɣ i ssur ɛlayen. 31 Iberdan n Yillu
weqmen, Awal n Umeɣlal yeṣfa; D aɣer i wid akk yettdarin ɣures. 32 Axaṭer anwa i d Illu,
ma mačči d Ameɣlal, anwa i d aẓru, ma mačči d Illu-nneɣ? 33 D Illu i yi-ittbeggisen s
tezmert, i yettṣeggimen abrid-iw. 34 Issifsus iḍarren-iw am wid n teɣzalt, issebdad-iyi deg
imukan ɛlayen. 35 Ittheggi ifassen-iw i yimenɣi, Iyallen-iw jebbden akmir n nnḥas. 36
Tettakeḍ-iyi-d aɣer n leslak-ik, ayeffus-ik ireffed-iyi, leḥnana-inek tettak-iyi afud. 37
Tessiɣzifeḍ isurrifen-iw, Tiwerza-inu ur ttenququlent ara. 38 Ṭṭafareɣ iɛdawen-iw, ttḥazeɣ-ten,
ur d-ttuɣaleɣ ara alamma snegreɣ-ten. 39 Meḥqeɣ-ten, ur zmiren ad kkren, ɣellin
ddaw iḍarren-iw. 40 Tettbeggiseḍ-iyi s tezmert i yimenɣi, tesseknayeḍ ixṣimen-iw zdati. 41
Tmekkneḍ-iyi-d aɛrur n yeɛdawen-iw, Ad snegreɣ wid i yi-kerhen. 42 Ttɛeggiḍen, meɛna
ulac amsellek, ttɛeggiḍen ɣer Umeɣlal, ur sen-d-yerri awal. 43 Neɣɣdeɣ-ten am uɣebbar
yettawi waḍu; berzeɣ-ten am waluḍ deg ubrid. 44 Tettḥadareḍ-iyi seg imennuɣen n
wegdud, terriḍ-iyi d aqerru ɣef leǧnas; Agdud ur ssineɣ iqeddec felli. 45 Akken ara d
neṭqeɣ ad yi-aɣen awal, iberraniyen ttcekkiren-iyi; 46 Iberraniyen feččlen, tteffɣen-d si
lebṛuj-nsen s tergigit. 47 Ameɣlal yedder, yettubarek uslaḍ-iw! Ad yiɛli ccan n Yillu n
leslak-iw, 48 Illu i yi-d-ittarran ttar, i gettarran igduden ddaw leḥkem-iw, 49 I yi-isserwalen
ɣef yeɛdawen-iw! treffedeḍ-iyi nnig yexṣimen-iw, tessukkuseḍ-iyi-d seg amdan ijehlen. 50
Daymi ara k-sfugleg ger leǧnas, ay Ameɣlal! Ad helleleɣ ɣef ddemma n yisem-ik. 51 Yettak-d
leslak d ameqran i ugellid-is, ittbeggin-d rreḥma i lmasiḥ-ines*, i Dawed d dderya-s, i
dayem.
19
Tamanegt n Yillu.
1 I umeqran n talilt. Ahellil n Dawed. 2 Igenwan ḥekkun-d tamanegt n Yillu, tagnawt
tettberriḥ ɣef lecɣal n ifassen-is. 3 Ass yemmal-it i wass, iḍ yesselmad-it i yiḍ . 4 Mačči d
ameslay, mačči d lehḍuṛ, Yiwen ur isell i ṣṣut-nsen. 5 lateṛ-nsen iban-d di lqaɛa merra,
imeslayen-nsen wwḍen ɣer yixfawen n ddunit, anda yesbedd ahin i i yiṭij. (nte: Anda
yesbedd Yillu ahin i yiṭij) 6 Iṭij-agi, Icuba ɣer yesli i d-yefɣen si texxamt-is, yefreḥ, am
welɣuɣ, yeṭfen abrid-is. 7 Yetteflali-d seg ixef igenni, iɣelli ɣer yixef nniḍen, ulac ayen
iffren ɣef lḥamu-yines . 8 Ṭawrat n Umeɣlal d taneblalt, tettarra-d ifadden i terwiḥt,
Tanaga n Umeɣlal t ṣeḥḥa, tettarra ungif d ukyis. 9 Lewṣayat n Umeɣlal ṣewben, ssefṛaḥen
ul; Lamer n Umeɣlal yeṣfa, yettak tafat i wallen. 10 Tugdi n Umeɣlal zeddiget, tettdum i
dayem; lewṣayat n Umeɣlal ṣeḥḥan, bnan akk ɣef teɣdemt. 11 Azal-nsen yugar uraɣ, ugar
n waṭas n uraɣ yeṣfan; ẓidit kter n tament, akter n tament d-yettmirin si teɣrasin. 12
Daymi aqeddac-ik yeḥṣa s wayagi, Nnfeɛ-nsen d ameqṛan i win i ten-iḥerzen. 13 Anwa i-gettfiqin
s yezgalen-is ɣef ur yebni? suref-iyi ddnub ur ẓriɣ. 14 Ḥrez daɣen aqeddac-ik seg
izewwaxen; ur yi-ḥekkmen ara, s wakka ad dduɣ s ṣṣwab, ad xḍuɣ i ubekkaḍ * meqqren. 15
Qbel imeslayen n yimi-w, d ixemmimen n wul-iw zdatek, ay Ameɣlal, aslaḍ-iw win i yi-d-ifdan!
