63
Leḥnanan-k tif tudert.
1 Ahellil n Dawed asmi yella deg unezṛuf n Yahuda. 2 Ay Illu ! D kečč i d Illu-yiw, ţnadiɣ fell-ak si
tafrara ; taṛwiḥt-iw tfud ar ɣur-ek, tafekka-w teggar-ed nnhati fell-ak deg akal yeqquren,
yekkawen, mebla aman. 3 Akka i ttmuquleɣ ɣur-ek deg wemkan iqedsen iwakken ad waliɣ
tazmert-ik ţ-ţmanegt-ik ; 4 axaṭer leḥnana-k tif n tudert. Imi-w ittḥemmid-ik. 5 Akka ara k-
ţbarakeɣ tudert-iw meṛṛa, ad refdeɣ ifassen-iw s yisem-ik. 6 Taṛwiḥt-iw aţ-ţili di tawant am
akken terwa s tassemt d wadif ; lfeṛḥ deg imi-w, iles-iw a k-ittḥemmid. 7 M'ara k-id-mmektiɣ
deg usu-yinu, iḍ kamel ttxemmimeɣ ɣur-ek. 8 Axaṭer telliḍ-iyi d amɛiwen, ttiẓẓifeɣ si lfeṛḥ di tili
n wafriwen-ik. 9 Taṛwiḥt-iw tcudd ɣur-ek, ayeffus-ik irfed-iyi ! 10 Ma d wid yeţnadin ad
ssengren taṛwiḥt-iw, ad ṛuḥen ɣer ddaw wakal. 11 Ad mten s ujenwi, a ten-gezren wuccanen. 12
Ma d agellid ad yaf lfeṛḥ-is deg Illu ; wid yeţgallan yis ad zuxxen s yisem-is, axaṭer imawen n
ikeddaben ad zemmen.
64
Ṣṣer-iyi seg imcumen.
1 I umeqran n terbeɛt n icennayen. Ahellil n Dawed. 2 Ay Illu, sel-ed i ṣṣut-iw m'ara ţnazaɛeɣ ,
seḥbiber ɣef tudert-iw si tugdi n weɛdaw ! 3 Ṣṣer-iyi si txazabit n yemcumen, si terbeɛt ihajen n
wid ixeddmen lmenkeṛ. 4 Ssemsaden iles-nsen am ujenwi, ṭeggiṛen-d imeslayen iqerrḥen am
tḥeṛbunin, 5 iwakken ad wwten s tuffra amdan aḥeqqi, kkaten-t s lexdeɛ mebla tuggdi. 6
Ttemseǧhaden i yir lecɣal (note : neɣ "ttemseǧhaden s yir imeslayen" ), ţemcawaṛen ɣef tfextin
ara ndin, qqaren : w'ara tent-iwalin? 7 Snulfuyen-d cceṛ, qqaren atan nhegga iman-nneɣ, ccɣel
yewjed ! Di lbaḍna, ul n wemdan am tesraft lqayen. 8 yewwet-iten-id Yillu s tḥeṛbunt, uɣen
tiyita ur bnin. 9 Iɣḍel-iten yiles-nsen, kra n win a ten-iwalin ad ihuzz aqeṛṛuy-is . 10 Imdanen
meṛṛa tekcem-iten tuggdi, ḥekkun-d ayen ixdem Yillu, yernu fehmen lecɣal-is. 11 Aḥeqqi yeţţaf
lfeṛḥ-is deg Umeɣlal, yettdari yur-es, wid akk yesɛan ul yeṣfan ad feṛḥen yis.
65
Lḥemd i Yillu.
1 I umeqran n terbeɛt icennayen. Ahellil n Dawed. Ccna. 2 Ay Illu, ɣur-ek tasusmi d leḥmada di
Siyun, yernu ad yettwaxdem wayen i k-ittuweɛden . 3 Kečč d-isellen itẓilla, imdanen akk a d-asen
ɣur-ek. 4 Izgalen-iw d tamsalt ẓẓayen fell-i, lameɛna tettsamaḥeḍ ddnubat-nneɣ. 5 Amarezg
n win i d-tferneḍ, i d-tewwiḍ ad yeţţili deg ifergan-ik ! A neṛwu si lerẓaq n wexxam-ik d wayen
akk iqedsen deg ufakan-ik. 6 Tqebbelḍ-aɣ-ed s lḥeqq s lecɣal yessewhamen, ay Illu amsellek-nne
ɣ, kečč iɣef teţkalay ddunit meṛṛa d lebḥuṛ ibeɛden. 7 Tṛessaḍ idurar s lǧehd-ik, tazmert d
aggus-ik. 8 Tesrusuḍ asrugmet n lebḥuṛ, asrugmet n lemwaǧ i-nsen akk-d unherwel n yegduden.
9 Imezdaɣ n yexfawen n ddunit ttaggaden si licaṛat-inek, tettaččaṛeḍ d lfeṛḥ asamar d umalu. 10
Telhaḍ-ed d wakal tesserwaḍ-t, teččureḍ-t d leṛzaq; Asif n Yillu yeččuṛ d aman, tettheggiḍ-ed
irden i yemdanen mi tettheggiḍ akka akal. 11 M'ara tessweḍ iḍerfan-is yernu teţruẓuḍ ikurrayen-is;
tesserḍabeḍ-t s uneznaz, teţbarakeḍ imɣan-is. 12 Tesnekmaleḍ aseggas s leṛzaq-ik ; ansi tekkiḍ
tawant teţfeggiḍ. 13 Ilmaten n uneẓruf daɣen ţfeggiḍen, lfeṛḥ yezzi-d i tɣaltin. 14 Ilmaten
ɣummen s tqeḍɛiyin n lmal, izuɣar ɣummen s yirden, kra n wayen yellan yefṛeḥ icennu.
66
Ad ittubarek Yillu!
1 I umeqran n terbaɛ t n icennayen. Ccna. Ahellil. Ḥmed Illu a ddunit meṛṛa. 2 Ccnut tamanegt n
yisem-is, ssimeɣret ccan-is s leḥmadi; 3 init i Yillu: acḥal sɛan lhiba lecɣal-ik. Iɛdawen-ik
ttḥezzizen-ak ɣef ddemma n tezmert-ik meqqren. 4 Ddunit meṛṛa ad tekref tagecrirt zdat-ek, a
k-tecnu, ad tecnu i yisem-ik. 5 Iyya-w a ţ-ţeẓrem lecɣal n Yillu, yesɛa lhiba deg wayen ixeddem
deg yemdanen. 6 Yerra lebḥeṛ d akal yekkawen, zeggren ( wat Israil) asif ɣef udaṛ, dinna i
nefreḥ yis. 7 Yeḥkem i dayem s tezmert-is, allen-is ttqaraɛent leǧnas, imɛaṣiyen ur ssalayen ara
iman-nsen. 8 Ay igduden, barket Illu-nneɣ, berrḥet s leḥmadi-ines ! 9 Yeţţara-d tudert i teṛwiḥit-nne
ɣ, ur yeǧǧi ara adaṛ-nneɣ ad yecceḍ. 10 Axaṭer tmeḥseḍ-aɣ a Yillu, tessazdgeḍ-aɣ am akken i
ssizdigen lfeṭṭa. 11 Tegreḍ-aɣ zdaxel ucebbak, tɛebbaḍ-aɣ taɛkumt ẓẓayen ɣef wammas. 12
Tessuliḍ imdanen ɣef iqerray-nneɣ; nɛedda di tmes d waman, imiren tessukseḍ-aɣ-ed iwakken a
nili di lisser. 13 A n-aseɣ s axxam-ik s iseflawen n wurɣu, ad xedmeɣ ayen i k-weɛdeɣ, 14 ayen
akken i d-yenna yiles-iw, i d-yeffɣen seg imi-iw di teswiɛt n cedda. 15 A k-n-qedmaɣ lmal i ṭ uqten
d asfel n wurɣu, akraren s lebxur, ad rnuɣ a k-n-qeddmeɣ iɛejmiyen d iqelwacen. 16 Yyaw ad
teslem, a kunwi akk i ţ aggaden Illu, a wen-d-ḥkuɣ ayen akk ixdem i terwiḥt-iw. 17 S yimi-w greɣ-as
tiɣri, iles-iw yessaɛli leḥmadi. 18 Lemmer di walaɣ ddɣel deg wul-iw, tili Sidi Ṛebbi ur d-issel
ara. 19 Lameɛna atah, Illu isla-d, yerra-d ddehn-is ɣer tẓallit-iw. 20 Ad ittubarek Yillu, ur nerri
ara taẓallit-iw di rrif, ur nessebɛed ara ṛṛeḥma-s fell-i.
Leḥnanan-k tif tudert.
1 Ahellil n Dawed asmi yella deg unezṛuf n Yahuda. 2 Ay Illu ! D kečč i d Illu-yiw, ţnadiɣ fell-ak si
tafrara ; taṛwiḥt-iw tfud ar ɣur-ek, tafekka-w teggar-ed nnhati fell-ak deg akal yeqquren,
yekkawen, mebla aman. 3 Akka i ttmuquleɣ ɣur-ek deg wemkan iqedsen iwakken ad waliɣ
tazmert-ik ţ-ţmanegt-ik ; 4 axaṭer leḥnana-k tif n tudert. Imi-w ittḥemmid-ik. 5 Akka ara k-
ţbarakeɣ tudert-iw meṛṛa, ad refdeɣ ifassen-iw s yisem-ik. 6 Taṛwiḥt-iw aţ-ţili di tawant am
akken terwa s tassemt d wadif ; lfeṛḥ deg imi-w, iles-iw a k-ittḥemmid. 7 M'ara k-id-mmektiɣ
deg usu-yinu, iḍ kamel ttxemmimeɣ ɣur-ek. 8 Axaṭer telliḍ-iyi d amɛiwen, ttiẓẓifeɣ si lfeṛḥ di tili
n wafriwen-ik. 9 Taṛwiḥt-iw tcudd ɣur-ek, ayeffus-ik irfed-iyi ! 10 Ma d wid yeţnadin ad
ssengren taṛwiḥt-iw, ad ṛuḥen ɣer ddaw wakal. 11 Ad mten s ujenwi, a ten-gezren wuccanen. 12
Ma d agellid ad yaf lfeṛḥ-is deg Illu ; wid yeţgallan yis ad zuxxen s yisem-is, axaṭer imawen n
ikeddaben ad zemmen.
64
Ṣṣer-iyi seg imcumen.
1 I umeqran n terbeɛt n icennayen. Ahellil n Dawed. 2 Ay Illu, sel-ed i ṣṣut-iw m'ara ţnazaɛeɣ ,
seḥbiber ɣef tudert-iw si tugdi n weɛdaw ! 3 Ṣṣer-iyi si txazabit n yemcumen, si terbeɛt ihajen n
wid ixeddmen lmenkeṛ. 4 Ssemsaden iles-nsen am ujenwi, ṭeggiṛen-d imeslayen iqerrḥen am
tḥeṛbunin, 5 iwakken ad wwten s tuffra amdan aḥeqqi, kkaten-t s lexdeɛ mebla tuggdi. 6
Ttemseǧhaden i yir lecɣal (note : neɣ "ttemseǧhaden s yir imeslayen" ), ţemcawaṛen ɣef tfextin
ara ndin, qqaren : w'ara tent-iwalin? 7 Snulfuyen-d cceṛ, qqaren atan nhegga iman-nneɣ, ccɣel
yewjed ! Di lbaḍna, ul n wemdan am tesraft lqayen. 8 yewwet-iten-id Yillu s tḥeṛbunt, uɣen
tiyita ur bnin. 9 Iɣḍel-iten yiles-nsen, kra n win a ten-iwalin ad ihuzz aqeṛṛuy-is . 10 Imdanen
meṛṛa tekcem-iten tuggdi, ḥekkun-d ayen ixdem Yillu, yernu fehmen lecɣal-is. 11 Aḥeqqi yeţţaf
lfeṛḥ-is deg Umeɣlal, yettdari yur-es, wid akk yesɛan ul yeṣfan ad feṛḥen yis.
65
Lḥemd i Yillu.
1 I umeqran n terbeɛt icennayen. Ahellil n Dawed. Ccna. 2 Ay Illu, ɣur-ek tasusmi d leḥmada di
Siyun, yernu ad yettwaxdem wayen i k-ittuweɛden . 3 Kečč d-isellen itẓilla, imdanen akk a d-asen
ɣur-ek. 4 Izgalen-iw d tamsalt ẓẓayen fell-i, lameɛna tettsamaḥeḍ ddnubat-nneɣ. 5 Amarezg
n win i d-tferneḍ, i d-tewwiḍ ad yeţţili deg ifergan-ik ! A neṛwu si lerẓaq n wexxam-ik d wayen
akk iqedsen deg ufakan-ik. 6 Tqebbelḍ-aɣ-ed s lḥeqq s lecɣal yessewhamen, ay Illu amsellek-nne
ɣ, kečč iɣef teţkalay ddunit meṛṛa d lebḥuṛ ibeɛden. 7 Tṛessaḍ idurar s lǧehd-ik, tazmert d
aggus-ik. 8 Tesrusuḍ asrugmet n lebḥuṛ, asrugmet n lemwaǧ i-nsen akk-d unherwel n yegduden.
9 Imezdaɣ n yexfawen n ddunit ttaggaden si licaṛat-inek, tettaččaṛeḍ d lfeṛḥ asamar d umalu. 10
Telhaḍ-ed d wakal tesserwaḍ-t, teččureḍ-t d leṛzaq; Asif n Yillu yeččuṛ d aman, tettheggiḍ-ed
irden i yemdanen mi tettheggiḍ akka akal. 11 M'ara tessweḍ iḍerfan-is yernu teţruẓuḍ ikurrayen-is;
tesserḍabeḍ-t s uneznaz, teţbarakeḍ imɣan-is. 12 Tesnekmaleḍ aseggas s leṛzaq-ik ; ansi tekkiḍ
tawant teţfeggiḍ. 13 Ilmaten n uneẓruf daɣen ţfeggiḍen, lfeṛḥ yezzi-d i tɣaltin. 14 Ilmaten
ɣummen s tqeḍɛiyin n lmal, izuɣar ɣummen s yirden, kra n wayen yellan yefṛeḥ icennu.
66
Ad ittubarek Yillu!
1 I umeqran n terbaɛ t n icennayen. Ccna. Ahellil. Ḥmed Illu a ddunit meṛṛa. 2 Ccnut tamanegt n
yisem-is, ssimeɣret ccan-is s leḥmadi; 3 init i Yillu: acḥal sɛan lhiba lecɣal-ik. Iɛdawen-ik
ttḥezzizen-ak ɣef ddemma n tezmert-ik meqqren. 4 Ddunit meṛṛa ad tekref tagecrirt zdat-ek, a
k-tecnu, ad tecnu i yisem-ik. 5 Iyya-w a ţ-ţeẓrem lecɣal n Yillu, yesɛa lhiba deg wayen ixeddem
deg yemdanen. 6 Yerra lebḥeṛ d akal yekkawen, zeggren ( wat Israil) asif ɣef udaṛ, dinna i
nefreḥ yis. 7 Yeḥkem i dayem s tezmert-is, allen-is ttqaraɛent leǧnas, imɛaṣiyen ur ssalayen ara
iman-nsen. 8 Ay igduden, barket Illu-nneɣ, berrḥet s leḥmadi-ines ! 9 Yeţţara-d tudert i teṛwiḥit-nne
ɣ, ur yeǧǧi ara adaṛ-nneɣ ad yecceḍ. 10 Axaṭer tmeḥseḍ-aɣ a Yillu, tessazdgeḍ-aɣ am akken i
ssizdigen lfeṭṭa. 11 Tegreḍ-aɣ zdaxel ucebbak, tɛebbaḍ-aɣ taɛkumt ẓẓayen ɣef wammas. 12
Tessuliḍ imdanen ɣef iqerray-nneɣ; nɛedda di tmes d waman, imiren tessukseḍ-aɣ-ed iwakken a
nili di lisser. 13 A n-aseɣ s axxam-ik s iseflawen n wurɣu, ad xedmeɣ ayen i k-weɛdeɣ, 14 ayen
akken i d-yenna yiles-iw, i d-yeffɣen seg imi-iw di teswiɛt n cedda. 15 A k-n-qedmaɣ lmal i ṭ uqten
d asfel n wurɣu, akraren s lebxur, ad rnuɣ a k-n-qeddmeɣ iɛejmiyen d iqelwacen. 16 Yyaw ad
teslem, a kunwi akk i ţ aggaden Illu, a wen-d-ḥkuɣ ayen akk ixdem i terwiḥt-iw. 17 S yimi-w greɣ-as
tiɣri, iles-iw yessaɛli leḥmadi. 18 Lemmer di walaɣ ddɣel deg wul-iw, tili Sidi Ṛebbi ur d-issel
ara. 19 Lameɛna atah, Illu isla-d, yerra-d ddehn-is ɣer tẓallit-iw. 20 Ad ittubarek Yillu, ur nerri
ara taẓallit-iw di rrif, ur nessebɛed ara ṛṛeḥma-s fell-i.
