99
Ssiɛlit Ameɣlal ! 1 Ameɣlal d agellid, igduden ttargigin, yeṣṣelṭen ɣef lmalayek uqriben, lqaɛa tenquqel! 2 Ameɣlal d ameqqran di Siyun, d netta i geɛlayen nnig yegduden merra. 3 Ad sfugglen isem-ik meqqren muhaben! D imqeddes i gella! 4 Ad sfuglen tazmert n ugellid iḥemmlen lḥeq, d kečč i greṣṣan ṣṣwab, d kečč i gesbeddayen lḥeq d teɣdemt di Israil. 5 Ssiɛlit Ameɣlal, Illu-nneɣ, seǧdet zdat n tkeddart-is! D imqeddes i gella. 6 Musa d Haun ger lmuqeddmin-is d Camwil ger wid ineddhen s yisem-is, nedhen i Umeɣlal dɣa yerra-yasen-d. 7 Ihder-asen-d di tsalalt n usigna, ḥerzen lewṣayat-is, d lqanun i sen-d yefka. 8 Ay Ameɣlal, Illu-nneɣ, d kečč i sen-d yerran. Telliḍ-asen d Illu n ssmaḥ, meɛna d win i d-yettaran ttar si lefɛayel-nsen. 9 Ssiɛlit Ameɣlal, Illu-nneɣ, seǧdet deg wedrar-is iqedsen! axaṭer d imqeddes i gella, Umeɣlal, Illu-nneɣ!
100
Nekni d agdud-is.
1Ahellil i lḥemd. Iẓẓif s lferḥ i Umeɣlal a lqaɛa merra! 2 Qedcet i Umeɣlal s lferḥ, asset-d ɣer zdat-es s ccnawi n lferḥ. 3 Ḥsut belli Ameɣlal d Illu. d netta i ɣ-d-ixelqen, nekni yines, d agdud-is, d taqeḍɛit n walma-as. 4 Kecmet di tewwura-ines s ccekran, deg fergan-is s leḥmadi! sfuglet-tt, barket isem-is! 5 Axaṭer Ameɣlal yelha, rreḥma-s tettdum i lebda, takdit-is si lǧil ɣer lǧil.
101
Agellid ibed mgal ccer. 1 Ahellil n Dawed. Ad cnuɣ ɣef rreḥma d uzaraf, i lmend-ik ay Ameɣlal ad helleleɣ. 2 Ad ḍefreɣ abrid n wid i teddun s ṣṣfa, melmi ara d-taseḍ ɣur-i ? ad edduɣ s wul yesfan deg wexxam-iw. 3 Ur ttɛemmideɣ ara ad ersent wallen-iw ɣef wayen n diri; kerheɣ ayen xeddmen ixeddaɛen, ur iyi-d-ittanṭaḍ ara. 4 Ul amedɣul ad iwexxer fell-i, ur ttissineɣ ara ccer. 5 win ara yewten deg wayeḍ s tuffra, ad-as-qeḍɛeɣ lmenṭeq; win yessalayen iman-is yerna yeččur wul-is d ssux, ur tqebbeleɣ-ara. 6 Allen-iw ad reṣṣint ɣef imekdiyen n tmurt, iwakken ad ilin ɣer tama-w; win iteddun s ṣṣfa ad yili d aqeddac-iw. 7 win iteddun s lexdeɛ ur izeddeɣ ara deg wexxam-iw, win iheddren s lekdeb ur ittbedday ara zdat wallen-iw. 8 Yal ṣṣbeḥ ad qeḍɛeɣ lmenṭeq i yemcumen akk n tmurt, iwakken ad kkseɣ si temdint n Umeɣlal wid akk ixeddmen lbaṭel.
102
Taẓallit n umeɣbun. 1 Taẓallit n yiwen umeɣbun ifeclen, ittcetkin i Umeɣlal. 2 Ay Ameɣlal ḥess-d i tẓallit-iw, ssarmeɣ ad n-taweḍ tiɣri-w alamma d ɣur-k. 3 Ur tteffer ara udem-ik fell-i deg wass n ccedda-w! efk-iyi-d tameẓẓuɣt ass i deg ara k-n-ssiwleɣ! ɣiwel err-iyi-d ! 4 Ussan-iw ufgen am dduxan, iɣsan-iw rɣan am yirig; 5 Ul-iw yettwet yeqqur am lecic, tettuɣ ad ččeɣ ula d aɣrum-iw. 6 Si lketra n unazeɛ, yenṭeḍ yiɣes-iw d weglim-iw. 7 Cbiɣ tagerfa* n uneẓruf, uɣaleɣ am bururu n ixerban. 8 Ur gganeɣ ara, uɣaleɣ am iẓiwec awḥid ɣef ssqef. 9 Ass kamel iɛdawen-iw ttɛayaren-iyi, wid iyi kerhen ssexdamen isem-iw i nneɛlat. 10 Deg wemkan n werum tetteɣ iɣiɣden, imeṭṭawen-iw xelḍen d tissit-iw. 11 ɣef ddemma n wurrif-ik d zzaɛf-inek, axaṭer teddmeḍ-iyi tegreḍ-iyi. 12 Ussan-iw ttɛeddin am tili, nekk ttɣareɣ am leḥcic. 13 Meɛna kečč, ay Ameɣlal! tḥekmeḍ i dayem, ad tettunebdareḍ si lǧil ɣer lǧil. 14 Ad d-tekreḍ, ad tiḥnineḍ ɣef Siyun; axaṭer d lawan ad tḥuneḍ fell-as, yewweḍ-d lweqt ilaqen. 15 Iqeddacen-ik ḥemmlen iẓra-ines, yettɣaḍ-iten wakal-is. 16 Imiren Leǧnas ad aggaden isem n Umeɣlal, igelliden akk n ddunit tmanegt-ik. 17 S tidett
Ameɣlal iɛawed lebni n Siyun, iban-d di tmanegt-is. 18 Ad yezzi ɣer tẓallit n umeḥqur, ur iḥeqqer ara ddeɛwat-is. 19 Ayagi ad yettwajerred i lǧil i d-iteddun, agdud ara d-yettwaxelqen ad yeḥmed Ameɣlal. 20 Axaṭer issaked-d seg umkan-is iqedsen ɛlayen, seg igenwan Ameɣlal ittmuqul-ed ɣer lqaɛa. 21 Iwakken ad issemḥes i wnazaɛ n umeḥbus, ad issukes wid i tettxatal lmut. 22 S wakka ad berrḥen s yisem n Umeɣlal di Siyun, d leḥmadi-ines di Yirucalim, 23 Mi ara nnejmaɛen yegduden s tdukli, d tgeldiwin, iwakken ad ɛebden Ameɣlal. 24 Deg webrid yerẓa tazmert-iw, yessewzel deg wussan-iw. 25 Nniɣ: Ay Illu-iw ur yi-ttawi ara di lemmast n wussan-iw, kečč iseggasen-ik ttdumun si lǧil ɣer lǧil. 26 Zik-nni tesserseḍ lsas i lqaɛa, igenwan d lxedma n ufus-ik. 27 Nutni ad fnun, ma d kečč ad tdumeḍ, ad hfun merra am uceṭṭiḍ, ad ten-tbeddleḍ am llebsa, dɣa ad nbeddalen. 28 Lamena kečč ur tettbeddileḍ ara, iseggasen-ik ur keffun ara. 29 Araw n iqeddacen-ik ad ɛmren, ccetla-nsen ad tressi zdat-k.
Ssiɛlit Ameɣlal ! 1 Ameɣlal d agellid, igduden ttargigin, yeṣṣelṭen ɣef lmalayek uqriben, lqaɛa tenquqel! 2 Ameɣlal d ameqqran di Siyun, d netta i geɛlayen nnig yegduden merra. 3 Ad sfugglen isem-ik meqqren muhaben! D imqeddes i gella! 4 Ad sfuglen tazmert n ugellid iḥemmlen lḥeq, d kečč i greṣṣan ṣṣwab, d kečč i gesbeddayen lḥeq d teɣdemt di Israil. 5 Ssiɛlit Ameɣlal, Illu-nneɣ, seǧdet zdat n tkeddart-is! D imqeddes i gella. 6 Musa d Haun ger lmuqeddmin-is d Camwil ger wid ineddhen s yisem-is, nedhen i Umeɣlal dɣa yerra-yasen-d. 7 Ihder-asen-d di tsalalt n usigna, ḥerzen lewṣayat-is, d lqanun i sen-d yefka. 8 Ay Ameɣlal, Illu-nneɣ, d kečč i sen-d yerran. Telliḍ-asen d Illu n ssmaḥ, meɛna d win i d-yettaran ttar si lefɛayel-nsen. 9 Ssiɛlit Ameɣlal, Illu-nneɣ, seǧdet deg wedrar-is iqedsen! axaṭer d imqeddes i gella, Umeɣlal, Illu-nneɣ!
100
Nekni d agdud-is.
1Ahellil i lḥemd. Iẓẓif s lferḥ i Umeɣlal a lqaɛa merra! 2 Qedcet i Umeɣlal s lferḥ, asset-d ɣer zdat-es s ccnawi n lferḥ. 3 Ḥsut belli Ameɣlal d Illu. d netta i ɣ-d-ixelqen, nekni yines, d agdud-is, d taqeḍɛit n walma-as. 4 Kecmet di tewwura-ines s ccekran, deg fergan-is s leḥmadi! sfuglet-tt, barket isem-is! 5 Axaṭer Ameɣlal yelha, rreḥma-s tettdum i lebda, takdit-is si lǧil ɣer lǧil.
101
Agellid ibed mgal ccer. 1 Ahellil n Dawed. Ad cnuɣ ɣef rreḥma d uzaraf, i lmend-ik ay Ameɣlal ad helleleɣ. 2 Ad ḍefreɣ abrid n wid i teddun s ṣṣfa, melmi ara d-taseḍ ɣur-i ? ad edduɣ s wul yesfan deg wexxam-iw. 3 Ur ttɛemmideɣ ara ad ersent wallen-iw ɣef wayen n diri; kerheɣ ayen xeddmen ixeddaɛen, ur iyi-d-ittanṭaḍ ara. 4 Ul amedɣul ad iwexxer fell-i, ur ttissineɣ ara ccer. 5 win ara yewten deg wayeḍ s tuffra, ad-as-qeḍɛeɣ lmenṭeq; win yessalayen iman-is yerna yeččur wul-is d ssux, ur tqebbeleɣ-ara. 6 Allen-iw ad reṣṣint ɣef imekdiyen n tmurt, iwakken ad ilin ɣer tama-w; win iteddun s ṣṣfa ad yili d aqeddac-iw. 7 win iteddun s lexdeɛ ur izeddeɣ ara deg wexxam-iw, win iheddren s lekdeb ur ittbedday ara zdat wallen-iw. 8 Yal ṣṣbeḥ ad qeḍɛeɣ lmenṭeq i yemcumen akk n tmurt, iwakken ad kkseɣ si temdint n Umeɣlal wid akk ixeddmen lbaṭel.
102
Taẓallit n umeɣbun. 1 Taẓallit n yiwen umeɣbun ifeclen, ittcetkin i Umeɣlal. 2 Ay Ameɣlal ḥess-d i tẓallit-iw, ssarmeɣ ad n-taweḍ tiɣri-w alamma d ɣur-k. 3 Ur tteffer ara udem-ik fell-i deg wass n ccedda-w! efk-iyi-d tameẓẓuɣt ass i deg ara k-n-ssiwleɣ! ɣiwel err-iyi-d ! 4 Ussan-iw ufgen am dduxan, iɣsan-iw rɣan am yirig; 5 Ul-iw yettwet yeqqur am lecic, tettuɣ ad ččeɣ ula d aɣrum-iw. 6 Si lketra n unazeɛ, yenṭeḍ yiɣes-iw d weglim-iw. 7 Cbiɣ tagerfa* n uneẓruf, uɣaleɣ am bururu n ixerban. 8 Ur gganeɣ ara, uɣaleɣ am iẓiwec awḥid ɣef ssqef. 9 Ass kamel iɛdawen-iw ttɛayaren-iyi, wid iyi kerhen ssexdamen isem-iw i nneɛlat. 10 Deg wemkan n werum tetteɣ iɣiɣden, imeṭṭawen-iw xelḍen d tissit-iw. 11 ɣef ddemma n wurrif-ik d zzaɛf-inek, axaṭer teddmeḍ-iyi tegreḍ-iyi. 12 Ussan-iw ttɛeddin am tili, nekk ttɣareɣ am leḥcic. 13 Meɛna kečč, ay Ameɣlal! tḥekmeḍ i dayem, ad tettunebdareḍ si lǧil ɣer lǧil. 14 Ad d-tekreḍ, ad tiḥnineḍ ɣef Siyun; axaṭer d lawan ad tḥuneḍ fell-as, yewweḍ-d lweqt ilaqen. 15 Iqeddacen-ik ḥemmlen iẓra-ines, yettɣaḍ-iten wakal-is. 16 Imiren Leǧnas ad aggaden isem n Umeɣlal, igelliden akk n ddunit tmanegt-ik. 17 S tidett
Ameɣlal iɛawed lebni n Siyun, iban-d di tmanegt-is. 18 Ad yezzi ɣer tẓallit n umeḥqur, ur iḥeqqer ara ddeɛwat-is. 19 Ayagi ad yettwajerred i lǧil i d-iteddun, agdud ara d-yettwaxelqen ad yeḥmed Ameɣlal. 20 Axaṭer issaked-d seg umkan-is iqedsen ɛlayen, seg igenwan Ameɣlal ittmuqul-ed ɣer lqaɛa. 21 Iwakken ad issemḥes i wnazaɛ n umeḥbus, ad issukes wid i tettxatal lmut. 22 S wakka ad berrḥen s yisem n Umeɣlal di Siyun, d leḥmadi-ines di Yirucalim, 23 Mi ara nnejmaɛen yegduden s tdukli, d tgeldiwin, iwakken ad ɛebden Ameɣlal. 24 Deg webrid yerẓa tazmert-iw, yessewzel deg wussan-iw. 25 Nniɣ: Ay Illu-iw ur yi-ttawi ara di lemmast n wussan-iw, kečč iseggasen-ik ttdumun si lǧil ɣer lǧil. 26 Zik-nni tesserseḍ lsas i lqaɛa, igenwan d lxedma n ufus-ik. 27 Nutni ad fnun, ma d kečč ad tdumeḍ, ad hfun merra am uceṭṭiḍ, ad ten-tbeddleḍ am llebsa, dɣa ad nbeddalen. 28 Lamena kečč ur tettbeddileḍ ara, iseggasen-ik ur keffun ara. 29 Araw n iqeddacen-ik ad ɛmren, ccetla-nsen ad tressi zdat-k.
