91
Ɣer Yillu i tella tdarit.
1 Win izedɣen di twaṣṣra n Win ɛlayen, ittili di tili n bab n tezmert. 2 Ad iniɣ i Umeɣlal: d kečč i
d tadarit-iw i d leḥṣin-iw, Illu-yiw ɣef i ttekleɣ ! 3 Axaṭer d netta i k-id-issukusen si tcerkett n
uṣeggad ak d tterka issengaren. 4 Ad k-iɣumm s rric-is, ad teddariḍ ddaw wafriwen-is; laman-is,
d tazibba d taseddarit. 5 Ur tettaggadeḍ la si lxuf n yiḍ la si tḥerbunt yettafgen deg uzal. 6 la si
tterka iteddun di ṭṭlam, la tawaɣit yessengaren deg uzal qayli. 7 Ɣas ad ɣlin alef ɣer yidis-ik, ak
d ɛecra n luluf ɣer uyeffus-ik, kečč ini ur k-yettaɣwara. 8 Muqel kan s wallen-ik, ad twaliḍ lexlaṣ
n yemcumen. 9 Axaṭer d kečč i d tadarit-iw ay Ameɣlal! win yeddurin ɣer Win ɛlayen, 10 ulac
tawaɣit ara t-iḥazen, ulac tiyita ara d-iqarben ɣer wexxam-ik 11 Axaṭer ad yefk lamer i
lmalayek-is fell-ak, iwakken ad k-ḥerzen deg iberdan-ik akk. 12 Ad k-awin ger ifassen-nsen,
iwakken aḍar-ik ur t-ittḥaz ara wedɣaɣ. 13 Ad telḥuḍ ɣef yizem d wezrem, ad tɛefseḍ ɣef uɣilas
d lafɛa. 14 " Imi yeṭṭef deg-i ad t-selkeɣ, ad t-refdeɣ imi yessen isem-iw. 15 Ad d-yendeh s yisem-iw
ad s-rreɣ awal, nekk ad iliɣ yid-es di ccedda, a t-id-selkeɣ, ad ssiɛliɣ ccan-is. 16 Ad ssiɣezfeɣ
di leɛmer-is, a s-d-sneɛteɣ leslak-iw ".
92
Aḥeqqi igemmu am tezdayt.
Ahellil, ccna i was n westeɛfu. 2 Acḥal yelha weḥmad i Umeɣlal, ak d ccna ɣef yisem-ik a Win
ɛlayen. 3 D uberreḥ ɣef rreḥma-yinek seg mi ara yali wass, ak d tekdit-ik yal iḍ. 4 S walal n
ɛecra n yenzizen, s lɛud, s ṣṣut n snitra. 5 Tessefraḥeḍ-iyi s lecɣal-ik ay Ameɣlal, ad cnuɣ s lferḥ
ɣef wayen xeddmen ifassen-ik. 6 Acḥal meqqrit lecɣal-ik ay Ameɣlal! acḥal lqayit ixemimen-ik! 7
Amdan ur nettxemmim ur ten-ittissin ara, ungif ur ten-ifehhem ara. 8 Ma gemmun yemcumen
am leḥcic, ma ǧuǧǧugen wid akk ixeddmen lbaṭel, ayagi iwakken ad negren i lebda. 9 Meɛna
kečč , d Win ɛlayen i lebda, ay Ameɣlal. 10 Axaṭer atnan yeɛdawen-ik ay Ameɣlal, axaṭar atnan
yeɛdawen-ik neggren, wid akk ixeddmen lbaṭel mzerwaɛen. 11 Tesnernaḍ tazmert-iw am tin n
wezger n lexla, tdehneḍ-iyi s zzit tajḍit. 12 Allen-iw reṣṣant ɣef yexṣimen-iw, imeẓẓaɣ-iw sellen i
yemcumen i d-yekkren mgal-iw s ddɣel. 13 Iḥeqqiyen gemmun am tezdayt, ttimɣuren am yingel
n Lubnan. 14 Ẓẓan deg wexxam n Umeɣlal, ǧuǧǧugen deg ifergan n Yillu-nneɣ. 15 Ttaken-d
lfakya ula ɣer tewser-nsen, ččuren d lliqa ak d tizzegzewt. 16 Ayagi ittxebbir-d belli Ameɣlal d
aḥeqqi, d aẓru-yinu, ulac deg-s lbaṭel.
93
Ameɣlal d Agellid.
1 Ameɣlal d Agellid, yelsa tamanegt, Ameɣlal yelsa, yebges s tezmert, s wakka treṣṣa ddunit, ur
tettenququl ara. 2 Akersi n tgeldit-ik ibedd si zzman aqdim, d Ameɣlal i telliḍ. 3 Isaffen ssiɛliyen
ay Ameɣlal! isaffen ssiɛliyen ṣṣut-nsen, isaffen ssiɣliyen zzhir-nsen. 4 Ameɣlal d anezmar deg
imukan ɛlayen, kter n ṣṣut n iḥemmalen n waman, d lemwaji ihajen n lebḥer. 5 Lumurat-ik s
lekmal-nsen ṣeḥḥan, leqdasa amkan-is d axxam-ik, i dayem ay Ameɣlal.
94
D Illu i d bab n ttar.
1 Ay Illu bab n ttar ay Ameɣlal ! Ay Illu bab n ttar, feǧǧeǧ! 2 Kker ay anezzarfu n ddunit, err i
yemzuxxiyen s wayen uklalen ! 3 Ar melmi imcumen ay Ameɣlal ! ar melmi ara ttbuccuɛen
yemcumen ? 4 S ṭuqquten awal, heddren s leqbaḥa, wid akk ixeddmen lbaṭel ttemcawaren s zzux.
5 Ay Ameɣlal ! meḥḥqen agdud-ik, ḥeqqren ayla-k. 6 Neqqen taǧǧalt d uberrani, neqqen
igujilen. 7 Yernu qqaren : Ameɣlal ur d-ittwali ara, Illu n Yeɛqub ur d-ittarra ara ddehn-is. 8
Ḥadret, ay imdanen ur nefhim ! ay ungifen, melmi ara tfehmem ? 9 Win i d-yefkan ameẓẓuɣ, ɛni
ur isell ara ? Win i d-ixelqen tiṭ, ɛni ur ittwali ara ? 10 Win ittweqqimen leǧnas, ɛni ur ittɛaqab
ara, netta isselmaden tamusni i yemdanen ? 11 Ameɣlal yessen ixemmimen n wemdan ! yeẓra ur
sɛin ara lmeɛna ! 12 Amarezg n wemdan iwumi temmaleḍ lewqam ay Ameɣlal, i tesselmadeḍ s
Ṭawrat-inek. 13 Iwakken ad s-tefkeḍ liser deg ussan n twaɣit, alamma teɣza tesraft i wemcum. 14
Axaṭer Ameɣlal ur ittaǧǧa ara agdud-is, ur ittsemmiḥ ara deg wayla-s. 15 Leḥkem ad yili s
teɣdemt, wid akk yesɛan ul yeṣfan ad ddun di lǧerra-s. 16 Anwa ara d-yekkren ɣef ddemma-w
mgal imcumen ? Anwa ara yilin ɣer tama-w mgal imesbaṭliyen ? 17 Lukan ur yelli ara Umeɣlal
d amɛiwen-iw, yili tewweḍ terwiḥt-iw ɣer wemkan n tsusmi ( nte: yeɛni laxert ). 18 Mi ara iniɣ :
yecceḍ uḍar-iw, rreḥma-inek ay Ameɣlal treffed-iyi. 19 Mi ara yrekkem wul-iw seg iɣeblan,
aṣebber-ik ittaččar tarwiḥt-iw d lferḥ. 20 Ɛni illa wayen i k-icerken ak d wid iḥekkmen s lbaṭel, i
d-isnulfuyen aqehher s yisem n lqanun? 21 Ddukulen mgal tudert n uḥeqqi, ḥekkmen s lbaṭel ɣef
win ur neḍlim. 22 Meɛna Ameɣlal d leḥṣin-iw, Illu-yiw d aẓru iɣer ttdariɣ. 23 Ad yerr ɣef yiri-nsen
lbaṭel-nsen, ad ten-issenger s ccer i xedmen, ad ten-issenger Umeɣlal Illu-nneɣ .
95
Ur sɣaret ara ulawen-nwen
1 Yya-w a niẓẓifet s lferḥ ɣef ddemma n Umeɣlal, ad n ɛeggḍet s lferḥ i weẓru n leslak-nneɣ ! 2
Yya-w ad nbeddet zdat-es s leḥmadi, s ihellilen n lferḥ ad nendah ɣur-es. 3 Axaṭer Ameɣlal d
Illu ameqqran, d Agellid ameqqran s nnig n irebbiten merra. 4 Yeṭṭef lqiɛan n lqaɛa deg ufus-is,
tiqucac n idurar d ayla-s. 5 Lebḥer yines, d netta i t-id-yefkan; lber daɣen, d ifassen-is i t-imeslen.
6 Yya-w a nseǧdet, ad neknut, a nekref tagecrirt zdat Umeɣlal iɣ-d-ixelqen. 7 Axaṭer d
netta i d Illu-nneɣ, ma d nekni d agdud n welma-s, d taqeḍɛiṭ isedduy ufus-is. Ass'a ma yella
teslam i ṣṣut-is, 8 Ur sɣaret ara ulawen-nwen am wakken i teḍra di Miriba* am ass-n n ujerreb
di Masa*, deg unezruf, 9 Anda akken i yi-jerben lejdud-nwen, cqerwen-iyi, ɣas akken walan
lecɣal-iw. 10 Lǧil-nni yeɣli deg wul-iw lqed n rebɛin iseggasen, dɣa nniɣ: " d agdud iwumi iḍaɛ
wul, ur ssinen ara iberdan-iw", 11 Deg akken zaɛfeɣ, gulle ɣur kcimen asteɛfu-inu.
Ɣer Yillu i tella tdarit.
1 Win izedɣen di twaṣṣra n Win ɛlayen, ittili di tili n bab n tezmert. 2 Ad iniɣ i Umeɣlal: d kečč i
d tadarit-iw i d leḥṣin-iw, Illu-yiw ɣef i ttekleɣ ! 3 Axaṭer d netta i k-id-issukusen si tcerkett n
uṣeggad ak d tterka issengaren. 4 Ad k-iɣumm s rric-is, ad teddariḍ ddaw wafriwen-is; laman-is,
d tazibba d taseddarit. 5 Ur tettaggadeḍ la si lxuf n yiḍ la si tḥerbunt yettafgen deg uzal. 6 la si
tterka iteddun di ṭṭlam, la tawaɣit yessengaren deg uzal qayli. 7 Ɣas ad ɣlin alef ɣer yidis-ik, ak
d ɛecra n luluf ɣer uyeffus-ik, kečč ini ur k-yettaɣwara. 8 Muqel kan s wallen-ik, ad twaliḍ lexlaṣ
n yemcumen. 9 Axaṭer d kečč i d tadarit-iw ay Ameɣlal! win yeddurin ɣer Win ɛlayen, 10 ulac
tawaɣit ara t-iḥazen, ulac tiyita ara d-iqarben ɣer wexxam-ik 11 Axaṭer ad yefk lamer i
lmalayek-is fell-ak, iwakken ad k-ḥerzen deg iberdan-ik akk. 12 Ad k-awin ger ifassen-nsen,
iwakken aḍar-ik ur t-ittḥaz ara wedɣaɣ. 13 Ad telḥuḍ ɣef yizem d wezrem, ad tɛefseḍ ɣef uɣilas
d lafɛa. 14 " Imi yeṭṭef deg-i ad t-selkeɣ, ad t-refdeɣ imi yessen isem-iw. 15 Ad d-yendeh s yisem-iw
ad s-rreɣ awal, nekk ad iliɣ yid-es di ccedda, a t-id-selkeɣ, ad ssiɛliɣ ccan-is. 16 Ad ssiɣezfeɣ
di leɛmer-is, a s-d-sneɛteɣ leslak-iw ".
92
Aḥeqqi igemmu am tezdayt.
Ahellil, ccna i was n westeɛfu. 2 Acḥal yelha weḥmad i Umeɣlal, ak d ccna ɣef yisem-ik a Win
ɛlayen. 3 D uberreḥ ɣef rreḥma-yinek seg mi ara yali wass, ak d tekdit-ik yal iḍ. 4 S walal n
ɛecra n yenzizen, s lɛud, s ṣṣut n snitra. 5 Tessefraḥeḍ-iyi s lecɣal-ik ay Ameɣlal, ad cnuɣ s lferḥ
ɣef wayen xeddmen ifassen-ik. 6 Acḥal meqqrit lecɣal-ik ay Ameɣlal! acḥal lqayit ixemimen-ik! 7
Amdan ur nettxemmim ur ten-ittissin ara, ungif ur ten-ifehhem ara. 8 Ma gemmun yemcumen
am leḥcic, ma ǧuǧǧugen wid akk ixeddmen lbaṭel, ayagi iwakken ad negren i lebda. 9 Meɛna
kečč , d Win ɛlayen i lebda, ay Ameɣlal. 10 Axaṭer atnan yeɛdawen-ik ay Ameɣlal, axaṭar atnan
yeɛdawen-ik neggren, wid akk ixeddmen lbaṭel mzerwaɛen. 11 Tesnernaḍ tazmert-iw am tin n
wezger n lexla, tdehneḍ-iyi s zzit tajḍit. 12 Allen-iw reṣṣant ɣef yexṣimen-iw, imeẓẓaɣ-iw sellen i
yemcumen i d-yekkren mgal-iw s ddɣel. 13 Iḥeqqiyen gemmun am tezdayt, ttimɣuren am yingel
n Lubnan. 14 Ẓẓan deg wexxam n Umeɣlal, ǧuǧǧugen deg ifergan n Yillu-nneɣ. 15 Ttaken-d
lfakya ula ɣer tewser-nsen, ččuren d lliqa ak d tizzegzewt. 16 Ayagi ittxebbir-d belli Ameɣlal d
aḥeqqi, d aẓru-yinu, ulac deg-s lbaṭel.
93
Ameɣlal d Agellid.
1 Ameɣlal d Agellid, yelsa tamanegt, Ameɣlal yelsa, yebges s tezmert, s wakka treṣṣa ddunit, ur
tettenququl ara. 2 Akersi n tgeldit-ik ibedd si zzman aqdim, d Ameɣlal i telliḍ. 3 Isaffen ssiɛliyen
ay Ameɣlal! isaffen ssiɛliyen ṣṣut-nsen, isaffen ssiɣliyen zzhir-nsen. 4 Ameɣlal d anezmar deg
imukan ɛlayen, kter n ṣṣut n iḥemmalen n waman, d lemwaji ihajen n lebḥer. 5 Lumurat-ik s
lekmal-nsen ṣeḥḥan, leqdasa amkan-is d axxam-ik, i dayem ay Ameɣlal.
94
D Illu i d bab n ttar.
1 Ay Illu bab n ttar ay Ameɣlal ! Ay Illu bab n ttar, feǧǧeǧ! 2 Kker ay anezzarfu n ddunit, err i
yemzuxxiyen s wayen uklalen ! 3 Ar melmi imcumen ay Ameɣlal ! ar melmi ara ttbuccuɛen
yemcumen ? 4 S ṭuqquten awal, heddren s leqbaḥa, wid akk ixeddmen lbaṭel ttemcawaren s zzux.
5 Ay Ameɣlal ! meḥḥqen agdud-ik, ḥeqqren ayla-k. 6 Neqqen taǧǧalt d uberrani, neqqen
igujilen. 7 Yernu qqaren : Ameɣlal ur d-ittwali ara, Illu n Yeɛqub ur d-ittarra ara ddehn-is. 8
Ḥadret, ay imdanen ur nefhim ! ay ungifen, melmi ara tfehmem ? 9 Win i d-yefkan ameẓẓuɣ, ɛni
ur isell ara ? Win i d-ixelqen tiṭ, ɛni ur ittwali ara ? 10 Win ittweqqimen leǧnas, ɛni ur ittɛaqab
ara, netta isselmaden tamusni i yemdanen ? 11 Ameɣlal yessen ixemmimen n wemdan ! yeẓra ur
sɛin ara lmeɛna ! 12 Amarezg n wemdan iwumi temmaleḍ lewqam ay Ameɣlal, i tesselmadeḍ s
Ṭawrat-inek. 13 Iwakken ad s-tefkeḍ liser deg ussan n twaɣit, alamma teɣza tesraft i wemcum. 14
Axaṭer Ameɣlal ur ittaǧǧa ara agdud-is, ur ittsemmiḥ ara deg wayla-s. 15 Leḥkem ad yili s
teɣdemt, wid akk yesɛan ul yeṣfan ad ddun di lǧerra-s. 16 Anwa ara d-yekkren ɣef ddemma-w
mgal imcumen ? Anwa ara yilin ɣer tama-w mgal imesbaṭliyen ? 17 Lukan ur yelli ara Umeɣlal
d amɛiwen-iw, yili tewweḍ terwiḥt-iw ɣer wemkan n tsusmi ( nte: yeɛni laxert ). 18 Mi ara iniɣ :
yecceḍ uḍar-iw, rreḥma-inek ay Ameɣlal treffed-iyi. 19 Mi ara yrekkem wul-iw seg iɣeblan,
aṣebber-ik ittaččar tarwiḥt-iw d lferḥ. 20 Ɛni illa wayen i k-icerken ak d wid iḥekkmen s lbaṭel, i
d-isnulfuyen aqehher s yisem n lqanun? 21 Ddukulen mgal tudert n uḥeqqi, ḥekkmen s lbaṭel ɣef
win ur neḍlim. 22 Meɛna Ameɣlal d leḥṣin-iw, Illu-yiw d aẓru iɣer ttdariɣ. 23 Ad yerr ɣef yiri-nsen
lbaṭel-nsen, ad ten-issenger s ccer i xedmen, ad ten-issenger Umeɣlal Illu-nneɣ .
95
Ur sɣaret ara ulawen-nwen
1 Yya-w a niẓẓifet s lferḥ ɣef ddemma n Umeɣlal, ad n ɛeggḍet s lferḥ i weẓru n leslak-nneɣ ! 2
Yya-w ad nbeddet zdat-es s leḥmadi, s ihellilen n lferḥ ad nendah ɣur-es. 3 Axaṭer Ameɣlal d
Illu ameqqran, d Agellid ameqqran s nnig n irebbiten merra. 4 Yeṭṭef lqiɛan n lqaɛa deg ufus-is,
tiqucac n idurar d ayla-s. 5 Lebḥer yines, d netta i t-id-yefkan; lber daɣen, d ifassen-is i t-imeslen.
6 Yya-w a nseǧdet, ad neknut, a nekref tagecrirt zdat Umeɣlal iɣ-d-ixelqen. 7 Axaṭer d
netta i d Illu-nneɣ, ma d nekni d agdud n welma-s, d taqeḍɛiṭ isedduy ufus-is. Ass'a ma yella
teslam i ṣṣut-is, 8 Ur sɣaret ara ulawen-nwen am wakken i teḍra di Miriba* am ass-n n ujerreb
di Masa*, deg unezruf, 9 Anda akken i yi-jerben lejdud-nwen, cqerwen-iyi, ɣas akken walan
lecɣal-iw. 10 Lǧil-nni yeɣli deg wul-iw lqed n rebɛin iseggasen, dɣa nniɣ: " d agdud iwumi iḍaɛ
wul, ur ssinen ara iberdan-iw", 11 Deg akken zaɛfeɣ, gulle ɣur kcimen asteɛfu-inu.
