53
Amejhul d wufhim.
I wumeqqran n terbaɛt n icennayen. Ahellil n Dawed i wuselmed i cennun s talɣa. 2 Imejhal qqaren
deg ulawen-nsen : ulac Illu ! Fesden, deɣlen, yiwen deg-sen ur ixeddem ayen ilhan ! 3 Illu
issenqad-ed imdanen seg igenwan, ad iwali ma yella win ifehmen yeţnadin ɣef Yillu. 4 Ḍaɛen
meṛṛa, ffɣen akk i webrid; ulac win ixeddmen ayen yelhan, ulac ula d yiwen. 5 Imdanen-agi
ixeddmen lbaṭel, eɛni ur d-rrin ara s lexbaṛ? Teţţen agdud-iw amakken teţţen aɣrum, ur
neddhen ara ɣer Yillu ! 6 Daymi ara aggaden anda akken ulac sebba n tugdi ! Axaṭer Illu ad
izzerweɛ iɣsan n wid i k-d-yezzin, ad ilin dilḥecma imi i ten-yugi Yillu ! 7 Anwa ara d-yefken
leslak i Isṛail si Siyun ? Ass m'ara d-yerr Yillu tilelli i yimeṛhan n wegdud-is, a d-immir lfeṛḥ
ɣef Yeɛqub, Isṛail ad yili di rrezg.
54
Sidi Ṛebbi isellek-iyi.
1 I wumeqqran n terbaɛt n icennayen. Ahellil n Dawed i wuselmed, i cennun s wallalen n lexyuḍ. 2
Asmi ssawḍen lexbaṛ wat Zif i Caɛul belli Dawed yeffer di tmurt-nsen, Dawed yenna : 3 Sellek-iyi
ay Illu ɣef ddemma n yisem-ik, s tezmert-ik beggen-ed lḥeqq-iw. 4 Ay Illu sel-ed i tẓallit-iw
tḥesseḍ-ed i yimeslayen-iw. 5 Axaṭer kkren-d ɣur-i ibeṛṛaniyen, imcumen bɣan a yi-nɣen, ur
uggaden ara Illu. 6 Lameɛna Illu d amɛiwen-iw, Sidi Ṛebbi d amalal n teṛwiḥt-iw ! 7 Cceṛ-nni i
yi-xedmen yeɛdawen-iw, a d-yeɣli fell-asen ; ssenger-iten s tideţ-ik ! 8 A k-in-qeddmeɣ iseflawen
seg ul, ad sfugleɣ isem-ik ay Ameɣlal axaṭer yelha ; 9 iţsellik-iyi si yal cedda yernu ţfeṛṛiǧeɣ deg
yeɛdawen-iw.
55
Taẓallit n wemdan yeţwaxedɛen.
1 I umeqqran n terbaɛt n icennayen. Ahellil n Dawed i uselmed, i cennun s walalen n lexyuḍ. 2 Ay
Illu ḥess-ed i tẓallit-iw, ur ţeffer ara fell-i m'ara k-ţḥellileɣ. 3 Err-ed ddehn-ik ɣur-i terreḍ-iyi-d
awal ; aql-i ţḥeyyṛeɣ, ţţarraɣ-ed nnhati, yeffeɣ-iyi leɛqel. 4 ɣ ef wayen i d-iqqar fell-i weɛdaw
akk-d leqheṛ i yi-qehheṛ wemcum ; axaṭer sseɣlayen-d fell-i tawaɣit yerna sseḍlamen-iyi s lɣecc.
5 Ul-iw iqejbubeṛ daxel-iw, lweswas n lmut yeɣli-d fell-i. 6 Tugdi d lxuf ṭṭfen-iyi, tafekka-w
meṛṛa teccarew ! 7 Nniɣ: ah ! lemmer sɛiɣ afriwen am tetbirt, ad afgeɣ anda ara ṛtiḥeɣ. 8 Ad
rewleɣ ɣer lebɛid, ad ṛuḥeɣ ad zedɣeɣ deg uneẓruf. 9 Ad rewleɣ s lemɣawla anda ara ddariɣ ɣef
waḍu iǧehden akk-d tbuciḍant. 10 A Sidi Ṛebbi ssenger-iten, semxillef-iten m'ara ţmeslayen ;
axaṭer aţwaliɣ ccwal akk-d imenɣan di temdint, 11 iḍ d wass ţ ezzin ɣef leswaṛ-is. Ddnub akk-d
lbaṭel zgan deg-s. 12 Anagar ixṛiben i yellan deg-s, lexdeɛ ţ -ţḥila ur tixiṛen ara seg ibṛaḥen-is. 13
Lemmer d aɛdaw i yi-iregmen, a s-ṣebreɣ, lemmer d win i yi-ikeṛhen i yi-d-iffɣen d axṣim, ad
ffreɣ fell-as ; 14 lameɛna d kečč yellan d lmetl-iw, d ameddakel-iw umi mmaleɣ lesrar-iw ; 15
akken i nettemɛacaṛ di tdukli ḥlawen, neddukul akk-d lɣaci s lfeṛḥ ɣer wexxam n Yillu. 16
mennaɣ ad teccelqef lmut iɛdawen-iw, a ten-tessebleɛ laxeṛt d imudduren, axaṭer yezga cceṛ gar-asen
yeččuṛ ulawen-nsen. 17 Ma d nekk, ad ɛeggḍeɣ ɣer Yillu, Ameɣlal a yi-sellek. 18 D ṣṣbeḥ d
tameddit neɣ d azal, ţnazaɛeɣ ttaraɣ-ed nnhati, netta a d-isel iṣṣut-iw. 19 Isellek-ed taṛwiḥt-iw,
iṣṣeṛ-iyi seg imenɣi-nsen mi yi-d-zzin deg waṭas yid-sen. 20 A d-isel Yillu, a ten-iḥeccem, neţţa
yellan d agellid si zik n zik, axaṭer ur ttenbeddalen ur ţţaggaden Illu. 21 Yerfed afus-is ɣer wid
yellan d imhenniyen yid-es, yerẓa lɛehd-is. 22 Imi-s d aẓidan akteṛ n tament lameɛna ul-is iččuṛ d
imenɣan; imeslayen-is leggayit akteṛ n zzit, lameɛna d ijenwiyen imesden. 23 Anef i taɛkemt-ik
ger ifassen Umeɣlal, neţţa a k-isbedd. werǧin ad yeǧǧ aḥeqqi ad yecceḍ. 24 Ma d ke čč ay Illu a
ten-tṣubbeḍ ɣer lqaɛ n tesraft ; at tmegraḍ d lexdeɛ ur ssawaḍen ara azgen di tudert-nsen. ma d
nekk fell-ak iţekleɣ .
Amejhul d wufhim.
I wumeqqran n terbaɛt n icennayen. Ahellil n Dawed i wuselmed i cennun s talɣa. 2 Imejhal qqaren
deg ulawen-nsen : ulac Illu ! Fesden, deɣlen, yiwen deg-sen ur ixeddem ayen ilhan ! 3 Illu
issenqad-ed imdanen seg igenwan, ad iwali ma yella win ifehmen yeţnadin ɣef Yillu. 4 Ḍaɛen
meṛṛa, ffɣen akk i webrid; ulac win ixeddmen ayen yelhan, ulac ula d yiwen. 5 Imdanen-agi
ixeddmen lbaṭel, eɛni ur d-rrin ara s lexbaṛ? Teţţen agdud-iw amakken teţţen aɣrum, ur
neddhen ara ɣer Yillu ! 6 Daymi ara aggaden anda akken ulac sebba n tugdi ! Axaṭer Illu ad
izzerweɛ iɣsan n wid i k-d-yezzin, ad ilin dilḥecma imi i ten-yugi Yillu ! 7 Anwa ara d-yefken
leslak i Isṛail si Siyun ? Ass m'ara d-yerr Yillu tilelli i yimeṛhan n wegdud-is, a d-immir lfeṛḥ
ɣef Yeɛqub, Isṛail ad yili di rrezg.
54
Sidi Ṛebbi isellek-iyi.
1 I wumeqqran n terbaɛt n icennayen. Ahellil n Dawed i wuselmed, i cennun s wallalen n lexyuḍ. 2
Asmi ssawḍen lexbaṛ wat Zif i Caɛul belli Dawed yeffer di tmurt-nsen, Dawed yenna : 3 Sellek-iyi
ay Illu ɣef ddemma n yisem-ik, s tezmert-ik beggen-ed lḥeqq-iw. 4 Ay Illu sel-ed i tẓallit-iw
tḥesseḍ-ed i yimeslayen-iw. 5 Axaṭer kkren-d ɣur-i ibeṛṛaniyen, imcumen bɣan a yi-nɣen, ur
uggaden ara Illu. 6 Lameɛna Illu d amɛiwen-iw, Sidi Ṛebbi d amalal n teṛwiḥt-iw ! 7 Cceṛ-nni i
yi-xedmen yeɛdawen-iw, a d-yeɣli fell-asen ; ssenger-iten s tideţ-ik ! 8 A k-in-qeddmeɣ iseflawen
seg ul, ad sfugleɣ isem-ik ay Ameɣlal axaṭer yelha ; 9 iţsellik-iyi si yal cedda yernu ţfeṛṛiǧeɣ deg
yeɛdawen-iw.
55
Taẓallit n wemdan yeţwaxedɛen.
1 I umeqqran n terbaɛt n icennayen. Ahellil n Dawed i uselmed, i cennun s walalen n lexyuḍ. 2 Ay
Illu ḥess-ed i tẓallit-iw, ur ţeffer ara fell-i m'ara k-ţḥellileɣ. 3 Err-ed ddehn-ik ɣur-i terreḍ-iyi-d
awal ; aql-i ţḥeyyṛeɣ, ţţarraɣ-ed nnhati, yeffeɣ-iyi leɛqel. 4 ɣ ef wayen i d-iqqar fell-i weɛdaw
akk-d leqheṛ i yi-qehheṛ wemcum ; axaṭer sseɣlayen-d fell-i tawaɣit yerna sseḍlamen-iyi s lɣecc.
5 Ul-iw iqejbubeṛ daxel-iw, lweswas n lmut yeɣli-d fell-i. 6 Tugdi d lxuf ṭṭfen-iyi, tafekka-w
meṛṛa teccarew ! 7 Nniɣ: ah ! lemmer sɛiɣ afriwen am tetbirt, ad afgeɣ anda ara ṛtiḥeɣ. 8 Ad
rewleɣ ɣer lebɛid, ad ṛuḥeɣ ad zedɣeɣ deg uneẓruf. 9 Ad rewleɣ s lemɣawla anda ara ddariɣ ɣef
waḍu iǧehden akk-d tbuciḍant. 10 A Sidi Ṛebbi ssenger-iten, semxillef-iten m'ara ţmeslayen ;
axaṭer aţwaliɣ ccwal akk-d imenɣan di temdint, 11 iḍ d wass ţ ezzin ɣef leswaṛ-is. Ddnub akk-d
lbaṭel zgan deg-s. 12 Anagar ixṛiben i yellan deg-s, lexdeɛ ţ -ţḥila ur tixiṛen ara seg ibṛaḥen-is. 13
Lemmer d aɛdaw i yi-iregmen, a s-ṣebreɣ, lemmer d win i yi-ikeṛhen i yi-d-iffɣen d axṣim, ad
ffreɣ fell-as ; 14 lameɛna d kečč yellan d lmetl-iw, d ameddakel-iw umi mmaleɣ lesrar-iw ; 15
akken i nettemɛacaṛ di tdukli ḥlawen, neddukul akk-d lɣaci s lfeṛḥ ɣer wexxam n Yillu. 16
mennaɣ ad teccelqef lmut iɛdawen-iw, a ten-tessebleɛ laxeṛt d imudduren, axaṭer yezga cceṛ gar-asen
yeččuṛ ulawen-nsen. 17 Ma d nekk, ad ɛeggḍeɣ ɣer Yillu, Ameɣlal a yi-sellek. 18 D ṣṣbeḥ d
tameddit neɣ d azal, ţnazaɛeɣ ttaraɣ-ed nnhati, netta a d-isel iṣṣut-iw. 19 Isellek-ed taṛwiḥt-iw,
iṣṣeṛ-iyi seg imenɣi-nsen mi yi-d-zzin deg waṭas yid-sen. 20 A d-isel Yillu, a ten-iḥeccem, neţţa
yellan d agellid si zik n zik, axaṭer ur ttenbeddalen ur ţţaggaden Illu. 21 Yerfed afus-is ɣer wid
yellan d imhenniyen yid-es, yerẓa lɛehd-is. 22 Imi-s d aẓidan akteṛ n tament lameɛna ul-is iččuṛ d
imenɣan; imeslayen-is leggayit akteṛ n zzit, lameɛna d ijenwiyen imesden. 23 Anef i taɛkemt-ik
ger ifassen Umeɣlal, neţţa a k-isbedd. werǧin ad yeǧǧ aḥeqqi ad yecceḍ. 24 Ma d ke čč ay Illu a
ten-tṣubbeḍ ɣer lqaɛ n tesraft ; at tmegraḍ d lexdeɛ ur ssawaḍen ara azgen di tudert-nsen. ma d
nekk fell-ak iţekleɣ .
