103
Barket Ameɣlal ! 1 Sɣur Dawed. A tarwiḥt-iw, barek Ameɣlal! Ayen akk yellan deg-i ad ibarek isem-is iqedsen. 2 A tarwiḥt-iw, barek Ameɣlal! ur tettu ula d yiwen si lecɣal-is yelhan. 3 Axaṭer d netta i gɛeffun merra izgalen-im, i yesseḥlayen akk lehlakat-im, 4 i d-yessukusen tudert-m seg uẓekka, i m-d-innḍen s rreḥma d leḥnana . 5 i gessarwan tewser-inem s lxirat, i m-d-ittarran temẓi am lbaz. 6 Ameɣlal iferru s teɣdemt, ittbeggin-d lḥeq n wid akk yettwaḍelmen. 7 Isken-d iberdan-is i Musa, lecɣal-is meqqren i warraw n Israil. 8 Ameɣlal d aḥnin iɛeffu, ẓẓay i reffu yerna yeččur d rreḥma. 9 Ur ittezzem ara dayem, ur ittaṭṭaf ara di zzeɛf-is i lebda. 10 Ur ɣ-ittḥasab ara ɣef leḥsab n ddnubat-nneɣ, ur ɣ-d-ittarra ara ɣef leḥsab n yezgalen-nneɣ. 11 Akken ɛlayit igenwan nnig lqaɛa, i teqwa rreḥma-ines ɣef wid i t-ittagaden; 12 Akken yebɛed usammar ɣef umalu, i gessebɛad fell-aɣ aɛaṣi-nneɣ. 13 Akken i ttiḥnin ubabat ɣef warraw-is, i gettiḥnin Umeɣlal ɣef wid i t-yettagaden. 14 Yeẓra s wacu i nettwaxleq, ur yttu ara d aɣebbar i nella. 15 Amdan! ussan-is am leḥcic, yeǧǧuǧug am ujeǧǧig n lexla. 16 M'ara d iṣuḍ fell-as wauḍ ur d-yettɣimi ara, ad yeɛreq i wemkan-nni i deg yella. 17 Lameɛna rreḥma n Umeɣlal tettdum si dayem ɣer dayem ɣef wid i t-ittagaden, taɣdemt-is daɣen ɣef ddarya n ddarya-nsen. 18 Ɣef wid iḥerzen tamsisit-is, ur ttun ara lumurat-is iwakken a ten-xedmen. 19 Ameɣlal yessers akersi n tgeldit-is deg igenwan, tigeldit-is tekka-d nnig n kullec. 20 Barket Ameɣlal, kenwi a lmalayek-is, kenwi yesɛan tazmert d lǧehd i gxeddmen ayen d yenna wawal-is, s ṭṭaɛa i ṣṣut n wawal-is! 21 Berkemt Ameɣlal, kennemti akk a tizemmal-is, iqedcen fell-as ixeddmen lebɣi-s! 22 Barket Ameɣlal, kenwi a lecɣal-is merra, deg imukan akk anda yeḥkem, a tarwiḥt-iw, barek Ameɣlal!
104
Lḥemd i Bab n txelqit. 1 A tarwiḥt-iw, barek Ameɣlal! Ay Ameɣlal, ay Illu-iw, acḥal meqqreḍ! telṣiḍ afeǧǧeǧ d tmanegt! 2 Yesbur tafat am ubidi, yeḍleq igenwan am wahin. 3 Yesbeddeḍ lebruǧ-ik ɛlayen nnig waman n igenwan, yerra asigna d akarrus-is, iteddu ɣef wafriwen n waḍu, 4 Yerra aḍu d amceggeɛ-is, iḥeǧǧuǧa n tmes d iqeddacen-is. 5 Yessers lqaɛa ɣef lsas-is, tressa i dayem. 6 Tɣummeḍ-tt s igarawen am llebsa, aman kkan-d nnig n idurar. 7 Zdat n usigged-ik rewlen, si ṣṣut n rrɛud-ik uzzlen. 8 Ttalin ɣer idurar ttadren ɣer iẓuɣar alama d amkan i sen-theggaḍ. 9 Terri-asen tilisa ur zeggren ara, iwakken ur d-ttuɣalen ara ad ɣummen lqaɛa. 10 Yessufuɣ leɛwanṣer ɣer icercuren, ttazzalen ger idurar. 11 Sswayen iɣersiwen n ṭezgi, iɣyal n lexla tekksen yessen fad. 12 Ifrax n igenni tɛeccicen tama-nsen, čewčiwen ger iferrawen n tjur. 13 Seg imukan-ik ɛlayen teswayeḍ-d idurar, lqaɛa terwa si lfakya n lecɣal-ik. 14 Tessemɣayeḍ-d leḥcic i lmal, d yemɣan i lmeḥwiǧat n wemdan iwakken a d-yekkes aɣrum-is si lqaɛa. 15 Aman n tẓurin yessefraḥen ul n wemdan, yesfeǧǧiǧen udem-is kter n zzit, d weɣrum yettaken ifadden i wul-is. 16 Tjur Umeɣlal rwant, tineglin n Lubnan i geẓẓa. 17 Dinna i ttɛeccicen yefrax, ibellireǧ izdeɣ deg ṣerwel. 18 Idurar ɛlayen d amkan n iqelwacen n lexla, islaḍen d taseddarit n tedɣaɣatin. 19 Ixleq-d aggur i uɛellem n lewqat, iṭij yezra melmi ara yeɣli. 20 Tsseɣlayeḍ-d ṭlam, yettaweḍ-d yiḍ: Imiren akk i d-ttefɣen iɣerṣiwen n teẓgi. 21 Izmawen reɛden ɣef lefrisa-nsen, iwakken ad ssutren i Yillu lqut-nsen. 22 Mara d-yenqar yiṭij ad uɣalen, ad ẓlen deg ifran-nsen. 23 Amdan ad yeffeɣ ɣer ccɣel-is, ɣer lxedma-as alama d tameddit. 24 Acḥal ketren lecɣal-ik ay Ameɣlal ! txedmeḍ-ten akk s lekyasa. ddunit teččur d ayen i d-txelqeḍ. 25 Atah yillel ameqqran yewsan: Teddun deg-s iɣersiwen mebla leḥsab, ameqqran d umectuḥ. 26 Deg-s teddun Lbaburat, d ulibyatan ( Walit Ahellil 74:14 et nte) i d-xelqeḍ ad yurar deg-s. 27 Iɣersiwen agi merra deg-k issaramen, iwakken ad sen-tefkeḍ lqut-nsen di lweqt-is. 28 Tettakeḍ-asen-t tetfen-t; tleddiḍ afus-ik, reggun lxir-ik. 29 Ma tefreḍ udem-ik, ad ten-tekcem tugdi, ma tekseḍ-asen nnefs ad ssufɣen tarwiḥt, ad uɣalen s akal. 30 Ad cegɛeḍ rruḥ-ik, ad d-ttwaxelqen, ad terreḍ udem n lqaɛa d ajdid. 31 Ad tdum tmanegt n Umeɣlal i lebda! Ad yefreḥ Umeɣlal s lecɣal-is! 32 Ad imuqel lqaɛa, ad tergagi; ad innal idurar, ad duxnen. 33 Ad cnuɣ ɣef Umeɣlal ayen akk ara idireɣ, ad helleleɣ i Yillu-yiw tudert-iw merra. 34 Ssarmeɣ ad as-yeɛǧeb wayen i sessutreɣ! Nek bɣiɣ ad ferḥeɣ deg Umeɣlal. 35 Ad negren imednuben si lqaɛa, awer d-qqimen yemcumen! A tarwiḥt-iw, barek Ameɣlal! Ḥemdet Ameɣlal!
105
Illu d amekdi. 1 Sfuglet i Umeɣlal, nedhet s yisem-is ! berrḥet s lecɣal-is meqqren ger yegduden ! 2 Cnut-as ! hellelet ɣef demma-s, meyzet ɣef leɛǧayeb-is merra ! 3 Zuxxet s yisem-is imqeddes ! ad yefreḥ wul n wid yettnadin ɣef Umeɣlal ! 4 Nadit ɣef Umeɣlal d tezmert-is, ttqellibet kul ass ɣef wudem-is. 5 Mektit-ed leɛǧayeb i yexdem, lmuɛǧizat-is d izarafen n yimi-s. 6 A dderya n Ibrahim, aqeddac-is ; ay arraw n Yeɛqub, ufrinen-is ! 7 D netta i d Ameɣlal, Illu-nneɣ, izarafen-is ɣef ddunit merra. 8 Ad icfu ɣef temsisit-is i dayem, d wawal-is i walef n tsuta. 9 Tamsisit-nni i yewqem aked Ibrahim, d lɛahed i gefka i Isḥaq. 10 Ifka-tt-id d asaḍuf i Yeɛqub, d tamsisit ur nfennu i wat Israil. 11 Yenna :" a k-fkeɣ tamurt n Kenɛan, d
lwert ara tkesbem. " 12 Imir-nni llan di drus yid-sen, ur qwin ara, zedɣen dinna. 13 Leḥḥun si lǧens ɣer wayeḍ, si tgelda ɣer tayeḍ. 14 Ur yeǧǧi yiwen ad ten-iqher, ɣef demma-nsen igull deg igelliden : 15 Ur ttnalet ara wid dehneɣ, ur xeddmet ara ccer i lenbiya-w ! 16 Isseɣli-d laẓ ɣef tmurt, ikkes-asen aɣrum. 17 Iceggeɛ zdat-sen yiwen n wergaz : Yusef inza d akli. 18 Cadden-as iḍarren s ssnasel, urzen-t s wuzzal, 19 armi d asmi i d-yeḍra wayen i d-yenna, yernu ibeggen-d wawal n Umeɣlal lḥeqq-is. 20 Ifka ugellid lamer ad s-d-serrḥen, yefsi-yas lqid sselṭan n yegduden. 21 Yerra-t d ssid ɣef wexxam-is, d amdebber ɣef wayen akk yesɛa. 22 Iwakken ad d-yerr ineɣlafen-is ddaw n rray-is, ad yesselmed tamusni i yemḍebbren-is. 23 Dɣa usan-d wat Israil ɣer Maṣer, Yeɛqub yezdeɣ tamurt n Cam. 24 Sidi Rebbi yessefti agdud-is, yesseǧhed-it kter n yeɛdawen-is. 25 Ibeddel ul n imaṣriyen uɣalen kerhen agdud-is, leḥḥun i yiqeddacen-is s lexdeɛ. 26 Iceggeɛ-d aqeddac-is Musa, aked Harun i gextar. 27 S tezmert-is xedmen licarat di tlemmast-nsen, aked leɛǧayeb di tmurt n Cam. 28 Iceggeɛ-d tillas dɣa yeɣli-d ṭṭlam yernu ur rẓin ara awal-is. 29 Yerra aman-nsen d idammen, mmuten iselman-nsen. 30 Teččur tmurt-nsen s imqerqren, wwḍen armi d axxam n ugellid-nsen. 31 Yefka-d lamer dɣa ters-d taggent aked tizitt ɣef tmurt merra. 32 Deg wemkan n ugeffur ifka-yasen-d igedrez, iḥeǧǧuǧa n tmes di tmurt merra. 33 Yewwet tiferranin-nsen d tneqlin-nsen, yerẓa ttjur n tmurt-nsen. 34 Yumer-d, dɣa yers-d wejrad d yemqercen mebla leḥsab, 35 Sbelɛen akk leḥcic n tmurt-nsen rnan lfakya n wakal-nsen. 36 Yewwet s lmut akk imenza n twaculin n tmurt-nsen, tiṣenṭiyin n tezmert-nsen. 37 Yessufeɣ-d agdud-is s wuraɣ d lfeṭṭa, ula d yiwen ur yemḍerkal deg iderman-is. 38 Maṣer tefreḥ s tuffɣa-nsen, axaṭer rrehba-nsen teɣli-d fell-as. 39 Iḍleq agu iwakken ad ten-isdari, aked ttmes akken ad ifeǧǧeǧ yiḍ. 40 Mi s-ssutren ifka-yasen-d tijerriwin, isserwa-ten s weɣrum n igenni. 41 Iceqqeq aẓru feggḍen-d waman, ttazzalen am wasif deg uqerqaḥ, 42 axaṭer ur yettu ara awal-is iqedsen d Ibrahim, aqeddac-is. 43 Yessufeɣ-d agdud-is di lfeṛḥ, ufrinen-is s tiẓẓifin n lferḥ. 44 Ifka-yasen timura n leǧnas, ɣellten axeddim n yegduden, 45 Iwakken ad ddun s lumurat-is, ad ḥerzen ṭawrat-is. Ḥemdet Ameɣlal!
Barket Ameɣlal ! 1 Sɣur Dawed. A tarwiḥt-iw, barek Ameɣlal! Ayen akk yellan deg-i ad ibarek isem-is iqedsen. 2 A tarwiḥt-iw, barek Ameɣlal! ur tettu ula d yiwen si lecɣal-is yelhan. 3 Axaṭer d netta i gɛeffun merra izgalen-im, i yesseḥlayen akk lehlakat-im, 4 i d-yessukusen tudert-m seg uẓekka, i m-d-innḍen s rreḥma d leḥnana . 5 i gessarwan tewser-inem s lxirat, i m-d-ittarran temẓi am lbaz. 6 Ameɣlal iferru s teɣdemt, ittbeggin-d lḥeq n wid akk yettwaḍelmen. 7 Isken-d iberdan-is i Musa, lecɣal-is meqqren i warraw n Israil. 8 Ameɣlal d aḥnin iɛeffu, ẓẓay i reffu yerna yeččur d rreḥma. 9 Ur ittezzem ara dayem, ur ittaṭṭaf ara di zzeɛf-is i lebda. 10 Ur ɣ-ittḥasab ara ɣef leḥsab n ddnubat-nneɣ, ur ɣ-d-ittarra ara ɣef leḥsab n yezgalen-nneɣ. 11 Akken ɛlayit igenwan nnig lqaɛa, i teqwa rreḥma-ines ɣef wid i t-ittagaden; 12 Akken yebɛed usammar ɣef umalu, i gessebɛad fell-aɣ aɛaṣi-nneɣ. 13 Akken i ttiḥnin ubabat ɣef warraw-is, i gettiḥnin Umeɣlal ɣef wid i t-yettagaden. 14 Yeẓra s wacu i nettwaxleq, ur yttu ara d aɣebbar i nella. 15 Amdan! ussan-is am leḥcic, yeǧǧuǧug am ujeǧǧig n lexla. 16 M'ara d iṣuḍ fell-as wauḍ ur d-yettɣimi ara, ad yeɛreq i wemkan-nni i deg yella. 17 Lameɛna rreḥma n Umeɣlal tettdum si dayem ɣer dayem ɣef wid i t-ittagaden, taɣdemt-is daɣen ɣef ddarya n ddarya-nsen. 18 Ɣef wid iḥerzen tamsisit-is, ur ttun ara lumurat-is iwakken a ten-xedmen. 19 Ameɣlal yessers akersi n tgeldit-is deg igenwan, tigeldit-is tekka-d nnig n kullec. 20 Barket Ameɣlal, kenwi a lmalayek-is, kenwi yesɛan tazmert d lǧehd i gxeddmen ayen d yenna wawal-is, s ṭṭaɛa i ṣṣut n wawal-is! 21 Berkemt Ameɣlal, kennemti akk a tizemmal-is, iqedcen fell-as ixeddmen lebɣi-s! 22 Barket Ameɣlal, kenwi a lecɣal-is merra, deg imukan akk anda yeḥkem, a tarwiḥt-iw, barek Ameɣlal!
104
Lḥemd i Bab n txelqit. 1 A tarwiḥt-iw, barek Ameɣlal! Ay Ameɣlal, ay Illu-iw, acḥal meqqreḍ! telṣiḍ afeǧǧeǧ d tmanegt! 2 Yesbur tafat am ubidi, yeḍleq igenwan am wahin. 3 Yesbeddeḍ lebruǧ-ik ɛlayen nnig waman n igenwan, yerra asigna d akarrus-is, iteddu ɣef wafriwen n waḍu, 4 Yerra aḍu d amceggeɛ-is, iḥeǧǧuǧa n tmes d iqeddacen-is. 5 Yessers lqaɛa ɣef lsas-is, tressa i dayem. 6 Tɣummeḍ-tt s igarawen am llebsa, aman kkan-d nnig n idurar. 7 Zdat n usigged-ik rewlen, si ṣṣut n rrɛud-ik uzzlen. 8 Ttalin ɣer idurar ttadren ɣer iẓuɣar alama d amkan i sen-theggaḍ. 9 Terri-asen tilisa ur zeggren ara, iwakken ur d-ttuɣalen ara ad ɣummen lqaɛa. 10 Yessufuɣ leɛwanṣer ɣer icercuren, ttazzalen ger idurar. 11 Sswayen iɣersiwen n ṭezgi, iɣyal n lexla tekksen yessen fad. 12 Ifrax n igenni tɛeccicen tama-nsen, čewčiwen ger iferrawen n tjur. 13 Seg imukan-ik ɛlayen teswayeḍ-d idurar, lqaɛa terwa si lfakya n lecɣal-ik. 14 Tessemɣayeḍ-d leḥcic i lmal, d yemɣan i lmeḥwiǧat n wemdan iwakken a d-yekkes aɣrum-is si lqaɛa. 15 Aman n tẓurin yessefraḥen ul n wemdan, yesfeǧǧiǧen udem-is kter n zzit, d weɣrum yettaken ifadden i wul-is. 16 Tjur Umeɣlal rwant, tineglin n Lubnan i geẓẓa. 17 Dinna i ttɛeccicen yefrax, ibellireǧ izdeɣ deg ṣerwel. 18 Idurar ɛlayen d amkan n iqelwacen n lexla, islaḍen d taseddarit n tedɣaɣatin. 19 Ixleq-d aggur i uɛellem n lewqat, iṭij yezra melmi ara yeɣli. 20 Tsseɣlayeḍ-d ṭlam, yettaweḍ-d yiḍ: Imiren akk i d-ttefɣen iɣerṣiwen n teẓgi. 21 Izmawen reɛden ɣef lefrisa-nsen, iwakken ad ssutren i Yillu lqut-nsen. 22 Mara d-yenqar yiṭij ad uɣalen, ad ẓlen deg ifran-nsen. 23 Amdan ad yeffeɣ ɣer ccɣel-is, ɣer lxedma-as alama d tameddit. 24 Acḥal ketren lecɣal-ik ay Ameɣlal ! txedmeḍ-ten akk s lekyasa. ddunit teččur d ayen i d-txelqeḍ. 25 Atah yillel ameqqran yewsan: Teddun deg-s iɣersiwen mebla leḥsab, ameqqran d umectuḥ. 26 Deg-s teddun Lbaburat, d ulibyatan ( Walit Ahellil 74:14 et nte) i d-xelqeḍ ad yurar deg-s. 27 Iɣersiwen agi merra deg-k issaramen, iwakken ad sen-tefkeḍ lqut-nsen di lweqt-is. 28 Tettakeḍ-asen-t tetfen-t; tleddiḍ afus-ik, reggun lxir-ik. 29 Ma tefreḍ udem-ik, ad ten-tekcem tugdi, ma tekseḍ-asen nnefs ad ssufɣen tarwiḥt, ad uɣalen s akal. 30 Ad cegɛeḍ rruḥ-ik, ad d-ttwaxelqen, ad terreḍ udem n lqaɛa d ajdid. 31 Ad tdum tmanegt n Umeɣlal i lebda! Ad yefreḥ Umeɣlal s lecɣal-is! 32 Ad imuqel lqaɛa, ad tergagi; ad innal idurar, ad duxnen. 33 Ad cnuɣ ɣef Umeɣlal ayen akk ara idireɣ, ad helleleɣ i Yillu-yiw tudert-iw merra. 34 Ssarmeɣ ad as-yeɛǧeb wayen i sessutreɣ! Nek bɣiɣ ad ferḥeɣ deg Umeɣlal. 35 Ad negren imednuben si lqaɛa, awer d-qqimen yemcumen! A tarwiḥt-iw, barek Ameɣlal! Ḥemdet Ameɣlal!
105
Illu d amekdi. 1 Sfuglet i Umeɣlal, nedhet s yisem-is ! berrḥet s lecɣal-is meqqren ger yegduden ! 2 Cnut-as ! hellelet ɣef demma-s, meyzet ɣef leɛǧayeb-is merra ! 3 Zuxxet s yisem-is imqeddes ! ad yefreḥ wul n wid yettnadin ɣef Umeɣlal ! 4 Nadit ɣef Umeɣlal d tezmert-is, ttqellibet kul ass ɣef wudem-is. 5 Mektit-ed leɛǧayeb i yexdem, lmuɛǧizat-is d izarafen n yimi-s. 6 A dderya n Ibrahim, aqeddac-is ; ay arraw n Yeɛqub, ufrinen-is ! 7 D netta i d Ameɣlal, Illu-nneɣ, izarafen-is ɣef ddunit merra. 8 Ad icfu ɣef temsisit-is i dayem, d wawal-is i walef n tsuta. 9 Tamsisit-nni i yewqem aked Ibrahim, d lɛahed i gefka i Isḥaq. 10 Ifka-tt-id d asaḍuf i Yeɛqub, d tamsisit ur nfennu i wat Israil. 11 Yenna :" a k-fkeɣ tamurt n Kenɛan, d
lwert ara tkesbem. " 12 Imir-nni llan di drus yid-sen, ur qwin ara, zedɣen dinna. 13 Leḥḥun si lǧens ɣer wayeḍ, si tgelda ɣer tayeḍ. 14 Ur yeǧǧi yiwen ad ten-iqher, ɣef demma-nsen igull deg igelliden : 15 Ur ttnalet ara wid dehneɣ, ur xeddmet ara ccer i lenbiya-w ! 16 Isseɣli-d laẓ ɣef tmurt, ikkes-asen aɣrum. 17 Iceggeɛ zdat-sen yiwen n wergaz : Yusef inza d akli. 18 Cadden-as iḍarren s ssnasel, urzen-t s wuzzal, 19 armi d asmi i d-yeḍra wayen i d-yenna, yernu ibeggen-d wawal n Umeɣlal lḥeqq-is. 20 Ifka ugellid lamer ad s-d-serrḥen, yefsi-yas lqid sselṭan n yegduden. 21 Yerra-t d ssid ɣef wexxam-is, d amdebber ɣef wayen akk yesɛa. 22 Iwakken ad d-yerr ineɣlafen-is ddaw n rray-is, ad yesselmed tamusni i yemḍebbren-is. 23 Dɣa usan-d wat Israil ɣer Maṣer, Yeɛqub yezdeɣ tamurt n Cam. 24 Sidi Rebbi yessefti agdud-is, yesseǧhed-it kter n yeɛdawen-is. 25 Ibeddel ul n imaṣriyen uɣalen kerhen agdud-is, leḥḥun i yiqeddacen-is s lexdeɛ. 26 Iceggeɛ-d aqeddac-is Musa, aked Harun i gextar. 27 S tezmert-is xedmen licarat di tlemmast-nsen, aked leɛǧayeb di tmurt n Cam. 28 Iceggeɛ-d tillas dɣa yeɣli-d ṭṭlam yernu ur rẓin ara awal-is. 29 Yerra aman-nsen d idammen, mmuten iselman-nsen. 30 Teččur tmurt-nsen s imqerqren, wwḍen armi d axxam n ugellid-nsen. 31 Yefka-d lamer dɣa ters-d taggent aked tizitt ɣef tmurt merra. 32 Deg wemkan n ugeffur ifka-yasen-d igedrez, iḥeǧǧuǧa n tmes di tmurt merra. 33 Yewwet tiferranin-nsen d tneqlin-nsen, yerẓa ttjur n tmurt-nsen. 34 Yumer-d, dɣa yers-d wejrad d yemqercen mebla leḥsab, 35 Sbelɛen akk leḥcic n tmurt-nsen rnan lfakya n wakal-nsen. 36 Yewwet s lmut akk imenza n twaculin n tmurt-nsen, tiṣenṭiyin n tezmert-nsen. 37 Yessufeɣ-d agdud-is s wuraɣ d lfeṭṭa, ula d yiwen ur yemḍerkal deg iderman-is. 38 Maṣer tefreḥ s tuffɣa-nsen, axaṭer rrehba-nsen teɣli-d fell-as. 39 Iḍleq agu iwakken ad ten-isdari, aked ttmes akken ad ifeǧǧeǧ yiḍ. 40 Mi s-ssutren ifka-yasen-d tijerriwin, isserwa-ten s weɣrum n igenni. 41 Iceqqeq aẓru feggḍen-d waman, ttazzalen am wasif deg uqerqaḥ, 42 axaṭer ur yettu ara awal-is iqedsen d Ibrahim, aqeddac-is. 43 Yessufeɣ-d agdud-is di lfeṛḥ, ufrinen-is s tiẓẓifin n lferḥ. 44 Ifka-yasen timura n leǧnas, ɣellten axeddim n yegduden, 45 Iwakken ad ddun s lumurat-is, ad ḥerzen ṭawrat-is. Ḥemdet Ameɣlal!
!
