72
Ay Illu barek agellid.
1 S ɣur ugellid Sliman. Ay Yillu, efk i wgellid ad yili d aḥeqqi am kečč, d teɣdemt-ik i mmi-s n
ugellid. 2 Ad iḥkem ɣef wegdud-ik s teɣdemt, d imeɣban-ik s lḥeqq. 3 Idurar d tyaltin a d-fken
talwit i wegdud s ṣṣwab. 4 Ad isbedd lḥeqq n imeɣban n wegdud, ad isellek tarwa n ugellil,
yernu ad imḥeq amesbaṭli. 5 Skud iceṛṛeq yiṭij, skud yetteflali waggur, a k-ttaggaden si lǧil ɣer
lǧil. 6 A d-yeɣli am ugeffur ɣef almaten iḥuccen, am aman yesseṛwayen lqaɛa. 7 Deg ussan-is,
aḥeqqi ad iǧuǧǧeg, talwit ad tili s tugeţ alamma yefna waggur. 8 Ad yeḥkem si lebḥeṛ ɣer wayeḍ ,
seg wasif (note: asif n Lufrat) armi d ixfawen n ddunit. 9 Imezdaɣ n uneẓruf ad kerfen tagecrirt
zdat-es, iɛdawen-is ad mecḥen aɣebbaṛ. 10 Igelliden n Ṭarsis akk tegzirin a d-awin lewɛadi,
igelliden n Saba akk-d Siba a d-mudden tirezzaf. 11 Igelliden meṛṛa ad anzen zdat-es, leǧnas akk
ad qedcen fell-as. 12 Axaṭer ad isellek igellil ittɛennin ɣur-es, d umeɣbun ur nesɛi amɛiwen. 13 Ad
iḥunn ɣef uẓawali d umeɛlal, ad isellek tudert n igellilen. 14 A d-ifdu tiṛwiḥin-nsen si ccwal d
lbaṭel, idammen-nsen ad sɛun azal ɣer ɣuṛ-es. 15 Ad yidir, a s-d-ittunefk uraɣ si Saba, ad deɛɛun
daymen fell-as wa t-ttbaraken ass kamel. 16 Ad tili ṣṣaba n yirden di tmurt, ad ttemhuzzunt
tgedrin-nsen ɣef ixfawen n idurar am yingel n Lubnan, ad ǧǧuǧgen imdanen di temdint am
leḥcic deg almaten. 17 Isem-is ad idum i lebda, skud mazal yella yiṭij ur ifennuy ara ; yis wa ad
yeţbarak wa, leǧnas meṛṛa ad inin d aseɛdi. 18 Ad ittubarek Yillu Ameɣlal, Illu n Isṛail ; d netta
kan i gxeddmen lbeṛhant ! 19 Ad ittubarek i lebda yisem-is amaneg, ddunit meṛṛa ad tteččar s
tmanagt-is ; Amin ! Amin. 20 Taggara n tẓilla n Dawed mmi-s n Yasa.
73
D Illu i d lfeṛḥ-iw.
1 Ahellil n Asaf. D tidett Illu yelha ɣer Isṛail, ɣer wid yesɛan ul yeṣfan. 2 Ma d nekk qṛib
mḍerkaleɣ, ciṭṭ i gxuṣṣen ad yecceḍ uḍar-iw ; 3 axaṭer usmeɣ seg imzuxiyen, m’ara ttwaliɣ lehna
deg llan yemcumen. 4 Aɣbel ur t-sɛin alamma d lmut-nsen, ula d tafekka-nsen tellexlex. 5 Beɛden
ɣef lmeḥnat n ddunit, ur ten-tḥuz ara tiyita igḥuzan imdanen. 6 Ɛelqen zzux am wezrar, lsan
lbaṭel am iceṭṭiḍen. 7 Tassemt ur teffir ara ddɣel n wallen-nsen, ixemmimen n wulawen-nsen
ḍehren-d. 8 Ttmesxiṛen, heddṛen s ddɣel ɣef uqehher ara qehṛen, ttmeslayen s temɣer. 9
Imawen-nsen wwḍen igenwan, iles-nsen yekka-d akk lqaɛa. 10 Daymi i guɣal wegdud-is ar din,
sseṛwan-t-id s waman-nsen. 11 Qqaṛen : "amek ara iẓer Yillu, eɛni tella tmusni ɣer win ɛlayen."
12 Akka i d imcumen, kull ass thennan, snernayen lerbaḥ-nsen. 13 Ihi baṭel i ssazdgeɣ ul-iw, i
ssardeɣ ifassen-iw diṣṣfawa. 14 Yal ass ttwateɣ, mkul ṣbeḥ ttwaɛaqbeɣ. 15 Ma nniɣ-ed ad hedṛeɣ
am nutni, atan ad xedɛeɣ ccetla n warraw-ik. 16 Ihi xemmemeɣ ad fehmeɣ ayagi, ufiɣd ayen i
yi-weɛṛen. 17 Armi kecmeɣ ɣer imukan iqedsen n Yillu, i fehmeɣ taggara n yemcumen-agi. 18 S
tidett tettawiḍ-ten deg iberdan iḥnucḍen, tessawaḍed-ten ɣer nnger. 19 Amek armi di teswiɛt
teɣli-d fell-asen twaɣit, kkawen ifadden-nsen, mmuten si lxuf. 20 Am targit ɣer undekwal, akken
ara tenfuḍ ṣṣuṛ a-nsen a Sidi Ṛebbi, m’ara d-tekkreḍ ɣur-sen. 21 M’akken idemmeṛ wul-iw,
inneqsaf wammas-iw, 22 lliɣ ɣundfeɣ mebla tamusni, lliɣ am lmal zdat-ek. 23 Lameɛna ttiliɣ
dayem yid-ek, teṭṭfeḍ-iyi seg ufus ayeffus. 24 Tseddayeḍ-iyi s lewṣayat-ik, mbeɛd a yi-tawiḍ ɣer
tmanegt. 25 Wi sɛiɣ nniḍen deg igenni ? Yid-ek ur bɣiɣ acemma di lqaɛa ! 26 Ul-iw d tfekka-w
zemren ad fnun, meɛna Illu ad yili i dayem d leḥṣin-iw, d amur-iw. 27 Axaṭer wid ibeɛden fell-ak
atan ad negren, wid i k-ibeddlen a ten-temḥuḍ. 28 Lfeṛḥ-iw nekk, d m’ara qerbeɣ ɣer Yillu ;
sserseɣ taseddarit-iw di Sidi Ṛebbi Ameɣlal iwakken ad ḥkuɣ ɣef lecɣal-ik meṛṛa.
74
Ar melmi ay Illu ?
1 Asefru n Asaf. Ayɣer iɣ-tḍeggireḍ dayem ay Illu ? Ayɣer i gneddeḥ wurrif-ik ɣef tqeḍɛit n
walma-inek ? 2 Mmekti-d agdud-ik i-d-tkesbeḍ si zik yernu tefdiḍ-t-id, adrum i terriḍ d ayla-k,
adrar n Siyun anda i tettiliḍ. 3 Wehhi tikli-k ɣer imukan-nni innexṛaben, aɛdaw ihudd kullec
deg umkan iqedsen. 4 Ixṣimen-ik sreɛriɛen zdaxel n wemkan-ik iqedsen, ssersen dinna ṭṭwabeɛ-nsen.
5 Ttbanen-d am wid ittqeddiṛen ttjuṛ di teẓgi ; 6 atnan refden tiqubac d igelzyam, hudden
akk lebni-ines iṛeqqmen. 7 Ssendren times i wemkan-ik iqedsen, sexnunsen di lqaɛa amkan n
yisem-ik. 8 Qqaṛen deg ulawen-nsen : “a ten-nqehheṛ akken ma llan” ; sseṛɣen di tmurt imukan
akk anda iţwaɛbad Illu. 9 Nuɣal ur neţwali ara ṭṭwabeɛ-nneɣ, ur d-igri nnbi, ula d yiwen deg-ne
ɣur yeẓri ar melmi. . . 10 Ar melmi ay Illu ara yettɛayaṛ umesbaṭli? ara iḥeqqeṛ dayem
weɛdaw isem-ik? 11 Ayɣeṛ i tekkseḍ afus-ik, ayeffus-ik, ẓẓel-l-it-id, ssenger ! 12 Illu d agellid-iw si
zik n zik, neţţa i gettselliken di tlemmast n lqaɛa. 13 D kečč i gcergen lebḥeṛ s tezmart-ik,
tmeḥqeḍ iqeṛṛay n lewḥuc ɣef aman. 14 D kečč i gneɣden iqeṛṛay n ulibyatan, (note : lweḥc n
lebḥeṛ neɣ aɣcuf ) tefkiḍ-t d lmakla i wegdud, i yimezdaɣ n uneẓruf. 15 D kečč i d-issufɣen
tiɛwinin d iɣezṛan, d kečč i gessekwen isaffen ur neţɣar ara. 16 Ass d ayla-k, iḍ daɣen d ayla-k, d
kečč i gessersen iṭij d tziri. 17 D kečč i gxedmen akk tilisa i ddunit, ccetwa d unebdu d kečč i ten-id-
ixelqen. 18 Mmekti-d ayagi : aɛdaw ittɛayaṛ ameɣlal, agdud amɛaṣṣ i iḥqeṛ isem-ik. 19 Ur ttaǧǧ
ara taṛwiḥt n tmilla-inek ( note: tamilla: wid yeɛzizen ɣer Sidi Ṛebbi) i lewḥuc, ur tettu ara
dayem tudert n imeɣban-ik. 20 Muqel ɣer temsisit ( leɛqed ) axaṭeṛ imukan n ṭṭlam di tmurt,
uɣalen d annaren n ccwal. 21 Awer yuɣal umeqhur inneḥcam, ameɣbun d ugellil ad ḥemden
isem-ik. 22 Ekker ay Illu, ḥareb ɣef lḥeqq-ik, mmekti-d aɛayeṛ i k-ittɛayaṛ umɛaṣṣi ass kamel. 23
Ur tettu yara ṣṣut n ixṣimen-ik, d usreɛreɛ yettnernin dayem, n wid i d-ikkren mgal-ik.
Ay Illu barek agellid.
1 S ɣur ugellid Sliman. Ay Yillu, efk i wgellid ad yili d aḥeqqi am kečč, d teɣdemt-ik i mmi-s n
ugellid. 2 Ad iḥkem ɣef wegdud-ik s teɣdemt, d imeɣban-ik s lḥeqq. 3 Idurar d tyaltin a d-fken
talwit i wegdud s ṣṣwab. 4 Ad isbedd lḥeqq n imeɣban n wegdud, ad isellek tarwa n ugellil,
yernu ad imḥeq amesbaṭli. 5 Skud iceṛṛeq yiṭij, skud yetteflali waggur, a k-ttaggaden si lǧil ɣer
lǧil. 6 A d-yeɣli am ugeffur ɣef almaten iḥuccen, am aman yesseṛwayen lqaɛa. 7 Deg ussan-is,
aḥeqqi ad iǧuǧǧeg, talwit ad tili s tugeţ alamma yefna waggur. 8 Ad yeḥkem si lebḥeṛ ɣer wayeḍ ,
seg wasif (note: asif n Lufrat) armi d ixfawen n ddunit. 9 Imezdaɣ n uneẓruf ad kerfen tagecrirt
zdat-es, iɛdawen-is ad mecḥen aɣebbaṛ. 10 Igelliden n Ṭarsis akk tegzirin a d-awin lewɛadi,
igelliden n Saba akk-d Siba a d-mudden tirezzaf. 11 Igelliden meṛṛa ad anzen zdat-es, leǧnas akk
ad qedcen fell-as. 12 Axaṭer ad isellek igellil ittɛennin ɣur-es, d umeɣbun ur nesɛi amɛiwen. 13 Ad
iḥunn ɣef uẓawali d umeɛlal, ad isellek tudert n igellilen. 14 A d-ifdu tiṛwiḥin-nsen si ccwal d
lbaṭel, idammen-nsen ad sɛun azal ɣer ɣuṛ-es. 15 Ad yidir, a s-d-ittunefk uraɣ si Saba, ad deɛɛun
daymen fell-as wa t-ttbaraken ass kamel. 16 Ad tili ṣṣaba n yirden di tmurt, ad ttemhuzzunt
tgedrin-nsen ɣef ixfawen n idurar am yingel n Lubnan, ad ǧǧuǧgen imdanen di temdint am
leḥcic deg almaten. 17 Isem-is ad idum i lebda, skud mazal yella yiṭij ur ifennuy ara ; yis wa ad
yeţbarak wa, leǧnas meṛṛa ad inin d aseɛdi. 18 Ad ittubarek Yillu Ameɣlal, Illu n Isṛail ; d netta
kan i gxeddmen lbeṛhant ! 19 Ad ittubarek i lebda yisem-is amaneg, ddunit meṛṛa ad tteččar s
tmanagt-is ; Amin ! Amin. 20 Taggara n tẓilla n Dawed mmi-s n Yasa.
73
D Illu i d lfeṛḥ-iw.
1 Ahellil n Asaf. D tidett Illu yelha ɣer Isṛail, ɣer wid yesɛan ul yeṣfan. 2 Ma d nekk qṛib
mḍerkaleɣ, ciṭṭ i gxuṣṣen ad yecceḍ uḍar-iw ; 3 axaṭer usmeɣ seg imzuxiyen, m’ara ttwaliɣ lehna
deg llan yemcumen. 4 Aɣbel ur t-sɛin alamma d lmut-nsen, ula d tafekka-nsen tellexlex. 5 Beɛden
ɣef lmeḥnat n ddunit, ur ten-tḥuz ara tiyita igḥuzan imdanen. 6 Ɛelqen zzux am wezrar, lsan
lbaṭel am iceṭṭiḍen. 7 Tassemt ur teffir ara ddɣel n wallen-nsen, ixemmimen n wulawen-nsen
ḍehren-d. 8 Ttmesxiṛen, heddṛen s ddɣel ɣef uqehher ara qehṛen, ttmeslayen s temɣer. 9
Imawen-nsen wwḍen igenwan, iles-nsen yekka-d akk lqaɛa. 10 Daymi i guɣal wegdud-is ar din,
sseṛwan-t-id s waman-nsen. 11 Qqaṛen : "amek ara iẓer Yillu, eɛni tella tmusni ɣer win ɛlayen."
12 Akka i d imcumen, kull ass thennan, snernayen lerbaḥ-nsen. 13 Ihi baṭel i ssazdgeɣ ul-iw, i
ssardeɣ ifassen-iw diṣṣfawa. 14 Yal ass ttwateɣ, mkul ṣbeḥ ttwaɛaqbeɣ. 15 Ma nniɣ-ed ad hedṛeɣ
am nutni, atan ad xedɛeɣ ccetla n warraw-ik. 16 Ihi xemmemeɣ ad fehmeɣ ayagi, ufiɣd ayen i
yi-weɛṛen. 17 Armi kecmeɣ ɣer imukan iqedsen n Yillu, i fehmeɣ taggara n yemcumen-agi. 18 S
tidett tettawiḍ-ten deg iberdan iḥnucḍen, tessawaḍed-ten ɣer nnger. 19 Amek armi di teswiɛt
teɣli-d fell-asen twaɣit, kkawen ifadden-nsen, mmuten si lxuf. 20 Am targit ɣer undekwal, akken
ara tenfuḍ ṣṣuṛ a-nsen a Sidi Ṛebbi, m’ara d-tekkreḍ ɣur-sen. 21 M’akken idemmeṛ wul-iw,
inneqsaf wammas-iw, 22 lliɣ ɣundfeɣ mebla tamusni, lliɣ am lmal zdat-ek. 23 Lameɛna ttiliɣ
dayem yid-ek, teṭṭfeḍ-iyi seg ufus ayeffus. 24 Tseddayeḍ-iyi s lewṣayat-ik, mbeɛd a yi-tawiḍ ɣer
tmanegt. 25 Wi sɛiɣ nniḍen deg igenni ? Yid-ek ur bɣiɣ acemma di lqaɛa ! 26 Ul-iw d tfekka-w
zemren ad fnun, meɛna Illu ad yili i dayem d leḥṣin-iw, d amur-iw. 27 Axaṭer wid ibeɛden fell-ak
atan ad negren, wid i k-ibeddlen a ten-temḥuḍ. 28 Lfeṛḥ-iw nekk, d m’ara qerbeɣ ɣer Yillu ;
sserseɣ taseddarit-iw di Sidi Ṛebbi Ameɣlal iwakken ad ḥkuɣ ɣef lecɣal-ik meṛṛa.
74
Ar melmi ay Illu ?
1 Asefru n Asaf. Ayɣer iɣ-tḍeggireḍ dayem ay Illu ? Ayɣer i gneddeḥ wurrif-ik ɣef tqeḍɛit n
walma-inek ? 2 Mmekti-d agdud-ik i-d-tkesbeḍ si zik yernu tefdiḍ-t-id, adrum i terriḍ d ayla-k,
adrar n Siyun anda i tettiliḍ. 3 Wehhi tikli-k ɣer imukan-nni innexṛaben, aɛdaw ihudd kullec
deg umkan iqedsen. 4 Ixṣimen-ik sreɛriɛen zdaxel n wemkan-ik iqedsen, ssersen dinna ṭṭwabeɛ-nsen.
5 Ttbanen-d am wid ittqeddiṛen ttjuṛ di teẓgi ; 6 atnan refden tiqubac d igelzyam, hudden
akk lebni-ines iṛeqqmen. 7 Ssendren times i wemkan-ik iqedsen, sexnunsen di lqaɛa amkan n
yisem-ik. 8 Qqaṛen deg ulawen-nsen : “a ten-nqehheṛ akken ma llan” ; sseṛɣen di tmurt imukan
akk anda iţwaɛbad Illu. 9 Nuɣal ur neţwali ara ṭṭwabeɛ-nneɣ, ur d-igri nnbi, ula d yiwen deg-ne
ɣur yeẓri ar melmi. . . 10 Ar melmi ay Illu ara yettɛayaṛ umesbaṭli? ara iḥeqqeṛ dayem
weɛdaw isem-ik? 11 Ayɣeṛ i tekkseḍ afus-ik, ayeffus-ik, ẓẓel-l-it-id, ssenger ! 12 Illu d agellid-iw si
zik n zik, neţţa i gettselliken di tlemmast n lqaɛa. 13 D kečč i gcergen lebḥeṛ s tezmart-ik,
tmeḥqeḍ iqeṛṛay n lewḥuc ɣef aman. 14 D kečč i gneɣden iqeṛṛay n ulibyatan, (note : lweḥc n
lebḥeṛ neɣ aɣcuf ) tefkiḍ-t d lmakla i wegdud, i yimezdaɣ n uneẓruf. 15 D kečč i d-issufɣen
tiɛwinin d iɣezṛan, d kečč i gessekwen isaffen ur neţɣar ara. 16 Ass d ayla-k, iḍ daɣen d ayla-k, d
kečč i gessersen iṭij d tziri. 17 D kečč i gxedmen akk tilisa i ddunit, ccetwa d unebdu d kečč i ten-id-
ixelqen. 18 Mmekti-d ayagi : aɛdaw ittɛayaṛ ameɣlal, agdud amɛaṣṣ i iḥqeṛ isem-ik. 19 Ur ttaǧǧ
ara taṛwiḥt n tmilla-inek ( note: tamilla: wid yeɛzizen ɣer Sidi Ṛebbi) i lewḥuc, ur tettu ara
dayem tudert n imeɣban-ik. 20 Muqel ɣer temsisit ( leɛqed ) axaṭeṛ imukan n ṭṭlam di tmurt,
uɣalen d annaren n ccwal. 21 Awer yuɣal umeqhur inneḥcam, ameɣbun d ugellil ad ḥemden
isem-ik. 22 Ekker ay Illu, ḥareb ɣef lḥeqq-ik, mmekti-d aɛayeṛ i k-ittɛayaṛ umɛaṣṣi ass kamel. 23
Ur tettu yara ṣṣut n ixṣimen-ik, d usreɛreɛ yettnernin dayem, n wid i d-ikkren mgal-ik.
