145
Tageldit-ik tettdum i lebda. 1 Leḥmadi. Sɣur Dawed. Ad ssaɛliɣ ccan-ik, ay Yillu-iw, agellid-iw! yerna ad barkeɣ isem-ik i lebda i dayem. 2 Ad k-ttbarakeɣ yal ass, yerna ad ttḥemmideɣ isem-ik i lebda i dayem. 3 Ameɣlal meqqer, yuklal mliḥ leḥmadi, temɣer-is ur tesɛi ara tilas. 4 Si tsuta ɣer tsuta ad cekren lecɣal-ik, ad ḥekkun ɣef tezmert-ik meqren, 5 ɣef ccbaḥa yettfeǧǧiǧen n tmanegt-ik; ad ḥekkuɣ ɣef lecɣal-ik yesteɛǧiben. 6 Ad heddren ɣef tezmert-ik muhaben, nek ad ḥkuɣ ɣef temɣer-ik. 7 Ad d-ttmektin lxir-ik meqren, ad ttberriḥen s teɣdemt-ik. 8 Ameɣlal d aḥnin d urḥim, ẓẓay i reffu yeččur d rreḥma. 9 Ameɣlal yelha ɣer yemdanen merra, leḥnana-s tella di lecɣal-is merra. 10 Lecɣal-ik merra ad k-sfugulen, ay Ameɣlal! imekdiyen-ik ad k-ttbaraken. 11 Ad heddren ɣef tmanegt n tgeldit-ik, ad heddren ɣef tezmert-ik, 12 Iwakken ad d-mmlen i yemdanen tazmert-ik, aked tmanegt icebḥen n tgeldit-ik. 13 Tageldit-ik d tageldit n dayem, adabu-yinek si tsuta ɣer tsuta. ( Illu d amekdi
deg wayen akk iweɛɛed, s leḥmala i yxeddem kullec) (nte: Aḥric-agi ad t-naf deg yiwen n uttafttar n Qumran d kra n yeḍrisen iqdimen.) 14 Ameɣlal ireffed wid akk iɣellin, issebdad wid akk yeknan. 15 Tezzin merra allen ɣer ɣurek s usirem, tettakeḍ-asen lqut-nsen di lawan-is. 16 Tleddiḍ afus-ik tesserwayeḍ akk imudduren akken tessarmen. 17 Ameɣlal d uɣdim deg iberdan-is merra, d urḥim di lecɣal-is akk. 18 Ameɣlal yella ɣer tama n wid akk ittɛennin ɣer ɣures, wid akk yettɛennin ɣer ɣures s tidett; 19 Ixeddem lebɣi i wid i t-yettagaden, isell-d i tiɣri nsen yettsellik-iten. 20 Ameɣlal iḥerrez wid akk i t-iḥemmlen, yessengar akk imcumen. 21 Imi-w ad yenṭeq s leḥmadi n Umeɣlal, yal amdan ad ibarek isem-is iqedsen, i lebda i dayem!
146
Ameɣlal d aḥnin. 1 Ḥemdet Ameɣlal! A tarwiḥt-iw ḥmed Ameɣlal! 2 Ad ḥemdeɣ Ameɣlal tudert-iw merra, ad helleleɣ i lmend n Yillu-iw skud ttidireɣ. 3 Ur ttkalet ara ɣef imeqranen n ddunit agi, ɣef wemdan ur nezmir ad isellek. 4 Tarwiḥt-is ad teffeɣ, ad yuɣal ɣer wakal, ass-nni yakan ixemmimen-is ad negren. 5 Amarezg n win yesɛan Illu n Yeɛqub d amɛiwen, yerran asirem-is deg Umeɣlal, Illu-is. 6 Ixleq igenwan d lqaɛa, illel d wayen akk yellan degs. Iḥrez tidett i lebda. 7 Yesbedd lḥeq i wid ittwaḥeqren, ittak aɣrum i wid yelluẓen; Ameɣlal yettserriḥ i yimeḥbas; 8 Ameɣlal ileddi allen n iderɣalen, Ameɣlal yessebdad wid yeknan; Ameɣlal iḥemmel uɣdimen. 9 Ameɣlal ittɛassa ɣef iberraniyen, ireffed agujil d taǧǧalt, lameɛna yesseɛraq abrid i yemcumen. 10 Ameɣlal ad yeḥkem i lebda; Illu-yim, a Siyun! si tsuta ɣer tsuta! Ḥemdet Ameɣlal!
147
Tazmert n Yillu. 1 Ḥemdet Ameɣlal! Axaṭer yelha uhellel i lmend n Yillu nneɣ, Axaṭer ẓid yerna yecbeḥ weḥmad-is. 2 Ameɣlal yettɛawad lebni i Yirucalim, ijemmeɛ-d imenfiyen n Israil. 3 Isseḥlay wid umi iceqqeq wul, ittdawi leǧruḥ-nsen. 4 Iḥseb tissi n yetran, ifka isem i yal yiwen deg-sen. 5 Rebbi-nneɣ meqqer, tazmart-is meqret, lefhama-yines ur tesɛi ara tilas. 6 Ameɣlal ireffed wid yettanzen, yesrusu-d imcumen ɣer lqaɛa. 7 Awit-d acewwiq i Umeɣlal, s cckran, hellelet i lmend n Yillu nneɣ s ugenbar! 8 Ittɣummu igenni s usigna, ittheggi-d ageffur i lqaɛa, issemɣay-d leḥcic deg idurar. 9 Yettak i lmal lqut-nsen, irennu i yefrax n tgerfa mi ara ttɛeggiḍen. 10 Mačči d lǧehd n uɛewdiw i gebɣa, mačči d ifadden n wemdan i t-iɛeǧben. 11 Ameɣlal iqebbel wid i t-ittagaden, wid yessaramen di rreḥma-ines. 12 A Yirucalim, efk tamanegt i Umeɣlal! A Siyun ḥmed Illu-yim ! 13 Axaṭer isseǧhed izekrunen n tewwura-yim, ittbarak arraw-im deg rebbi-yim. 14 Yessers-d lehna di tmurt-im, yesserway-ikem s yirden ifazen. 15 Iceggeɛ-d lamer-is ɣer lqaɛa, awal-is yettazzal s lemɣawla. 16 Yettak-d adfel am taḍut, yezuzzur agris am iɣiɣden. 17 Iteggir-d abruri-ines d iftaten; anwa i yzemren ad yeṭṭef zdat n usemmiḍ-ines? 18 Ad iceggeɛ awal-is ad ten-issefsi; ad isesker aḍu-is, dɣa ad azlen waman. 19 Ibeggen-d awal-is i Yeɛqub, isuḍaf-is d lewṣayat-is i Israil. 20 Ayagi ur t-ixdim ara i leǧnas merra; Ur ssinen ara lewṣayat-is. Ḥemdet Ameɣlal!
Tageldit-ik tettdum i lebda. 1 Leḥmadi. Sɣur Dawed. Ad ssaɛliɣ ccan-ik, ay Yillu-iw, agellid-iw! yerna ad barkeɣ isem-ik i lebda i dayem. 2 Ad k-ttbarakeɣ yal ass, yerna ad ttḥemmideɣ isem-ik i lebda i dayem. 3 Ameɣlal meqqer, yuklal mliḥ leḥmadi, temɣer-is ur tesɛi ara tilas. 4 Si tsuta ɣer tsuta ad cekren lecɣal-ik, ad ḥekkun ɣef tezmert-ik meqren, 5 ɣef ccbaḥa yettfeǧǧiǧen n tmanegt-ik; ad ḥekkuɣ ɣef lecɣal-ik yesteɛǧiben. 6 Ad heddren ɣef tezmert-ik muhaben, nek ad ḥkuɣ ɣef temɣer-ik. 7 Ad d-ttmektin lxir-ik meqren, ad ttberriḥen s teɣdemt-ik. 8 Ameɣlal d aḥnin d urḥim, ẓẓay i reffu yeččur d rreḥma. 9 Ameɣlal yelha ɣer yemdanen merra, leḥnana-s tella di lecɣal-is merra. 10 Lecɣal-ik merra ad k-sfugulen, ay Ameɣlal! imekdiyen-ik ad k-ttbaraken. 11 Ad heddren ɣef tmanegt n tgeldit-ik, ad heddren ɣef tezmert-ik, 12 Iwakken ad d-mmlen i yemdanen tazmert-ik, aked tmanegt icebḥen n tgeldit-ik. 13 Tageldit-ik d tageldit n dayem, adabu-yinek si tsuta ɣer tsuta. ( Illu d amekdi
deg wayen akk iweɛɛed, s leḥmala i yxeddem kullec) (nte: Aḥric-agi ad t-naf deg yiwen n uttafttar n Qumran d kra n yeḍrisen iqdimen.) 14 Ameɣlal ireffed wid akk iɣellin, issebdad wid akk yeknan. 15 Tezzin merra allen ɣer ɣurek s usirem, tettakeḍ-asen lqut-nsen di lawan-is. 16 Tleddiḍ afus-ik tesserwayeḍ akk imudduren akken tessarmen. 17 Ameɣlal d uɣdim deg iberdan-is merra, d urḥim di lecɣal-is akk. 18 Ameɣlal yella ɣer tama n wid akk ittɛennin ɣer ɣures, wid akk yettɛennin ɣer ɣures s tidett; 19 Ixeddem lebɣi i wid i t-yettagaden, isell-d i tiɣri nsen yettsellik-iten. 20 Ameɣlal iḥerrez wid akk i t-iḥemmlen, yessengar akk imcumen. 21 Imi-w ad yenṭeq s leḥmadi n Umeɣlal, yal amdan ad ibarek isem-is iqedsen, i lebda i dayem!
146
Ameɣlal d aḥnin. 1 Ḥemdet Ameɣlal! A tarwiḥt-iw ḥmed Ameɣlal! 2 Ad ḥemdeɣ Ameɣlal tudert-iw merra, ad helleleɣ i lmend n Yillu-iw skud ttidireɣ. 3 Ur ttkalet ara ɣef imeqranen n ddunit agi, ɣef wemdan ur nezmir ad isellek. 4 Tarwiḥt-is ad teffeɣ, ad yuɣal ɣer wakal, ass-nni yakan ixemmimen-is ad negren. 5 Amarezg n win yesɛan Illu n Yeɛqub d amɛiwen, yerran asirem-is deg Umeɣlal, Illu-is. 6 Ixleq igenwan d lqaɛa, illel d wayen akk yellan degs. Iḥrez tidett i lebda. 7 Yesbedd lḥeq i wid ittwaḥeqren, ittak aɣrum i wid yelluẓen; Ameɣlal yettserriḥ i yimeḥbas; 8 Ameɣlal ileddi allen n iderɣalen, Ameɣlal yessebdad wid yeknan; Ameɣlal iḥemmel uɣdimen. 9 Ameɣlal ittɛassa ɣef iberraniyen, ireffed agujil d taǧǧalt, lameɛna yesseɛraq abrid i yemcumen. 10 Ameɣlal ad yeḥkem i lebda; Illu-yim, a Siyun! si tsuta ɣer tsuta! Ḥemdet Ameɣlal!
147
Tazmert n Yillu. 1 Ḥemdet Ameɣlal! Axaṭer yelha uhellel i lmend n Yillu nneɣ, Axaṭer ẓid yerna yecbeḥ weḥmad-is. 2 Ameɣlal yettɛawad lebni i Yirucalim, ijemmeɛ-d imenfiyen n Israil. 3 Isseḥlay wid umi iceqqeq wul, ittdawi leǧruḥ-nsen. 4 Iḥseb tissi n yetran, ifka isem i yal yiwen deg-sen. 5 Rebbi-nneɣ meqqer, tazmart-is meqret, lefhama-yines ur tesɛi ara tilas. 6 Ameɣlal ireffed wid yettanzen, yesrusu-d imcumen ɣer lqaɛa. 7 Awit-d acewwiq i Umeɣlal, s cckran, hellelet i lmend n Yillu nneɣ s ugenbar! 8 Ittɣummu igenni s usigna, ittheggi-d ageffur i lqaɛa, issemɣay-d leḥcic deg idurar. 9 Yettak i lmal lqut-nsen, irennu i yefrax n tgerfa mi ara ttɛeggiḍen. 10 Mačči d lǧehd n uɛewdiw i gebɣa, mačči d ifadden n wemdan i t-iɛeǧben. 11 Ameɣlal iqebbel wid i t-ittagaden, wid yessaramen di rreḥma-ines. 12 A Yirucalim, efk tamanegt i Umeɣlal! A Siyun ḥmed Illu-yim ! 13 Axaṭer isseǧhed izekrunen n tewwura-yim, ittbarak arraw-im deg rebbi-yim. 14 Yessers-d lehna di tmurt-im, yesserway-ikem s yirden ifazen. 15 Iceggeɛ-d lamer-is ɣer lqaɛa, awal-is yettazzal s lemɣawla. 16 Yettak-d adfel am taḍut, yezuzzur agris am iɣiɣden. 17 Iteggir-d abruri-ines d iftaten; anwa i yzemren ad yeṭṭef zdat n usemmiḍ-ines? 18 Ad iceggeɛ awal-is ad ten-issefsi; ad isesker aḍu-is, dɣa ad azlen waman. 19 Ibeggen-d awal-is i Yeɛqub, isuḍaf-is d lewṣayat-is i Israil. 20 Ayagi ur t-ixdim ara i leǧnas merra; Ur ssinen ara lewṣayat-is. Ḥemdet Ameɣlal!
