26
Fdu-yi-d ay Ameɣlal
1 S ɣur Dawed. Ssizref-iyi, Ay Ameɣlal! axaṭer teṣfa tikli-iw, ttekleɣ ɣef Umeɣlal, ur
ttemderkileɣ ara. 2 Mḥeṣ-iyi, ay Ameɣlal ! jerreb-iyi, Ssizdeg ul-iw d ixemmimen-iw. 3
Axaṭer rreḥma-k tella zdati, yerna tedduɣ di tidett-ik. 4 Ur ttɣimiɣ d imdanen n diri, ur
tedduɣ d wat sin wudmawen. 5 Kerheɣ agraw n wid ixeddmen ccer, ur ttɣimiɣ d
yemcumen. 6 Ad ssirdeɣ ifassen-iw diṣṣfa, ad zziɣ i udekkan-ik, ay Ameɣlal! 7 Iwakken ad
berrḥeɣ s leḥmadi d ccekran, Ad ḥkuɣ akk ɣef leɛǧayeb-ik. 8 Ay Ameɣlal! ḥemleɣ
tanezduɣt deg uxxam-ik, amkan anda tettili tmanegt-ik. 9 Ur sdukkul ara tarwiḥt-iw aked
tid n imednuben, tudert-iw aked wat tmegraḍ, 10 wid iwumi ččuren ifassen d ccer, wid
iwumi yeččur uyeffus d tijɛal! 11 Nekk, tedduɣ s ṣṣfa; fdu-yi-d tḥuneḍ felli! 12 Aḍar-iw
ibedd di ṣṣwab: Ad berkeɣ Ameɣlal deg igrawen.
27
Laman, deg Umeɣlal
1 S ɣur Dawed. Ameɣlal d tafat-iw aked leslak-iw: Anwa ara aggadeɣ? Ameɣlal d tadarit n
tudert-iw: Anwa ara kukruɣ? 2 Mi ara d-qerben ɣuri wid ixeddmen ccer, iwakken adččen
aksum-iw, ixṣimen-iw d yeɛdawen-iw, d nutni ara yemḍerkilen ara yeɣlin. 3 Ma tezzi-d
tzemmalt mgal-iw, ul-iw ur t-tkeččem ara tugdi; ma yekker-d ṭṭrad mgal-iw, ula akkenni
ad iliɣ di laman. 4 Ssutureɣ deg Umeɣlal yiwet n lḥaǧa i ttnadiɣ s lḥir: Ad zedɣeɣ tudert-iw
merra deg wexxam n Umeɣlal, iwakken ad ttmuquleɣ di ccbaḥa n Umeɣlal, ad
ttweḥḥideɣ deg ufakan-is. 5 Axaṭer ad yi-sdari deg ahin-ines* deg wass n twaɣit, ad yi-ṣṣer
ddaw rref n uqiḍun-is; Ad yi-issali ɣef weẓru. 6 Tura ad kkeɣ nnig yeɛdawen-iw i yi-id-izzin;
Ad fkeɣ iseflawen deg wahin-is, iseflawen n lfeṛḥ ; ad cnuɣ , ad helleleɣ i Umeɣlal. 7
Ay Ameɣlal ! sel-d i taɣect-iw, ɛennaɣ-n ɣurek: ḥun felli terre ḍ -iyi-d awal. 8 xemmemeɣ
deg wul-iw ɣef wawal-ik: nadit ɣef wudem-iw ! Ttnadiɣ ɣef udem-ik, Ay Ameɣlal ! 9 Ur
teffer ara udem-ik felli, ur ttḍerriq ara aqeddac-ik s wurrif! kečč d amɛiwen-iw, ur yi-tta
ǧǧa ara, ur ṭṭixir ara felli, ay Illu n leslak-iw. 10 Axaṭer baba d yemma ad yi-ǧǧen,
lameɛna Ameɣlal ad yi-ijmeɛ. 11 Ay Ameɣlal ! sselmed-iyi abrid-ik, awi-yi deg webrid n
ṣṣwab, ɣef ddemma n yeɛdawen-iw. 12 Ur yi-ttsellim ara i lebɣi n yeɛdawen-iw, axaṭer
kkren-d mgal-iw inagan n ẓẓur, yerna ččuren d ddɣel. 13 Ah! lemmer ur sɛiɣ ara ttbut d
akken ad waliɣ tamella n Umeɣlal, di ddunit-agi !. . . 14 Sirem deg Umeɣlal ! seǧhed iman-ik,
serṣu ul-ik! sirem deg Umeɣlal !
28
Sel-d i uḥellel-iw
1 S ɣur Dawed. Ay Ameɣlal! ɣurek i n-greɣ tiɣri. Ay aslaḍ-iw! ur sɛuẓẓug ara ɣuri, axaṭer
ugadeɣ ma teqqimeḍ tessusmeḍ , ad cbuɣ wid yudren ɣer u ẓekka. 2 Sel-d i ṣṣut n uḥellel-iw,
mi ara n-suɣeɣ ɣurek, mi ara refdeɣ ifassen-iw ɣer ufakan-ik iqedsen. 3 Ur yi-ttawi ara
aked yemcumen d wid ixeddmen lbaṭel, i yheddren ɣef lehna i lɣir-nsen, s tḥila deg ul. 4
Efk-asen ɣef leḥsab n lefɛayel-nsen d tḥila n lecɣal-nsen, efk-asen ɣef leḥsab n wayen
xeddmen ifassen-nsen; err-asen ayen uklalen. 5 Axaṭer ur fkin ara azal i lecɣal n Umeɣlal,
d wayen xedmen ifassen-is. Ad ten-iɣḍel yerna ur ten-id-ireffed ara. 6 Ad ittubarek
Umeɣlal! Axaṭer isell-d i ṣṣut n uḥellel-iw ! 7 Ameɣlal d tazmert-iw d tazibba-yiw; fellas i
yettkel wul-iw, ufiɣ leɛnaya; ul-iw yefreḥ , yerna ad s-sfugleɣ s ccnawi-yinu. 8 Ameɣlal d
lǧehd i wegdud-is, d leḥṣin i leslak n lmasiḥ-ines. 9 Sellek agdud-ik tbarkeḍ ayla-k! Ili-k d
ameksa-nsen, d amɛiwen-nsen i dayem!
29
Ṣṣut n Umeɣlal
1 Ahellil n Dawed. A tarwa n Yillu, erret i Umeɣlal, erret i Umeɣlal tamanegt d ccan! 2
Erret i Umeɣlal tamanegt n yisem-is! Seǧdet i Umeɣlal mi ara d-tfeǧǧeǧ leqdasa-s! 3 Ṣṣut n
Umeɣlal yekka-d ɣef lebḥur, Illu n tmanegt issermeg rrɛud; Ameɣlal yekka-d nnig n
igarawen. 4 Ṣṣut n Umeɣlal s tezmert, ṣṣut n Umeɣlal s ufeǧǧeǧ. 5 Ṣṣut n Umeɣlal yettruẓ
tineglin; Ameɣlal yettruẓ tineglin n Lubnan, 6 Yetthuzzu-tent am uɛejmi, yetthuzzu idurar
n Lubnan d Hirmun am ugenduz. 7 Ṣṣut n Umeɣlal yeskaray-d iḥeǧǧuǧa n tmes. 8 Ṣṣut n
Umeɣlal issergagay aneẓruf, Ameɣlal issergagay aneẓruf n Qadec. 9 Ṣṣut n Umeɣlal issaraw
tizerzrin, iţɛerri tiẓegwa. di lberǧ-is, kullec yettɛeggiḍ : Tamanegt! 10 Ameɣlal yeḥkem
asmi d-nneflen waman ɣef ddunit, Ameɣlal yeḥkem d agellid i dayem. 11 Ameɣlal ad d-yefk
tazmert i wegdud-is; Ameɣlal ad ibarek agdud-is s talwit.
30
Terriḍ-iyi-d tudert !
1 Ahellil n Dawed. Ccn n uẓunẓu n ufakan. 2 Ad ssiɛliɣ isem-ik, ay Ameɣlal, axaṭer terfdeḍ-iyi-
d, ur teǧǧiḍ ara iɛdawen-iw ad ḍsen fell-i ! 3 Ay Ameɣlal, Illu-yiw ! ɛegḍeɣ-n ɣurek
tesseḥlaḍ-iyi. 4 Ay Ameɣlal, tessufɣeḍ-d tarwiḥt-iw si laxert, terriḍ-iyi-d tudert mebɛid ɣef
wid yudren ɣer uẓekka. 5 Hellelet i lmend n Umeɣlal, kenwi ay imekdiyen-is, sfuglet i
yisem-is iqedsen! 6 Axaṭer urrif-is n teswiɛt kan, ma d lemziyya-s i tudert merra; iḍ , lembat
deg imaṭṭawen, ma d ṣṣbeḥ d aneggez si lferḥ. 7 Mi lliɣ di laman qqareɣ : Werǧin ad
mderkileɣ! 8 Ay Ameɣlal! S lemziyya-k tesǧehdeḍ-iyi am wedrar iressan. . . (nte: Deg uḍris
amezwaru ad naf: " S lemziyya-k treṣṣaḍ adrar-iw s tezmert. . . ") Teffreḍ udem-ik, dɣa
nhewwaleɣ . 9 Ay Ameɣlal! Ɛeggḍeɣ-n ɣurek, Ḥelleleɣ Sidi Rebbi: 10 D acu n lfayda yellan
di tazla n idammen-iw, ma udreɣ ɣer tesraft? Eɛni ad k-yesfugel wakal? Ad yeḥku ɣef
tidett-ik? 11 Ḥess-d, ay Ameɣlal, ḥun felli! Ay Ameɣlal, ili-k d amɛiwen-iw! 12 Tbeddleḍ
leḥzen-iw s tmeɣra! Tekkseḍ-iyi llebsa n leḥzen, tbeggseḍ-iyi s lfeṛḥ . 13 Iwakken tarwiḥt-iw
ad thellel ilmend-ik, ur tettsusum ara, Ay Ameɣlal, ay Illu-yiw! ad k-sfuguleɣ i dayem.
Fdu-yi-d ay Ameɣlal
1 S ɣur Dawed. Ssizref-iyi, Ay Ameɣlal! axaṭer teṣfa tikli-iw, ttekleɣ ɣef Umeɣlal, ur
ttemderkileɣ ara. 2 Mḥeṣ-iyi, ay Ameɣlal ! jerreb-iyi, Ssizdeg ul-iw d ixemmimen-iw. 3
Axaṭer rreḥma-k tella zdati, yerna tedduɣ di tidett-ik. 4 Ur ttɣimiɣ d imdanen n diri, ur
tedduɣ d wat sin wudmawen. 5 Kerheɣ agraw n wid ixeddmen ccer, ur ttɣimiɣ d
yemcumen. 6 Ad ssirdeɣ ifassen-iw diṣṣfa, ad zziɣ i udekkan-ik, ay Ameɣlal! 7 Iwakken ad
berrḥeɣ s leḥmadi d ccekran, Ad ḥkuɣ akk ɣef leɛǧayeb-ik. 8 Ay Ameɣlal! ḥemleɣ
tanezduɣt deg uxxam-ik, amkan anda tettili tmanegt-ik. 9 Ur sdukkul ara tarwiḥt-iw aked
tid n imednuben, tudert-iw aked wat tmegraḍ, 10 wid iwumi ččuren ifassen d ccer, wid
iwumi yeččur uyeffus d tijɛal! 11 Nekk, tedduɣ s ṣṣfa; fdu-yi-d tḥuneḍ felli! 12 Aḍar-iw
ibedd di ṣṣwab: Ad berkeɣ Ameɣlal deg igrawen.
27
Laman, deg Umeɣlal
1 S ɣur Dawed. Ameɣlal d tafat-iw aked leslak-iw: Anwa ara aggadeɣ? Ameɣlal d tadarit n
tudert-iw: Anwa ara kukruɣ? 2 Mi ara d-qerben ɣuri wid ixeddmen ccer, iwakken adččen
aksum-iw, ixṣimen-iw d yeɛdawen-iw, d nutni ara yemḍerkilen ara yeɣlin. 3 Ma tezzi-d
tzemmalt mgal-iw, ul-iw ur t-tkeččem ara tugdi; ma yekker-d ṭṭrad mgal-iw, ula akkenni
ad iliɣ di laman. 4 Ssutureɣ deg Umeɣlal yiwet n lḥaǧa i ttnadiɣ s lḥir: Ad zedɣeɣ tudert-iw
merra deg wexxam n Umeɣlal, iwakken ad ttmuquleɣ di ccbaḥa n Umeɣlal, ad
ttweḥḥideɣ deg ufakan-is. 5 Axaṭer ad yi-sdari deg ahin-ines* deg wass n twaɣit, ad yi-ṣṣer
ddaw rref n uqiḍun-is; Ad yi-issali ɣef weẓru. 6 Tura ad kkeɣ nnig yeɛdawen-iw i yi-id-izzin;
Ad fkeɣ iseflawen deg wahin-is, iseflawen n lfeṛḥ ; ad cnuɣ , ad helleleɣ i Umeɣlal. 7
Ay Ameɣlal ! sel-d i taɣect-iw, ɛennaɣ-n ɣurek: ḥun felli terre ḍ -iyi-d awal. 8 xemmemeɣ
deg wul-iw ɣef wawal-ik: nadit ɣef wudem-iw ! Ttnadiɣ ɣef udem-ik, Ay Ameɣlal ! 9 Ur
teffer ara udem-ik felli, ur ttḍerriq ara aqeddac-ik s wurrif! kečč d amɛiwen-iw, ur yi-tta
ǧǧa ara, ur ṭṭixir ara felli, ay Illu n leslak-iw. 10 Axaṭer baba d yemma ad yi-ǧǧen,
lameɛna Ameɣlal ad yi-ijmeɛ. 11 Ay Ameɣlal ! sselmed-iyi abrid-ik, awi-yi deg webrid n
ṣṣwab, ɣef ddemma n yeɛdawen-iw. 12 Ur yi-ttsellim ara i lebɣi n yeɛdawen-iw, axaṭer
kkren-d mgal-iw inagan n ẓẓur, yerna ččuren d ddɣel. 13 Ah! lemmer ur sɛiɣ ara ttbut d
akken ad waliɣ tamella n Umeɣlal, di ddunit-agi !. . . 14 Sirem deg Umeɣlal ! seǧhed iman-ik,
serṣu ul-ik! sirem deg Umeɣlal !
28
Sel-d i uḥellel-iw
1 S ɣur Dawed. Ay Ameɣlal! ɣurek i n-greɣ tiɣri. Ay aslaḍ-iw! ur sɛuẓẓug ara ɣuri, axaṭer
ugadeɣ ma teqqimeḍ tessusmeḍ , ad cbuɣ wid yudren ɣer u ẓekka. 2 Sel-d i ṣṣut n uḥellel-iw,
mi ara n-suɣeɣ ɣurek, mi ara refdeɣ ifassen-iw ɣer ufakan-ik iqedsen. 3 Ur yi-ttawi ara
aked yemcumen d wid ixeddmen lbaṭel, i yheddren ɣef lehna i lɣir-nsen, s tḥila deg ul. 4
Efk-asen ɣef leḥsab n lefɛayel-nsen d tḥila n lecɣal-nsen, efk-asen ɣef leḥsab n wayen
xeddmen ifassen-nsen; err-asen ayen uklalen. 5 Axaṭer ur fkin ara azal i lecɣal n Umeɣlal,
d wayen xedmen ifassen-is. Ad ten-iɣḍel yerna ur ten-id-ireffed ara. 6 Ad ittubarek
Umeɣlal! Axaṭer isell-d i ṣṣut n uḥellel-iw ! 7 Ameɣlal d tazmert-iw d tazibba-yiw; fellas i
yettkel wul-iw, ufiɣ leɛnaya; ul-iw yefreḥ , yerna ad s-sfugleɣ s ccnawi-yinu. 8 Ameɣlal d
lǧehd i wegdud-is, d leḥṣin i leslak n lmasiḥ-ines. 9 Sellek agdud-ik tbarkeḍ ayla-k! Ili-k d
ameksa-nsen, d amɛiwen-nsen i dayem!
29
Ṣṣut n Umeɣlal
1 Ahellil n Dawed. A tarwa n Yillu, erret i Umeɣlal, erret i Umeɣlal tamanegt d ccan! 2
Erret i Umeɣlal tamanegt n yisem-is! Seǧdet i Umeɣlal mi ara d-tfeǧǧeǧ leqdasa-s! 3 Ṣṣut n
Umeɣlal yekka-d ɣef lebḥur, Illu n tmanegt issermeg rrɛud; Ameɣlal yekka-d nnig n
igarawen. 4 Ṣṣut n Umeɣlal s tezmert, ṣṣut n Umeɣlal s ufeǧǧeǧ. 5 Ṣṣut n Umeɣlal yettruẓ
tineglin; Ameɣlal yettruẓ tineglin n Lubnan, 6 Yetthuzzu-tent am uɛejmi, yetthuzzu idurar
n Lubnan d Hirmun am ugenduz. 7 Ṣṣut n Umeɣlal yeskaray-d iḥeǧǧuǧa n tmes. 8 Ṣṣut n
Umeɣlal issergagay aneẓruf, Ameɣlal issergagay aneẓruf n Qadec. 9 Ṣṣut n Umeɣlal issaraw
tizerzrin, iţɛerri tiẓegwa. di lberǧ-is, kullec yettɛeggiḍ : Tamanegt! 10 Ameɣlal yeḥkem
asmi d-nneflen waman ɣef ddunit, Ameɣlal yeḥkem d agellid i dayem. 11 Ameɣlal ad d-yefk
tazmert i wegdud-is; Ameɣlal ad ibarek agdud-is s talwit.
30
Terriḍ-iyi-d tudert !
1 Ahellil n Dawed. Ccn n uẓunẓu n ufakan. 2 Ad ssiɛliɣ isem-ik, ay Ameɣlal, axaṭer terfdeḍ-iyi-
d, ur teǧǧiḍ ara iɛdawen-iw ad ḍsen fell-i ! 3 Ay Ameɣlal, Illu-yiw ! ɛegḍeɣ-n ɣurek
tesseḥlaḍ-iyi. 4 Ay Ameɣlal, tessufɣeḍ-d tarwiḥt-iw si laxert, terriḍ-iyi-d tudert mebɛid ɣef
wid yudren ɣer uẓekka. 5 Hellelet i lmend n Umeɣlal, kenwi ay imekdiyen-is, sfuglet i
yisem-is iqedsen! 6 Axaṭer urrif-is n teswiɛt kan, ma d lemziyya-s i tudert merra; iḍ , lembat
deg imaṭṭawen, ma d ṣṣbeḥ d aneggez si lferḥ. 7 Mi lliɣ di laman qqareɣ : Werǧin ad
mderkileɣ! 8 Ay Ameɣlal! S lemziyya-k tesǧehdeḍ-iyi am wedrar iressan. . . (nte: Deg uḍris
amezwaru ad naf: " S lemziyya-k treṣṣaḍ adrar-iw s tezmert. . . ") Teffreḍ udem-ik, dɣa
nhewwaleɣ . 9 Ay Ameɣlal! Ɛeggḍeɣ-n ɣurek, Ḥelleleɣ Sidi Rebbi: 10 D acu n lfayda yellan
di tazla n idammen-iw, ma udreɣ ɣer tesraft? Eɛni ad k-yesfugel wakal? Ad yeḥku ɣef
tidett-ik? 11 Ḥess-d, ay Ameɣlal, ḥun felli! Ay Ameɣlal, ili-k d amɛiwen-iw! 12 Tbeddleḍ
leḥzen-iw s tmeɣra! Tekkseḍ-iyi llebsa n leḥzen, tbeggseḍ-iyi s lfeṛḥ . 13 Iwakken tarwiḥt-iw
ad thellel ilmend-ik, ur tettsusum ara, Ay Ameɣlal, ay Illu-yiw! ad k-sfuguleɣ i dayem.
