يسوع مخلصي


انضم إلى المنتدى ، فالأمر سريع وسهل

يسوع مخلصي
يسوع مخلصي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
يسوع مخلصي

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

IHELLILEN 88-90

اذهب الى الأسفل  رسالة [صفحة 1 من اصل 1]

1icon390 IHELLILEN 88-90 18/11/2008, 17:06

Lynda

Lynda
المدير
المدير

88
Taẓallit n win isselqafen
Ahellil n warraw n Quraḥ i wmeqqran n tallilt . Ccna i cennun s lḥenn n ujewwaq; asefru n Himan
Azraḥi. 2 Ay Ameɣlal, Illu n leslak-iw, am yiḍ am ass ttɛeggiḍeɣ-n ɣur-k. 3 Ssarameɣ a k-in-taweḍ
tẓallit-iw, semḥess-d i tiɣri-w. 4 Axaṭer taṛwiḥt-iw terwa lemrar, tudert-iw tewweḍ ɣer laxert.
5 Ttwaḥesbeɣ ger wid ikecmen aẓekka, aql-i am wemdan ur nesɛi tazmert. 6 Aql-iẓleɣ ger
lmeytin, cbiɣ wid ittwanɣan iḍelqen deg uẓekka, am wid i tettuḍ, yeǧǧa-ten ufus-ik. 7 Tḍeggreḍ-iyi
ɣer tesraft lqayen, di ṭṭlam, di lqaɛ n lqiɛan. 8 Urrif-ik yers-d fell-i, s lemwaji-k akk tqehreḍ-iyi.
9 Tesbeɛdeḍ fell-i widak i ssneɣ, terriḍ-iyi d lweḥc ɣur-nsen, kemneɣ ur zmireɣ ad ffɣeɣ .
10 Ḥfant wallen-iw si lmeḥnat, neddheɣ-n ɣur-k yal-ass ay Ameɣlal, refdeɣ-n ifassen ɣur-ek. 11 Ɛni
i lmeytin iwumi ara d-txedmeḍ lberhan ? ad d-kkren lmeytin akken ad k-ḥemden ? 12 Ɛni deg
uẓekka ara hedren ɣef rreḥma-inek ? neɣ ɣef tekdit-ik di laxert ? 13 Ɛni ttwasnen lberhanat-ik di
ṭṭlam ? neɣ taɣdemt-ik di tmurt n tatut ? 14 Ma d nekk, d kečč ay Ameɣlal iwumi n-ssawleɣ ad
iyi-tselkeḍ! akken ara yali wass tettaweḍ-ik-in tẓallit-iw. 15 Ayɣeṛ ay Ameɣlal tugiḍ tarwiḥt-iw ?
ayɣer i tefreḍ fell-i udem-ik ? 16 Aql-i d ameɣbun sselqafeɣ si temẓi-w, bubbeɣ rrehbat-ik,
nhewwaleɣ. 17 Times n wurrif-ik tɛedda fell-i, rrehbat-ik nɣant-iyi. 18 Zzint-iyi ass kamel am
aman, nḍent-iyi si yal tama. 19 Tesbeɛdeḍ fell-i imdukal d iḥbiben, ala ṭṭlam i d aṛfiq-iw.

 زخارف وفواصل

89
Anida-ten lecɣal-ik n zik ?
Asefru n Itan Azraḥi. 2 Ad cnuɣ ɣef rreḥma n Umeɣlal i lebda, ad hedreɣ ɣef tekdit-ik si lǧil ar
lǧil. 3 Axaṭer ad d-iniɣ: rreḥma tebna i lebda, deg igenwan tressaḍ takdit-ik. 4 Xedmeɣ timsisit
ak d win xtareɣ, fkiɣ lɛahed i Dawed aqeddac-iw. 5 Ad reṣṣiɣ ccetla-k i lebda, ad sbeddeɣ akursi
n tgeldit-ik si lǧil ɣer lǧil. 6 Igenwan sfugulen leɛǧayeb-ik ay Ameɣlal, takdit-ik daɣen
tettwaḥmed di tejmaɛt n imqedsen. 7 Anwa yemɛadalen yid-k deg igenni ay Ameɣlal ? anwa
yellan am Umeɣlal ger n tzemmar n igenwan ? 8 Illu yesɛa lhiba deg useqqamu n imqedsen,
ttaggaden-t akk wid i s-d-yezzin. 9 Ay Ameɣlal, Illu n tzemmal ! Anwa yellan d anezmar am
kečč ay Ameɣlal ? tikdit-ik tezzi-yak-d. 10 D kečč i gḥekkmen ɣef uhiji n lebḥer, d kečč i
gesrusun lemwaji-ines mi ara ad d-kkrent. 11 D kečč i gmeḥqen Maṣer am lmegget, tesfeɛfɛeḍ
aɛdaw-ik s yiɣil-ik anezmar. 12 Igenni yinek, lqaɛa daɣen yinek, ddunit d wayen yellan deg-s, d
kečč i tt-ixelqen. 13 Agafa d wenẓul d kečč i ten-id-ixelqen, idurar n Ṭabur*d Hirmun*
ttberriḥen s yisem-ik. 14 Iɣil-ik yeǧhed, afus-ik d anezmar, ayeffus-ik ɛlay. 15 Taɣdemt d lḥeqq d
lsas n tgeldit-ik, rreḥma d tidett zeggiren zdat-k. 16 D aseɛdi wegdud yessnen ad yefreḥ yis-k !
Iteddu s tafat n wudem-ik ay Ameɣlal ! 17 Ɣef ddemma n yisem-ik, ass kamel yettili di lferḥ ; s
teɣdemt-ik ibedd ccan-is. 18 Axaṭer d kečč i d tamanegt-is i d tazmert-is ; s lemzeyya-inek i
nreffed iqerray-nneɣ. 19 Deg Umeɣlal i tella taseddarit-nneɣ, deg umqeddes n Israil agellid-nneɣ .
20 Thedreḍ-d deg uweḥḥi i yimekdiyen-ik, tenniḍ-d : " greɣ leɛnaya i yiwen ufeḥli, sbeddeɣ-d
yiwen ilemẓi si tlemmast n wegdud " . 21 Ufiɣ Dawed, aqeddac-iw, dehneɣ-t s zzit-iw iqedsen. 22
D netta ara y ɛiwen ufus-iw, ara yessejhed iɣil-iw. 23 Aɛdaw ur t-ixeddeɛ ara, amesbaṭli ur t-i
ḥeqqer ara. 24 Ad meḥqeɣ ixṣimen-is zdat-es, ad wteɣ wid i t-ikerhen. 25 Takdit-iw d rreḥma-inu
ad ilint yid-s, s yisem-iw ad yerfed aqerruy-is. 26 Ad rreɣ lebḥer ddaw ufus-is, isaffen ddaw
uyeffus-is. 27 Netta ad yi-d-yessiwel ad d-yini : " kečč d baba ! d Illu-yiw, d aẓru n leslak-iw ". 28
Ma d nekk ad t-rreɣ d amenzu, nnig n igelliden n lqaɛa. 29 Ad s-ḥerzeɣ rreḥma-inu i lebda,
timsisit-inu yid-s ad tili treṣṣa. 30 Ad sbeddeɣ ccetla-s i lebda, ak d tgeldit-is ayen ara kken
igenwan. 31 Ma yella ǧǧan warraw-is aselmed-inu, ur ḍfiren ara leqwanen-iw. 32 Ma yella ɛuṣan
lewṣayat-iw, ur ḥrizen ara lumurat-iw, 33 Ad ɛaqbeɣ tanekra-nsen s uɛekkaz, ad ten-wteɣ ɣef
ddemma n wezgal-nsen. 34 Lameɛna ur s-tekkseɣ ara rreḥma-inu, ur ttbeddileɣ ara di tekdit-iw ;
35 ur nekkreɣ ara timsisit-iw, ur ttuɣ aleɣ ara deg wawal-iw. 36 Yiwen webrid i gulleɣ s leqdasa-inu,
ur skiddibeɣ ara i Dawed. 37 Ccetla-s ad tdum i lebda, tageldit-is zdat-i am yiṭij. 38 Am
waggur, ad ireṣṣi i lebda, anagi yellan deg igenwan d amekdi. 39 Ɣas akken, tugiḍ, teǧǧiḍ, terfiḍ
ɣef Win textareḍ * ! nte : walit ahellil 84:10. 40 Terziḍ tamsisit n uqeddac-ik, tessexnunseḍ
taɛeṣṣabt-is deg wakal. 41 Tesɣerseḍ akk zzrubat-is, thudde ḍ leswar-is. 42 Imsebriden yakk
ɛerran-t, yuɣal d lɛar i lǧiran-is. 43 Trefdeḍ ayeffus n yexṣimen-is, tesferḥeḍ yakk iɛdawen-is. 44
Tezzelgeḍ iri n ujenwi-ines, ur tbeddeḍ ara ɣer tama-s deg imenɣi. 45 Tqeḍɛeḍ ccan-is, tesseɣliḍ
akursi n tgeldit-is ɣer lqaɛa. 46 Teswezleḍ ussan n temẓi-s, tɣummeḍ-t s lḥecma. 47 Ar melmi ay
Ameɣlal ara tettefreḍ dayem, ara ireqq wurrif-ik am tmes ? 48 Mmekti-d belli tudert-iw ur
tettdum ara, imdanen akk i d-txelqeḍ d lfani. 49 Anwa amdan ara iɛicen ur ittmettat ara, anwa i
gzemren ad imneɛ tarwiḥt-is seg ifassen n laxert ? 50 Anida-ten a Sidi Rebbi lecɣal-ik n zik
yeččuren d rreḥma ? wid swayes tɛuhdeḍ Dawed di tekdit-ik ? 51 Mmekti-d a Sidi Rebbi lɛar
bubben yiqeddacen-ik, d waṭas yegduden i yellan ddaw leɛnaya-w. 52 Mmekti-d ay Ameɣlal
aɛayer n yeɛdawen-ik, ɛuyren later n Win textareḍ *. 53 Ad ittubarek Umeɣlal i lebda ! Amin !
Amin !

 زخارف وفواصل

90
Selmed-aɣ ad neḥseb ussan-nneɣ !
Taẓallit n Musa, amceggeɛ n Yillu. A Sidi Rebbi, telliḍ-aɣ d taddarit si lǧil ar lǧil. 2 Uqbel ad d-lalen
yidurar, uqbel ad d-txelqeḍ ddunit d lqaɛa, d kečč i d Illu i lebda, i dayem. 3 Tettaraḍ
amdan ɣer uɣebbaṛ, teqqareḍ: " uɣalet a tarwa n Adem ". 4 Axaṭer alef iseggasen ɣer ɣur-k am
yiḍelli, d ass iɛeddan, am teswiɛt deg yiḍ. 5 Tettawiḍ-ten, ttɛeddin am targit, ifennun ṣbeḥ am
leḥcic. 6 Ṣbeḥ ad iǧuǧǧeg ad iɛeddi, tameddit ad yettwagzem ad yeqqar. 7 Zzɛaf-ik irdem-aɣ ,
urrif-ik isserhab-aɣ. 8 Tesrusuḍ izgalen-nneɣ zdat-k, ddnubat-nneɣ yeffren ɣer tafat n wudem-ik.
9 Ussan-nneɣ akk fennun s wurrif-ik, nettwali iseggasen-nneɣ ttɛeddin am nnehta. 10 Leɛmer-nneɣ yettaweḍ sebɛin iseggasen, ma nṣeḥḥa ad naweḍ tmanyin ; tugett deg-sen d lḥif ak d
lmeḥna. Lweqt yettazal nekni nettafeg. 11 Anwa i d-yewwin s lexbar ɣef lǧehd n wurrif-ik, d
rrehba-k akken i d-yewwi lḥal ad k-naggad ? 12 Ihi selmed-aɣ ad neḥseb ussan-nneɣ, iwakken
ad nesɛu tamusni deg ulawen-nneɣ. 13 Uɣal-d ay Ameɣlal ! Ar melmi. . . ? iḥnin-d ɣef
iqeddacen-ik ! 14 Seg mi ara yali wass sseṛwu-yaneɣ s rreḥma-yinek, dɣa ad nennecraḥ wad
nefreḥ ussan-nneɣ merra. 15 Ssefreḥ-aɣ leqder n wussan deg iɣ-tdulleḍ, n iseggasen deg nella di
ccedda. 16 Beggen-d ccɣel-ik i yiqeddacen-ik, d ccan-ik i warraw-nsen. 17 Leḥnana n Sidi Ṛebbi,
Illu-nneɣ ad tili fell-aɣ! reṣṣi ccɣel n ifassen-nneɣ ! Ih ! reṣṣi ccɣel n yifassen-nneɣ !

 زخارف وفواصل

https://www.dailymotion.com/user/lynda83

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى