49
Lekfen ur yesi ara lejyub
1 I umeqran n talilt. Ahellil n warraw n Quṛaḥ. 2 Ḥesset-d i wayagi, kunwi akk ay igduden,
fket-d tameẓẓuɣt, kunwi akk ay imezdaɣ n ddunit, 3 Ama d imeqranen n wegdud, ama d
menwala, d igellilen neɣ d imerkantiyen, akken ma tellam. 4 Imi-w a d-yenṭeq s imeslayen
ukyisen, Uli-w yettmeyyiz s lefhama. 5 Ad fkeɣ tameẓẓuɣt i yinzan, A d-ssefruɣ timseɛraq-iw
s ugambar. 6 Acuɣer ara aggadeɣ deg ussan n twaɣit, mi ara yi-d-yezzi cceṛ n yexṣimen-iw?
7 Ttkalayen ɣef ssɛaya-nsen, ttzuxxun s lerbaḥ -nsen imeqranen. 8 Amdan ur yezmir a
d-yefdu wayeḍ, neɣ ad yefk i Yillu ssuma n feddu-yines. 9 Feddu n terwiḥt-is ɣlay, d
awezɣi a s-yizmir yiwen; 10 Eɛni ad yidir i lebda, ur yettwali ara aẓekka? 11 Axaṭer akken
nettwali: ukyisen ttmettaten, ungif d ubuhal ad negren daɣen, a d-ǧǧen lerbaḥ-nsen i
wiyyaḍ. 12 Ɣilen ixxamen-nsen ad qqimen i lebda, tinezduɣin-nsen si tsuta ɣer stuta, netni
yefkan ismawen-nsen i tferkiwin. 13 Meɛna amdan s ccan-is ur yettdum ara, icuba lmal
ifennun. 14 D wagi i d abrid-nsen, timmuhbelt-nsen, wid i ten-iṭṭafaren ɛeǧben-asen
imeslayen-nsen. 15 Ttwanehren ɣer laxert am ulli, lmut d ameksa-nsen; ur ttɛeṭṭilen ara a
ten-rekḍen i ḥeqqiyen, a ttefnu cbaḥa-nsen, laxert d tanezduɣt-nsen. 16 Lameɛna Illu a d-ifdu
tarwiḥt-iw si laxert, Axaṭer a yi-d-issukes. 17 Ur ttaggad ara ma yerbeḥ yiwen, ma
yennerna ccan n wexxam-is; 18 Axaṭer asmi ara yemmet ur yettawi acemma, ccan-ines ur t-iṭṭafar ara. 19 Asmi yedder yefreḥ s tudert-is, cekkren-t imi yella di rrezg, 20 lameɛna ad
yernu ɣer tsuta n lejdud-is, ur nettuɣal ad walin tafat. 21 Amdan s ccan-is, ur nesɛi
lefhama, yecba lmal ifennun.
50
Illu d anezzarfu
1 Ahellil n Asaf. Illu, Illu, Ameɣlal, ihder-d issawel-d i lqaɛa, seg wansi i d-yettali yiṭij armi
d anda iɣelli. 2 Si Siyun, zzin ikemlen, Illu yettfeǧǧiǧ. 3 Illu nneɣ iteddu-d, ur yettusum
ara; Times itetten tezwar-d zdat-es, tabuciḍant iǧehden tezzi-yas-d. 4 Seg uksawen,
yessawel-d i yigenwan d lqaɛa iwakken ad iḥaseb agdud-is : 5 Snejmaɛet-d ɣuri
imekdiyen-iw, wid i gxedmen yidi tamsisit s wesfel! 6 Igenwan ttberriḥen s teɣdemt-ines,
Axaṭer d Illu i d anezzarfu. 7 ḥess-d ay agdud-iw! a d-hedṛeɣ, Ay Isṛail! a d-cehdeɣ mgal-ik.
Nekk i d Illu, Illu-ik. 8 Mačči ɣef iseflawen-ik ara k-zzmeɣ; iseflawen-ik yerɣan zgan zdat-i.
9 Ur d-tteddmeɣ ara azger seg wexxam-ik, La iqelwacen seg imṛaḥen-ik. 10 Axaṭer
iɣersiwen akk n teẓgi inu, d lmal akk n idurar s luluf; 11 Ssneɣ akk igḍaḍ n idurar, kra n
wayen ileḥḥun di tmizar d ayla-w. 12 Ma lluẓeɣ ur k-t-id-qqaṛeɣ ara, Axaṭer ddunit d
wayen akk yellan degs d ayla-w. 13 Eɛni tetteɣ aksum n yezgaren? neɣ tesseɣ idammen n
iqelwacen ? 14 Asfel ara tqeddmeḍ i Yillu, d leḥmadi, Xdem ayen i tweɛdeḍ i Win-Ɛlayen,
15 imiren ɛenni-d ɣuri di lweqt n ccedda; a k-id-ssukseɣ, dɣa ad testeɛrfeḍ s tmanegt-iw. 16
Illu inna i wemcum : amek armi tettmeslayeḍ s iṣuḍaf-iw, tettawiḍ tamsisit-iw deg imi-k,
17 kečč ikeṛhen aselmed, yerna teṭṭeggiṛeḍ imeslayen-iw ɣer deffir-k ! 18 Ma twalaḍ
amakar, tettedduḍ yid-es, tettekaḍ d wid izennun. 19 Tweddfeḍ imi-k i cceṛ, iles-ik iẓeṭṭ
tiddas. 20 Tettɣimiḍ ad thedreḍ mgal gma-k, tettcemmiteḍ di mmi-s n yemma-k. 21 Atah
wayen txedmeḍ yernu ssusmeɣ. tɣileḍ am kečč i lliɣ, Lameɛna a k-lummeɣ yerna a d-sserse
ɣ kullec zdat wallen-ik. 22 Fehmet ihi annect-agi, kunwi itettun Illu, neɣ ma ulac ad
gezzreɣ, ulac win ara yessuksen. 23 Win i yi-d-ttqeddimen leḥmadi d asfel, yettak-iyi
tamanegt, win yettɛassan ɣef tikli-ines, a s-d-ssekneɣ leslak n Yillu.
51
Eɛfu-yi ay Illu.
1 Ahellil n Dawed, seg wedlis n uselmad icennayen, 2 asmi d-yusa ɣur-es nnbi Natan mbeɛd mi
gezna akk-d Batciba. 3 Ay Illu ḥunn fell-i i lmend n tekdit-ik, emḥu ddnubat-iw i lmend n
ṛṛeḥma-k meqqren. 4 Ssired-iyi s lekmal seg uzgal-iw, ssizdeg-iyi si ddnub-iw. 5 Axaṭer setɛeṛfeɣ
s ddnubat-iw, abekkaḍ-iw yezga zdat wallen-iw. 6 D kečč i ɛuṣaɣ, d kečč kan, imi xedmeɣ ayen
yellan d cceṛ ɣur-ek ; daymi ara tiliḍ d aḥeqqi deg wayen ara d-tiniḍ, teṣfiḍ m'ara teţḥasabeḍ. 7
S tideţ luleɣ-ed d amednub, ţwaxelqeɣ-ed di ddnub di tɛebbuṭ n yemma. 8 Meɛna kečč
tḥemmleḍ aţ-ţili tideţ deg wul. Tesselmadeḍ-iyi lekyasa di telqay n wul-iw. 9 Ekkes ddnub-iw s
umezzir iwakken ad ṣfuɣ, ssired-iyi iwakken ad imluleɣ kteṛ n wedfel. 10 Becceṛ-iyi-d lfeṛḥ d
rrezg, imiren ad feṛḥen yeɣsan i tesdegdgeḍ. 11 Ezzi udem-ik ɣef ibekkaḍen-iw, mḥu akk
izgalen-iw. 12 Ay Illu, xelq-ed deg-i ul yeṣfan, ṛeṣṣi deg-i ṛṛuḥ amaynut iweqmen. 13 Ur iyi-sseb
ɛad ara ɣef udem-ik, ur iyi-ţekkes ara ṛṛuḥ-ik iqedsen ; 14 err-iyi-d lfeṛḥ n leslak-ik,
sseǧhed-iyi s ṛṛuḥ-ik yeččuṛen d ṛṛeḥma. 15 Ad slemdeɣ iberdan-ik i yemɛuṣa, imednuben a d-u
ɣalen ɣur-ek. 16 Sellek-iyi si tazla n idammen, ay Illu, ay Illu n leslak-iw, iles-iw ad icnu
taɣdemt-ik. 17 A Sidi Ṛebbi ldi imi-w, iles-iw ad iberreḥ s leḥmadi-ik. 18 Axaṭer ur tbeqquḍ asfel
ma fkiɣ-ak-t-in, ur k-iţţeɛǧab wesfel yerɣan. 19 Iseflawen igeţţeɛǧaben Illu, d ṛṛuḥ yunzen ; ur t-t
ḥeqqreḍ ara ul yunzen yerẓen ay Illu. 20 Ssers-ed ṛṛeḥma-k ɣef Siyun, sbedd leḥyuḍ n Urcalim.
21 Imiren a ţ-ţqebleḍ iseflawen swakken llan lumuṛat-ik, iseflawen yerɣan akk-d lewɛadi ikemlen
; dɣa ad ţţuqeddmen yezgaren ɣef udekkan-ik n iseflawen.
52
Taggara n umeṛkanti amcum.
1 Ahellil n Dawed seg wedlis n uselmad icennayen; ahellil i wuselmed 2 asmi i gessaweḍ Duwig n at
Idum lexbaṛ i Caɛul belli Dawed iṛuḥ ɣer wexxam n Aximalek. 3 Kečč ay argaz iǧehden, acuɣer
i teţzuxxuḍ s cceṛ txeddmeḍ; ṛṛeḥma n Illu teţdumu yal ass ! 4 Iles-ik iţheggi-d tiḥila, yecba
lmus imesden, tzewreḍ di lexdeɛ. 5 Tesmenyafeḍ cceṛ ɣef lxiṛ , tesmenyafeḍ lekdeb ɣef tideţ. 6
Tḥemmleḍ akk imeslayen yeţhuddun akk-d yiles iţɣuṛṛun. 7 Daymi ara k-issenger Yillu i dayem,
a k-yeddem seg uqiḍun-ik a k-iḍeggeṛ, a k-iqleɛ si ger wid yeddren ! 8 Iḥeqqiyen ad walin ayagi,
a ten-tekcem tugdi imiren ad ḍsen fell-as ad inin: 9 atan wergaz-nni ur nerri ara Illu d leḥṣin-is,
meɛna yeţkel ɣef lerbaḥ-is, yeţţaf lǧehd-is di cceṛ i gxeddem. 10 Lameɛna nekk aql-i deg wexxam
n Illu am tzemmurt zegzawen ; ţkalaɣ ɣef ṛṛeḥma n Illu i lebda i dayem. 11 A k-ţḥemmideɣ i
dayem ɣef wayen akk i txedmeḍ; deg-ek ara ssirmeɣ axaṭer teţbeggineḍ-ed leḥnana-k i
yimekdiyen-ik.
Lekfen ur yesi ara lejyub
1 I umeqran n talilt. Ahellil n warraw n Quṛaḥ. 2 Ḥesset-d i wayagi, kunwi akk ay igduden,
fket-d tameẓẓuɣt, kunwi akk ay imezdaɣ n ddunit, 3 Ama d imeqranen n wegdud, ama d
menwala, d igellilen neɣ d imerkantiyen, akken ma tellam. 4 Imi-w a d-yenṭeq s imeslayen
ukyisen, Uli-w yettmeyyiz s lefhama. 5 Ad fkeɣ tameẓẓuɣt i yinzan, A d-ssefruɣ timseɛraq-iw
s ugambar. 6 Acuɣer ara aggadeɣ deg ussan n twaɣit, mi ara yi-d-yezzi cceṛ n yexṣimen-iw?
7 Ttkalayen ɣef ssɛaya-nsen, ttzuxxun s lerbaḥ -nsen imeqranen. 8 Amdan ur yezmir a
d-yefdu wayeḍ, neɣ ad yefk i Yillu ssuma n feddu-yines. 9 Feddu n terwiḥt-is ɣlay, d
awezɣi a s-yizmir yiwen; 10 Eɛni ad yidir i lebda, ur yettwali ara aẓekka? 11 Axaṭer akken
nettwali: ukyisen ttmettaten, ungif d ubuhal ad negren daɣen, a d-ǧǧen lerbaḥ-nsen i
wiyyaḍ. 12 Ɣilen ixxamen-nsen ad qqimen i lebda, tinezduɣin-nsen si tsuta ɣer stuta, netni
yefkan ismawen-nsen i tferkiwin. 13 Meɛna amdan s ccan-is ur yettdum ara, icuba lmal
ifennun. 14 D wagi i d abrid-nsen, timmuhbelt-nsen, wid i ten-iṭṭafaren ɛeǧben-asen
imeslayen-nsen. 15 Ttwanehren ɣer laxert am ulli, lmut d ameksa-nsen; ur ttɛeṭṭilen ara a
ten-rekḍen i ḥeqqiyen, a ttefnu cbaḥa-nsen, laxert d tanezduɣt-nsen. 16 Lameɛna Illu a d-ifdu
tarwiḥt-iw si laxert, Axaṭer a yi-d-issukes. 17 Ur ttaggad ara ma yerbeḥ yiwen, ma
yennerna ccan n wexxam-is; 18 Axaṭer asmi ara yemmet ur yettawi acemma, ccan-ines ur t-iṭṭafar ara. 19 Asmi yedder yefreḥ s tudert-is, cekkren-t imi yella di rrezg, 20 lameɛna ad
yernu ɣer tsuta n lejdud-is, ur nettuɣal ad walin tafat. 21 Amdan s ccan-is, ur nesɛi
lefhama, yecba lmal ifennun.
50
Illu d anezzarfu
1 Ahellil n Asaf. Illu, Illu, Ameɣlal, ihder-d issawel-d i lqaɛa, seg wansi i d-yettali yiṭij armi
d anda iɣelli. 2 Si Siyun, zzin ikemlen, Illu yettfeǧǧiǧ. 3 Illu nneɣ iteddu-d, ur yettusum
ara; Times itetten tezwar-d zdat-es, tabuciḍant iǧehden tezzi-yas-d. 4 Seg uksawen,
yessawel-d i yigenwan d lqaɛa iwakken ad iḥaseb agdud-is : 5 Snejmaɛet-d ɣuri
imekdiyen-iw, wid i gxedmen yidi tamsisit s wesfel! 6 Igenwan ttberriḥen s teɣdemt-ines,
Axaṭer d Illu i d anezzarfu. 7 ḥess-d ay agdud-iw! a d-hedṛeɣ, Ay Isṛail! a d-cehdeɣ mgal-ik.
Nekk i d Illu, Illu-ik. 8 Mačči ɣef iseflawen-ik ara k-zzmeɣ; iseflawen-ik yerɣan zgan zdat-i.
9 Ur d-tteddmeɣ ara azger seg wexxam-ik, La iqelwacen seg imṛaḥen-ik. 10 Axaṭer
iɣersiwen akk n teẓgi inu, d lmal akk n idurar s luluf; 11 Ssneɣ akk igḍaḍ n idurar, kra n
wayen ileḥḥun di tmizar d ayla-w. 12 Ma lluẓeɣ ur k-t-id-qqaṛeɣ ara, Axaṭer ddunit d
wayen akk yellan degs d ayla-w. 13 Eɛni tetteɣ aksum n yezgaren? neɣ tesseɣ idammen n
iqelwacen ? 14 Asfel ara tqeddmeḍ i Yillu, d leḥmadi, Xdem ayen i tweɛdeḍ i Win-Ɛlayen,
15 imiren ɛenni-d ɣuri di lweqt n ccedda; a k-id-ssukseɣ, dɣa ad testeɛrfeḍ s tmanegt-iw. 16
Illu inna i wemcum : amek armi tettmeslayeḍ s iṣuḍaf-iw, tettawiḍ tamsisit-iw deg imi-k,
17 kečč ikeṛhen aselmed, yerna teṭṭeggiṛeḍ imeslayen-iw ɣer deffir-k ! 18 Ma twalaḍ
amakar, tettedduḍ yid-es, tettekaḍ d wid izennun. 19 Tweddfeḍ imi-k i cceṛ, iles-ik iẓeṭṭ
tiddas. 20 Tettɣimiḍ ad thedreḍ mgal gma-k, tettcemmiteḍ di mmi-s n yemma-k. 21 Atah
wayen txedmeḍ yernu ssusmeɣ. tɣileḍ am kečč i lliɣ, Lameɛna a k-lummeɣ yerna a d-sserse
ɣ kullec zdat wallen-ik. 22 Fehmet ihi annect-agi, kunwi itettun Illu, neɣ ma ulac ad
gezzreɣ, ulac win ara yessuksen. 23 Win i yi-d-ttqeddimen leḥmadi d asfel, yettak-iyi
tamanegt, win yettɛassan ɣef tikli-ines, a s-d-ssekneɣ leslak n Yillu.
51
Eɛfu-yi ay Illu.
1 Ahellil n Dawed, seg wedlis n uselmad icennayen, 2 asmi d-yusa ɣur-es nnbi Natan mbeɛd mi
gezna akk-d Batciba. 3 Ay Illu ḥunn fell-i i lmend n tekdit-ik, emḥu ddnubat-iw i lmend n
ṛṛeḥma-k meqqren. 4 Ssired-iyi s lekmal seg uzgal-iw, ssizdeg-iyi si ddnub-iw. 5 Axaṭer setɛeṛfeɣ
s ddnubat-iw, abekkaḍ-iw yezga zdat wallen-iw. 6 D kečč i ɛuṣaɣ, d kečč kan, imi xedmeɣ ayen
yellan d cceṛ ɣur-ek ; daymi ara tiliḍ d aḥeqqi deg wayen ara d-tiniḍ, teṣfiḍ m'ara teţḥasabeḍ. 7
S tideţ luleɣ-ed d amednub, ţwaxelqeɣ-ed di ddnub di tɛebbuṭ n yemma. 8 Meɛna kečč
tḥemmleḍ aţ-ţili tideţ deg wul. Tesselmadeḍ-iyi lekyasa di telqay n wul-iw. 9 Ekkes ddnub-iw s
umezzir iwakken ad ṣfuɣ, ssired-iyi iwakken ad imluleɣ kteṛ n wedfel. 10 Becceṛ-iyi-d lfeṛḥ d
rrezg, imiren ad feṛḥen yeɣsan i tesdegdgeḍ. 11 Ezzi udem-ik ɣef ibekkaḍen-iw, mḥu akk
izgalen-iw. 12 Ay Illu, xelq-ed deg-i ul yeṣfan, ṛeṣṣi deg-i ṛṛuḥ amaynut iweqmen. 13 Ur iyi-sseb
ɛad ara ɣef udem-ik, ur iyi-ţekkes ara ṛṛuḥ-ik iqedsen ; 14 err-iyi-d lfeṛḥ n leslak-ik,
sseǧhed-iyi s ṛṛuḥ-ik yeččuṛen d ṛṛeḥma. 15 Ad slemdeɣ iberdan-ik i yemɛuṣa, imednuben a d-u
ɣalen ɣur-ek. 16 Sellek-iyi si tazla n idammen, ay Illu, ay Illu n leslak-iw, iles-iw ad icnu
taɣdemt-ik. 17 A Sidi Ṛebbi ldi imi-w, iles-iw ad iberreḥ s leḥmadi-ik. 18 Axaṭer ur tbeqquḍ asfel
ma fkiɣ-ak-t-in, ur k-iţţeɛǧab wesfel yerɣan. 19 Iseflawen igeţţeɛǧaben Illu, d ṛṛuḥ yunzen ; ur t-t
ḥeqqreḍ ara ul yunzen yerẓen ay Illu. 20 Ssers-ed ṛṛeḥma-k ɣef Siyun, sbedd leḥyuḍ n Urcalim.
21 Imiren a ţ-ţqebleḍ iseflawen swakken llan lumuṛat-ik, iseflawen yerɣan akk-d lewɛadi ikemlen
; dɣa ad ţţuqeddmen yezgaren ɣef udekkan-ik n iseflawen.
52
Taggara n umeṛkanti amcum.
1 Ahellil n Dawed seg wedlis n uselmad icennayen; ahellil i wuselmed 2 asmi i gessaweḍ Duwig n at
Idum lexbaṛ i Caɛul belli Dawed iṛuḥ ɣer wexxam n Aximalek. 3 Kečč ay argaz iǧehden, acuɣer
i teţzuxxuḍ s cceṛ txeddmeḍ; ṛṛeḥma n Illu teţdumu yal ass ! 4 Iles-ik iţheggi-d tiḥila, yecba
lmus imesden, tzewreḍ di lexdeɛ. 5 Tesmenyafeḍ cceṛ ɣef lxiṛ , tesmenyafeḍ lekdeb ɣef tideţ. 6
Tḥemmleḍ akk imeslayen yeţhuddun akk-d yiles iţɣuṛṛun. 7 Daymi ara k-issenger Yillu i dayem,
a k-yeddem seg uqiḍun-ik a k-iḍeggeṛ, a k-iqleɛ si ger wid yeddren ! 8 Iḥeqqiyen ad walin ayagi,
a ten-tekcem tugdi imiren ad ḍsen fell-as ad inin: 9 atan wergaz-nni ur nerri ara Illu d leḥṣin-is,
meɛna yeţkel ɣef lerbaḥ-is, yeţţaf lǧehd-is di cceṛ i gxeddem. 10 Lameɛna nekk aql-i deg wexxam
n Illu am tzemmurt zegzawen ; ţkalaɣ ɣef ṛṛeḥma n Illu i lebda i dayem. 11 A k-ţḥemmideɣ i
dayem ɣef wayen akk i txedmeḍ; deg-ek ara ssirmeɣ axaṭer teţbeggineḍ-ed leḥnana-k i
yimekdiyen-ik.
