يسوع مخلصي


انضم إلى المنتدى ، فالأمر سريع وسهل

يسوع مخلصي
يسوع مخلصي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
يسوع مخلصي

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

IHELLILEN 80-83

اذهب الى الأسفل  رسالة [صفحة 1 من اصل 1]

1icon390 IHELLILEN 80-83 16/11/2008, 19:12

Lynda

Lynda
المدير
المدير

80
Rfed-aneɣ-d ay Illu !
Ahellil n Asaf i wmeqqran n talilt, ɣef "Ssisan". tagwa. 2 Ay ameksa n Israil, sel-d ; kečč iseddayen
tarwa n Yusef am tqeḍɛit, kečč yeqqimen ger lmalayek uqriben, (note : d lmalayek i yettilin di
tiltin n Sidi Rebbi, zzin-d i wkersi n tgeldit. S tɛibranit : "Kerubim") feǧǧeǧ. 3 Beggen-d
tazmert-ik zdat n iderman n Ifrayim, Benyamin d Manasi, taseḍ-d ad aɣ-tsellkeḍ. 4 Ay Illu rfed-aneɣ-d, feǧǧeǧ-d s wudem-ik iwakken ad nettwasellek. 5 Ay Ameɣlal, Illu n tzemmal, ar melmi
ara teqqimeḍ akka terfiḍ mgal tiẓalliwin n wegdud-ik ? 6 Tseččayeḍ-asen aɣrum s imeṭṭi,
tesswayeḍ-asen imeṭṭawen mebla lkil. 7 Terriḍ-aneɣ d ssebba n imenɣi i lǧiran-nneɣ, yerna
nuɣal d ttaḍsa i yeɛdawen-nneɣ. 8 Ay Illu n tzemmal, rfed-aneɣ-d, feǧǧeǧ-d s wudem-ik iwakken
ad nettwasellek. 9 Tqelɛeḍ-d taferrant si Maṣer, t ḍerqeḍ leǧnas iwakken ad tt-teẓẓuḍ. 10
Tneqceḍ-as akal zdat-es, tefka iẓuran teɛmer tamurt. 11 Tili-ines tɣumm idurar, ifurkawen-is am
yingel n Yillu*. 12 Tessaweḍ ifurkawen-is armi d lebḥer, ixulaf-is armi d asif n Lufrat*. 13 Ayɣer
ihi tesɣerseḍ zzerb-is, armi i d-tekksen imsebriden iguza. 14 Ilef n teẓgi ixebbel-itt, iɣersiwen n
lexla kessen deg-s. 15 Ay Illu n tzemmal uɣal-d ɣur-nneɣ, ssiked-d seg igenwan twaliḍ, ḥunn-d
ɣef tferrant-agi. 16 Ḥareb ɣef wayen yeẓẓa uyeffus-ik, d uxalaf i tesbeddeḍ s yiman-ik. 17
Tesserɣ-itt tmes tettwagzem, zdat n wudem-ik yessaggaden, ad negren. 18 Ssers-d afus-ik ɣef
wemdan yellan ɣer uyeffus-ik, ɣef mmi-s n wemdan i tesbeddeḍ s yiman-ik. 19 Ur nettuɣal ara a
nwexxer fell-ak, err-aɣ-d tudert iwakken ad nendeh s yisem-ik. 20 Ay Ameɣlal, Illu n tzemmal,
rfed-aneɣ-d, feǧǧeǧ-d s wudem-ik iwakken ad nettwasellek.

 زخارف وفواصل

81
Lemmer i yi-d-ismeḥsis wegdud-iw !
S ɣur Asaf i wmeqqran n talilt, s ugambar n Gat. note : yezmer ad yili d alel i ssexdamen
imezdaɣ n Gat ( Ifilistiyen ); yezmer daɣen ad yili d lḥenn n ccna n tmegra. 2 Ɛeggḍet si lferḥ i
Yillu, tazmert-nneɣ, ferḥet i Yillu n Yeɛqub. 3 Bdut urar, tnedhem s ubendayer, s snitra ḥlawen
d lɛud. 4 Wtet lbuq mi ara ylal waggur, m'ara innekmal waggur deg wass n lɛid-nneɣ. 5 Axaṭer
ayagi d lamer i wat Israil, d aṣaduf s ɣur Illu n Yeɛqub. 6 D lqanun i d-yefka i tarwa n Yusef mi
d-ffɣen si Maṣer ; sliɣ i yiwen n ṣṣut ur ssineɣ: 7 Kkseɣ taɛkumt ɣef tayett-is, ifassen-is bran i
wqecwal. 8 Tessawleḍ-d di cedda, sellkeɣ-k-id, rriɣ-ak-d awal di serr n rrɛud, jerrbeɣ-k tama n
waman n Meriba*. 9 Ḥess-d ay agdud-iw ad k-ɛeggneɣ, ay Israil lukan i yi-d-tettḥessiseḍ ! 10 Ur
ilaq ara ad yili ɣur-k urebbit nniḍen, ur ttseǧǧid ara zdat n urebbit aberrani. 11 D nek i d
Ameɣlal Illu-yinek, i k-id-yessufɣen si tmurt n Maṣer; ldi imi-k, ad t-ččareɣ. 12 Lameɛna agdud-iw
ur d-isemḥess ara i ṣṣut-iw, Israil ur yi-ibɣi ara. 13 Dɣa ǧǧiɣ-ten di taɣert n wul-nsen, ṭṭafaren
rray-nsen. 14 Ah lukan i yi-d-ismeḥsis wegdud-iw, lukan ileḥḥu Israil deg iberdan-iw, 15 deg
yiwet n teswiɛt ad sneḥcameɣ iɛdawen-nsen, s ufus-iw ad wteɣ ixṣimen-nsen. 16 Dɣa wid ikerhen
Ameɣlal ad s-qezben, akka ara yili lweqt-nsen i lebda, ( nte : neɣ: Israil ad yili di liser i lebda).
17 Ad seččeɣ Israil s yirden ifazen, ad t-sserwuɣ s tament yeṣfan.

 زخارف وفواصل

82
Illu, d lḥakem uɣdim.
Ahellil n Asaf. 1 Illu ibedd deg useqammu-ines, iḥekkem di tlemmast n tzemmar*. ( nte:
tizemmar : lmeɛna n wawal-agi : yezmer ad yili d lmalayekkat neɣ d lḥukkam) 2 Ar melmi ara
tḥekkmem s lbaṭel, ara tettakem azal i yemcumen ? 3 Ḥekmet s lḥeqq ɣef umeḥqur d ugujil,
sbeddet taɣdemt n umeɣbun d igellil. 4 Serḥet i wmeɣbun d ugellil, ssukset-tten seg ifassen n
yemcumen. 5 Ur sɛin la tamusni la lefhama, teddun di ṭṭlam, lsas akk n ddunit yettemwiwil.
6 Nekk nniɣ-d : kunwi d tizemmar, kunwi merra d arraw n Win ɛlayen, 7 meɛna ad temtem am
yemdanen, ad teɣlim am albɛaḍ igeldunen. 8 Kker ay Illu, ḥkem ɣef ddunit ! Axaṭer tesɛiḍ ayla
di leǧnas merra*. nte (neɣ: leǧnas akk d ayla-k).

 زخارف وفواصل

83
Ay Illu ur ttsusum ara !
1 Ahellil n Asaf. Ccna. 2 Ay Illu ur ttgugum ara, ur ttsusum ara, ur theddin ara ay Illu ! 3 Axaṭer
atnan yeɛdawen-ik hajen, wid i k-ikeṛhen refden aqerruy. 4 Ttheggin tixazabiyin mgal wegdud-ik,
ttemcawaren ɣef wid ɣef i tettḥarabeḍ. 5 Qqaren : "yyaw ad ten-nessenger si ger leǧnas,
akken ur yettuɣal ara ad d-yettwabder isem n Israil. " 6 Mcawaren akk s yiwen n wul, dduklen
mgal-ik s lemɛahda. 7 Imezdaɣ n Idum, at Smaɛil, at Muhab d ccetla n Haǧira, 8 at Gibal, at
Ɛamun d wat Amalix, at Filistin ak d imezdaɣ n Ṣur , 9 ula d at Acur dduklen yid-sen ɛawnen
arraw n Luṭ. 10 Xdem-asen am at Madyan, am at Sisra, am at Yabin deg wasif n Qicun ;
11 ttwameḥqen di Ɛin-Dur, uɣalen d leɣbar i wakal. 12 Xdem i yimeqqranen-nsen am Urib d Zib,
xdem i yigeldunen-nsen merra am Ziba d Selmuna, 13 nutni yeqqaṛen : " yyaw ad neḥweṣ ayla n
Yillu. " 14 Ay Illu-yiw, err-iten am tbuciḍant, am walim yettawi waḍu, 15 am tmes ineddḥen di
teẓgi, am uḥajij itetten idurar ! 16 ḍfer-iten s tbuciḍant-ik, ssergigi-ten s tinifift-inek ; 17 ččar
udmawen-nsen s lḥecma, iwakken ad nadin ɣef yisem-ik ay Ameɣlal. 18 Ad ttwabehdelen, ad ten-tekcem
tugdi i dayem; ad nneḥcimen, ad negren ! 19 Ad setɛerfen belli ala kečč yettuseman
Ameɣlal, kečč d Win ɛlayen ɣef ddunit merra !

 زخارف وفواصل

https://www.dailymotion.com/user/lynda83

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى