140
Taẓallit n win ittuqehren. 1 I umeqran n talilt. Ahellil n Dawed. 2 Ay Ameɣlal, sukkes-iyi seg yir imdanen! ḥader-iyi seg imdanen imekriḍen, 3 wid ittnawalen ccer deg ul-nsen, yerna yal ass skarayen-d imenɣi! 4 Ssemsaden iles-nsen am uzrem, sɛan deg imawen-nsen ssem n talafsa. 5 Ay Ameɣlal, ḥerz-iyi seg ifassen n wemcum! ḥader-iyi seg imdanen imekriḍen, ittxemmimen ad yi-sseɣlin! 6 Ndin-iyi izewwaxen ticerkett d imurar, ssersen icebbaken deg abrid-iw, heggan-iyi tifextin. 7 Nniɣ i Umeɣlal: Kečč d Illu-iw! Ay Ameɣlal, efk-d tameẓẓuɣt i ṣṣut n uḥellel-iw! 8 Ay Ameɣlal, Sidi Rebbi, tazmert n leslak-iw! Tesdarayeḍ aqerruy-iw deg wass n imenɣi. 9 Ay Ameɣlal, ur ttaǧǧa ara lebɣi n wemcum ad yeḍru, ur ttaǧǧa ara lmeqsud-is ad yaweḍ, mulac ad yessimɣer iman-is! 10 Ad d-yeɣli ɣef uqerru n wid i yi-d-yezzin ccer n yimawen-nsen! 11 Ad ɣlint fellasen tergin ireqqen, ad ttwaḍegren ɣer tmes, daxel n tesrafin, ansi ur d-ttnekkaren ara maḍi! 12 Win yesɛan iles ur yettreṣṣi ara di ddunit; amdan amekraḍ, ad t-teḍfer twaɣit alamma yenger. 13 Zriɣ belli Ameɣlal ittbeggin-d lḥeq n umeɣbun d wezref n ugellil. 14 S tidett, uɣdimen ad sfuglen i yisem-ik, wid iteddun s ṣṣwab ad ilin zdat-k.
141
Ḥader Felli. 1 Ahellil n Dawed. Ay Ameɣlal, nedheɣ-n ɣurek: ɣiwel-d ɣer ɣuri! Efk-d tameẓẓuɣt i ssut-iw, mi ara nedheɣ ɣurek! 2 Ad n-tali tẓallit-iw ɣer zdatek am lebxur, anerfud n ifassen-iw am lweɛda n tmeddit. 3 Ay Ameɣlal ɛass ɣef yiles-iw, ḥrez tawwurt n yimi-w. 4 Ur ttaǧǧa ara ad immal wul-iw ɣer ccer, neɣ ad kecmeɣ deg yir lecɣal aked yemdanen ixeddmen
lbaṭel; Awer ččeɣ si tẓidanin-nsen! 5 Ma yewwet-iyi uḥeqqi d lemziyya; Ma yezzem-iyi, d zzit ɣef uqerruy-iw: Ixef-iw ur tt-ittagi ara; Ma d taẓallit-iw mazal ad tali mgal ccum-nsen. 6 Ad grirben inezzurfa-nsen deg icerfan, imiren ad slen i yimeslayen-iw, axaṭer weznen. 7 Am win ikerrzen yettruẓun akal, akken i mefrezwaɛen yeɣsan-nneɣ ɣer tewwurt n laxert. 8 Ɣer ɣurek, ay Ameɣlal, a Sidi Rebbi! i n-zzint wallen-iw, Ɣer ɣurek i dduriɣ: ur ttweddif ara tarwiḥt-iw! 9 Ḥader-iyi si tefxett i yi-ndin, aked tecrektin n wid ixeddmen lbaṭel! 10 Ad ttwaṭfen yemcumen di tcerktin-nsen, ma d nekk ad menɛeɣ!
142
D kečč kan i d taseddarit-iw. 1 Asefru n Dawed. Taẓallit. Asmi yella deg ifri. 2 S taɣect-iw tɛeggiḍeɣ ɣer Umeɣlal, s taɣect-iw ttḥellileɣ deg Umeɣlal. 3 Wwiɣ acetki-iw ɣer zdat-s, hkiɣ-as ccedda-w. 4 Mi ara yili yedrem rruḥ-iw zdaxel-iw, kečč tesneḍ abrid-iw, Deg webrid anda tedduɣ, ndin-iyi tifxett. 5 Muqel ɣer uyeffus twaliḍ: yiwen ur yi-ɛqil, ulac sani ara rewleɣ, yiwen ur ittḥebbir ɣef terwiḥt-iw. 6 Ay Ameɣlal! Ɣer ɣurek i n-ɛegḍeɣ. Nniɣ : d kečč i d taseddarit-iw, i d amur-iw di lqaɛa n wid yeddren. 7 Err-d ddehn-ik ɣer tiɣri-w! axaṭer aqli ulwaɣ. Sukkes-iyi seg wid i yi-ttqehhiren, axaṭer ǧehden ugar-iw. 8 Ssufeɣ-d tarwiḥt-iw si lḥebs, iwakken ad sfugleɣ i yisem-ik! Uɣdimen ad yi-d-zzin, ɣef demma n lxir ara yi-txedmeḍ.
143
Awi-yi deg iberdan-ik. 1 Ahellil n Dawed. Ay Ameɣlal, sel-d i tẓallit-iw, efk-d tameẓẓuɣt i wḥellel-iw! err-iyi-d awal ilmend n tekdit-ik d teɣdemt-ik. 2 Ur ttcaraɛ ara aqeddac-ik, axaer ulac amuddur yellan d aḥeqqi zdat-k. 3 Aɛdaw ittqehhir tarwiḥt-iw, imeḥḥeq tudert-iw di lqaɛa; issezdaɣ-iyi di tillas, am wid yemmuten si zik. 4 Rruḥ-iw yedrem zdaxel-iw, ul-iw yewwet-it uzaylal. 5 Ttmektayeɣ-d ussan n zik, ttmeyyizeɣ ɣef lecɣal-ik merra, ttxemmimeɣ ɣef ayen xedmen ifassen-ik. 6 Refdeɣ-n ifassen-iw ɣer ɣurek; tarwiḥt-iw zdat-k am lqaɛa yekkawen. 7 Ɣiwel jaweb-iyi-d, ay Ameɣlal! rruḥ-iw yefcel. Ur teffer ara udem-ik felli! mulac ad cbuɣ wid iteddun ɣer tesraft. 8 Akken ara yali wass, beggen-iyi-d rreḥma-k! axaṭer fellak i ttekleɣ. Mmel-iyi-d abrid ara ḍefreɣ! axaṭer ɣurek i n-tɛenna terwiḥt-iw. 9 Sukkes-iyi seg iɛdawen-iw, ay Ameɣlal! ɣurek i dduriɣ. 10 Selmed-iyi ad xedmeɣ lebɣi-k! axaṭer d kečč i d Illu-yiw. Rruḥ-ik yelhan ad yi-yawi deg wakal imsawan. 11 Ɣef demma n yisem-ik, Ay Ameɣlal, ssider-iyi! s teɣdemt-ik, sukkes-d tarwiḥt-iw si ccedda! 12 S rreḥma-
k, ad temḥuḍ iɛdawen-iw, ad tesngreḍ akk ixṣimen n terwiḥt-iw! Axaṭer d aqeddac-ik i lliɣ.
144
Taẓallit n ugellid. 1 Sɣur Dawed. Ad yettubarek Umeɣlal, aslaḍ-iw, i yettheggin ifassen-iw i umenɣi, iḍudan-iw i ṭrad. 2 Aḥnin-iw d leḥṣin-iw, taseddarit-iw d umeslelli-yiw, aɣer-iw uɣur ttdariɣ, Win i d-issanazen agdud-iw. 3 Ay Ameɣlal, d acut wemdan iwakken ad t-tissineḍ*? mmi-s n wemdan iwakken ad txememmeḍ fellas. 4 Amdan d nnefs kan, ussan-is am tili i ttɛeddin. 5 Ay Ameɣlal, sseknu-d igenwan terseḍ-d! nnal idurar dɣa ad duxnen. 6 Wwet-d s lebraq tessemfrezwaɛeḍ-ten! ceggeɛ-d tiḥerbunin-ik tesɛerqeḍ iberdan i trebbaɛ-nsen. 7 Ẓẓel-d ifassen-ik si leɛli; sukkes-iyi; kkes-iyi-d seg iḥemmalen n waman, seg ifassen n iberraniyen, 8 wid iheddren s tkerkas, yerna ayeffus-nsen d ayeffus n ẓẓur. 9 Ay Illu! Ad k-cnuɣ ccna d ajdid, Ad helleleɣ i lmend-ik s lɛud bu ɛecra n yenzizen. 10 Ittak-d leslak i yigelliden, issukus-d seg ujenwi n lmut Dawed, Aqeddac-is. 11 Sukkes-iyi tekseḍ-iyi-d seg ifassen n iberraniyen, wid iheddren s tkerkas, yerna ayeffus-nsen d ayeffus n ẓẓur. 12 Arraw-nneɣ am imguden igemmun di temẓi-nsen; yessit-nneɣ am tgejda n tɣemmar ineqcen di lebni n yiɣrem. 13 Ikufan-nneɣ ččuren, faḍen si yal ṣṣenf n lɣella; lmal-nneɣ amectuḥ yefti d igiman, s tɛecratin igiman deg almaten-nneɣ. 14 Izgaren-nneɣ ṭuqten, ulac iɣisi, ulac arhan, ulac leɛyaḍ deg ibraḥen-nneɣ! 15 Amarezg n wegdud i gesɛan akk ayagi, amarezg n wegdud i gesɛan Ameɣlal d Illu-yis!
Taẓallit n win ittuqehren. 1 I umeqran n talilt. Ahellil n Dawed. 2 Ay Ameɣlal, sukkes-iyi seg yir imdanen! ḥader-iyi seg imdanen imekriḍen, 3 wid ittnawalen ccer deg ul-nsen, yerna yal ass skarayen-d imenɣi! 4 Ssemsaden iles-nsen am uzrem, sɛan deg imawen-nsen ssem n talafsa. 5 Ay Ameɣlal, ḥerz-iyi seg ifassen n wemcum! ḥader-iyi seg imdanen imekriḍen, ittxemmimen ad yi-sseɣlin! 6 Ndin-iyi izewwaxen ticerkett d imurar, ssersen icebbaken deg abrid-iw, heggan-iyi tifextin. 7 Nniɣ i Umeɣlal: Kečč d Illu-iw! Ay Ameɣlal, efk-d tameẓẓuɣt i ṣṣut n uḥellel-iw! 8 Ay Ameɣlal, Sidi Rebbi, tazmert n leslak-iw! Tesdarayeḍ aqerruy-iw deg wass n imenɣi. 9 Ay Ameɣlal, ur ttaǧǧa ara lebɣi n wemcum ad yeḍru, ur ttaǧǧa ara lmeqsud-is ad yaweḍ, mulac ad yessimɣer iman-is! 10 Ad d-yeɣli ɣef uqerru n wid i yi-d-yezzin ccer n yimawen-nsen! 11 Ad ɣlint fellasen tergin ireqqen, ad ttwaḍegren ɣer tmes, daxel n tesrafin, ansi ur d-ttnekkaren ara maḍi! 12 Win yesɛan iles ur yettreṣṣi ara di ddunit; amdan amekraḍ, ad t-teḍfer twaɣit alamma yenger. 13 Zriɣ belli Ameɣlal ittbeggin-d lḥeq n umeɣbun d wezref n ugellil. 14 S tidett, uɣdimen ad sfuglen i yisem-ik, wid iteddun s ṣṣwab ad ilin zdat-k.
141
Ḥader Felli. 1 Ahellil n Dawed. Ay Ameɣlal, nedheɣ-n ɣurek: ɣiwel-d ɣer ɣuri! Efk-d tameẓẓuɣt i ssut-iw, mi ara nedheɣ ɣurek! 2 Ad n-tali tẓallit-iw ɣer zdatek am lebxur, anerfud n ifassen-iw am lweɛda n tmeddit. 3 Ay Ameɣlal ɛass ɣef yiles-iw, ḥrez tawwurt n yimi-w. 4 Ur ttaǧǧa ara ad immal wul-iw ɣer ccer, neɣ ad kecmeɣ deg yir lecɣal aked yemdanen ixeddmen
lbaṭel; Awer ččeɣ si tẓidanin-nsen! 5 Ma yewwet-iyi uḥeqqi d lemziyya; Ma yezzem-iyi, d zzit ɣef uqerruy-iw: Ixef-iw ur tt-ittagi ara; Ma d taẓallit-iw mazal ad tali mgal ccum-nsen. 6 Ad grirben inezzurfa-nsen deg icerfan, imiren ad slen i yimeslayen-iw, axaṭer weznen. 7 Am win ikerrzen yettruẓun akal, akken i mefrezwaɛen yeɣsan-nneɣ ɣer tewwurt n laxert. 8 Ɣer ɣurek, ay Ameɣlal, a Sidi Rebbi! i n-zzint wallen-iw, Ɣer ɣurek i dduriɣ: ur ttweddif ara tarwiḥt-iw! 9 Ḥader-iyi si tefxett i yi-ndin, aked tecrektin n wid ixeddmen lbaṭel! 10 Ad ttwaṭfen yemcumen di tcerktin-nsen, ma d nekk ad menɛeɣ!
142
D kečč kan i d taseddarit-iw. 1 Asefru n Dawed. Taẓallit. Asmi yella deg ifri. 2 S taɣect-iw tɛeggiḍeɣ ɣer Umeɣlal, s taɣect-iw ttḥellileɣ deg Umeɣlal. 3 Wwiɣ acetki-iw ɣer zdat-s, hkiɣ-as ccedda-w. 4 Mi ara yili yedrem rruḥ-iw zdaxel-iw, kečč tesneḍ abrid-iw, Deg webrid anda tedduɣ, ndin-iyi tifxett. 5 Muqel ɣer uyeffus twaliḍ: yiwen ur yi-ɛqil, ulac sani ara rewleɣ, yiwen ur ittḥebbir ɣef terwiḥt-iw. 6 Ay Ameɣlal! Ɣer ɣurek i n-ɛegḍeɣ. Nniɣ : d kečč i d taseddarit-iw, i d amur-iw di lqaɛa n wid yeddren. 7 Err-d ddehn-ik ɣer tiɣri-w! axaṭer aqli ulwaɣ. Sukkes-iyi seg wid i yi-ttqehhiren, axaṭer ǧehden ugar-iw. 8 Ssufeɣ-d tarwiḥt-iw si lḥebs, iwakken ad sfugleɣ i yisem-ik! Uɣdimen ad yi-d-zzin, ɣef demma n lxir ara yi-txedmeḍ.
143
Awi-yi deg iberdan-ik. 1 Ahellil n Dawed. Ay Ameɣlal, sel-d i tẓallit-iw, efk-d tameẓẓuɣt i wḥellel-iw! err-iyi-d awal ilmend n tekdit-ik d teɣdemt-ik. 2 Ur ttcaraɛ ara aqeddac-ik, axaer ulac amuddur yellan d aḥeqqi zdat-k. 3 Aɛdaw ittqehhir tarwiḥt-iw, imeḥḥeq tudert-iw di lqaɛa; issezdaɣ-iyi di tillas, am wid yemmuten si zik. 4 Rruḥ-iw yedrem zdaxel-iw, ul-iw yewwet-it uzaylal. 5 Ttmektayeɣ-d ussan n zik, ttmeyyizeɣ ɣef lecɣal-ik merra, ttxemmimeɣ ɣef ayen xedmen ifassen-ik. 6 Refdeɣ-n ifassen-iw ɣer ɣurek; tarwiḥt-iw zdat-k am lqaɛa yekkawen. 7 Ɣiwel jaweb-iyi-d, ay Ameɣlal! rruḥ-iw yefcel. Ur teffer ara udem-ik felli! mulac ad cbuɣ wid iteddun ɣer tesraft. 8 Akken ara yali wass, beggen-iyi-d rreḥma-k! axaṭer fellak i ttekleɣ. Mmel-iyi-d abrid ara ḍefreɣ! axaṭer ɣurek i n-tɛenna terwiḥt-iw. 9 Sukkes-iyi seg iɛdawen-iw, ay Ameɣlal! ɣurek i dduriɣ. 10 Selmed-iyi ad xedmeɣ lebɣi-k! axaṭer d kečč i d Illu-yiw. Rruḥ-ik yelhan ad yi-yawi deg wakal imsawan. 11 Ɣef demma n yisem-ik, Ay Ameɣlal, ssider-iyi! s teɣdemt-ik, sukkes-d tarwiḥt-iw si ccedda! 12 S rreḥma-
k, ad temḥuḍ iɛdawen-iw, ad tesngreḍ akk ixṣimen n terwiḥt-iw! Axaṭer d aqeddac-ik i lliɣ.
144
Taẓallit n ugellid. 1 Sɣur Dawed. Ad yettubarek Umeɣlal, aslaḍ-iw, i yettheggin ifassen-iw i umenɣi, iḍudan-iw i ṭrad. 2 Aḥnin-iw d leḥṣin-iw, taseddarit-iw d umeslelli-yiw, aɣer-iw uɣur ttdariɣ, Win i d-issanazen agdud-iw. 3 Ay Ameɣlal, d acut wemdan iwakken ad t-tissineḍ*? mmi-s n wemdan iwakken ad txememmeḍ fellas. 4 Amdan d nnefs kan, ussan-is am tili i ttɛeddin. 5 Ay Ameɣlal, sseknu-d igenwan terseḍ-d! nnal idurar dɣa ad duxnen. 6 Wwet-d s lebraq tessemfrezwaɛeḍ-ten! ceggeɛ-d tiḥerbunin-ik tesɛerqeḍ iberdan i trebbaɛ-nsen. 7 Ẓẓel-d ifassen-ik si leɛli; sukkes-iyi; kkes-iyi-d seg iḥemmalen n waman, seg ifassen n iberraniyen, 8 wid iheddren s tkerkas, yerna ayeffus-nsen d ayeffus n ẓẓur. 9 Ay Illu! Ad k-cnuɣ ccna d ajdid, Ad helleleɣ i lmend-ik s lɛud bu ɛecra n yenzizen. 10 Ittak-d leslak i yigelliden, issukus-d seg ujenwi n lmut Dawed, Aqeddac-is. 11 Sukkes-iyi tekseḍ-iyi-d seg ifassen n iberraniyen, wid iheddren s tkerkas, yerna ayeffus-nsen d ayeffus n ẓẓur. 12 Arraw-nneɣ am imguden igemmun di temẓi-nsen; yessit-nneɣ am tgejda n tɣemmar ineqcen di lebni n yiɣrem. 13 Ikufan-nneɣ ččuren, faḍen si yal ṣṣenf n lɣella; lmal-nneɣ amectuḥ yefti d igiman, s tɛecratin igiman deg almaten-nneɣ. 14 Izgaren-nneɣ ṭuqten, ulac iɣisi, ulac arhan, ulac leɛyaḍ deg ibraḥen-nneɣ! 15 Amarezg n wegdud i gesɛan akk ayagi, amarezg n wegdud i gesɛan Ameɣlal d Illu-yis!
