يسوع مخلصي


انضم إلى المنتدى ، فالأمر سريع وسهل

يسوع مخلصي
يسوع مخلصي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
يسوع مخلصي

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

IHELLILEN 125-129

اذهب الى الأسفل  رسالة [صفحة 1 من اصل 1]

1icon390 IHELLILEN 125-129 29/12/2008, 16:58

Lynda

Lynda
المدير
المدير

125
Lettkalen ɣef Umeɣlal. 1 Ccna n walluy ɣer ufakan. Wid yettkalen ɣef Umeɣlal, cban adrar n Siyun*, ur nettenququl ara, ireṣṣa i lebda. 2 Yerucalim zzin-as-d idurar, akken i d-yezzi Umeɣlal i wegdud-is, si tura i lebda. 3 Axaṭer aɛakkaz n yemcumen ur yettrus ara ɣef ayla n uɣdimen, iwakken ur ggaren ara wuɣdimen ifassen-nsen ɣer ddnub. 4 Ay Ameɣlal, xdem lxir i wid ixeddmen lxir, d wid yesɛan ul yeṣfan. 5 Ma d wid yeṭṭafaren iberdan iɛewjen, ad ten-iqecceɛ Umeɣlal aked wid ixeddmen lbaṭel! Talwit ɣef Israil !

 زخارف وفواصل

126
Imeṭṭawen uɣalen d lferḥ. 1 Ccna n walluy ɣer ufakan. Mi d-yerra Umeɣlal imerhan n Siyun, nɣil d targit i nettargu. 2 Imawen-nneɣ ttaḍsan si lferḥ, ilsawen-nneɣ ssiɣriten, dɣa qqaren ger leǧnas: Ixdem-asen Umeɣlal lecɣal meqqren. 3 Ixdem-aɣ Umeɣlal lecɣal meqqren; aqlaɣ di lferḥ. 4 Err-d ay Ameɣlal imerhan-nneɣ am isaffen di Nagab*. 5 Wid izerrɛen s imeṭṭawen, ad d-megren s lferḥ. 6 Win ara iruḥen deg imeṭṭi, m'ara yawi zerriɛa ara yezreɛ, ad d-yuɣal di lferḥ m'ara d-iɛebbi tadliwin-is.

 زخارف وفواصل

127
Kullec deg ufus n Umeɣlal. 1 Ccna n walluy ɣer ufakan. Sɣur Sliman. Ma mačči d Ameɣlal ara yebnun axxam, wid i t-ibennun ttɛettiben baṭel. Ma mačči d Ameɣlal ara yɛassen tamdint, win i tt-ittɛassan yettɛawaz baṭel. 2 Baṭel i tettnekkarem zik, i tettɛṭṭilem i tguni, i tettɛettibem iwakken ad ḥerrem aɣrum-nwen; win ɛzizen fellas yettak-as-d ayen yeḥwaǧ ulama yeṭṭes. 3 Dderya d lwert sɣur Umeɣlal, lfakya n tɛebbuṭ d tarzeft. 4 Dderya n temzi am tḥerbunin deg ufus n ufeḥli. 5 Am rrezg n wemdan yeččuren titart-is yissen! Ur yettneḥcam ara, mi ara iqabel iɛdawen-is ɣer tewwurt n temdint.

 زخارف وفواصل

128
Ad k-ibarek Umeɣlal. 1 Ccna n walluy ɣer ufakan. D aseɛdi kra n win yettaggaden Ameɣlal, yerna iteddu deg iberdan-is! 2 Ad tɣelteḍ leɛtab n ufus-ik, ad tiliḍ di rrezg d liser! 3 Tameṭṭut-ik am tferrant yettarwen zdaxel n wexxam-ik, arraw-ik am yemguden n tzemmurt mi ara ad zzin d taseqqamut. 4 Akka i gettubarek wemdan i gettagaden Ameɣlal. 5 Ad k-id-ibarek Umeɣlal si Siyun, yernu ad twaliḍ liser n Yirucalim ussan akk n tudert-ik; 6 Ad twaliḍ arraw n warraw-ik. Talwit ɣef Israil!

 زخارف وفواصل

129
Ameɣlal d amekdi. 1 Ccna n walluy ɣer ufakan. Acḥal d abrid i y-ikemren seg ass mi lliɣ meẓẓiyeɣ, Ad t-id-yini Israil! 2 Acḥal d abrid i y-ikemren seg ass mi lliɣ meẓẓiyeɣ, lameɛna ur yi-zmiren ara. 3 Wid ikerrzen kerzen aɛrur-iw, sɣezfen iḍerfan-nsen. 4 Ameɣlal d uɣdim: yefsi imurar n yemcumen. 5 Ad nneḥcimen yernu ad uɣalen ɣer deffir wid akk ikerhen Siyun! 6 Ad sen-teḍru am leḥcic i d-imeqqin ɣef ssqef, yettɣaren uqbel ad yegmu! 7 Win imeggren ur yettaččar ara yis afus-is, win yettciddin tadliwin ur yettaččar ara yis iciwi-s. 8 Yernu ur qqaren ara imsebriden: Lbaraka n Umeɣlal ad tili fellawen! Nburek-iken s yisem n Umeɣlal!

https://www.dailymotion.com/user/lynda83

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى