96
Ccnut i Umeɣlal ccna ajdid 1 Cnut i Umeɣlal ccna ajdid, cnu i Umeɣlal a ddunit merra ! 2 Cnut i Umeɣlal, barket isem-is, seg ass ɣer wass beccret s leslak-is ! 3 Ḥkut tmanegt-is ger leǧnas, lecɣal-is isteɛǧiben ger yegduden merra. 4 Axaṭer Ameɣlal meqqer, yuklal nezzeh leḥmadi, muhab kter akk n irebbiten. 5 Axaṭer irebbiten akk n yegduden d irebbiten n lekdeb, ma d Ameɣlal ixleq igenwan. 6 Afeǧǧeǧ d tmanegt zdat wudem-is, tazmert d ccbaḥa ččuren afakan-is. 7 Ay iderman n yegduden, erret i Umeɣlal, erret i Umeɣlal tamanegt d tezmert. 8 Fket i Umeɣlal tamanegt yuklal yisem-is, awit-d lewɛadi, kecmet ɣer ifergan-is. 9 Anzet zdat n Umeɣlal s ccbaḥa iqedsen, rgagi zdat-es a lqaɛa merra. 10 Init ger leǧnas : "Ameɣlal d agellid, dimi i treṣṣa ddunit ur teţţenququl ara, Ameɣlal yessizrif igduden s ṣṣwab". 11 Ad ferḥen ihi igenwan, ad tili lqaɛa di rrezg, ad isrugmet lebḥer s wayen akk yellan deg-s. 12 Ad innecraḥ uzaɣar d wayen akk yellan deg-s, ad iẓẓifent tjur n tẓegwa . 13 Zdat n Umeɣlal ! axaṭer iteddu-d, axaṭer iteddud akken ad yessizref lqaɛa, ad yessizref ddunit s teɣdemt, d yegduden s wakken tella n tekdit-is.
97
Ameɣlal d agellid. 1 Ameɣlal d agellid, ad tili
lqaɛa di lferḥ! ad ferḥent tegzirin yegten! 2 Tagut d ṭlam zzin-as, taɣdemt d lḥeqq d lsas n tgeldit-is . 3 Times tetteddu zdat-es, tettett ixṣimen-is i s-d-inḍen. 4 Lebraq-is issaɣ tafat ɣef ddunit, lqaɛa twala dɣa tergagi. 5 Idurar fsin am ccmeɛ zdat Umeɣlal, zdat n Sidi Rebbi Bab n laqaɛa merra. 6 Igenwan ttbecciren s teɣdemt-is, igduden akk ttwalin tamanagt-is. 7 Ad ilin di lḥecma wid akk iɛebbden asebdad, Wid yettzuxxun s irebbiten n lekdeb. Irebbiten akk ad seǧden zdat-es. 8 Siyun tesla s waya dɣa tefreḥ, yessi-s n Yahuda nnecraḥent, ɣef ddemma n izarafen-ik, ay Ameɣlal ! 9 Axaṭer kečč ay Ameɣlal ! d Win Ɛlayen
ɣef laqaɛa merra, ɛlayeḍ nezzeh nnig akk n irebbiten. 10 Kenwi iḥemlen Ameɣlal, kerhet ccer ! iḥerrez tirwiḥin n imekdiyen-is, issukus-iten-id seg ufus n yemcumen. 11 Tafat tezreɛ i wuɣdim, lferḥ i wid iwumi yeṣfa wul. 12 Ay uɣdimen ferḥet s Umeɣlal sfuglet isem-is iqedsen !
98
Hellelet i lmend n Umeɣlal. 1 Cnut i Umeɣlal ccna ajdid! axaṭer yexdem lmuɛǧizat, yewwi-d leslak s uyeffus-is d yiɣil-is iqedsen. 2 Ameɣlal isken-d leslak-is, ibeggen-d taɣdemt-is i wallen n leǧnas. 3 Ur yettu ara rreḥma-s akk d tekdit-is yesɛa ɣer wegdud n wat Isail, ixfawen akk n ddunit walan leslak n Yillu-nneɣ. 4 Iẓẓif s lferḥ i Umeɣlal a lqaɛa merra! ɛegḍet s lferḥ thellelem! 5 Hellelet i lmend n Umeɣlal s snitra, s snitra, s ṣṣut n ihellilen. 6 S lbuqat akk-d ṣṣut n lɣiḍa, ɛegḍet s lferḥ zdat n ugellid, Ameɣlal ! 7 Ad isrugmet lebher d wayen akk yellan deg-s, ddunit d wid i tt-izedɣen. 8 Isaffen ad wten afus, idurar s tdukli ad ɛegḍen s lferḥ, 9 Zdat n Umeɣlal! axaṭer iteddu-d iwakken ad issizref lqaɛa; ad issizref ddunit s teɣdemt, d yegduden s ṣṣwab.
Ccnut i Umeɣlal ccna ajdid 1 Cnut i Umeɣlal ccna ajdid, cnu i Umeɣlal a ddunit merra ! 2 Cnut i Umeɣlal, barket isem-is, seg ass ɣer wass beccret s leslak-is ! 3 Ḥkut tmanegt-is ger leǧnas, lecɣal-is isteɛǧiben ger yegduden merra. 4 Axaṭer Ameɣlal meqqer, yuklal nezzeh leḥmadi, muhab kter akk n irebbiten. 5 Axaṭer irebbiten akk n yegduden d irebbiten n lekdeb, ma d Ameɣlal ixleq igenwan. 6 Afeǧǧeǧ d tmanegt zdat wudem-is, tazmert d ccbaḥa ččuren afakan-is. 7 Ay iderman n yegduden, erret i Umeɣlal, erret i Umeɣlal tamanegt d tezmert. 8 Fket i Umeɣlal tamanegt yuklal yisem-is, awit-d lewɛadi, kecmet ɣer ifergan-is. 9 Anzet zdat n Umeɣlal s ccbaḥa iqedsen, rgagi zdat-es a lqaɛa merra. 10 Init ger leǧnas : "Ameɣlal d agellid, dimi i treṣṣa ddunit ur teţţenququl ara, Ameɣlal yessizrif igduden s ṣṣwab". 11 Ad ferḥen ihi igenwan, ad tili lqaɛa di rrezg, ad isrugmet lebḥer s wayen akk yellan deg-s. 12 Ad innecraḥ uzaɣar d wayen akk yellan deg-s, ad iẓẓifent tjur n tẓegwa . 13 Zdat n Umeɣlal ! axaṭer iteddu-d, axaṭer iteddud akken ad yessizref lqaɛa, ad yessizref ddunit s teɣdemt, d yegduden s wakken tella n tekdit-is.
97
Ameɣlal d agellid. 1 Ameɣlal d agellid, ad tili
lqaɛa di lferḥ! ad ferḥent tegzirin yegten! 2 Tagut d ṭlam zzin-as, taɣdemt d lḥeqq d lsas n tgeldit-is . 3 Times tetteddu zdat-es, tettett ixṣimen-is i s-d-inḍen. 4 Lebraq-is issaɣ tafat ɣef ddunit, lqaɛa twala dɣa tergagi. 5 Idurar fsin am ccmeɛ zdat Umeɣlal, zdat n Sidi Rebbi Bab n laqaɛa merra. 6 Igenwan ttbecciren s teɣdemt-is, igduden akk ttwalin tamanagt-is. 7 Ad ilin di lḥecma wid akk iɛebbden asebdad, Wid yettzuxxun s irebbiten n lekdeb. Irebbiten akk ad seǧden zdat-es. 8 Siyun tesla s waya dɣa tefreḥ, yessi-s n Yahuda nnecraḥent, ɣef ddemma n izarafen-ik, ay Ameɣlal ! 9 Axaṭer kečč ay Ameɣlal ! d Win Ɛlayen
ɣef laqaɛa merra, ɛlayeḍ nezzeh nnig akk n irebbiten. 10 Kenwi iḥemlen Ameɣlal, kerhet ccer ! iḥerrez tirwiḥin n imekdiyen-is, issukus-iten-id seg ufus n yemcumen. 11 Tafat tezreɛ i wuɣdim, lferḥ i wid iwumi yeṣfa wul. 12 Ay uɣdimen ferḥet s Umeɣlal sfuglet isem-is iqedsen !
98
Hellelet i lmend n Umeɣlal. 1 Cnut i Umeɣlal ccna ajdid! axaṭer yexdem lmuɛǧizat, yewwi-d leslak s uyeffus-is d yiɣil-is iqedsen. 2 Ameɣlal isken-d leslak-is, ibeggen-d taɣdemt-is i wallen n leǧnas. 3 Ur yettu ara rreḥma-s akk d tekdit-is yesɛa ɣer wegdud n wat Isail, ixfawen akk n ddunit walan leslak n Yillu-nneɣ. 4 Iẓẓif s lferḥ i Umeɣlal a lqaɛa merra! ɛegḍet s lferḥ thellelem! 5 Hellelet i lmend n Umeɣlal s snitra, s snitra, s ṣṣut n ihellilen. 6 S lbuqat akk-d ṣṣut n lɣiḍa, ɛegḍet s lferḥ zdat n ugellid, Ameɣlal ! 7 Ad isrugmet lebher d wayen akk yellan deg-s, ddunit d wid i tt-izedɣen. 8 Isaffen ad wten afus, idurar s tdukli ad ɛegḍen s lferḥ, 9 Zdat n Umeɣlal! axaṭer iteddu-d iwakken ad issizref lqaɛa; ad issizref ddunit s teɣdemt, d yegduden s ṣṣwab.
