45
Ccna i zzwaǧ n ugellid !
1 I umeqran n talilt.Ɣef lḥen n ssisan. Asefru n warraw n Quṛaḥ. Izli. 2 Ul-iw ittfeggiḍ s
imeslayen ẓiden. a d-awiɣ isefra-yiw ilmend n ugellid! Ad yili yiles-iw am ticcert n umyaru
iẓewren! 3 D kečč akk i d uzyin ger yemdanen, ṛṛeḥma tettmiri ɣef yimi-k: daymi i k-iburek
Yillu i dayem. 4 Ebges ajenwi-yik ɣer wammas-ik, ay amgara afeḥli, Afeǧǧeǧ-ik d
lhiba-k. 5 S lhiba, erkeb aɛewdiw-ik, ẓdem, ɣef ddemma n tidett, annuz d teɣdem, A k-d-isken
uyeffus-ik lecɣal yesserhaben! 6 Tiḥeṛbunin-ik mesdent; ad ntunt deg ulawen n
yeɛdawen n ugellid, igduden ad ɣlin seddaw-ak; 7 Akersi n tgeldit-ik, ay Illu, ibedd i
dayem i lebda, aɛekkaz n tgeldit-ik d aɛekkaz n ṣṣwab. 8 Tḥemleḍ taɣdemt, tkeṛheḍ lbaṭel:
daymi i k-yedhen Yillu, Illu-yik, s wedhan n lfeṛḥ , ifren-ik ɣef yemdukal-ik. 9 Llebsa-inek
tettriḥ d aṛiḥan d ṣṣbara aked lqeṛfa. Si lebṛuj n wuẓer, tetteffeɣ-d talɣa i k-issefṛaḥen. 10
Yessi-s n igelliden llant ger tid yeɛzizen fell-ak, ma d tagellit tbedd ɣer uyeffus-ik, tcebbeḥ
s ddheb n Ufir. (D tamnat di tmurt n waɛraben ansi i d-tteksen ddheb ifazen) 11 Ḥess-d, a
yell-i, wali tefkeḍ-d tameẓẓuɣt, ettu agdud-im d wexxam n baba-m. 12 Agellid ad yeɛceq di
zzin-im; Anez zdat-es, imi d netta i d ssid-im. 13 Imiren, yell-is n Ṣur, imeṛkantiyen akk n
wegdud ad nadin lemzziya-yinem, s trezfin. 14 Zdaxel n lberj, yelli-s n ugellid teččuṛ d
tamanegt, llebsa-s tezḍa s wureɣ . 15 Ssawḍen-tt ɣer ugellid s llebsa-s iṛeqqmen, ddant
deffir-s teṛfiqin-is tiɛezriyin, wwin-tent-in ɣurek; 16 Ṣṣawḍen-tent s lfeṛḥ d teɣratin;
Kecment ɣer lberj n ugellid. 17 Arraw-ik ad ṭfen amkan n lejdud-ik; a ten-tesbeddeḍ d
igeldunen di tmurt meṛṛa. 18 A d-smektayeɣ isem-ik si lǧil ar lǧil, s wakka igduden a k-sfuglen
i dayem, i lebda.
46
Illu d leḥṣin nneɣ .
1 I umeqran n talilt. Asefru n warraw n Quraḥ. S ṣṣut rqiqen. 2 Illu d tadarit-nneɣ , d
leḥṣin-nneɣ ; d amɛiwen-nneɣ yettilin dayem di lweqt n ccedda. 3 Daymi ur yelli wayen
ara naggad mi tergagi lqaɛa neɣ dermen idurar ɣer lqiɛan n lebḥur; 4 ma zehren waman-nsen,
ttkuffuten, senquqlen idurar mi ara kkren. 5 Yella wasif tiregwa-ines ssefraḥent
aɣaram n Yillu, Amkan iqedsen n tnezduɣin n Win Ɛlayen. 6 Deg-s i yettili Yillu: ur iɣelli
ara; Ittɛawan-it Yillu seg mi ara yali wass. 7 Leǧnas srugmuten, tigeldiwin ɣellint; ireɛɛed
s ṣṣut-is: tfessi lqaɛa. 8 Ameɣlal n tzemmal yella yid-nneɣ , Illu n Yeɛqub, d leḥṣin-nneɣ . 9
Aset-d ad twalim lecɣal n Umeɣlal, tawaɣit i d-isseɣli ɣef ddunit! 10 Isseḥbas imenɣan
alama d ixef n ddunit; yettruẓu akmir, isneqsaf amezrag, isserɣay ikerrusen n ṭrad. 11
Ḥebset, tɛeqlem belli nekk d Illu: Ɛlayeɣ ɣef leǧnas, Ɛlayeɣ ɣef ddunit. 12 Ameɣlal n
tzemmal yella yid-nneɣ , Illu n Yeɛqub d leḥṣin-nneɣ .
47
Wtet llir i Umeɣlal.
1 I umeqran n talilt. Ahellil n warraw n Quraḥ. 2 Kenwi akk, ay igduden, wtet afus! iẓẓifet
ɣef ddemma n Yillu s leɛyaḍ n lferḥ! 3 Axaṭer Ameɣlal, Win-Ɛlayen, yesserhab, d agellid
ameqran ɣef ddunit meṛṛa. 4 Yettarra igduden seddaw n leḥkum-nneɣ , d leǧnas seddaw n
iḍarren-nneɣ . 5 Ixtaṛ-aɣ-d lwert-nneɣ , ccan n Yeɛqub i yḥemmel.* 6 yettali Yillu di
tlemmast n tiẓẓifin n lferḥ, Ameɣlal s ṣṣut n lbuq. 7 Hellelet i Yillu, hellelet! Hellelet i
ugellid-nneɣ , hellelet! 8 Axaṭer Illu d agellid n ddunit meṛṛa: Hellelet s usefru. 9 Illu
yeḥkem ɣef leǧnas, Illu yeqqim ɣef ukersi imqeddes n tgeldit-is. 10 Imeqranen n leǧnas
dduklen, agdud n Illu n Ibrahim; Axaṭer iɣran n ddunit, n Yillu. Ɛlay nnig kullec.
48
Aɣaram n ugellid.
1 Ccna. Ahellil n warraw n Quraḥ . 2 Ameɣlal d ameqran, yettwaḥmed s tugett, di temdint
n Yillu nneɣ , adrar-is iqedsen. 3 Iɛennen, yecbeḥ, yessefraḥ ddunit meṛṛa, wedrar n Siyun,
ixef n ugafa, tamdint n ugellid ameqran. 4 Illu, di lebruj-is, iban-d d leḥṣin. 5 Axaṭer atah
nnejmaɛen igelliden: dduklen ɛeddan. 6 Mi walan, dehcen, xelɛen dɣa rewlen. 7 Dinna
teṭṭef-iten tergagit, am weqraḥ n tmeṭṭut yeṭṭfen addud, 8 Amaḍu n usamar, yettṛuzun
lbaburat n Tarsis. 9 Ayen akken nesla, nwala-t di temdint n Umeɣlal n tzemmal, di temdint
n Yillu-nneɣ : A tt-iṛeṣṣi Yillu i dayem. 10 Ay Illu, nettmeyyiz di ṛṛeḥma-inek zdaxel n
ufakan-inek. 11 Leḥmadi-inek, am yisem-ik, Ay Illu, ttawḍent armi d ixfawen n ddunit;
Ayeffus-ik yeččur d taɣdemt. 12 Adrar n Siyun yefreḥ, Yessi-s n Yahuda nnecraḥent, ɣef
ddemma n izarafen-ik. 13 Zzit-d i Siyun, nnḍet-as-d, ḥesbet tiɛessasin-is; 14 Steɛǧbet di
leṣwar-is, meyyzet lebruj-is, iwakken a t-teḥkum i tsuta i d-iteddun. 15 D wagi i d Illu
yellan d Illu-nneɣ i dayem i lebda; d netta araɣ-ittwellihen alama d taggara.
Ccna i zzwaǧ n ugellid !
1 I umeqran n talilt.Ɣef lḥen n ssisan. Asefru n warraw n Quṛaḥ. Izli. 2 Ul-iw ittfeggiḍ s
imeslayen ẓiden. a d-awiɣ isefra-yiw ilmend n ugellid! Ad yili yiles-iw am ticcert n umyaru
iẓewren! 3 D kečč akk i d uzyin ger yemdanen, ṛṛeḥma tettmiri ɣef yimi-k: daymi i k-iburek
Yillu i dayem. 4 Ebges ajenwi-yik ɣer wammas-ik, ay amgara afeḥli, Afeǧǧeǧ-ik d
lhiba-k. 5 S lhiba, erkeb aɛewdiw-ik, ẓdem, ɣef ddemma n tidett, annuz d teɣdem, A k-d-isken
uyeffus-ik lecɣal yesserhaben! 6 Tiḥeṛbunin-ik mesdent; ad ntunt deg ulawen n
yeɛdawen n ugellid, igduden ad ɣlin seddaw-ak; 7 Akersi n tgeldit-ik, ay Illu, ibedd i
dayem i lebda, aɛekkaz n tgeldit-ik d aɛekkaz n ṣṣwab. 8 Tḥemleḍ taɣdemt, tkeṛheḍ lbaṭel:
daymi i k-yedhen Yillu, Illu-yik, s wedhan n lfeṛḥ , ifren-ik ɣef yemdukal-ik. 9 Llebsa-inek
tettriḥ d aṛiḥan d ṣṣbara aked lqeṛfa. Si lebṛuj n wuẓer, tetteffeɣ-d talɣa i k-issefṛaḥen. 10
Yessi-s n igelliden llant ger tid yeɛzizen fell-ak, ma d tagellit tbedd ɣer uyeffus-ik, tcebbeḥ
s ddheb n Ufir. (D tamnat di tmurt n waɛraben ansi i d-tteksen ddheb ifazen) 11 Ḥess-d, a
yell-i, wali tefkeḍ-d tameẓẓuɣt, ettu agdud-im d wexxam n baba-m. 12 Agellid ad yeɛceq di
zzin-im; Anez zdat-es, imi d netta i d ssid-im. 13 Imiren, yell-is n Ṣur, imeṛkantiyen akk n
wegdud ad nadin lemzziya-yinem, s trezfin. 14 Zdaxel n lberj, yelli-s n ugellid teččuṛ d
tamanegt, llebsa-s tezḍa s wureɣ . 15 Ssawḍen-tt ɣer ugellid s llebsa-s iṛeqqmen, ddant
deffir-s teṛfiqin-is tiɛezriyin, wwin-tent-in ɣurek; 16 Ṣṣawḍen-tent s lfeṛḥ d teɣratin;
Kecment ɣer lberj n ugellid. 17 Arraw-ik ad ṭfen amkan n lejdud-ik; a ten-tesbeddeḍ d
igeldunen di tmurt meṛṛa. 18 A d-smektayeɣ isem-ik si lǧil ar lǧil, s wakka igduden a k-sfuglen
i dayem, i lebda.
46
Illu d leḥṣin nneɣ .
1 I umeqran n talilt. Asefru n warraw n Quraḥ. S ṣṣut rqiqen. 2 Illu d tadarit-nneɣ , d
leḥṣin-nneɣ ; d amɛiwen-nneɣ yettilin dayem di lweqt n ccedda. 3 Daymi ur yelli wayen
ara naggad mi tergagi lqaɛa neɣ dermen idurar ɣer lqiɛan n lebḥur; 4 ma zehren waman-nsen,
ttkuffuten, senquqlen idurar mi ara kkren. 5 Yella wasif tiregwa-ines ssefraḥent
aɣaram n Yillu, Amkan iqedsen n tnezduɣin n Win Ɛlayen. 6 Deg-s i yettili Yillu: ur iɣelli
ara; Ittɛawan-it Yillu seg mi ara yali wass. 7 Leǧnas srugmuten, tigeldiwin ɣellint; ireɛɛed
s ṣṣut-is: tfessi lqaɛa. 8 Ameɣlal n tzemmal yella yid-nneɣ , Illu n Yeɛqub, d leḥṣin-nneɣ . 9
Aset-d ad twalim lecɣal n Umeɣlal, tawaɣit i d-isseɣli ɣef ddunit! 10 Isseḥbas imenɣan
alama d ixef n ddunit; yettruẓu akmir, isneqsaf amezrag, isserɣay ikerrusen n ṭrad. 11
Ḥebset, tɛeqlem belli nekk d Illu: Ɛlayeɣ ɣef leǧnas, Ɛlayeɣ ɣef ddunit. 12 Ameɣlal n
tzemmal yella yid-nneɣ , Illu n Yeɛqub d leḥṣin-nneɣ .
47
Wtet llir i Umeɣlal.
1 I umeqran n talilt. Ahellil n warraw n Quraḥ. 2 Kenwi akk, ay igduden, wtet afus! iẓẓifet
ɣef ddemma n Yillu s leɛyaḍ n lferḥ! 3 Axaṭer Ameɣlal, Win-Ɛlayen, yesserhab, d agellid
ameqran ɣef ddunit meṛṛa. 4 Yettarra igduden seddaw n leḥkum-nneɣ , d leǧnas seddaw n
iḍarren-nneɣ . 5 Ixtaṛ-aɣ-d lwert-nneɣ , ccan n Yeɛqub i yḥemmel.* 6 yettali Yillu di
tlemmast n tiẓẓifin n lferḥ, Ameɣlal s ṣṣut n lbuq. 7 Hellelet i Yillu, hellelet! Hellelet i
ugellid-nneɣ , hellelet! 8 Axaṭer Illu d agellid n ddunit meṛṛa: Hellelet s usefru. 9 Illu
yeḥkem ɣef leǧnas, Illu yeqqim ɣef ukersi imqeddes n tgeldit-is. 10 Imeqranen n leǧnas
dduklen, agdud n Illu n Ibrahim; Axaṭer iɣran n ddunit, n Yillu. Ɛlay nnig kullec.
48
Aɣaram n ugellid.
1 Ccna. Ahellil n warraw n Quraḥ . 2 Ameɣlal d ameqran, yettwaḥmed s tugett, di temdint
n Yillu nneɣ , adrar-is iqedsen. 3 Iɛennen, yecbeḥ, yessefraḥ ddunit meṛṛa, wedrar n Siyun,
ixef n ugafa, tamdint n ugellid ameqran. 4 Illu, di lebruj-is, iban-d d leḥṣin. 5 Axaṭer atah
nnejmaɛen igelliden: dduklen ɛeddan. 6 Mi walan, dehcen, xelɛen dɣa rewlen. 7 Dinna
teṭṭef-iten tergagit, am weqraḥ n tmeṭṭut yeṭṭfen addud, 8 Amaḍu n usamar, yettṛuzun
lbaburat n Tarsis. 9 Ayen akken nesla, nwala-t di temdint n Umeɣlal n tzemmal, di temdint
n Yillu-nneɣ : A tt-iṛeṣṣi Yillu i dayem. 10 Ay Illu, nettmeyyiz di ṛṛeḥma-inek zdaxel n
ufakan-inek. 11 Leḥmadi-inek, am yisem-ik, Ay Illu, ttawḍent armi d ixfawen n ddunit;
Ayeffus-ik yeččur d taɣdemt. 12 Adrar n Siyun yefreḥ, Yessi-s n Yahuda nnecraḥent, ɣef
ddemma n izarafen-ik. 13 Zzit-d i Siyun, nnḍet-as-d, ḥesbet tiɛessasin-is; 14 Steɛǧbet di
leṣwar-is, meyyzet lebruj-is, iwakken a t-teḥkum i tsuta i d-iteddun. 15 D wagi i d Illu
yellan d Illu-nneɣ i dayem i lebda; d netta araɣ-ittwellihen alama d taggara.
