يسوع مخلصي


انضم إلى المنتدى ، فالأمر سريع وسهل

يسوع مخلصي
يسوع مخلصي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
يسوع مخلصي

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

IHELLILEN 15-17

اذهب الى الأسفل  رسالة [صفحة 1 من اصل 1]

1icon390 IHELLILEN 15-17 4/11/2008, 13:05

Lynda

Lynda
المدير
المدير

15
Anwa i d uɣdim !
1 Ahellil n Dawed. Ay Ameɣlal! anwa ara ikecmen ɣer wahin-ik? anwa ara izedɣen deg
wedrar-ik iqedsen ? 2 D win i teddun s ṣṣfa, ixeddemen ayen yellan d lḥeqq, i d-iqqaren
tidett seg wul-is. 3 Ur yekkat deg wiyaḍ s yiles-is, ur ixeddem ccer ilɣir-is, ur isbabbay
lɛaṛ i weqrib-is. 4 Ur iqebbel ara win yuklalen ddel, Yeţɛuzzu wid ittaggaden Ameɣlal, Ma
yeggul ur iḥennet ara ɣas di ṭṭer-is. 5 Ur ireṭṭel ara idrimen-is s lfayda, Ur iqebbel ara
tajɛelt iwakken ad iched s zzur. Win ixeddmen akka, werǧin ad yemderkil.

 زخارف وفواصل


16
Abrid n tudert.
1 Asefru n Dawed. Ḥrez-iyi ay Illu! axaṭer ɣurek i ttdariɣ. 2 Qqareɣ i Umeɣlal: kečč d Sid-iw,
d rrezg-iw, ulac ayen illan nnig-k! 3 Lmqedsen yellan di ddunit, netni aked wid yesɛan
ccan, degsen i yella akk lferḥ-iw. 4 Yettnerni lqerḥ-nsen wid akken yettazzalen ɣer urebbit
nniḍen, Ur ttqeddimeɣ idammen n iseflawen-nsen, ur d-ttaddreɣ ismawen-nsen. 5 Ameɣlal
d tunt-iw, d taqbuct-iw; ( nte: Tunt aked taqbuct ttmettilen-d leqniɛa d tawant) d kečč i
y ḍemmnen amur-iw; 6 Amur i yi-d-iṣaḥen d ayen ifazen, d lwert ɣlayen i yi-d-ittunefken. 7
Ad barkeɣ Ameɣlal, i yi-ittweṣṣin; ula deg iḍ inehhu-yi wul-iw. 8 Rriɣ Ameɣlal dayem zdat-i,
Mi ara yili ɣer uyeffus-iw, ur ttenququleɣ ara. 9 Daymi i gefṛeḥ wul-iw, tennecṛaḥ
tarwiḥt-iw, Ula d tafekka-w ad tesgunfu di laman. 10 Axaṭer ur tettaǧǧaḍ ara tarwiḥt-iw di
laxert, ur tettɛemmideḍ ara i umekdi-inek ad yerku deg uẓekka. 11 Temmaleḍ-iyi-d abrid n
tudert; lfeṛḥ ittfeggiḍ zdatek, Ɣer uyeffus-ik d tiẓidanin i lebda.

 زخارف وفواصل


17
Ɣurek i n-greɣ tiɣri-w.
1 Taẓallit n Dawed. Ay Ameɣlal, ḥess-d i wayen yellan d lḥeqq, err-d ddehn-ik ɣer tiɣri-w,
efk-d tamezzuɣt i tẓallit-iw i d-yekkan seg imi ur nesɛi tiḥila. 2 Ad ibin wezref-iw zdatek,
allen-ik ad walint ṣṣwab! 3 Tesneqdeḍ ul-iw, terziḍ-d ɣures degiḍ, tjerrbeḍ-iyi, ur tufiḍ
acemma, Imi-w ur d yeqqar ara ayen ur xemmemeɣ. (nte: Nezmer daɣen ad nini : Imi-w ur
idnib ara) 4 Mi ara waliɣ lecɣal n yemdanen, ttɛassaɣ iman-iw seg iberdan n wemcum, s
wawal n yimi-k. 5 Isurrifen-iw reṣṣan di later-ik, iḍarren-iw ur ttemderkilen ara. 6 Nedheɣ
ɣurek, axaṭer tettarraḍ-iyi-d awal, ay Illu ! Efk-iyi-d tamezzuɣt, ḥess-d i yimeslayen-iw! 7
Beggen-d leɛǧayeb n rreḥma-inek, kečč yettselliken wid ittnadin tadarit, s uyeffus-ik mgal
iqehharen. 8 Ḥader-iyi am mummu n tiṭ, ffer-iyi di tili n wafriwen-ik, 9 Mgal yemcumen i
yi-ttqehhiṛen, Mgal yeɛdawen-iw issḍen i yi-d-izzin. 10 Ulawen-nsen qquren, zzux iččuṛ
imawen-nsen. 11 Ḍefren-aɣ-d, atnah zzin-aɣ-d, ttxatalen-aɣ iwakken ad ɣ-ɣeḍlen ɣer lqaɛa.
12 Ad s tiniḍ d izem iḥaren ad igzer, d aɣilas i d-ittxatalen seg ifri-s. 13 Kker ay Ameɣlal,
qabel-it, snefḍis-it! sukkes-iyi-d seg amcum, s tkuba-inek. 14 Sukkes-iyi-d seg imedanen s
ufus-ik, ay Ameɣlal, seg imdanen n ddunit-agi! amur-nsen atah di ddunit, teččureḍ
iɛebbaḍ-nsen s wayen i txezneḍ; Arraw-nsen rwan, Yerna ǧǧan-d ayen d-igran i tarwa-nsen.
15 Ma d nekk, s teɣdemt, ad waliɣ udem-ik; Akken ara d-kkreɣ, ad rwuɣ tiltin-ik.

https://www.dailymotion.com/user/lynda83

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى