106
Leḥnana n Yillu. 1 Ḥemdet Ameɣlal! Sfuglet i Wmeɣlal, axaṭer yelha, axaṭer rreḥma-ines tettdum i lebda! 2 Anwa i gzemren a d-yehder ɣef lecɣal meqqren n Umeɣlal? anwa ara yberḥen s leḥmadi-yines. 3 D iseɛdiyen wid ittqadaren azref, i gteddun daymen s teɣdemt. 4 Ay Ameɣlal ! mmekti-yi-d di lemziyya-k ɣer wegdud-ik ! ger-d leɛnaya-k felli s leslak-ik. 5 Iwakken ad waliɣ rrezg n wufrinen-ik, ad ferɛeɣ s lferḥ n wegdud-ik, ad zuxxeɣ akked lwert-ik. ( nte. Neɣ: Ayen yellan d lwert-ik; neɣ: Agdud n Sidi Rebbi) 6 Nedneb am lejdud-nneɣ, nexdem ccer, neḍlem. 7 Lejdud-nneɣ di Maṣer ur fkin ara azal i leɛǧayeb-inek, ur d-mmektan ara lecɣal-ik yeččuren d rreḥma, yugten, ɛuṣṣan-k tama n yillel, tama n yillel Uɣanim. (nte. Neɣ: Illel azeggaɣ) 8 Lamena isellek-iten ɣef demma n yisem-is, iwakken ad d-ibeggen tazmart-is. 9 Iggul deg illel Uɣanim, dɣa yeqqur; isɛedda-ten di lqaɛ n yillel amakken deg uneẓruf. 10 Isellek-iten seg ufus n win i ten-ikerhen, icufeɛ-iten-id seg ufus n weɛdaw. 11 Aman ɣummen ixṣimen-nsen, ur d-yegri ula d yiwen. 12 Dɣa umnen s imeslayen-is, cnan leḥmadi-s. 13 Lameɛna ur ɛeṭṭlen ara ttun lecɣal-is, ur urǧin ara ad d-yeḍru leqsed-is. 14 Deg uneẓruf, ikcem-iten ṭṭmeɛ, jerben Illu deg qerqaḥ. 15 Ifka-yasen-d ayen i s-ssutren,
imiren iceggeɛ-asen-d aɛullet i terwiḥt-nsen. 16 Deg wasun usmen ɣef Musa, d Harun imqeddes n Umeɣlal. 17 Lqaɛa teldi tessebleɛ Datan*, tenṭel tarbaɛt n Abiram. 18 Times tečča tarbaɛt-nsen, ajajiḥ yender deg yemcumen. 19 Xedmen-d aɛejmi di Hurib*, seǧden zdat n wuzzal yefsin. 20 Beddlen tamanegt-nsen s ṣṣifa n wezger itetten leḥcic. 21 Ttun Illu, amsellek-nsen, i gxedmen lecɣal imeqranen di Maṣer, 22 Lmuɛǧizat di tmurt n Cam, akked leɛǧayeb tama n yillel Uɣanim. 23 Yeqsed ad ten-yessenger, lamer mačči d Musa, ufrin-is, i gbedden zdat-es iḥawet-it, iwakken ad issebɛed urrif-is ur t-yettaǧǧa ara ad ten-yessehger. 24 Ḥeqqren tmurt ittucehwan, ur uminen ara s wawal n Umeɣlal. 25 Sgermuden deg iqiḍunen-nsen, ur uɣen ara awal i ṣṣut n Umeɣlal. 26 Dɣa yerfed afus-is ɣur-sen, iwakken ad ten-yeɣḍel deg uneẓruf, 27 Iwakken ad yeɣḍel ccetla-nsen ger leǧnas, ad ten-izerweɛ di tmura. 28 Nutni ṭṭfen di Baɛl-Biɛur, ( nte. D arebbit i ɛebbden leǧnas nniḍen) rnan ččan iseflawen yettunefken ɣef lmegtin. 29 Sserfan Ameɣlal s lefɛayel-nsen, dɣa teɣli-d ger-asen ssixṭa. 30 Yekker-d Finihas* yefra taluft, dɣa teḥbes ssixta-nni. 31 Ayagi yettwaḥseb-as d taɣdemt, si lǧil ɣer lǧil i lebda. 32 Sserfan Ameɣlal ɣef waman n Miriba, llan d sebba n lmaḍarra i Musa. 33 Ssufɣen-t i leɛqel-is, armi i gecceḍ deg imeslayen-is, 34 Ur ssengren ara igduden-nni ɣef i sen-d-yehder Umeɣlal. 35 Xulḍen leǧnas nniḍen, lemden lefɛayel-nsen. 36 Ɛebbden isebdaden-nsen, i sen-yuɣalen d ticerkett. 37 Fkan arrac-nsen d yessi-tsen d asfel i leǧnun. 38 Ssazlen idammen yeṣfan, idammen n warrac-nsen d yessi-tsen i fkan d iseflawen i yissebdaden n Kenɛan, sneǧsen tamurt s tmegraḍ. 39 Sneǧsen iman-nsen s lefɛayel-nsen, zznan s wayen xeddmen . 40 Yendar wurrif n Umeɣlal ɣef wegdud-is, yuɣal yekreh lwert-is*. 41 Isellem-iten ger ifassen n leǧnas; ḥekmen fellasen wid i ten-ikerhen. 42 Qehren-ten yeɛdawen-nsen, ttwadullen seddaw ufus-nsen. 43 Acal n tikkal i ten-id-issukkes, lameɛna nutni ttkemmilen ttɛaṣin-t di lecɣal-nsen, zedren di ddnub-nsen. 44 Immuqel-d cedda deg i llan, mi d-yesla i tiɣri-nsen. 45 Immekta-d ɣef demma-nsen tamsisit-is; s rreḥma-yines meqqren iḥun fellasen. 46 Issaḥnen-d fellasen wid merra i ten-yeṭṭfen d imeḥbas. 47 Sellek-aɣ, Ay Ameɣlal, Illu-nneɣ ! sdukkel-aɣ-d si ger leǧnas, iwakken ad nesfuggel i yisem-ik iqedsen, yernu ad nzux deg weḥmad-ik! 48 Ad ittubarek Umeɣlal, Illu n Israil, i lebda i dayem, Agdud akk ad yini: Amin ! Ḥemdet Ameɣlal !
107
Ccna n wid i d-yefda. 1 Sfuglet i Umeɣlal, axaṭer yelha, axaṭer rreḥma-s tettdum i lebda ! 2 Ad t-id-inin wid i d-ifda Umeɣlal, wid i d-ifda seg ufus n weɛdaw, 3 I d-ijmeɛ si tmura merra, seg usamar d umalu, seg ugafa d lebḥer ! 4 Ttmenṭaren deg uneẓruf, deg ubrid yexlan, ur ufin tamdint ara zedɣen. 5 Nezfen si laẓ d fad, tarwiḥt-nsen terdem. 6 Di cedda-nsen, ɛegḍen ɣer Umeɣlal, dɣa yessukes-iten-id si lmeḥna-nsen. 7 Iwwi-ten deg webrid iṣewben, iwakken ad ruḥen ɣer temdint ara zedɣden. 8 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 9 Axaṭer yesserwa tarwiḥt ifuden, yesserwa s lxirat tarwiḥt illuẓen. 10 Wid izedɣen di ṭṭlam d tili n lmut, imeḥbas di lmeḥna d snasel, 11 Imi ɛuṣan awal n Yillu yernu ḥeqqren leqsed n Win-Ɛlayen, (nte. Win-Ɛlayen: Illu i d-yekkan nnig kullec) 12 Yessedrem ul-nsen s leɛtab, mderkalen, ula yiwen ur ten-iɛawen. 13 Di cedda-nsen, ɛegḍen ɣer Umeɣlal, dɣa isellek-iten-id si lmeḥna-nsen. 14 Issufeɣ-iten-id si ṭṭlam d tili n lmut, yernu yerẓa leqyud-nsen. 15 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 16 Axaṭer yerẓa tiwwura n nnḥas, yegzem izekrunen n wuzzal. 17 D ungifen s tikli-nsen tamednubt, sselin-d ddel ɣef yiman-nsen s yezgalen-nsen. 18 Ɣunfan kra yellan d lqut, wwḍen tiwwura n lmut. 19 Di cedda-nsen, ɛegḍen ɣer Umeɣlal, dɣa isellek-iten-id si lmeḥna-nsen. 20 Iceggeɛ-d awal-is isseḥla-ten, issukes-iten-id si tesraft. 21 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 22 Ad s-fken ihi iseflawen n leḥmadi, ad berḥen s lecɣal-is s tiẓẓifin n lferḥ ! 23 Wid ittinigen di lebḥer di lbaburat, i gettsewwiqen deg igarawen, 24 Wigi walan lecɣal n Umeɣlal aked leɛǧayeb-is di lqiɛan n lebḥur. 25
Inṭeq-d dɣa issker-d aḍu n tbuciḍant i d-issulin lemwaji. 26 Ttalin ɣer igenwan, ttṣubbun ɣer iderbuzen, tarwiḥt-nsen terdem si lehlak. 27 Ttemlellin, ttemderkalen am win isekren, yeffeɣ-iten leɛqel. 28 Di cedda-nsen, ɛegḍen ɣer Umeɣlal, dɣa yessufeɣ-iten-id si lmeḥna-nsen. 29 Yeḥbes tabuciḍant, yessusem-itt, dɣa rsent lemwaji. 30 Ferḥen imi tḥeddnen, dɣa yewwi-ten Umeɣlal ɣer usagen i bɣan. 31 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 32 Ad t-ssaɛlin di tejmaɛt n wegdud, a t-ḥemden deg useqqamu n yemɣaren! 33 Yettarra isaffen d aneẓruf, leɛwanṣer d akal yeqquren, 34 yettarra taɣzut d akal melliḥen, ɣef demma n ccer n imezdaɣ-is. 35 Yettarra aneẓruf d agelmim, akal yeqquren d leɛwanṣer n waman. 36 Yessezdaɣ dinna wid yelluẓen. Bnan tamdint i tnezduɣt; 37 Zerɛen tiferkiwin, teẓẓun tiferranin i d-yettaken lfakya s tuggett. 38 yettbarak-iten, ttfuktin, lmal-nsen ur ineqqes ara. 39 Uɣalen neqqṣen redmen, si leqher n twaɣit d lmeḥna. 40 Yesmaray-d ddel ɣef yeḥruren, yesmenṭar-iten di lexla ur nesɛi abrid. 41 Meɛna ireffed igellil si lmeḥna, isnernay tiwaculin am tqeḍɛiyin. 42 Wid iteddun s ṣṣwab ttwalin ayagi dɣa ferrḥen, ma d kra yellan d lbaṭel ad izemmem imi-s. 43 Win yellan d ukyis ad imeyyez ɣef wayagi, yernu ad yefhem lecɣal urḥimen n Umeɣlal.
108
Bɣiɣ ad d-ssakiɣ tafrara. 1 Ccna, ahellil n Dawed 2 Ul-iw yethedden ay illu, Ad cnuɣ ad cewqeɣ a tamanegt-iw! 3 Akit-d ay agambar-iw d lɛud-iw, ad d-ssakiɣ tafrara. 4 Ad k-ssfugleɣ ɣer yegduden, ay Ameɣlal ! Ad helleleɣ ɣef ddemma-k ger leǧnas. 5 Axaṭer rreḥma-k tekka-d nnig igenwan, tidett-ik tewweḍ asigna. 6 Iɛliy nnig igenwan, ay Illu ! Ad tili tmanegt-ik ɣef ddunit meṛṛa! 7 Iwakken ad ttuselken wid ɛzizen fell-ak, sellek s uyeffus-ik, jaweb-iyi-d. 8 Inṭeq-ed Yillu di leqdasa-yines : d nekk i d lɣaleb ! Ad bḍuɣ Sicem, ad ktileɣ azaɣar n Sukut. 9 Gelɛad inu, Manasi daɣen inu ; Ifṛayim ţ-ţacacit ɣef uqeṛṛuy-iw, ma d Yahuda d aɛekkaz-iw n leḥkum. 10 Muab d asarij anda ssirideɣ, Idum ad ḍeqreɣ fell-as arkas-iw. Ad nedheɣ s ttraḍ mgal Falisṭin. 11 Anwa ara yi-yawin ɣer temdint umi zzin leswaṛ, anwa ara yi-ssiwḍen ɣer Idum? 12 Eɛni mačči d keččini a Yillu i ɣ-iḍeggṛen ? kečč ay Illu ur ntteffeɣ ara akk-d tzemmal-nneɣ ? 13 Ger-ed leɛnaya-k di lweqt n cedda, axaṭer leslak i d-tekken seg umdan ur iţdum ara. 14 S leɛnaya n Yillu ad neɣleb, d netta ara imeḥqen ixṣimen-nneɣ.
Leḥnana n Yillu. 1 Ḥemdet Ameɣlal! Sfuglet i Wmeɣlal, axaṭer yelha, axaṭer rreḥma-ines tettdum i lebda! 2 Anwa i gzemren a d-yehder ɣef lecɣal meqqren n Umeɣlal? anwa ara yberḥen s leḥmadi-yines. 3 D iseɛdiyen wid ittqadaren azref, i gteddun daymen s teɣdemt. 4 Ay Ameɣlal ! mmekti-yi-d di lemziyya-k ɣer wegdud-ik ! ger-d leɛnaya-k felli s leslak-ik. 5 Iwakken ad waliɣ rrezg n wufrinen-ik, ad ferɛeɣ s lferḥ n wegdud-ik, ad zuxxeɣ akked lwert-ik. ( nte. Neɣ: Ayen yellan d lwert-ik; neɣ: Agdud n Sidi Rebbi) 6 Nedneb am lejdud-nneɣ, nexdem ccer, neḍlem. 7 Lejdud-nneɣ di Maṣer ur fkin ara azal i leɛǧayeb-inek, ur d-mmektan ara lecɣal-ik yeččuren d rreḥma, yugten, ɛuṣṣan-k tama n yillel, tama n yillel Uɣanim. (nte. Neɣ: Illel azeggaɣ) 8 Lamena isellek-iten ɣef demma n yisem-is, iwakken ad d-ibeggen tazmart-is. 9 Iggul deg illel Uɣanim, dɣa yeqqur; isɛedda-ten di lqaɛ n yillel amakken deg uneẓruf. 10 Isellek-iten seg ufus n win i ten-ikerhen, icufeɛ-iten-id seg ufus n weɛdaw. 11 Aman ɣummen ixṣimen-nsen, ur d-yegri ula d yiwen. 12 Dɣa umnen s imeslayen-is, cnan leḥmadi-s. 13 Lameɛna ur ɛeṭṭlen ara ttun lecɣal-is, ur urǧin ara ad d-yeḍru leqsed-is. 14 Deg uneẓruf, ikcem-iten ṭṭmeɛ, jerben Illu deg qerqaḥ. 15 Ifka-yasen-d ayen i s-ssutren,
imiren iceggeɛ-asen-d aɛullet i terwiḥt-nsen. 16 Deg wasun usmen ɣef Musa, d Harun imqeddes n Umeɣlal. 17 Lqaɛa teldi tessebleɛ Datan*, tenṭel tarbaɛt n Abiram. 18 Times tečča tarbaɛt-nsen, ajajiḥ yender deg yemcumen. 19 Xedmen-d aɛejmi di Hurib*, seǧden zdat n wuzzal yefsin. 20 Beddlen tamanegt-nsen s ṣṣifa n wezger itetten leḥcic. 21 Ttun Illu, amsellek-nsen, i gxedmen lecɣal imeqranen di Maṣer, 22 Lmuɛǧizat di tmurt n Cam, akked leɛǧayeb tama n yillel Uɣanim. 23 Yeqsed ad ten-yessenger, lamer mačči d Musa, ufrin-is, i gbedden zdat-es iḥawet-it, iwakken ad issebɛed urrif-is ur t-yettaǧǧa ara ad ten-yessehger. 24 Ḥeqqren tmurt ittucehwan, ur uminen ara s wawal n Umeɣlal. 25 Sgermuden deg iqiḍunen-nsen, ur uɣen ara awal i ṣṣut n Umeɣlal. 26 Dɣa yerfed afus-is ɣur-sen, iwakken ad ten-yeɣḍel deg uneẓruf, 27 Iwakken ad yeɣḍel ccetla-nsen ger leǧnas, ad ten-izerweɛ di tmura. 28 Nutni ṭṭfen di Baɛl-Biɛur, ( nte. D arebbit i ɛebbden leǧnas nniḍen) rnan ččan iseflawen yettunefken ɣef lmegtin. 29 Sserfan Ameɣlal s lefɛayel-nsen, dɣa teɣli-d ger-asen ssixṭa. 30 Yekker-d Finihas* yefra taluft, dɣa teḥbes ssixta-nni. 31 Ayagi yettwaḥseb-as d taɣdemt, si lǧil ɣer lǧil i lebda. 32 Sserfan Ameɣlal ɣef waman n Miriba, llan d sebba n lmaḍarra i Musa. 33 Ssufɣen-t i leɛqel-is, armi i gecceḍ deg imeslayen-is, 34 Ur ssengren ara igduden-nni ɣef i sen-d-yehder Umeɣlal. 35 Xulḍen leǧnas nniḍen, lemden lefɛayel-nsen. 36 Ɛebbden isebdaden-nsen, i sen-yuɣalen d ticerkett. 37 Fkan arrac-nsen d yessi-tsen d asfel i leǧnun. 38 Ssazlen idammen yeṣfan, idammen n warrac-nsen d yessi-tsen i fkan d iseflawen i yissebdaden n Kenɛan, sneǧsen tamurt s tmegraḍ. 39 Sneǧsen iman-nsen s lefɛayel-nsen, zznan s wayen xeddmen . 40 Yendar wurrif n Umeɣlal ɣef wegdud-is, yuɣal yekreh lwert-is*. 41 Isellem-iten ger ifassen n leǧnas; ḥekmen fellasen wid i ten-ikerhen. 42 Qehren-ten yeɛdawen-nsen, ttwadullen seddaw ufus-nsen. 43 Acal n tikkal i ten-id-issukkes, lameɛna nutni ttkemmilen ttɛaṣin-t di lecɣal-nsen, zedren di ddnub-nsen. 44 Immuqel-d cedda deg i llan, mi d-yesla i tiɣri-nsen. 45 Immekta-d ɣef demma-nsen tamsisit-is; s rreḥma-yines meqqren iḥun fellasen. 46 Issaḥnen-d fellasen wid merra i ten-yeṭṭfen d imeḥbas. 47 Sellek-aɣ, Ay Ameɣlal, Illu-nneɣ ! sdukkel-aɣ-d si ger leǧnas, iwakken ad nesfuggel i yisem-ik iqedsen, yernu ad nzux deg weḥmad-ik! 48 Ad ittubarek Umeɣlal, Illu n Israil, i lebda i dayem, Agdud akk ad yini: Amin ! Ḥemdet Ameɣlal !
107
Ccna n wid i d-yefda. 1 Sfuglet i Umeɣlal, axaṭer yelha, axaṭer rreḥma-s tettdum i lebda ! 2 Ad t-id-inin wid i d-ifda Umeɣlal, wid i d-ifda seg ufus n weɛdaw, 3 I d-ijmeɛ si tmura merra, seg usamar d umalu, seg ugafa d lebḥer ! 4 Ttmenṭaren deg uneẓruf, deg ubrid yexlan, ur ufin tamdint ara zedɣen. 5 Nezfen si laẓ d fad, tarwiḥt-nsen terdem. 6 Di cedda-nsen, ɛegḍen ɣer Umeɣlal, dɣa yessukes-iten-id si lmeḥna-nsen. 7 Iwwi-ten deg webrid iṣewben, iwakken ad ruḥen ɣer temdint ara zedɣden. 8 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 9 Axaṭer yesserwa tarwiḥt ifuden, yesserwa s lxirat tarwiḥt illuẓen. 10 Wid izedɣen di ṭṭlam d tili n lmut, imeḥbas di lmeḥna d snasel, 11 Imi ɛuṣan awal n Yillu yernu ḥeqqren leqsed n Win-Ɛlayen, (nte. Win-Ɛlayen: Illu i d-yekkan nnig kullec) 12 Yessedrem ul-nsen s leɛtab, mderkalen, ula yiwen ur ten-iɛawen. 13 Di cedda-nsen, ɛegḍen ɣer Umeɣlal, dɣa isellek-iten-id si lmeḥna-nsen. 14 Issufeɣ-iten-id si ṭṭlam d tili n lmut, yernu yerẓa leqyud-nsen. 15 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 16 Axaṭer yerẓa tiwwura n nnḥas, yegzem izekrunen n wuzzal. 17 D ungifen s tikli-nsen tamednubt, sselin-d ddel ɣef yiman-nsen s yezgalen-nsen. 18 Ɣunfan kra yellan d lqut, wwḍen tiwwura n lmut. 19 Di cedda-nsen, ɛegḍen ɣer Umeɣlal, dɣa isellek-iten-id si lmeḥna-nsen. 20 Iceggeɛ-d awal-is isseḥla-ten, issukes-iten-id si tesraft. 21 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 22 Ad s-fken ihi iseflawen n leḥmadi, ad berḥen s lecɣal-is s tiẓẓifin n lferḥ ! 23 Wid ittinigen di lebḥer di lbaburat, i gettsewwiqen deg igarawen, 24 Wigi walan lecɣal n Umeɣlal aked leɛǧayeb-is di lqiɛan n lebḥur. 25
Inṭeq-d dɣa issker-d aḍu n tbuciḍant i d-issulin lemwaji. 26 Ttalin ɣer igenwan, ttṣubbun ɣer iderbuzen, tarwiḥt-nsen terdem si lehlak. 27 Ttemlellin, ttemderkalen am win isekren, yeffeɣ-iten leɛqel. 28 Di cedda-nsen, ɛegḍen ɣer Umeɣlal, dɣa yessufeɣ-iten-id si lmeḥna-nsen. 29 Yeḥbes tabuciḍant, yessusem-itt, dɣa rsent lemwaji. 30 Ferḥen imi tḥeddnen, dɣa yewwi-ten Umeɣlal ɣer usagen i bɣan. 31 Ad sfuglen ihi i Umeɣlal ɣef rreḥma-s, d leɛǧayeb i gexdem i lmend n yemdanen ! 32 Ad t-ssaɛlin di tejmaɛt n wegdud, a t-ḥemden deg useqqamu n yemɣaren! 33 Yettarra isaffen d aneẓruf, leɛwanṣer d akal yeqquren, 34 yettarra taɣzut d akal melliḥen, ɣef demma n ccer n imezdaɣ-is. 35 Yettarra aneẓruf d agelmim, akal yeqquren d leɛwanṣer n waman. 36 Yessezdaɣ dinna wid yelluẓen. Bnan tamdint i tnezduɣt; 37 Zerɛen tiferkiwin, teẓẓun tiferranin i d-yettaken lfakya s tuggett. 38 yettbarak-iten, ttfuktin, lmal-nsen ur ineqqes ara. 39 Uɣalen neqqṣen redmen, si leqher n twaɣit d lmeḥna. 40 Yesmaray-d ddel ɣef yeḥruren, yesmenṭar-iten di lexla ur nesɛi abrid. 41 Meɛna ireffed igellil si lmeḥna, isnernay tiwaculin am tqeḍɛiyin. 42 Wid iteddun s ṣṣwab ttwalin ayagi dɣa ferrḥen, ma d kra yellan d lbaṭel ad izemmem imi-s. 43 Win yellan d ukyis ad imeyyez ɣef wayagi, yernu ad yefhem lecɣal urḥimen n Umeɣlal.
108
Bɣiɣ ad d-ssakiɣ tafrara. 1 Ccna, ahellil n Dawed 2 Ul-iw yethedden ay illu, Ad cnuɣ ad cewqeɣ a tamanegt-iw! 3 Akit-d ay agambar-iw d lɛud-iw, ad d-ssakiɣ tafrara. 4 Ad k-ssfugleɣ ɣer yegduden, ay Ameɣlal ! Ad helleleɣ ɣef ddemma-k ger leǧnas. 5 Axaṭer rreḥma-k tekka-d nnig igenwan, tidett-ik tewweḍ asigna. 6 Iɛliy nnig igenwan, ay Illu ! Ad tili tmanegt-ik ɣef ddunit meṛṛa! 7 Iwakken ad ttuselken wid ɛzizen fell-ak, sellek s uyeffus-ik, jaweb-iyi-d. 8 Inṭeq-ed Yillu di leqdasa-yines : d nekk i d lɣaleb ! Ad bḍuɣ Sicem, ad ktileɣ azaɣar n Sukut. 9 Gelɛad inu, Manasi daɣen inu ; Ifṛayim ţ-ţacacit ɣef uqeṛṛuy-iw, ma d Yahuda d aɛekkaz-iw n leḥkum. 10 Muab d asarij anda ssirideɣ, Idum ad ḍeqreɣ fell-as arkas-iw. Ad nedheɣ s ttraḍ mgal Falisṭin. 11 Anwa ara yi-yawin ɣer temdint umi zzin leswaṛ, anwa ara yi-ssiwḍen ɣer Idum? 12 Eɛni mačči d keččini a Yillu i ɣ-iḍeggṛen ? kečč ay Illu ur ntteffeɣ ara akk-d tzemmal-nneɣ ? 13 Ger-ed leɛnaya-k di lweqt n cedda, axaṭer leslak i d-tekken seg umdan ur iţdum ara. 14 S leɛnaya n Yillu ad neɣleb, d netta ara imeḥqen ixṣimen-nneɣ.
