120
Sukkes-iyi! 1 Ccna n walluy ɣer ufakan. Di ccedda-w suɣeɣ ɣer Umeɣlal, dɣa yerra-yi-d. 2 Ay Ameɣlal, sukkes-d tarwiḥt-iw seg imi akeddab, seg iles axeddaɛ ! 3 D acu ara k-d-yefk, d acu ara k-d-yernu yiles axeddaɛ ? 4 D tiḥerbunin imesden n umeṭrad, d tergin ireqqen n uzezzu. 5 A tawaɣit-iw nekk i gzedɣen d aberrani di Macak* i gettilin deg iqiḍunen n Qider*. 6 Tḍul felli tnezduɣt ger wid ikerhen talwit. 7 Nekk bɣiɣ talwit, meɛna mi d-neṭqeɣ, netni ad bɣun ṭṭrad.
121
Leɛnaya n Umeɣlal. 1 Ccna n walluy ɣer ufakan. Reffdeɣ allen-iw ɣer idurar, ansi ara yi-d-tekk leɛnaya ? 2 Leɛnaya ad yi-d-tekk seg Umeɣlal! I d-ixelqen igenwan d lqaɛa. 3 Ur yettɛemmid ara ad yecceḍ uḍar-ik; win yettɛassan fellak ur yettnuddum-ara. 4 Netta, ur yettnuddum ur yeggan, win yettɛassan ɣef Israil. 5 Ameɣlal d win i k-iḥerrzen, Ameɣlal d tili-inek ɣer ufus-ik ayeffus. 6 Ur k-yekkat la yiṭij deg wass, la tiziri deg yiḍ. 7 Ad k-iḥader Umeɣlal si yal ccer, ad yeḥrez tarwiḥt-ik*. 8 Ad iḥader Umeɣlal rrwaḥ-ik d waggaḍ-ik, si tura i lebda.
122
Talwit n Yerucalim. 1 Ccna n walluy ɣef ufakan. Sɣur Dawed. Ferrḥeɣ mi ara yi-d-inin: ad nruḥ ɣer wexxam n Umeɣlal ! 2 Iḍarren-nneɣ ḥebsen ɣer tewwura-m, a Yerucalim. 3 A Yerucalim, kem yebnan am temdint yezdin yedduklen. 4 Ɣer din i ttalin iderman, iderman n Umeɣlal, akken tella d lɛadda ɣer wat Israil, iwakken ad sfuglen i yisem n Umeɣlal. 5 Axaṭer din i yersen ikersiyen n tgeldit i usizref, ikersiyen n tgeldit n wexxam n Dawed. 6 Sutret talwit n Yerucalim ! Wid i kem-iḥemlen ad ilin di lehna! 7 Ad tili talwit di leṣwar-im, aked lehna di tɣermin-im ! 8 Ɣef ddemma n watmaten-iw d imeddukal-iw, ad iniɣ ihi: Ad tili dgem talwit ! 9 Ɣef ddemma n wexxam Umeɣlal, Illu-nneɣ, buddeɣ-am rrezg.
123
Ḥun fellaɣ ay Ameɣlal! 1 Ccna n walluy ɣer ufakan. Refdeɣ allen-iw ɣurek kečč izedɣen deg igenwan. 2 Akken i zzint wallen n iqeddacen ɣer ufus n syadi-nsen, d wallen n tqeddact ɣer ufus n lalla-s, akken i zzint wallen nneɣ ɣer Umeɣlal, Illu nneɣ, alamma iḥun-d fellaɣ. 3 Ḥun-d fellaɣ, ay Ameɣlal, ḥun-d fellaɣ ! Axaṭer aṭas i nerwa n tmuḥqranit. 4 Aṭas i terwa terwiḥt nneɣ aɛayer n wat iɛebbaḍ, d tmuḥqranit n izewwaxen.
124
Lemmer ur yelli Umeɣlal yidneɣ. v 1 Ccna n walluy ɣer ufakan. Sɣur Dawed. Lemmer ur yelli Umeɣlal yidneɣ, ad t-id yini ihi Israil! 2 Lemmer ur yelli Umeɣlal yidneɣ, mi d-kkren ɣurneɣ yemdanen, 3 Tili sbelɛn-aɣ akken d imudduren, mi d-yender wurrif-nsen mgal-nneɣ. 4 Tili aman ḥemlen-d fellaɣ, asif infel-d ɣef terwiḥt nneɣ. 5 Tili ɛeddan ɣef terwiḥt-nneɣ waman ihajen. 6 Yettubarek Umeɣlal, ur aɣ-neǧǧi ara ad nettwagezzer s tuɣmas-nsen. 7 Tarwiḥt-nneɣ teslek am wefrux seg ucebbak n iṣeggaden, acebbak yeqqers, dɣa nerwel. 8 Leɛnaya-nneɣ tella deg isem Umeɣlal i d-ixelqen igenni d lqaɛa.
Sukkes-iyi! 1 Ccna n walluy ɣer ufakan. Di ccedda-w suɣeɣ ɣer Umeɣlal, dɣa yerra-yi-d. 2 Ay Ameɣlal, sukkes-d tarwiḥt-iw seg imi akeddab, seg iles axeddaɛ ! 3 D acu ara k-d-yefk, d acu ara k-d-yernu yiles axeddaɛ ? 4 D tiḥerbunin imesden n umeṭrad, d tergin ireqqen n uzezzu. 5 A tawaɣit-iw nekk i gzedɣen d aberrani di Macak* i gettilin deg iqiḍunen n Qider*. 6 Tḍul felli tnezduɣt ger wid ikerhen talwit. 7 Nekk bɣiɣ talwit, meɛna mi d-neṭqeɣ, netni ad bɣun ṭṭrad.
121
Leɛnaya n Umeɣlal. 1 Ccna n walluy ɣer ufakan. Reffdeɣ allen-iw ɣer idurar, ansi ara yi-d-tekk leɛnaya ? 2 Leɛnaya ad yi-d-tekk seg Umeɣlal! I d-ixelqen igenwan d lqaɛa. 3 Ur yettɛemmid ara ad yecceḍ uḍar-ik; win yettɛassan fellak ur yettnuddum-ara. 4 Netta, ur yettnuddum ur yeggan, win yettɛassan ɣef Israil. 5 Ameɣlal d win i k-iḥerrzen, Ameɣlal d tili-inek ɣer ufus-ik ayeffus. 6 Ur k-yekkat la yiṭij deg wass, la tiziri deg yiḍ. 7 Ad k-iḥader Umeɣlal si yal ccer, ad yeḥrez tarwiḥt-ik*. 8 Ad iḥader Umeɣlal rrwaḥ-ik d waggaḍ-ik, si tura i lebda.
122
Talwit n Yerucalim. 1 Ccna n walluy ɣef ufakan. Sɣur Dawed. Ferrḥeɣ mi ara yi-d-inin: ad nruḥ ɣer wexxam n Umeɣlal ! 2 Iḍarren-nneɣ ḥebsen ɣer tewwura-m, a Yerucalim. 3 A Yerucalim, kem yebnan am temdint yezdin yedduklen. 4 Ɣer din i ttalin iderman, iderman n Umeɣlal, akken tella d lɛadda ɣer wat Israil, iwakken ad sfuglen i yisem n Umeɣlal. 5 Axaṭer din i yersen ikersiyen n tgeldit i usizref, ikersiyen n tgeldit n wexxam n Dawed. 6 Sutret talwit n Yerucalim ! Wid i kem-iḥemlen ad ilin di lehna! 7 Ad tili talwit di leṣwar-im, aked lehna di tɣermin-im ! 8 Ɣef ddemma n watmaten-iw d imeddukal-iw, ad iniɣ ihi: Ad tili dgem talwit ! 9 Ɣef ddemma n wexxam Umeɣlal, Illu-nneɣ, buddeɣ-am rrezg.
123
Ḥun fellaɣ ay Ameɣlal! 1 Ccna n walluy ɣer ufakan. Refdeɣ allen-iw ɣurek kečč izedɣen deg igenwan. 2 Akken i zzint wallen n iqeddacen ɣer ufus n syadi-nsen, d wallen n tqeddact ɣer ufus n lalla-s, akken i zzint wallen nneɣ ɣer Umeɣlal, Illu nneɣ, alamma iḥun-d fellaɣ. 3 Ḥun-d fellaɣ, ay Ameɣlal, ḥun-d fellaɣ ! Axaṭer aṭas i nerwa n tmuḥqranit. 4 Aṭas i terwa terwiḥt nneɣ aɛayer n wat iɛebbaḍ, d tmuḥqranit n izewwaxen.
124
Lemmer ur yelli Umeɣlal yidneɣ. v 1 Ccna n walluy ɣer ufakan. Sɣur Dawed. Lemmer ur yelli Umeɣlal yidneɣ, ad t-id yini ihi Israil! 2 Lemmer ur yelli Umeɣlal yidneɣ, mi d-kkren ɣurneɣ yemdanen, 3 Tili sbelɛn-aɣ akken d imudduren, mi d-yender wurrif-nsen mgal-nneɣ. 4 Tili aman ḥemlen-d fellaɣ, asif infel-d ɣef terwiḥt nneɣ. 5 Tili ɛeddan ɣef terwiḥt-nneɣ waman ihajen. 6 Yettubarek Umeɣlal, ur aɣ-neǧǧi ara ad nettwagezzer s tuɣmas-nsen. 7 Tarwiḥt-nneɣ teslek am wefrux seg ucebbak n iṣeggaden, acebbak yeqqers, dɣa nerwel. 8 Leɛnaya-nneɣ tella deg isem Umeɣlal i d-ixelqen igenni d lqaɛa.
