31
Ameɣlal d tadarit-iw
1 I umeqran n talilt. Ahellil n Dawed. 2 Ay Ameɣlal ɣurek i ttdariɣ : Awer iliɣ maḍi di
l ḥecma! Sukkes-iyi s ta ɣ demt-ik. 3 Efk-iyi-d tame ẓẓ u ɣ t, ɣiwel sellek-iyi ! Ili-yi d a ẓ ru, d
leḥṣin, iwakken ad ttwaselkeɣ ! 4 Axaṭer kečč d aṣlaḍ-iw, d leḥṣin-iw, ɣef ddemma n yisem-ik,
ad yi-tsedduḍ ad yi-twellheḍ. 5 Ad yi-d-tekkseḍ si tcerkett i yi-ndin; axaṭer d kečč i d
amḥami-inu. 6 Rriɣ-n rruḥ-iw ger ifassen-ik; tefdiḍ-iyi-d, ay Ameɣlal, Illu n tidett! 7 Kerheɣ
wid iteṭṭfen deg irebbiten n lekdeb; Ma d nekk ttekleɣ ɣef Umeɣlal. 8 Ad zhuɣ ad ferḥeɣ s
rreḥma-inek, axaṭer twalaḍ-d tawaɣit-iw, tesneḍ iɣilifen n terwiḥt-iw, 9 Ur iyi-tmekkneḍ
ara ɣer ifassen n weɛdaw, tseddaḍ-iyi di listaɛ. 10 Ger-d leɛnaya-inek, ay Ameɣlal! axaṭer
aqli-iyi di ccedda; udem-iw, tarwiḥt-iw d tfekka-w meččen si lemrar. 11 Tudert-iw tefna di
lqerḥ, iseggasen-iw ɛeddan di nnhati; Tazmert-iw tenquqel ɣef demma n wezgal-iw,
meččen yeɣsan-iw ! 12 Uɣaleɣ d lɛar i yexṣimen-iw merra, i lǧiran-iw ugar n waya, d
rrehba i wid i yi-ssnen; wid i yi-ttwalin di berra regglen felli. 13 Ttwattuɣ deg wulawen am
win yemmuten, uɣaleɣ am tɣawsa innewdaren. 14 Sliɣ i yir lehdur n waṭas n yemdanen, d
rrehba si yal tama, Mi ara dduklen akken mgal-iw: Ttemcawaren ad yi-nɣen. 15 Lameɛna
nekk, ttekleɣ fellak ay Ameɣlal! Qqareɣ : Kečč d Illu-yiw ! 16 Leɛmer-iw atan ger ifassen-ik;
kkes-iyi-d seg ufus n yeɛdawen-iw d iqehharen-iw! 17 Feǧǧeǧ-d s wudem-ik ɣef uqeddac-ik,
sellek-iyi s rreḥma-inek! 18 Ay Ameɣlal, awer iliɣ di lḥecma mi ara n-ɛenniɣ ɣurek. Ad
nneḥcimen yemcumen, ad adren ɣer tsusmi n laxert! 19 Ad ggugmen yimawen
yeskiddiben, i heddren s leqbaḥa mgal n uḥeqqi, s zzux aked ttmeḥqranit. 20 Acḥal
meqqret leḥnana-k, i theggaḍ i wid i k-ittagaden, i d-tettbeggineḍ zdat yemdanen, i wid
yettdarin ɣurek! 21 Tsetreḍ-ten ddaw leɛnaya n wudem-ik, mebɛid ɣef tḥila n yemdanen,
di tdarit tḥerzeḍ -ten seg ilsawen i ten-ittxaṣamen. 22 Ad yettubarek Umeɣal! imi i d-ibeggen
ɣuri rreḥma-s, am temdint i umi d zzin leṣwar. 23 Ma d nekk deg akken ḥemqeɣ
nniɣ : Ttwaqecɛeɣ mebɛid ɣef wallen-ik! lameɛna tesliḍ-d i ṣṣut n uḥellel-iw, Mi i n-
ɛeggḍeɣ ɣurek. 24 Ḥemlet Ameɣlal, kenwi akk ay imekdiyen-is! Ameɣlal iḥerrez wid
yumnen yis, Ittɛaqab s teqseḥ win i teddun s zzux. 25 S ǧehdet iman-nwen tserṣum ulawen-nwen,
kunwi akk yessaramen deg Umeɣlal!
32
Lferḥ di leɛfu
1 Asefru n Dawed. Amarezg n win iwumi ittwakkes uzgal-is, iwumi ittwaɛfa ddnub-is. 2
Amarezg n wemdan iwumi ur iḥetteb ara Umeɣlal azgal-is, ur nesɛi ara tiḥila deg ul-is. 3
Skud ssusmeɣ , iɣsan-iw ttdubun, ttnazaɛeɣ ṭul n wass; 4 Axaṭer iḍ d wass afus-ik ittaẓay
felli, Kkawen ifadden-iw am unaɣur n unebdu. 5 Qarreɣ-ak-d s dnub-iw, ur ffireɣ ara
azgal-iw; Nniɣ : Ad qirreɣ s ibekkaḍen-iw i Umeɣlal! Dɣa kečč tekkseḍ felli taɛkumt n
ddnub-iw. 6 Swakka yal amekdi ad idɛu ɣurek di lweqt ilaqen! Ma neflen-d waman, ur t-tt
ḥazen ara. 7 Telliḍ-iyi d tadarit, tḥerrzeḍ-iyi si ccedda; tezziḍ-iyi-d s ccnawi n leslak. 8
Yenna Sidi Rebbi: Ad k-slemdeɣ, ad k-mleɣ abrid ara tḍefreḍ; ad k-wessiɣ , ad reṣṣint
wallen-iw fellak. 9 Ur ttilit ara mbla lfehma am uɛewdiw neɣ userdun, iwumi tteqqnen
rrṣen d ṣṣrima iwakken ur k-id-ttawḍen ara. 10 Aṭas n lqerḥ i yerǧan amcum, lameɛna win
itteklen ɣef Umeɣlal tezzi-as-d rreḥma-s. 11 Ay uɣdimen, ferḥet s Umeɣlal tilim di zzhu!
Ɛeggḍet si lfeṛḥ , kenwi akk iwumi yeṣweb wul.
33
Ameɣlal yeḥkem ɣef kullec
1 Ay uɣdimen, ɛeggḍet s lferḥ ilmend n Umeɣlal! D atṣṣwab i ylaq ad t-ḥemden. 2 Sfuglet i
Umeɣlal s ugambar, hellelet ilmend-is s lɛud buɛecra n yenzizen. 3 Cnut-as ccna ajdid!
gerrzet urar s wallalen tewtem-as llir. 4 Axaṭer awal n Umeɣlal i ṣweb, lecɣal-is akk d
laman. 5 Iḥemmel taɣdemt d lḥeqq; rreḥma n Umeɣlal teččur lqaɛa. 6 Igenwan ttwaxelqen-d
s wawal n Umeɣlal, tizemmal-nsen merra s suḍu n yimi-s. 7 Isnejmaɛ-d aman n lebḥur d
aremmuɛ, issexzen lqiɛan n igarawen. 8 Aggad Ameɣlal a lqaɛa merra! rgagit akk zdates
ay imezdaɣ n ddunit! 9 Axaṭer ayen i d-yenna kan ad d-yedṛu, ayen ara d-yamer ad d-yili.
10 Ameɣlal yessexrab lmeqsud n leǧnas, yessengar tiktiwin n yegduden. 11 Lmeqsud n
Umeɣlal ittdum i dayem, tiktiwin n wul-is, si tsuta ɣer tsuta. 12 Amarezg n lǧens yesɛan
Ameɣlal d Illu-ines! amasseɛd n wegdud i yextar d lwert-is! 13 Ameɣlal yessikid-d seg
igenwan, ittwali-d akk imdanen. 14 Seg wemkan anda yettili, yessenqad-d imezdaɣ akk n
lqaɛa, 15 Netta i ymeslen ulawen-nsen merra, i yettarran ddehn-is ɣer lecɣal-nsen akk. 16
Ulac agellid yettwaselken s tezmalt meqren; neɣ afeḥli d-yettwasukksen s tezmert meqren.
17 Aɛewdiw ur iḍemmen ara leslak, Tazmert-is merra ur tessukkus ara. 18 Lameɛna
Ameɣlal yettɛassa ɣef wid i t-yettaggaden, ɣef wid yessaramen di rreḥma-ines. 19 Iwakken
ad d-issemneɛ tarwiḥt-nsen si lmut yerna ad ten-yessider di lweqt n laẓ. 20 Tarwiḥt-nneɣ
tettraǧu Ameɣlal; D netta i d amɛiwen-nneɣ i d aɣer-nneɣ , 21 Axaṭar ul-nneɣ yefreḥ yis,
axaṭer nesɛa laman deg yisem-is iqedsen. 22 Ay Ameɣlal! rreḥma-k ad d-ters fellaɣ ,
Swakken yella usirem-nneɣ degk.
Ameɣlal d tadarit-iw
1 I umeqran n talilt. Ahellil n Dawed. 2 Ay Ameɣlal ɣurek i ttdariɣ : Awer iliɣ maḍi di
l ḥecma! Sukkes-iyi s ta ɣ demt-ik. 3 Efk-iyi-d tame ẓẓ u ɣ t, ɣiwel sellek-iyi ! Ili-yi d a ẓ ru, d
leḥṣin, iwakken ad ttwaselkeɣ ! 4 Axaṭer kečč d aṣlaḍ-iw, d leḥṣin-iw, ɣef ddemma n yisem-ik,
ad yi-tsedduḍ ad yi-twellheḍ. 5 Ad yi-d-tekkseḍ si tcerkett i yi-ndin; axaṭer d kečč i d
amḥami-inu. 6 Rriɣ-n rruḥ-iw ger ifassen-ik; tefdiḍ-iyi-d, ay Ameɣlal, Illu n tidett! 7 Kerheɣ
wid iteṭṭfen deg irebbiten n lekdeb; Ma d nekk ttekleɣ ɣef Umeɣlal. 8 Ad zhuɣ ad ferḥeɣ s
rreḥma-inek, axaṭer twalaḍ-d tawaɣit-iw, tesneḍ iɣilifen n terwiḥt-iw, 9 Ur iyi-tmekkneḍ
ara ɣer ifassen n weɛdaw, tseddaḍ-iyi di listaɛ. 10 Ger-d leɛnaya-inek, ay Ameɣlal! axaṭer
aqli-iyi di ccedda; udem-iw, tarwiḥt-iw d tfekka-w meččen si lemrar. 11 Tudert-iw tefna di
lqerḥ, iseggasen-iw ɛeddan di nnhati; Tazmert-iw tenquqel ɣef demma n wezgal-iw,
meččen yeɣsan-iw ! 12 Uɣaleɣ d lɛar i yexṣimen-iw merra, i lǧiran-iw ugar n waya, d
rrehba i wid i yi-ssnen; wid i yi-ttwalin di berra regglen felli. 13 Ttwattuɣ deg wulawen am
win yemmuten, uɣaleɣ am tɣawsa innewdaren. 14 Sliɣ i yir lehdur n waṭas n yemdanen, d
rrehba si yal tama, Mi ara dduklen akken mgal-iw: Ttemcawaren ad yi-nɣen. 15 Lameɛna
nekk, ttekleɣ fellak ay Ameɣlal! Qqareɣ : Kečč d Illu-yiw ! 16 Leɛmer-iw atan ger ifassen-ik;
kkes-iyi-d seg ufus n yeɛdawen-iw d iqehharen-iw! 17 Feǧǧeǧ-d s wudem-ik ɣef uqeddac-ik,
sellek-iyi s rreḥma-inek! 18 Ay Ameɣlal, awer iliɣ di lḥecma mi ara n-ɛenniɣ ɣurek. Ad
nneḥcimen yemcumen, ad adren ɣer tsusmi n laxert! 19 Ad ggugmen yimawen
yeskiddiben, i heddren s leqbaḥa mgal n uḥeqqi, s zzux aked ttmeḥqranit. 20 Acḥal
meqqret leḥnana-k, i theggaḍ i wid i k-ittagaden, i d-tettbeggineḍ zdat yemdanen, i wid
yettdarin ɣurek! 21 Tsetreḍ-ten ddaw leɛnaya n wudem-ik, mebɛid ɣef tḥila n yemdanen,
di tdarit tḥerzeḍ -ten seg ilsawen i ten-ittxaṣamen. 22 Ad yettubarek Umeɣal! imi i d-ibeggen
ɣuri rreḥma-s, am temdint i umi d zzin leṣwar. 23 Ma d nekk deg akken ḥemqeɣ
nniɣ : Ttwaqecɛeɣ mebɛid ɣef wallen-ik! lameɛna tesliḍ-d i ṣṣut n uḥellel-iw, Mi i n-
ɛeggḍeɣ ɣurek. 24 Ḥemlet Ameɣlal, kenwi akk ay imekdiyen-is! Ameɣlal iḥerrez wid
yumnen yis, Ittɛaqab s teqseḥ win i teddun s zzux. 25 S ǧehdet iman-nwen tserṣum ulawen-nwen,
kunwi akk yessaramen deg Umeɣlal!
32
Lferḥ di leɛfu
1 Asefru n Dawed. Amarezg n win iwumi ittwakkes uzgal-is, iwumi ittwaɛfa ddnub-is. 2
Amarezg n wemdan iwumi ur iḥetteb ara Umeɣlal azgal-is, ur nesɛi ara tiḥila deg ul-is. 3
Skud ssusmeɣ , iɣsan-iw ttdubun, ttnazaɛeɣ ṭul n wass; 4 Axaṭer iḍ d wass afus-ik ittaẓay
felli, Kkawen ifadden-iw am unaɣur n unebdu. 5 Qarreɣ-ak-d s dnub-iw, ur ffireɣ ara
azgal-iw; Nniɣ : Ad qirreɣ s ibekkaḍen-iw i Umeɣlal! Dɣa kečč tekkseḍ felli taɛkumt n
ddnub-iw. 6 Swakka yal amekdi ad idɛu ɣurek di lweqt ilaqen! Ma neflen-d waman, ur t-tt
ḥazen ara. 7 Telliḍ-iyi d tadarit, tḥerrzeḍ-iyi si ccedda; tezziḍ-iyi-d s ccnawi n leslak. 8
Yenna Sidi Rebbi: Ad k-slemdeɣ, ad k-mleɣ abrid ara tḍefreḍ; ad k-wessiɣ , ad reṣṣint
wallen-iw fellak. 9 Ur ttilit ara mbla lfehma am uɛewdiw neɣ userdun, iwumi tteqqnen
rrṣen d ṣṣrima iwakken ur k-id-ttawḍen ara. 10 Aṭas n lqerḥ i yerǧan amcum, lameɛna win
itteklen ɣef Umeɣlal tezzi-as-d rreḥma-s. 11 Ay uɣdimen, ferḥet s Umeɣlal tilim di zzhu!
Ɛeggḍet si lfeṛḥ , kenwi akk iwumi yeṣweb wul.
33
Ameɣlal yeḥkem ɣef kullec
1 Ay uɣdimen, ɛeggḍet s lferḥ ilmend n Umeɣlal! D atṣṣwab i ylaq ad t-ḥemden. 2 Sfuglet i
Umeɣlal s ugambar, hellelet ilmend-is s lɛud buɛecra n yenzizen. 3 Cnut-as ccna ajdid!
gerrzet urar s wallalen tewtem-as llir. 4 Axaṭer awal n Umeɣlal i ṣweb, lecɣal-is akk d
laman. 5 Iḥemmel taɣdemt d lḥeqq; rreḥma n Umeɣlal teččur lqaɛa. 6 Igenwan ttwaxelqen-d
s wawal n Umeɣlal, tizemmal-nsen merra s suḍu n yimi-s. 7 Isnejmaɛ-d aman n lebḥur d
aremmuɛ, issexzen lqiɛan n igarawen. 8 Aggad Ameɣlal a lqaɛa merra! rgagit akk zdates
ay imezdaɣ n ddunit! 9 Axaṭer ayen i d-yenna kan ad d-yedṛu, ayen ara d-yamer ad d-yili.
10 Ameɣlal yessexrab lmeqsud n leǧnas, yessengar tiktiwin n yegduden. 11 Lmeqsud n
Umeɣlal ittdum i dayem, tiktiwin n wul-is, si tsuta ɣer tsuta. 12 Amarezg n lǧens yesɛan
Ameɣlal d Illu-ines! amasseɛd n wegdud i yextar d lwert-is! 13 Ameɣlal yessikid-d seg
igenwan, ittwali-d akk imdanen. 14 Seg wemkan anda yettili, yessenqad-d imezdaɣ akk n
lqaɛa, 15 Netta i ymeslen ulawen-nsen merra, i yettarran ddehn-is ɣer lecɣal-nsen akk. 16
Ulac agellid yettwaselken s tezmalt meqren; neɣ afeḥli d-yettwasukksen s tezmert meqren.
17 Aɛewdiw ur iḍemmen ara leslak, Tazmert-is merra ur tessukkus ara. 18 Lameɛna
Ameɣlal yettɛassa ɣef wid i t-yettaggaden, ɣef wid yessaramen di rreḥma-ines. 19 Iwakken
ad d-issemneɛ tarwiḥt-nsen si lmut yerna ad ten-yessider di lweqt n laẓ. 20 Tarwiḥt-nneɣ
tettraǧu Ameɣlal; D netta i d amɛiwen-nneɣ i d aɣer-nneɣ , 21 Axaṭar ul-nneɣ yefreḥ yis,
axaṭer nesɛa laman deg yisem-is iqedsen. 22 Ay Ameɣlal! rreḥma-k ad d-ters fellaɣ ,
Swakken yella usirem-nneɣ degk.
