113
Hemdet Ameɣlal. 1 Ḥemdet Ameɣlal! Ay iqeddacen Umeɣlal, ḥemdet, ḥemdet isem n Umeɣlal! 2 Ad ittubarek yisem n Umeɣlal, si tura I lebda! 3 Seg mi ara ad yali yitij alamma yeɣli, ad yettwaḥmed yisem n Umeɣlal! 4 Ameɣlal ɛlay nnig akk leǧnas, tamanegt-is nnig igenwan. 5 Anwa i gcuban Ameɣlal, Illu nneɣ? Yezdeɣ deg imukan ɛlayen; 6 Ikennu-d iwakken ad iwali igenwan d lqaɛa. 7 Issebdad-d win ifeclen seg ɣebbar, ireffed-d igellil si leɣbar, 8 Iwakken a ten-yesɣim akk-d imeqranen, akk-d imeqranen n wegdud-is. 9 Yeɛmer tin yellan d tiɛiqert deg wexxam-is, tuɣal d tayemmatt iferḥen ger warraw-is. Ḥemdet Ameɣlal !
114
Tuffɣa si Maṣer. 1 Mi d-ffɣen wegdud n Israil si Maṣer, axxam n Yeɛqub si ger wegdud aberrani, 2 Yahuda tuɣal d amkan-is iqedsen, Israil d leḥkum. 3 lebḥer mi t-iwala, yerwel, asif n Lurdun iwexxer. 4 Idurar neggzen am wakraren, tiɣaltin am izamaren. 5 Acu k-yuɣen a lebḥer imi trewleḍ, a yasif n Lurdun imi twexreḍ ? 6 Acu ken-yuɣen ay idurar imi tettneggizem am wakraren, i kennemti a tiɣaltin am izamaren ? 7 A lqaɛa, rgagi zdat Sidi Rebbi ! Zdat Yillu n Yeɛqub, 8 I gerran aslaḍ d agelmim, aẓru d lɛinṣer n waman.
115
Tamanegt i Yillu kan. 1 Mačči i nekni ay Ameɣlal, mačči i nekni, meɛna efk tamanegt i yisem-ik, ɣef demma n rreḥma-k d tidett-ik! 2 Acuɣer ara yinin leǧnas: "Anida-t ihi Yillu-nsen?" 3 Illu-nneɣ atan deg igenwan, ixeddem ayen akk i s-yehwan. 4 Isebdaden-nsen d ureɣ aked lfeṭṭa, d ayen yexdem ufus n wemdan. 5 Sɛan imi ur heddren ara, san allen ur ttwalin ara. 6 Sɛan imeẓẓaɣ ur sellen ara, sɛan anzaren ur sraḥayen ara. 7 Sɛan ifassen ur ttnalen ara, san iḍarren ur leḥḥun ara, Sɛan agerjum ur neṭṭqen ara. 8 Cuban ɣur-sen wid i ten-ixeddmen, wid akk yettkalayen fell-asen. 9 Ay at Israil tteklet ɣef Umeɣlal ! D netta i d amɛiwen-nsen i d tasdarit-nsen. 10 Ay axxam n Harun tteklet ɣef Umeɣlal! D netta i d amɛiwen-nsen i d taseddarit-nsen. 11 Kenwi yettaggaden Ameɣlal, tteklet ɣef Umeɣlal! D netta i d amɛiwen-nsen i d taseddarit-nsen. 12 Ameɣlal ur ɣ-ittu ara: Ad -ibarek , ad ibarek axxam n Israil, ad ibarek axxam
n Harun. 13 Ad ibarek wid ittagaden Ameɣlal, imeẓyanen d imeqranen. 14 A ken-yessefti Umeɣlal s kenwi s dderya-nwen. 15 Tettuberkem sɣur Umeɣlal, i gxelqen igenwan d lqaɛa ! 16 Igenwan d igenwan n Umeɣlal, ma d lqaɛa yeka-tt i yemdanen. 17 Mačči d lmegtin ara iḥemden Ameɣlal, neɣ d wid yettadren s amkan n tsusmi; 18 Ma d nekni ad nbarek Ameɣlal, Si tura i lebda. Ḥemdet Ameɣlal !
116
Leɛnaya-k ay Ameɣlal ! 1 Ḥemleɣ Ameɣlal, axaṭer isell-d i taɣect-iw, d uḥellel-iw; 2 Axaṭer ifka-yi-d tameẓẓuɣt, tudert-iw merra ad neddheɣ ɣur-es. 3 Icebbaken n lmut nnḍen-iyi, ikcem-iyi lweḥc n laxert, leḥzen d tugdi ṭfen-iyi. 4 Meɛna nedheɣ s yisem Umeɣlal: " Di leɛnaya-k ay Ameɣlal, sellek tarwiḥt-iw! " 5 Ameɣlal d bab n rreḥma d uɣdim, Illu-nneɣ d ahnin; 6 Ameɣlal iḥerrez igellilen; lliɣ fecleɣ, isellek-iyi. 7 A tarwiḥt-iw uɣal ɣer usteɛfu yinem, axaṭer Ameɣlal ixdem-am lxir. 8 D tidett tessukseḍ-d tarwiḥt-iw si lmut, tḥudreḍ allen-iw seg imeṭṭawen, Iḍarren-iw si tucḍa. 9 Ad lḥuɣ zdat n Umeɣlal, ɣef lqaɛa n wid yeddren. 10 Ulamma qqareɣ d ameɣbun I lliɣ, sɛiɣ laman deg wul-iw! 11 Deg wakken I yi-yeffeɣ leɛqel, nniɣ: Imdanen akk d ikeddaben. 12 Amek ara rreɣ I Umeɣlal lxir akk I yi-yexdem? 13 Ad refdeɣ taqbuct I lmend n leslak yernu ad nedheɣ s yisem n Umeɣlal. 14 Ad xedmeɣ ayen I weɛdeɣ I Umeɣlal, zdat wegdud-is merra. 15 Tesɛa azal ɣer Umeɣlal lmut n imekdiyen-is. 16 Leɛnaya-k ay Ameɣlal ! Axaṭer nekk d aqeddac-ik, d aqeddac-ik, mmi-s n tqeddact-ik, tefsiḍ leqyud-iw. 17 Ad ken-fkeɣ asfel n leḥmadi, ad nedheɣ s yisem n Umeɣlal. 18 Ad xedmeɣ ayen I weɛdeɣ I Umeɣlal, zdat wegdud-is merra. 19 Deg ifergan n wexxam Umeɣlal, di tlemmast-im a Yirucalim ! Ḥemdet Ameɣlal !
Hemdet Ameɣlal. 1 Ḥemdet Ameɣlal! Ay iqeddacen Umeɣlal, ḥemdet, ḥemdet isem n Umeɣlal! 2 Ad ittubarek yisem n Umeɣlal, si tura I lebda! 3 Seg mi ara ad yali yitij alamma yeɣli, ad yettwaḥmed yisem n Umeɣlal! 4 Ameɣlal ɛlay nnig akk leǧnas, tamanegt-is nnig igenwan. 5 Anwa i gcuban Ameɣlal, Illu nneɣ? Yezdeɣ deg imukan ɛlayen; 6 Ikennu-d iwakken ad iwali igenwan d lqaɛa. 7 Issebdad-d win ifeclen seg ɣebbar, ireffed-d igellil si leɣbar, 8 Iwakken a ten-yesɣim akk-d imeqranen, akk-d imeqranen n wegdud-is. 9 Yeɛmer tin yellan d tiɛiqert deg wexxam-is, tuɣal d tayemmatt iferḥen ger warraw-is. Ḥemdet Ameɣlal !
114
Tuffɣa si Maṣer. 1 Mi d-ffɣen wegdud n Israil si Maṣer, axxam n Yeɛqub si ger wegdud aberrani, 2 Yahuda tuɣal d amkan-is iqedsen, Israil d leḥkum. 3 lebḥer mi t-iwala, yerwel, asif n Lurdun iwexxer. 4 Idurar neggzen am wakraren, tiɣaltin am izamaren. 5 Acu k-yuɣen a lebḥer imi trewleḍ, a yasif n Lurdun imi twexreḍ ? 6 Acu ken-yuɣen ay idurar imi tettneggizem am wakraren, i kennemti a tiɣaltin am izamaren ? 7 A lqaɛa, rgagi zdat Sidi Rebbi ! Zdat Yillu n Yeɛqub, 8 I gerran aslaḍ d agelmim, aẓru d lɛinṣer n waman.
115
Tamanegt i Yillu kan. 1 Mačči i nekni ay Ameɣlal, mačči i nekni, meɛna efk tamanegt i yisem-ik, ɣef demma n rreḥma-k d tidett-ik! 2 Acuɣer ara yinin leǧnas: "Anida-t ihi Yillu-nsen?" 3 Illu-nneɣ atan deg igenwan, ixeddem ayen akk i s-yehwan. 4 Isebdaden-nsen d ureɣ aked lfeṭṭa, d ayen yexdem ufus n wemdan. 5 Sɛan imi ur heddren ara, san allen ur ttwalin ara. 6 Sɛan imeẓẓaɣ ur sellen ara, sɛan anzaren ur sraḥayen ara. 7 Sɛan ifassen ur ttnalen ara, san iḍarren ur leḥḥun ara, Sɛan agerjum ur neṭṭqen ara. 8 Cuban ɣur-sen wid i ten-ixeddmen, wid akk yettkalayen fell-asen. 9 Ay at Israil tteklet ɣef Umeɣlal ! D netta i d amɛiwen-nsen i d tasdarit-nsen. 10 Ay axxam n Harun tteklet ɣef Umeɣlal! D netta i d amɛiwen-nsen i d taseddarit-nsen. 11 Kenwi yettaggaden Ameɣlal, tteklet ɣef Umeɣlal! D netta i d amɛiwen-nsen i d taseddarit-nsen. 12 Ameɣlal ur ɣ-ittu ara: Ad -ibarek , ad ibarek axxam n Israil, ad ibarek axxam
n Harun. 13 Ad ibarek wid ittagaden Ameɣlal, imeẓyanen d imeqranen. 14 A ken-yessefti Umeɣlal s kenwi s dderya-nwen. 15 Tettuberkem sɣur Umeɣlal, i gxelqen igenwan d lqaɛa ! 16 Igenwan d igenwan n Umeɣlal, ma d lqaɛa yeka-tt i yemdanen. 17 Mačči d lmegtin ara iḥemden Ameɣlal, neɣ d wid yettadren s amkan n tsusmi; 18 Ma d nekni ad nbarek Ameɣlal, Si tura i lebda. Ḥemdet Ameɣlal !
116
Leɛnaya-k ay Ameɣlal ! 1 Ḥemleɣ Ameɣlal, axaṭer isell-d i taɣect-iw, d uḥellel-iw; 2 Axaṭer ifka-yi-d tameẓẓuɣt, tudert-iw merra ad neddheɣ ɣur-es. 3 Icebbaken n lmut nnḍen-iyi, ikcem-iyi lweḥc n laxert, leḥzen d tugdi ṭfen-iyi. 4 Meɛna nedheɣ s yisem Umeɣlal: " Di leɛnaya-k ay Ameɣlal, sellek tarwiḥt-iw! " 5 Ameɣlal d bab n rreḥma d uɣdim, Illu-nneɣ d ahnin; 6 Ameɣlal iḥerrez igellilen; lliɣ fecleɣ, isellek-iyi. 7 A tarwiḥt-iw uɣal ɣer usteɛfu yinem, axaṭer Ameɣlal ixdem-am lxir. 8 D tidett tessukseḍ-d tarwiḥt-iw si lmut, tḥudreḍ allen-iw seg imeṭṭawen, Iḍarren-iw si tucḍa. 9 Ad lḥuɣ zdat n Umeɣlal, ɣef lqaɛa n wid yeddren. 10 Ulamma qqareɣ d ameɣbun I lliɣ, sɛiɣ laman deg wul-iw! 11 Deg wakken I yi-yeffeɣ leɛqel, nniɣ: Imdanen akk d ikeddaben. 12 Amek ara rreɣ I Umeɣlal lxir akk I yi-yexdem? 13 Ad refdeɣ taqbuct I lmend n leslak yernu ad nedheɣ s yisem n Umeɣlal. 14 Ad xedmeɣ ayen I weɛdeɣ I Umeɣlal, zdat wegdud-is merra. 15 Tesɛa azal ɣer Umeɣlal lmut n imekdiyen-is. 16 Leɛnaya-k ay Ameɣlal ! Axaṭer nekk d aqeddac-ik, d aqeddac-ik, mmi-s n tqeddact-ik, tefsiḍ leqyud-iw. 17 Ad ken-fkeɣ asfel n leḥmadi, ad nedheɣ s yisem n Umeɣlal. 18 Ad xedmeɣ ayen I weɛdeɣ I Umeɣlal, zdat wegdud-is merra. 19 Deg ifergan n wexxam Umeɣlal, di tlemmast-im a Yirucalim ! Ḥemdet Ameɣlal !
